ئه‌ڤرۆ نیوز:
ڤیدیو: به‌رشه‌لونه بۆ قاره‌مانا ئوروپا
نووترين نووچه
- سەرۆك بارزانی و نێچیرڤان بارزانی و مەسرور بارزانی سەرەخوەشیێ ل قوربانیێن ئاگرێ توركیا دكەن
- نێچیرڤان بارزانی دوپاتیێ ل پێشڤەبرنا پەیوەندییان ل گەل هۆلەندا دكەت
- سەرۆكێ حوكمەتا هەرێمێ ل گەل چەندین سەركردە و بەرپرسێن وەلاتێن جیهانێ ل داڤۆسێ كۆم دبیت
- شاندێ هەولێرێ و بەغدایێ دوپاتیێ ل چارەسەركرنا كێشەیا مووچەیێ فەرمانبەرێن هەرێمێ دكەن
- هەلوەشاندنا بڕیارێن ڕژێما بەعسا ژناڤچووی پێنگاڤەكا گرنگ و پێدڤی بوو
- سەرۆک بارزانی داخواز کر کو ئاستەنگێن د ناڤبەرا مە و هەسەدێ دا نەهێلین
- سەرۆك بارزانی دوپاتیێ ل ئێكڕێزییا كوردان ل سووریێ دكەت
- قونسلێ ئیتالیا بۆ نێچیرڤان بارزانی: گرنگییێ ب پەیوەندیێن خوە ل گەل هەرێما كوردستانێ د دەین
- ئارمانجا مە پێشئێخستنا ژێرخانەیا ئابوورییا هەرێما كوردستانێ یە
- دیدار و كۆمبوونێن سەرۆكێ حوكمەتا هەرێما كوردستانێ ل داڤۆس
سه‌ره‌كى Facebook
بۆچى ده‌میرتاش به‌رسڤا تله‌فونا ئه‌ردوگان نه‌دا ؟
ئه‌ڤرۆ نیوز:
ب مه‌ره‌ما وێ یه‌كێ ل دۆر ته‌قینا ئامه‌دێ ل گه‌ل سه‌لاحه‌دین ده‌میرتاش باخڤیت، ئه‌ردوگان ب تله‌فونێ په‌یوه‌ندى ب سه‌لاحه‌دین ده‌میرتاش كریه، به‌لێ سه‌لاحه‌دین ده‌میرتاش به‌رسڤا تله‌فونا وى نه‌دایه.
ڕه‌جه‌ب ته‌یب ئه‌ردۆغان، سه‌رۆك كومارێ توركیا گوت: دوهى ئێڤارى من تله‌فونا سه‌لاحه‌دین ده‌میرتاش كر به‌لێ به‌رسڤ نه‌دا، بۆچى به‌رسڤ نه‌دا، سه‌حكه‌نێ چه‌ند ژ مه ددورن، من هه‌لویسته‌كێ مروڤانه نیشادا.
هەڤسەرۆکێ پارتیا دیموکراسیا گەلان HDP سه‌لاحه‌دین ده‌میرتاش د به‌رسڤا ئه‌ردوگان دا گۆت: نه یا گرنگه تله‌فون بۆ من كریت، بلا ئه‌ردوگان بچیت داخوازا لێبورینێ ژ وى خه‌لكى بكه‌ت كو كومكوژى ب سه‌ر دا هاتى، بلا سه‌ره‌دانا دیاربه‌كر بكه‌ت و ل وێرێ داخوازا لێبورینێ بكه‌ت.
داعش ئه‌ڤ بریاره ژى دا
ئه‌ڤرو نیوز،بارزان مزوورى:
عصمت ره‌جه‌ب، به‌رپرسێ لقا 14 ل مووسل بو مالپه‌رێ ئه‌ڤرو نیوز ئاشكرا كر كو ئه‌ڤرو سپێدێ 6/6/2015 چه‌كدارێن تیرورستێن داعش كارمه‌ندێن ته‌ندروستى یێن به‌رى نها ژ مووسل ده‌ركه‌فتین و ئاواره‌بووین موله‌ت یا دایێ حه‌تا 15/6/2015 بزڤرنه مووسل هه‌ركه‌سێ نه‌زڤریت خانى و مالێ وان دهێته زڤرین بو مالێ دوله ئیسلامیه و كه‌س و كارێن وان ئه‌وێن مووسل دهێنه ده‌سته‌سه‌ركرن.
ناڤبرى دیار كر كو دهه‌مان روژدا چه‌كدارێن تیرورستێن داعش ئه‌ڤرو سپێدێ ده‌ست ب گرتنا زاروكا و گه‌نجا كریه دناڤ باژێرێ مووسل و عه‌قل و ده‌ماغێن وان ب ماده‌یێن بێ هوشكه‌ر تێك دده‌ن ژبه‌ر تێك دانا هزرو بیرێن وان یێن به‌رێ بو ناڤ غاباتێ مووسل ڤه‌دگوهێزن چونكو هنده‌ك جهێن وان ییێن مه‌شق و راهێنانێ د ناڤ دانه .
ناڤبرى دیار كر كو به‌رى نها ژماره‌كا مه‌زن یا زاروكان دناڤ قوتابخانا ژێ گرتبون بو ناڤر رێزێن خو ڤه‌گوهاستبوون و نها ئه‌و زارو به‌رهه‌ڤ كرینه بو خو په‌قاندنێ دناڤ هێزێن پێشمه‌رگه‌ى دا و ده‌مێ رزگاركرنا ده‌ڤه‌رێن مایى ل بن كونترولا وان و رزگاركرنا مووسل .
سوبه هه‌لبژارتنێن توركیانه و ده‌میرتاش به‌حسێ مه‌ترسیه‌كێ دكه‌ت
ئەڤرۆ نیوز، هۆشەنگ تاجر:
سەلاحەدین دەمیرتاش هەڤسەرۆکێ پارتیا دیموکراسیا گەلان HDP د پرێس کۆنفرانسەکی دا دیار کر کو دێ سوبه هەلبژارتن برێڤە بچن، بەس ئاگاهی د دەستێ مە دا هەنە کو پارتیا دەستهەلات (AKP) دخوازیت ب رێیا هندەک کەسان دەستکاریێ د ئەنجامێ هەلبژارتنان دا بکەت، ژ بەر هندێ ئەم داخواز دکەین کو ب توندی چاڤدێریا سندوقان بهێتە کرن.
هەڤەسەرۆکێ HDP ئەو یەک ژی دیار کر کو هەڤالێن مە یێن کو هاتینە ئەرکدار کرن کو ل سەر سندوقێ دەنگدانێ بن هەتا پرۆسا ڤاڤارتنا دەنگان ب دووماهی نەهێت بلا ل جهێ خوە بن و گۆت: (دڤێت ئەم خوەدان ژ دەنگێ خەلکێ خوە دەرکەڤین و نەهێلین سەختەکاری بهێتە کرن).
هەژی ئاماژەپێدانێ یە کو سوبه دێ هەلبژارتنێن پەرلەمانێ تورکیا ل وی وەلاتی برێڤە بچن و ل گۆر راپرسیێن ڤێ دووماهیێ پارتیا HDP دێ شێت بەندێ ١٠% یێ هەلبژارتنان دەرباز کەت.
گرنگیا شكاندنا به‌ربه‌رستا 10% بۆ كوردان د هه‌لبژارتنێن سوبه یێن توركیا دا
ئه‌ڤرۆنیۆز، سالار دوسكى:
مامۆستایه‌كێ زانكۆیێ و بسپور د سیاسه‌تا توركیا دا، د دیداره‌كێ دا بۆ مالپه‌رێ ئه‌ڤرۆ نیۆز ئاشكراكركو هه‌لبژارتنێن گشتى ل توركیا هه‌ر چوار سالان دووباره دبن و كارتێكرنه‌كا راسته‌وخۆ ل سه‌ر كومه‌لكه‌هێ توركى دكه‌ن د بیاڤى ئابوورى ، سیاسى و جڤاكى دا.
زێره‌ڤان به‌روارى، مامۆستایێ زانكۆیێ و شاره‌زا د سیاسه‌تا توركیا دا هێشتا گۆت: گوهورینا ده‌ستوورى ل توركیا گرنگیه‌كا تایبه‌ت دایه هه‌لبژارتنێن ڤێ جارێ یێن توركیا ژ به‌ر گرێدانا ڤێ پروسێسێ ب ده‌رئه‌نجامێن هه‌لبژارتنان ڤه، ل دووڤ سیسته‌مێ هه‌لبژارتنێن توركى، ئه‌گه‌ر داد وگه‌شه‌بیدان كارى زورینا ره‌ها ب ده‌ستفه‌ئینا كو دبنه ٣٦٧ كورسیین په‌رله‌مانى دشێت گوهرینا د ده‌ستوورى دا بكه‌ت، بێ كو پێدڤى ب هه‌ڤپه‌یمانیا سیاسى ببیت، یان ٣٣٠ كورسیكا مسوگه‌ر بكه‌ت، لێ گه‌له‌ك یا ب زه‌حمه‌ته AKP ب كاریت رازه‌مه‌ندیا گشتى بۆ ڤێ پروسیسێ ب ده‌ست بێخیت ژ به‌ر ناكوكیێن سیاسى.
مامۆستایێ زانكۆیێ گۆت ژى: چار فاكته‌رێن سه‌ره‌كى هه‌نه كارتێكرنێ ل سه‌ر هه‌لبژارتنێن توركى دكه‌ن، پرسا گوهرینا سیسته‌مى سیاسى ژ په‌رله‌مانى بۆ سه‌روكاتى، داد وگه‌شه‌بیدان پێدڤى ب سه‌قامگیریا حوكمرانى هه‌یه، كو ب كاریت پرۆژێ ٢٠٢٣ ل توركى جێبه‌جێبكه‌ت كو د ڤى پروژه‌ى دا ئیستراتیجه‌تا ده‌وله‌تا توركى د وارێ نافخوه و ده‌ركى دا، دێ هێته ده‌ست نیشانكرن.
مامۆستایێ زانكۆیێ ئه‌وژى گۆت: ئه‌نجامیین لیستا HDP د هه‌لبژارتنان دا دێ كارتێكرنا هه‌لبژارتنان ل سه‌ر كوردان ئاشكرا كه‌ن، ئه‌گه‌ر ڤى لیستى به‌ربه‌ستا١٠٪ ده‌رباز كر بێگومان كورد دێ بنه ژماره‌كا سه‌ره‌كى د هه‌ڤكێشه‌یا سیاسى دا و د كارن ببنه كارتا فشارێ ل سه‌ر پارتا دادوكه‌شپێدان بۆ جێبه‌جێكرنا پروسیسا ئاشتیێ ل ڤى وه‌لاتى و به‌شداریا راسته‌وخو بكه‌ن د دروستكرنا بریارا سیاسى دا بكه‌ن.
هه‌رێمێ ده‌رگه‌هـ بۆ ئاوارێن شه‌به‌ك ڤه‌كرن
ئه‌ڤرۆ نیۆز، سالار دۆسكى:
نوونه‌رێ شه‌به‌كان ل په‌رله‌مانێ عیراقێ ئاشكراكر كو ئاسایشا هه‌ولێرێ رازیبوو خێزانێن شه‌به‌ك ئه‌ڤێن مای بهێنه كوردستانێ و ل وى باژێرى ئاكنجى ببن.
سالم شه‌به‌كى ئه‌ندامێ په‌رله‌مانێ عیراقێ د په‌یچێ خوه‌یێ تایبه‌كێ فه‌یسبووكێ ئاشكراكریه كو ئه‌ڤرۆ 6/6/2015 وه‌ك نوونه‌رێ شه‌به‌كان ل گه‌ل رێڤه‌به‌رێ ئاسایشا هه‌ولێرێ كومبوونه‌ك ئه‌نجام دایه و شیا رازى بكه‌ت كو خێزانێن شه‌به‌ك ئه‌وێن ئاواره و تایبه‌ت ئه‌وێن چارچووڤێ وه‌جبێن 8،9،10 بهێنه هه‌رێما كوردستانێ.
هه‌مان ئه‌ندامێ په‌رله‌مانێ عیراقێ سوپاسیا رێڤه‌به‌رێ ئاسایشا هه‌ولێرێ و به‌رپرسێ لقێ 14 یێ پارتى كر كو هه‌ڤكار بوون ل گه‌ل دا.
پشكداریكرنا پێشمه‌رگه‌ى د شه‌رێ مووسل دا، پێدڤى ب رازیبوونا په‌رله‌مانى یه
ئه‌ڤرۆ نیوز:
مه‌سرور بارزانى راوێژكارێ ئه‌نجومه‌نێ ئاسایشا هه‌رێما كوردستانێ ددیداره‌كێ دا ل گه‌ل ته‌له‌فزیونا ZDF یا ئه‌لمانى راگه‌هاند: بریارا ره‌وانه‌كرنا پێشمه‌رگه بۆ ده‌رڤه‌ى هه‌رێما كوردستانێ پێدڤى ب رازیبوونا په‌رله‌مانێ كوردستانێ یه.
مه‌سرور بارزانى راوێژكارێ ئه‌نجومه‌نێ ئاسایشا هه‌رێما كوردستانێ ئاماژه ب وێ یه‌كێ كر كو شكاندنا داعش دێ ڤه‌كێشیت، به‌لێ ژ ئالیێ سه‌ربازى ڤه ژ ناڤبرنا داعش كاره‌كێ ب زه‌حمه‌ت نینه، هه‌ر چه‌نده كاره‌كێ ب ساناهى ژى نینه، به‌لێ مه‌حال ژى نینه.
مەسرور بارزانی رژى ل وێ چه‌ندێ ژى كر كو ل پال شه‌رێ داعش ب سه‌ربازى، دڤێت ژێده‌رێن دارایى یێن داعش بهێنه حشككرن.
هه‌شت ملیون كه‌س ل عیراقێ پێدڤى ب هاریكاریانن
ئه‌ڤرۆ نیوز:
په‌یڤدارێ رێكخراوا نه‌ته‌وێن یه‌كگرتى ستیفان سوجاریك راگه‌هاند كو رێكخه‌رێ نه‌ته‌وێن یه‌كگرتى بۆ كاروبارێن مروڤى ستیڤن ئۆبراین دێ سه‌ره‌دانا عیراقێ كه‌ت و دێ بۆ ماوێ سێ رۆژان مینیت و دهێته چاڤه‌رێكرن سه‌ره‌دانا ئاواران و به‌رپرسێن بلند ل هه‌رێما كوردستانێ و عیراقێ بكه‌ت.
سوجاریك دیاركر ره‌وشا عیراقێ هند یا دژواره، یا وه‌لمه‌هاتى رۆژانه سه‌ره‌دانا عیراقێ بكه‌ین.
ل دووڤ داتایێن نه‌ته‌وێن یه‌كگرتى نێزیكى 3 ملیون وه‌لاتیان ل عیراقێ یێن ئاواره‌بووى و 8 ملیون كه‌س ژى پێدڤى ب هه‌ڤكاریا مروڤى هه‌یه.
قانوونه‌ك دێ بۆ رێكخستن و كێمكرنا غوراماتێن كاميرێن هاتنوچوونێ هێته دانان
ئه‌ڤرۆ نيوز، نيوار محه‌مه‌د سه‌ليم:
ئه‌ندامێ فراكسيۆنا پارتى ديموكراتى كوردستان ل په‌رله‌مانێ كوردستانێ دياركر كو بڕياره پرۆژێ قانوونه‌كێ بۆ پێداچوون و رێكخستن و كێمكرنا غوراماتێن كاميرێن هاتنوچوونێ بهێته به‌رهه‌ڤكرن و بۆ سه‌رۆكاتيا په‌رله‌مانێ كوردستانێ بهێته ره‌وانه كرن.
به‌يار تاهر دۆسكى، ئه‌ندامێ لژنا شوونووار و خزمه‌تگۆزاريێن باژێرڤانى و ڤه‌گوهاستن و گه‌هاندن و گه‌شتوگۆزارێ ل په‌رله‌مانێ كوردستانێ تايبه‌ت بۆ ئه‌ڤرۆ نيوز گۆت: “پشتى هژماره‌كا گازندان ل دۆر غوراماتێن كاميرێن هاتنوچوونێ گه‌هشتينه به‌ر ده‌ستێ مه و ب تايبه‌ت ژى يێن شوفێرێن ته‌كسيان كو هه‌ر رۆژه‌كا بكه‌ڤنه كاميرێ دبيت بهايێ چه‌ند رۆژێن داهاتێ وان ببه‌ت، لژنا مه كار و دووڤچوون ل سه‌ر داخوازيێن وان ده‌سپێكريه”.
دۆسكى زێده‌تر گۆت: “به‌رى نوكه مه روونشتنه‌ك ئه‌نجام دايه و دێ بزاڤێ كه‌ين بۆ ڤێ مه‌ره‌مێ سه‌ره‌دانا رێڤه‌به‌ريێن پارێزگه‌ها و سه‌نديكايێن ڤه‌گوهاستنێ و كرێكاران و وه‌زاره‌تا ناڤخۆ كه‌ين و ل گه‌ل ئێك روونين بۆ وێ چه‌ندێ بشێين ئه‌ڤى بابه‌تى ب ره‌نگه‌كێ قانوونى چاره بكه‌ين”.
وه‌لاتيێن هه‌رێما كوردستانێ ب ره‌نگه‌كێ گشتى گازندا ژ غوراماتێن كاميرێن هاتنوچوونێ دكه‌ن ئه‌وێن ب بڕياره‌كا وه‌زاره‌تا ناڤخۆ هاتينه دياركرن كو ژ 60 هزار ديناران و هه‌تا 200 هزار ديناران وه‌لاتى پێ دهێنه سزاكرن و ب به‌لاڤكرنا وان ل رۆژناما فه‌رمى يا وه‌قائعى كوردستان ژ لاێ وه‌زاره‌تا ناڤخۆ ڤه خستينه د چارچۆڤه‌كێ قانوونى دا.
ئه‌ندامێ لژنا شوونووار و خزمه‌تگۆزاريێن باژێرڤانى و ڤه‌گوهاستن و گه‌هاندن و گه‌شتوگۆزارێ ئاماژه ب وێ چه‌ندێ كر كو كار دێ ژ بوو وێ چه‌ندێ هێته كرن پێداچوون و رێكخستن د ڤان بڕياران دا بهێته كرن و بهايێ وان بهێته كێمكرن ب ره‌نگه‌كى پتر خزمه‌تا وه‌لاتيان بهێته كرن.
سه‌رۆكاتيا هه‌رێمێ و حوكمه‌تێ په‌قينێن ئاماده شه‌رمزار كرن
ئه‌ڤرۆ نيوز:
د راگه‌هاندنه‌كێ دا، ئاخفتنكه‌رێ ب ناڤێ سه‌رۆكاتيا هه‌رێما كوردستانێ كو دانه‌ك ب ده‌ست ئه‌ڤرۆ نيوز كه‌فتيه، تێدا هاتيه، مه‌سعود بارزانى سه‌رۆكێ هه‌رێما كوردستانێ ئيدانا په‌قينێن دوهى 5ى خزيرانا 2015ێ يێن ئاماده دكه‌ت و هيڤى دخوازيت هه‌لبژارتنێن توركيا د به‌رژه‌وه‌نديا گه‌لانێن توركيا دا ب دووماهى بهێن.
د راگه‌هاندنه‌كا دژى دا، حوكمه‌تا هه‌رێما كوردستانێ ئيدانا په‌قينێن ئامه‌د دكه‌ت و ب كاره‌كێ ترسنۆك ل قه‌له‌م دده‌ت و هيڤى دكه‌ت: “لايه‌نێن ب خوه دا بچن و ب رێيێن قانوونى بگه‌هنه ئه‌نجامان”.
د په‌قينێن دوهى يێن ئاماده دا، ل ده‌مێ دا سه‌لاحه‌دين ده‌ميرتاش هه‌ڤسه‌رۆكێ پارتيا ديموكراتا گه‌لان HDP په‌يڤه‌كێ د كۆمبوونه‌كا جه‌ماوه‌رى دا پێشكێش كه‌ت چار كه‌س شه‌هيد بوون و نێزيكى 200 كه‌سان ژى بريندار بوون.
نيشاندان
WP Facebook Auto Publish Powered By : XYZScripts.com