ئەڤرۆ نیوز:
وەزارەتا ساخلەمیا هەرێما کوردستانێ راگەهاند کو دڤێت دایک و باب پتر هشیاری زارۆیێن خوە بن و وان فێری خوەپارێزیێ بکەن، چونکو زارۆ ژی د ماوەیێ ٢٤ هەتا ٤٨ دەمژمێرێن نیشانێن کۆرۆنایێ ل دەف وان دمینن و پاشی زوو باش دبن، لێ زارۆ دبنە ئەگەرێ بەلاڤبوونا کۆرنایێ د ناڤ خێزانێ دا، ژ بەر هندێ ژی گرنگە کو باب و دایک زارۆیێن خوە فێرێ خوەپارێزیێ بکەن.
ئەڤرۆ نیوز، عەلی حاجی :
ب ئامادەبونا هەژمارەکا بەرپرسێن حزبی و حکومی و کەسایەتیێن دەڤەرێ و جەماوەرەکێ باش چل روژیا شڤان شێخو کارگێر و بەرپرسێ بەری نوکە یێ نڤێسینگەها جەماوەری ل لقا هەشت یا پارتی دیموکراتی کوردستان.
د پەیڤەکێ دا عەلی عەونی بەرپرسێ لقا هەشت یا پارتی دیموکراتی کوردستان گۆت: (ژ دەستدانا رەحمەتیێ شڤان شێخو خوسارەتیەکا مەزن بوو ژبەر کو د درێژاهیا ژیێ خوە دا خزمەتەکا بەرچاڤ کری یە د رێزێن ئێکەتیا قوتابیێن کوردستانێ و هێزێن پێشمەرگە و حزبێن پارتی دیموکراتی کوردستان دا،ژبەر وێ خزمەتا ناڤهاتی د پێناڤی نیشتیمان پەروەریێ دا کری گیان ژ دەست دانا وی خەمەکا گران دناڤ تەخ و چینێن جودا دا پەیدا کر لەورا دێ دوپاتیێ ژی ل وێ چەندێ کەین دێ بەردەوامی ب وێ رێبازێ هێتە دان یا کو ب سەدان قارەمانێن ڤی مللەتی پێخەمەتی دوزا رەوایا کوردی گیانێ خوو گوری کرین و دناڤ رێزێن پارتی دیموکراتی کوردستان ب سەدان سەرکردە هەنە کو بەردەوامیێ بدەنە رێبازا پیروزا کوردایەتیێ،شڤان شێخو ئێک ژ وان کەسان بوو یێ بەردەوام هەستا نیشتیمان پەروەریێ ل دەف هەیی و بەردەوام ژی خزمەت پێناڤی مللەتێ خوە دا دکر).
ل دوماهیێ گۆت ژی ئەم سوزێ ددەین ئەو رێیا شڤان شێخو ل پێخەمەتی دوزا مللەتێ خوە دا بەردەوامی دایێ دێ بەردەوامیێ دەینێ و هەمی هیڤیێن د ناخێ رەحمەتی دا د ناخێ هەر کوردەکێ دل سوز دایە و دڤێت ژی بەردەوام بین ل سەر خەباتەکا رەوا و دروست.
ئەڤرۆ نیوز، عەلی حاجی :
ل كەمپێن ئاوارەیێن ئێزدیان ل باژێرێ زاخۆ خوەپیشاندان ل دژی هەبوونا هێزێن دەرەكی و نەیاسایی و ب مەرەما پشتەڤاتیكرن ل رێكکەڤتنا دناڤبەرا حكومەتێن كوردستانێ و عێراقێ دا هاتنە ئەنجام دان و خوەپیشاندەران ژی داخازا جێبەجێكرنا رێكکەڤتنێ دكرن .
فێسەل خانەسوری ئێك ژ چالاكڤانێن ئێزدیان ل كەپا چەمشكو بۆ روژناما ئەڤرۆ گۆت: (خوەپیشاندانا هاتیە كرن ب پشكداریا ئاوارەیێن هەر ئێك ژ كەمپێن بێرسڤ ئێك و دوو و دەركار و چەمشكو و باجد كەندالا بوو،ئەڤ خوە پیشاندان ژی ب مەەرما پشتەڤانیكرن بوو ل رێكەڤتنا دناڤبەرا حكومەتێن كوردستانێ و عێراقێ بوو كو تێدا خوە پیشاندەران داخازا جێبەجێكرنا وێ رێكەڤتنێ دكرن و زێدەباری هندێ ژی داخازا دەرچوونا هێزێن پەكەكێ و حەشدا شەعبی ل دەڤەرێن خوە دكرن ژبەر هەبونا وان هێزان هەتا نوكە خەلكێن شنگالێ نەشیاینە ڤەگەرنە سەر مالێن خوە بەلێ هەكە ئەو دوو هێزە دەڤەرێن مە چول بكەن بێگومان ژلایێ حكومەت و رێكخراوێن بیانی دێ ئاڤەدانی كەڤیتە شنگالێ و دەوروبەرێن وێ) .
ناڤهاتی ئەو چەندە ژی گۆت: (ژبەر ئەگەرێن ئەمنی و ئاڤەدانی و نەبونا كارگێریەكا شەرعی هەتا نوكە وەلاتیێن مە نەشیاینە ڤەگەرن بۆ جهێن خوە و خوە پیشاندانا هاتیە ئەنجام دان نەبتنێ ل زاخۆ بوو بەلكو ل كەمپێن شاریا و هەتا شنگالێ ل دەڤ مەزارێ شێخ شەرفەدینی ژی هاتنە ئەنجام دان و زێدەتر ژ هەر دەمەكێ خەلكێ شنگالێ دخازن ڤەگەرن سەر جهێن خوە پشتی شەش سالێن دژوار د ئاوارەیێ دا دەرباز كرین و ئێدی خەلكێ ناخازیت ئاوارە بیت) .
ئەڤرۆ نیوز:
وەزارەتا ساخله‌میا هەرێما کوردستانێ: د ٢٤ ده‌مژمێرێن بورى دا، ٩٩٧ کەسێن دیتر تووشی ڤایرۆسێ کۆرۆنایێ بووینه.
وەزارەتا ساخله‌میا هەرێما کوردستانێ دیار كریه، د ٢٤ ده‌مژمێرێن بورى دا، ٩٩٧ کەس تووشی ڤایرۆسێ کۆرۆنایێ بووینه و ژ وان ژى، ١٥٩ ل سلێمانیێ، ٣٤٢ ل دهۆکێ، ٤٠ ل گەرمیان، ٣٠ کەس ل راپەڕین و ل هەلەبجە ژى ٢٠ كه‌س تووش بووینه.
دیسان ٤٣٠ تووشبوویێن دیتر ل دهۆكىێ باش بووینه، دیسان ٣٣ تووشبوویان وه‌غه‌ر كریه.
هه‌تا نوكه ٨٢ هزار و ٦٠٥ کەس تووشی ڤایرۆسێ کۆرۆنایێ بووینه، هه‌روه‌سا ٥١ هزار و ٦٨٠ کەس باشبوونەتەوە و دو هزار و ٦١٦ کەسان وه‌غه‌ركریه.
ئەڤرۆ نیوز:
ئه‌ڤرۆ سەرۆکایەتیا کۆماریا تورکیا بریاره‌ك دەرکر و تێدا ئاماژە ب هندێ دایه، کو سەرۆکێ بانکا ناڤەندیا تورکیا، مورات ئویسال ژ پۆستێ وى هاتیه لادان و ل جهێ وى سەرۆکێ رێڤه‌برنا ستراتیجی و بوودجەى ژ سەرۆکاتیا کۆمارى ڤه، ناجی ئاغبال هاتیه دەست نیشانکرن.
لدووڤ وێ بڕیارێ كو ژ ئالیێ سەرۆكکۆمارێ تورکیا، رەجەب تەیب ئەردۆغانى ڤه هاتیه ئیمزا كرن، ل جهی ناجی ئاغبال، ئیبراھیم شنل وەکو سەرۆکێ رێڤەبرنا ستراتیجی و بوودجەى ل سەرۆکاتیا کۆمارى هاتیه دەست نیشانکرن.
ئەڤرۆ نیوز:
ب بریارا جڤاتا بلند یا ئاساییشا نەتەوەیا ئیرانێ هەموو گوندێن سنورى یێن باژێرێ سەردەشتێ ل روژهەلاتێ كوردستانێ دهێنە چولكرن ل وان دەڤەرێن لێكدانێن سۆپایێ پاسداران و گروپێن چەكدارێن كوردان تێدا روو دایە.
فەرماندارێ هێزێن سنورى ل سەردەشتێ گوتیە: چولكرنا وان گوندان ب بریارا جڤاتا ئاسایشا نەتەوەییە و نابیت خه‌لك بمیننه ل سه‌ور وان گوندان.
هەروەسا جڤاتا ئاساییشا نه‌ته‌وه‌یى، داخواز ژ هەموو پارێزگەهان كریه گوندێن سنوری چول بكەن و نه‌میننه ل سه‌ر وان گوندان و ئه‌و ده‌ڤه‌ره بووینه هێلا سور.
كەمال حسێن پور نوونەرێ سەردەشتێ ل پەرلەمانێ ئیرانێ پەیامەكا نەرازیبوونێ بۆ عەلی شەمخانی سكرتێرێ جڤاتا بلندا ئاساییشا نەتەوەیا ئیرانێ هنارتیە و گۆتیه: نابیت ل ژێر ناڤێ رێنمایێن ئاساییشا سنوران بەرژەوەندی و ئاساییشا خەلكێ هەژارێ سنوران بهێتە پشت گوهـ خستن.
ئەڤرۆ نیوز:
کۆمسیۆنا ئێكه‌تیا ئورۆپا پێشبینیێن خوه یێن ئابووریی ده‌ربارەی چالاکیێن ئابووری ل وێ ده‌ڤه‌رێ به‌لاڤه كریه، تێدا هاتییە ئابوورێ ده‌ڤه‌را یۆرۆ هه‌تا 2022 بۆ 2023 ناڤه‌گەریتەڤە بەرى ئاستێ به‌لاڤبوونا په‌ژیكا کۆرۆنایێ.
کۆمسیۆنا ئێکه‌تیا ئورۆپا 2022 وەک نێزیکترین ده‌م بۆ گەشه‌كرنا ئابووری دیارکریە و پێشبینی كریه، ئه‌ڤ ساله دێ ئابوورێ ده‌ڤه‌را یۆرۆی ب رێژا %7.8 داکەڤیت، ل دو سالێن بهێت دێ ده‌ست ب گەشەكرنێ كه‌ت، گۆتیى ژى: دێ ئابوورێ ڤێ ده‌ڤه‌رێ مه‌زنترین داکەفتنێ د مێژوویا ئێکه‌تیا ئورۆپا دا تۆمار كه‌ت.
ئەڤرۆ نیوز:
د ئۆپه‌راسیۆنه‌كێ دا ل به‌غدا یا پایته‌ختێ ئیراقێ، ئامیرەكێ چاپكرنا پارەیى و كوژمەكێ مەزن یێ پارەیى ل دەڤەرەكا بەغدا هاتینە دەستەسەر كرن.
یەحیا رەسول پەیڤدارێ هێزێن چەكدارێن ئیراقێ دیار كریه: هێزێن وان پتر ژ 13 ملیار دیناران و چاپخانەكا چاپكرن و سەختەكرنا پارێ ئیراقی ل دەڤەرەكا بەغدا ده‌سته‌سه‌ر كرینه.
ناڤهاتى گۆتیه ژى: ئەو چاپخانا پاره‌ى ل دەڤەرا شالجیە هاتییە دیتن و پتر ژ 13 ملیار دینارێن ئیراقی و 23 هزار دۆلارێن ئەمریكی ژی هاتینە دەستەسەر كرن.
ئەڤرۆ نیوز:
ئەندامه‌كێ جڤاتا نوونورێن عیراقێ دیار كر: جڤاتا نوونه‌رێن ئیراقێ دێ قانوونا قه‌ران ده‌ربازكه‌ت، هه‌كه كوژمێ قه‌ران 10 ترلیۆن دینار بن.
ئەندامێ جڤاتا نوونه‌رێن عیراقێ راگه‌هاند: حكومەتا كازمی داخوازا قەرزه‌كێ 41 ترلیۆن دیناران كریه و داخواز دكه‌ت پەرلەمان پەسەند بكه‌ت.
باسم خه‌شان زێده‌تر دبێژیت: هه‌كه ئه‌و قه‌ره بۆ 10 ترلتۆن دیناران بهێنه كێمكرن، دێ پەرلەمان پەسەند كه‌ت، بەلێ سیاسەتا دارایی یا سەرۆكوەزیرێن ئیراقێ دڤێت بێ لبه‌ر چاڤگرتنا ره‌وشا عیراقێ درێژێ ب سیاسەتا خوه بده‌ت.
ژ ئه‌نجامێ قەیرانا دارایی و نەبوون پارەى بۆ دابەشكرنا مووچێ فەرمانبەران، حكومەتا عیراقێ داخوازا قەرزه‌كێ 41 ترلیۆن دیناری كریە، بۆ ڤێ مه‌ره‌مێ داخواز ژ پەرلەمانى كریه قانوونا قەران پەسه‌ند بكه‌ت.
ئەڤرۆ جڤاتا نوونەرێن عیراقێ دێ كۆم بیت و لدووڤ بەرنامێ كاری ئه‌ڤ کۆمبوونه دێ گوتۆبێژان ده‌رباره‌ى 12 پڕۆژەقانوون و بابەتان كه‌ت، ژ وان ژى، خواندنا دویێ بۆ پڕۆژە قانوونا پڕکرنا كورتئینانا دارایی.
ئەڤرۆ نیوز:
هێشتا ڤاڤارتنا دەنگان ل چار ویلایەتێن ئێكگرتى یێن ئەمریکا ماینە، ئەو ویلایەتە دێ سەرۆکێ چار سالێن بهێت دیار کەت.
هه‌تا نوکە ل ویلایەتا جۆرجیا 99% یا دەنگان هاتینە ڤاڤارتن و ئه‌ڤ ویلایه‌ته خۆدانا 15 دەنگێن سەرۆکاتیێ یە، نوكه جۆ بایدن ب 4 هزار دەنگان ل پێشیا تره‌مپى یە.
ل ویلایەتا نیڤادا ژی 87% یا دەنگان هاتینە ڤاڤارتن و ئه‌ڤ ویلایه‌ته خۆدانا 6 دەنگێن سەرۆکاتیێ یە، جۆ بایدن ب 22 هزار دەنگان ل پێشیا تره‌مپى یە.
ل ویلایەتا پێنسلڤانیا ژى 99% یا دەنگان هاتینە ڤاڤارتن و ئه‌ڤ ویلایه‌ته خۆدانا 20 دەنگێن سەرۆکاتیێ یە، جۆ بایدن ب 28 هزار دەنگان ل پێشیا تره‌مپى یە.
ب تنێ ل ویلایەتا کارۆلینا باکور ترامپ ل پێشیا بایدنى یە ب 76 هزار دەنگان و ئەو ویلایەتە خۆدانا 15 دەنگێن سەرۆکاتیێ یە.
نيشاندان