ئه‌ڤرۆ نیۆز، قائید میرۆ
زه‌لامه‌كی هه‌ڤژینا خوه‌ یا دویێ خه‌ندقاند و ره‌ڤی، پۆلیسێن به‌ره‌نگاربوونا توندوتیژیان ژی راگه‌هاند: تومه‌تبارى خوه‌ راده‌ستی پۆلیسانكریه‌ و هه‌مبه‌ر دادوه‌ری دان ب ئه‌نجامدانا تاونێ كریه‌.
ملازمێ ئێكێ رێباز زێوه‌ر، به‌رپرسێ راگه‌هاندنا نڤیسینگه‌ها هه‌ولێرێ یا به‌ره‌نگاربوونا توندوتیژیا دژی ئافره‌تان ب ئه‌ڤرۆ نیۆز راگه‌هاند” ئێڤاریا دوهی ل تاخێ پێنجی حه‌سارۆك ل باژێڕێ هه‌ولێرێ، زه‌لامه‌كی كو خوه‌دیێ دو ژنایه‌، هه‌ڤژینا خوه‌ یا نوو خه‌ندقایه‌، ئه‌ڤ ژنا هاتیه‌ خه‌ندقاندن دوجارا چوویه‌ ناف پڕۆسا هه‌ڤژینیێ و ل زه‌لامێ ئێكێ چه‌ند زارۆیه‌ك هه‌نه‌ و زه‌لامێ دویێ چو زارۆك نینه‌ و پشتی زارۆیێن وێ یێن زه‌لامێ به‌رێ دخواست سه‌ره‌دانا ده‌یكا خۆ بكه‌ن ئێكسه‌ر ته‌رمێ وێ دیتیه‌ و پۆلیس ئاگه‌هداركرینه‌.
ملازم رێبازی گۆتژی”تومه‌تبارى خوه‌ راده‌ستی بنگه‌هێ پۆلیسێن سه‌روه‌رانكریه‌ و هه‌مبه‌ر دادوه‌رێ ڤه‌كۆلینێ دانپێدانكریه‌ كو هه‌ڤژینا خو خه‌ندقاندیه‌ و ب مادده‌یا 406 هاتیه‌ به‌ندكرن و ڤه‌كۆلین به‌رده‌وامن”.

ئه‌ڤرۆ نیوز:

د به‌یاننامه‌كێ دا سه‌رۆكاتیا هه‌رێما كوردستانێ به‌رسڤا راپۆرتا ڤه‌كولینێ یا لژنا كه‌فتنا مووسل دا و د خاله‌كا وێ دا هاتیه‌: پرانیا پرسیارێن وان د بومبرێژكرى بوون و گومانا زور و تومه‌ته‌كا بنڤه‌كیڤه‌ یێن تێدا.

سه‌رۆكاتیا هه‌رێما كوردستانێ ئه‌ڤرۆ د راگه‌هاندنه‌كێ دا سه‌باره‌ت وان پرسیارێن كو لژنا ڤه‌كولینێ ل په‌رله‌مانێ عیراقێ سه‌باره‌ت كه‌تنا مووسل ئاراسته‌ى سه‌رۆك بارزانى كربوون، ئاماژه‌ ب وێ یه‌كێ كریه‌ كو پرسیارێن وان ژ رێییێ ده‌ركه‌فتینه‌ و تومه‌تێن بنڤه‌كیڤه‌ تێدانه‌ ” و گه‌له‌ك دوورن ژ ئه‌گه‌رێن راست یێن كه‌تنا مووسل و چ په‌یوه‌ندى ب مه‌ڤه‌ نینه‌”

ئه‌ڤرۆنیۆز، ئه‌یاد به‌روارى
شانده‌كێ عه‌شیره‌تێن پارێزگه‌ها ئه‌نبارێ نوكه‌ ل واشنتون پایته‌ختێ ئه‌مریكانه‌ بۆ دانوستاندنێ ل گه‌ل رێكخراوا موجاهدی خه‌لق یا به‌رهنگارا ئیرانی د پرسا رێگریێ ل هاتنا میلیشیێن حه‌شد شه‌عبی یێن شیعی بۆ ئه‌نبارێ.
ل دووڤ سایتێ (جاكوج) ژێده‌ره‌كی نێزیك ژ شاندێ عه‌شیره‌تێن ئه‌نبارێ پێ راگه‌هاندیه‌ كو شانده‌كێ موجاهدی خه‌لق به‌رهه‌ڤی هه‌موو كۆمبوونێن شاندێ عه‌شیره‌تێن سونی یێن ئه‌نبارێ ل گه‌ل حوكمه‌تا ئه‌مریكی ل واشنتونێ بوویه‌.
وی ژێده‌رى ئاماژه‌ دایه‌ كو به‌حس ل مه‌شقكرنا چه‌كدارێن وان عه‌شیره‌تان ژلایێ له‌شكرێ ئه‌مریكی ڤه‌ هاتیه‌ كرن، دیسا هێزێن موجاهدی خه‌لق ژى دێ ل گه‌ل هێزێن عه‌شیره‌تێن سونی یێن ئه‌نبارێ دێ به‌لاڤبن بۆ رێگریێ ل هاتنا حه‌شد شه‌عبی بۆ ناڤ ئه‌نبارێ و پڕكرنا وێ ڤالاتیا هێزێن عیراقێ هێلای پشتى خوه‌ڤه‌كێشانا وان ژ ئه‌نبار”.
دهێته‌ زانین ئۆپوزسیۆنا ئیرانێ ل رۆژا شه‌مبیێ 13/6/2015 و ب به‌رهه‌ڤبوونا كه‌سایه‌تیێن ئه‌مریكی و ئۆروپی و عه‌ره‌بی، دێ كونگره‌كی ل دۆر مایتێكرنێن ئیرانێ ل ده‌ڤه‌رێ سازكه‌ت.
موجاهدی خه‌لق مه‌زنترین رێكخراوا به‌رهنگارا ئیرانی یه‌ ل سالا 1965 هاتیه‌ دامه‌زراندن، پشكدارى كربوو د شۆرشا دژى شاهێ ئیرانێ دا ل 1979و پشتى دو سالان ئانكو ل 1981 بۆ رێكخراوه‌كا به‌رهنگارا كومارا ئیسلامی یا ئیرانێ.