ئه‌ڤرۆ نيوز:
به‌خيتار ئه‌مين رێڤه‌به‌رێ گشتيێ وه‌به‌رهێنانێ ل پارێزگه‌ها دهۆكێ بۆ راديۆيا دهۆك راگه‌هاند كو ژ بوو چاره‌كرنا ئه‌و كێماسيێن هه‌ين ل ناڤ يه‌كێن ئاكنجيبوونێ لژنه هاتينه پێكئينان و دووڤچوونا ئه‌وێن نه‌هاتينه چيكرن ژى دكه‌ن.
دا زانين ژى كو ژ نوكه و پێڤه دێ پارێن يه‌كێن بنه‌جهكرنێ ل به‌نكان دانن و هه‌ر ده‌مێ به‌لێنده‌ر يێ پێگير نه‌بوو ب مه‌رجان دێ پاره ژ به‌ر هێنه كوشتن.
ئەڤرۆ نیوز:
مالپەرێ “BuzzFeed” راپۆرتەک بەرھەڤ کریە کو تێدا ئاماژێ ب ئه‌پليكه‌يشنێن گەلەک چڤێل ھاتیە کرن یێن بۆ مۆبایلان ھاتینە کرن کو ژ ھەموویان چڤێلتر ب ناڤێ “Send Me To Heaven” ئانکو من ب ھنێرە بەحەشتێ.
ئەڤ ئه‌پليكه‌يشنە پیڤانا ھاڤێتنا مۆبایلێ دکەت بۆ ئەسمانی کا دێ شێی چەند مۆبایلا خوە بلند کەیە ئەسمانی ب رێیا ھاڤێتنێ و ب تنێ ل سەر سیستەمێ ئەندروید کار دکەت و ئەپل رێ نادەت ئەڤ بەرنامێ چڤێل ل سەر کەرستێن وان کار بکەت و د بازارێ خوە دا نەھێلایە.
ئێک ژ وان کەسێن ئەڤ یاریە بۆ خوە کریە د مۆبایلا خوە دا دبێژیت: “ئەو دێ دووماھی یاری بیت ئەز ب مۆبایلا خوە دکەم، چونکو ئەزێ پشت راستم ئەو کارناکەتەڤە، ئەڤە چ چڤێلیە !”.
ئه‌ڤرۆ نيوز:
ستۆرمى دانيێل، ئه‌كته‌ر و سترێا فلمێن رووت، ب ئۆفه‌ره‌كێ كو ل تۆرێن جڤاكى به‌لاڤكريه، ده‌نگويه‌كێ مه‌زن دروست كر، ده‌ما دبێژيت: “ئاماده‌مه ببمه حورى بۆ خوكوژ و تيرۆرستان، به‌لێ ب مه‌ج”.
دانيێل، د لاپه‌رێ خوه يێ تايبه‌ت ل تۆڕا جڤاكيا فه‌يسبۆكى دنڤيسيت: “دێ سێكسى بێ به‌رامبه‌ر ل گه‌ل خوكوژێن جيهادى كه‌م، ئه‌و ب مه‌ره‌ما گه‌هشتنا ب حوريان كارێن خوكوژى و تيرۆستى ئه‌نجام دده‌ن، ئه‌ز دێ د دنيايێ دا بۆ بمه حوريه‌كا دروست”.
دبێژيت ژى: “ئه‌و ب كارێ خوكوژى چه‌ندين كه‌سان دكوژن دا بگه‌هنه حوريێن خوه، به‌لێ ئه‌ز دێ ل دونيايێ بۆ بمه حورى، ئاماده‌مه ل هه‌ر جهه‌كێ دنيايێ بيت، بۆ ببمه حوريا راسته‌قينه، نه‌كو حوريه‌كا وه‌همى، به‌لێ ب مه‌رجه‌كى كو ئه‌و كه‌س دڤێت ده‌ستا ژ خوكوشتن و په‌قاندنێ به‌رده‌ت”.
ل دووماهيێ ژى بۆ ئه‌ندامێن تيرۆرستنێن داعش دبێژيت: “دێ شه‌ڤه‌كێ بۆ هه‌وه دروست كه‌م، چو جاران ژبير نه‌كه‌ن و چو جاران هه‌وه هزر لێ نه‌كر بيت، ئه‌ز ترانا ناكه‌م، ئه‌ڤه بابه‌ته‌كێ گه‌له‌ك جدى يه”.
ئەڤرۆ نیوز:
سترانبێژا کوردا باکۆرێ کوردستانێ (رێزان) کو کچا ھونەرمەند کازۆیی یە و نوکە ل باژێرێ ئیستەنبۆلێ دژیت بۆ ئەڤرۆ دیار کر: پشتی وێ ئەلبۆما خوە یا نوو ئەوا کو ژ ١٤ تراکان پێک دھات ل ھەیاما بۆری بەلاڤکری و دو ستران ژێ کلیپ کرین ئەو ژ کارێ سترانگۆتنێ دوور نەکەفتیە و نوکە بەرھەڤیان دکەت بۆ کلیپکرنا دو سترانێن دی ژ وێ ئەلبۆمێ، و گۆت: ب دیتنا من ئەو سترانبێژێ بۆ مالباتا خوە یان کەسەکی بتنێ سترانان بێژیت یێ خەلەتە.
ھەروەسا ناڤھاتیێ گۆت: کاودانێن نوکە ھەرێما کوردستانێ تێدا دبۆریت نە بووینە ئەگەر کو ئەز نەھێمە کوردستانێ، بەلکو ل دەستپێکا ڤان کاودانان بۆ سەر ھەرێما کوردستانێ ئەز ھاتبوومە باژێرێ دھۆکێ و ئەز ل سەنگەرێن پێشمەرگەیی بووم و من سترانەک بۆ پێشمەرگەیێ قەھرەمان کلیپکر و نوکە ژی ئەز یا بەرھەڤم بھێمە د ناڤ سەنگەرێن پێشمەرگەیی دا و بەرەڤانیێ ژ ئاخا کوردستانێ بکەم.
د لایەکێ دی دا ناڤبریێ گۆت: نوزانم بۆچی ئەلبۆما من یا نوو ل دھۆکێ یا کێمە، بەلێ ل دەمەکێ نێزیک ئەز دێ ل گەل وێ کۆمپانیا ئەلبۆما من بەلاڤکری ئاخفم کو ل دھۆکێ ژی ب شێوەیەکێ باش بھێتە بەلاڤکرن دا کو حەز ژێکەرێن دەنگێ من ل دھۆکێ ژی ژ ئەلبۆما من بێ بەھر نەبن.
ل دووماھیێ رێزان دبێژیت: ئەز گەلەک حەز ژ خەلکێ دھۆکێ دکەم و دھۆکێ تایبەتمەندیا خوە ل دەف من ھەیە ژ بەر ڤێ چەندێ حەز دکەم بھێمە دھۆکێ و کۆنسێرتان بۆ خەلکێ دھۆکێ و پێشمەرگێ قەھرەمان ب گێرم.
ئێك ژ سترانێن وێ:
ئەڤرۆ:
سترانبێژا ناڤدارا لوبنانی (نەوال زۆغبی) بێزاریا خوە ھەمبەر وێ نووچەی دیارکر کو ل رۆژێن بۆری کەنالەکێ تەلەفزیۆنی راگەھاند بوو، ئەوێ گریبەستەک ل گەل کۆمپانیەکا بەرھەم ئینانا فلمان مۆرکریە و ب گۆرەی وێ گرێبەستێ دێ پشکداریێ د فلمەکێ سینەمایی دا کەت.
نەوالێ گۆت: دژیێ ١٥ سالیێ دا من ب سترانێ دەستپێکریە و ھەتا دمرم ژی دێ ل گەل سترانێ یا بەردەوام بم و نە نوکە و نە بەری بیست سالان من ھزر دوێ چەندێ دا نەکریە کو ببمە زارڤەکەر، چونکو ئەڤە نەکارێ منە و کارێ من بەس سترانگۆتنە و ئەو ناما من دڤێت بگەھینم دشێم ب تنێ درێیا سترانێ دا بگەھینم.
ل دووماھیێ گۆت: ئەو کەنالێ ئەڤ پەیامە بەلاڤکری ئاماژە ب چو ژێدەران نەدایە، ئانکۆ پەیامەکێ بێ بنەمایە و بتنێ بۆ زانیین دێ بێژم بەری چەندەکێ دەرھێنەرەکی ئەڤ داخوازە ژمن ھاتبوو کرن، لێ ھەر ژ رۆژا ئێکێ من رەد کربوو.
ئه‌ڤرۆ نيوز:
گۆڤارا “زانستێ دەروونی” یا ئەلمانی ھندەک ھوویێن بەرسینگگرتنا خەمۆکیێ بەلاڤکرینە ئەوا ژن پشتی زارۆبوونێ تووش دبیتێ، گۆڤارێ ئاشکرا کریە کو دشیان دایە مرۆڤ بەرسینگێ خەمۆکیا پشتی زارۆبوونێ بگریت ب رێیا ھندەک پێرابوونێن سڤک، بەری ھەمی تشتان ژی شیردانا سروشتی کو لەشێ وێ ب ڤێ چەندێ ھورمۆنێ “ئوکسیتوسین” و ھورمۆنێ ” پرولاکتین” بەرددەت کو ھەردو ھورمۆن ترسێ سڤک دکەن و وێ ژ خەمۆکیێ دپارێزن.
ھەروەسا راوەستیانا ل بەر تیشکا رۆژێ ھاریکاریا لەشی دکەت بۆ دروستکرنا ڤیتامین D کو ئەو ژنێ ژ خەمۆکیێ دپارێزیت. زێدەباری ڤێ چەندێ پشتەڤانیا ھەڤژینی و خێزانێ رۆلەکێ گرنگ دگێرن بۆ بەرسینگگرتنا خەمۆکیا پشتی زارۆبوونێ.
ئه‌ڤرۆ نيوز:
ئەرێ ئەڤینیێ نیشان ھەنە؟ شارەزا دبێژن: بەلێ، دێم و سەروسیما و رەفتار عاشقان ئاشکرا دکەن. د ڤان رێزکێن بھێن دا دێ شەش نیشانان دیار کەین کو شارەزایا ھەڤبەندیان “ئەلما براون” دیار دکەت دا بزانی کا ھەڤالا تە ب نھێنی کەتیە داڤێن ئەڤینێ؟
بەرسڤا تەلەفۆنان ل نک تە نادەت:ھەکە تە تێ ئینا دەر کو ھەڤالا تە یا نێزیک تەلەفۆنێ ڤەدشێریت یان بەرسڤا تەلەفۆنێ ل نک تە نادەت و دودل دبیت، و ھەکە ئەڤ شێوازە ل نک وێ یێ نوو بیت و ژ قەستا بەرسڤێ نادەت و پاشی نامەکێ دھنێریت، ئەڤە نیشانا ئەڤینیێ یە.
دەنگێ وێ دھێتە گوھارتن: کچ دەمێ ئەڤینیێ دکەن سحبەتێ ب دەنگەکێ نەرم و دلینی ل گەل ئەڤیندارێ خوە دکەن، ھەکە ھەڤالا تە بەرسڤا تەلەفۆنێ دا و دەنگێ خوە نزم کر، بەرێخوە بدە دەربرینا دێمێ وێ، ھەکە ب شەرمینی گرنژی و ب نەرمی سحبەت کر ئەو جھێ گۆمانێ یە.
سحبەتێن ئەڤینیێ دگوھۆریت: ھەکە تو ئەو گەلەک ھەڤالێن ئێک بن و ھوون دفێربن بەحسێ چیرۆکێن ئەڤینیێ و دووماھیک فلمێن دلداریێ بکەن وەکو گەلەک کچان، دێ بینی کو ئەو گرنگیێ نادەتە وان چیرۆکان وەکو بەرێ، چونکو ئەو دبینیت چیرۆکێن راست باشترن، ئەو ھزر د چیرۆکا خوە دا دکەت.
گەلەک ب شول دکەڤیت و داخوازا لێبۆرینان دکەت: ئەو ھەڤالا تەیا نێزیک یا تو ھەرۆژ دبینی، دێ ب شول کەڤیت و ھەڤبەندیێن وێ ل گەل تە دێ کێم بن، چونکو ئەو دێ بزاڤێ کەت نیشانێن ئەڤینێ ل نک خوە ڤەشێریت.
گەلەک ب سەروسیما و بەژن و بالا خوەڤە یا مژوولە: ھەکە ھەڤالا تە د چیرۆکەکا ئەڤینیێ دا بژیت، دێ بینی ئەو گەلەک پویتەی ددەتە سەروسیمایێ خوە و ئێدێ دلێ وێ ناچیتە خوارنێ.
یا ب گرنژینە: دێ بینی یا بکەیفە و گەلەک دگرنژیت و بەردەوام.
ئه‌ڤرۆ نيوز:
یا باشە مرۆڤ خوارنا گوندۆری ل وەرزێ ھاڤینێ پشتگوە نەھاڤێژیت ژ بەر تاما وی یا خۆش و مفایێن وی ل سەر ساخلەمیا مرۆڤی و بتایبەت پیستی چونکو ئەو پیستێ مرۆڤی ژ تیشکا رۆژێ یا دژوار دپارێزیت، ھەروەسا یێ ھاریکارە بۆ چارەکرنا ھەودانێن پیستی، و تەڕاتیێن پێدڤی ددەتە لەشی کو ژ بەر بلندبوونا پلێن گەرمێ لەش گەلەک تەڕاتیان ژدەست ددەت، لەورا گوندۆر دبیتە باشترین فێقیێ ھاڤینێ.
ئەڤە ژی باشترین مفایێن گوندۆری نە:
گوندۆر یێ ھاریکارە بۆ پاقژکرنا لەشی ژ کەرستێن ژەھراوی و یێن زێدە، ژ بەر ڤێ چەندێ پیستێ مرۆڤی جوان دکەت.
کەرستێ “کولاجین” یێ د ناڤ گوندۆری دا کو پێکھاتەکێ پرۆتینیە و باندۆرەکا ئەرێنی ل سەر سلامەتیا ئاڤاکرنا شانێن لەشی جکەت و نیشانێن پیراتیێ گیرۆ دکەت، لەورا رۆژانە ھندەک کیزیێن گوندۆری بخۆ دا گەنجاتیا خوە بپارێزی.
دانانا ھندەک کیزیێن گوندۆری ل سەر جھێن قورمچی بۆ دەمێ دەقیقان، دێ جوان کەت و حولی کەت، چونکو ئەو دێ بەرھنگاریا نیشانێن پیراتیێ کەت و تە ھێلیت ھەر یێ گەنج.
ئاڤا گوندۆری ئەوا د ناڤ دا کار بۆ پاقژکرنا سەروچاڤان دکەت ژ راڤان و پنیان، وێ ئاڤێ بۆ دەیقان دانە سەر دێمێ خوە و پاشی ب ئاڤا سار بشۆ.
گوندۆر بۆ چێکرنا کریمێن تایبەت ب تەڕکرنا پیستی دھێتە بکارئینان، لەورا تو دشێی بۆ بەرھنگاریا ھشکبوونا سەروچاڤان بکاربینی و دا ئەو پنیێن تیشکا رۆژێ ل سەر دێمێ تە چێکرین نەمینن.
ڤێ ھاڤینێ بۆ خوە بدەلیڤە بزانە و خوارنا گوندۆری ژ خوە نەکە و بلا رۆژانە ل گەل خوارنا تە ھەبیت دا جوانیا خوە ل ھاڤینێ بپارێزی.
نيشاندان