ئه‌ڤرۆ نیوز:
به‌ری ده‌مه‌کێ کێم فرۆکێن شه‌ری یێن هه‌ڤپه‌یمانان ب دژوواری بنگه‌هین داعش ل نێزیک خاری تۆپبارانکرن.
ئه‌ڤرۆ ده‌مژمێر 1:30 ده‌قیقه فرۆکئن شه‌ری یێن هه‌ڤپه‌یمانان زێده‌تری 20 جاران ل گۆبجه‌لیل و به‌عشیق و به‌رتلا هێرشێن ئه‌سمانی کرینه سه‌ر چه‌کدارێن داعش.
ئه‌ڤرۆ دو رۆژه گه‌له‌ک ب دژوواری ئه‌و ده‌ڤه‌را مه‌سیجی نشین دهێته توپبارانکرن.
ئه‌ڤرۆ نيوز:
نوونه‌رێ به‌رده‌وامێ رۆسيا ل نه‌ته‌وێن ئێكگرتى ڤيتالى تشوركين راگه‌هاند كو وه‌لاتێ وى ب ره‌نگێ فه‌رمى پرۆژه‌ك پێشكێشى جڤاتا ئاسايشا نێڤده‌وله‌تى كريه بۆ بڕينا پشته‌ڤانيا دارايى يا داعش كو نه‌شێت بگه‌هيته ئه‌و پارێ هه‌يى.
تشوركين گه‌شبينيا خوه نيشا دا كو جڤاتا ئاسايشێ ڤى پرۆژه‌يى ل 10 شياتا ئه‌ڤ ساله په‌سه‌ند بكه‌ت و گۆت: “من ب فه‌رمى پرۆژێ ئاريشا بازرگانى يا ل گه‌ل گرۆپێن تيرۆرستى ل سوريا و عيراقێ دايه جڤاتا ئاسايشا نێڤده‌وله‌تى”.
گۆتژى: “هيڤى خوازين كو پشته‌ڤانيا ڤى پرۆژه‌يى د جه‌ژنا دبلۆماسى يا ئه‌م ل رۆسيا ل 10 شياتێ دكه‌ين بهێته كرن و گه‌له‌ك ژ هه‌ڤالێن من دبێژن كو دشيان دايه ئه‌ڤه بهێته كرن”.
ئاماژه ب وێ چه‌ندێ ژى كر كو دێ دانوستاندنێن كه‌سانێن شاره‌زا ل سه‌ر پرۆژه‌يى هێنه كرن و گۆت: “مه گه‌له‌ك يا ل سه‌ر پرۆژه‌يى كار كرى و بۆچوونا گه‌له‌ك لايه‌نان بۆ سه‌ركه‌فتنا وى پرۆژه‌يى يا وه‌رگرتى”.
رۆسيا به‌رى نوكه پرۆژه‌ك ل سه‌ر ئه‌ندامێن جڤاتا ئاسايشا نێڤده‌وله‌تى به‌لاڤكريه ل سه‌ر وێ چه‌ندێ يه كو رێ ب تيرۆرستان نه‌ده‌ن بگه‌هنه داهاتێن خوه و بازرگانيێ بكه‌ن ب تايبه‌ت يا په‌ترۆلێ.
ئه‌ڤرۆ نيوز:
ب ره‌نگه‌كێ فه‌رمى، ده‌مێ كلاسيكۆيێ د ناڤبه‌را هه‌ردو يانێن ريال مه‌دريد و به‌رشه‌لۆنا د حه‌فتيا 28 يا خۆلا ئسپانيا دا هاتيه دياركرن.
وێستگه‌هێ RAC1 يێ ئسپانى به‌لاڤكر كو لژنا هه‌ڤركيان ل ئسپانيا بڕيار دايه ياريا ڤه‌گه‌ريانێ يا كلاسيكۆ ل رۆژا 22 ى هه‌يڤا ئادارێ ل ده‌مژمێر 9 ب ده‌مێ ئسپانيا و 11 ب ده‌مێ كوردستانێ ل ياريگه‌ها كامپ نوو بهێته ب رێڤه‌برن.
پێشبينى ژى دهێته كرن ئه‌ڤ ياريا داهاتى يا خولا ئسپانيا گه‌له‌ك يا ئێكلاكه‌ر بيت و يانا مه‌له‌كى بزاڤێ بكه‌ت پارێزگاريێ ل جوداهيا خالێن ياريا ناڤبه‌را خوه و هه‌ڤركا خوه يا كه‌ته‌لۆنى بكه‌ت.
ب مه‌ره‌ما گێرانا كۆنگرێ گشتيێ وه‌زاره‌تا په‌روه‌درێ ل هه‌رێما كوردستانێ، جڤاتا وه‌زاره‌تا په‌روه‌ردێ بڕيار دا سێ كۆنفرانسێن ناڤخۆيى ل سێ پارێزگه‌هان بهێنه ئه‌نجام دا.
عه‌بد یوسف ریڤه‌به‌رێ گشتیێ یێ په‌روه‌ردا پارێزگه‌ها دهۆكێ بو ئه‌ڤرۆ نیوز دیاركر سوبه 8-2-2015 دێ كونفرانسێ په‌روه‌ده‌یی بۆ ئیك رۆژ هێته گێران و دێ دانوستاندنێ ل سه‌ر شه‌ش ته‌وه‌ارن كه‌ن دا كو پوخته‌یا ئه‌وان ته‌روه‌ران بۆ كۆنگره‌يى به‌رهه‌ڤ كه‌ن.
رێڤه‌به‌رێ گشتیێ په‌روه‌ردا پارێزگه‌ها دهۆكێ گۆت: “ئه‌ندامێن كونفرانسی سه‌رپه‌رشیتارێن گشتی و رێڤه‌به‌رێن گشتی و بسپورێن په‌روه‌رده‌يی و قوتابی و نڤیسه‌ر و هه‌له‌زانن و ماموستایێن خانه‌نشینكری و هه‌ر كه‌سه‌كێ مه زانیبیت دێ مفا ژێ هێته وه‌رگرتن هاتيه داخازكرن”.
دا زانين كو هژمارا ئه‌ندامێن ئه‌ڤی كونفارنسی نێزیكی 350 كه‌سانن، ژبلی مێڤانان و ل ده‌مژمێر 10:00 دێ ده‌ست ب كارێن خوه كه‌ن و هه‌تا ده‌مژمێر 5:30 ئێڤاری دێ يێ به‌رده‌وام بيت.
ئه‌ڤ كونفرانسێن ناڤخۆيی پشته‌ڤان و پالپشتیه‌كه بۆ گونكرێ گشتی و سه‌رخستنا پرۆگرامێن ئه‌وی كۆنگره‌ی كو ل سه‌ر ئاستێ په‌روه‌ردێن گشتی دهێته گێران و ل ئادارا ئه‌ڤ ساله ژی كونگرێ په‌روه‌ردێ دێ ده‌ست بك ارێن خوه كه‌ت.
ئه‌ڤرۆ نيوز:
ئيمارات راگه‌هاند كو د چه‌ند رۆژێن بهێت دا دێ هێرشێن ئه‌سمانى يێن دژى پێگه‌هـ و باره‌گايێن چه‌كدارێن رێكخراوا تيرۆرستى يا داعش ل سوريا م عيراقێ ده‌ست پێ كه‌نه‌ڤه.
جۆن كيرى، وه‌زيرێ ده‌رڤه يێ ئه‌مريكا ده‌رباره‌يى به‌رده‌واميا هێرشێن هه‌ڤپه‌يمانان بۆ سه‌ر داعش، ل گه‌ل سه‌ركردێن كێت و ئيمارات و به‌حرێن و قه‌ته‌ر و سعوديه و عه‌مان كۆم بوويه.
شاندێ ئيمارات ب وه‌زيرێ ده‌رڤه يێ ئه‌مريكا راگه‌هانديه كو د ماوێ چه‌ند رۆژێن داهاتى دا، ئيمارات دێ هێرشێن ئه‌سمانى بۆ سه‌ر بنگه‌هـ و باره‌گايێن چه‌كدارێن داعش ل عيراق و سوريا ده‌سپێكه‌ته‌ڤه.
پشتى سوتنا فرۆكه‌ڤانێ ئوردنى مه‌عاز كه‌ساسبه، ژ لايێ رێكخراوا داعش ڤه، ئيمارات هه‌ڤكاريكرن ل گه‌ل هێزێن هه‌ڤپه‌يمانێن نێڤده‌وله‌تى ب سه‌ركرداتيا ئه‌مريكا ب ره‌نگه‌كێ ده‌مكى هه‌لاويست بوو.
ئه‌ڤرۆ:
ب ھزارەھا جورێن چالاککەرێن سێکسی ل سەر تۆرا ئەنترنێتێ ھەنە و خەلک بەردەوام ل ناڤێن وان دگەریێت، بەلێ کەسەکێ رۆژەکێ نەگۆتیە کو ھندەک جورێن خوارنێ دبنە ئەگەر حەزا سێکسی ل دەڤ مرۆڤی کێم ببیت، بەلکو ھەردەم ل وان خوارنا گەریاینە یێن حەزا سێکسی زێدەدکەن، ئەڤ خوارنە ئەنجامێ چەندین ڤەکولینانە ل مەزنترین تاقیگەھێن جیھانی و ل ژێر سەرپەرشتیا زێرەڤانیا ساخلەمیێ.
دبیت ھندەک کەس ھەبن ڤان خوارنا ب کاربینن داکو حەزا وان یا سێکسی کێم ببیت، ئەڤە تشتەکێ دێ ل دووڤ حەزا مرۆڤی مینیت.
ژگرنگترین خوارنێن دبنە ئەگەرێ کێمیا حەزا سێکسی پێکھاتینە ژ:
• چپس: جون ھافی کیلوگ، ئەو کەسێ رابووی ب داھێنانا چێکرنا چپسان دیاردکەت کو گەلەک ئاریشە ژ سێکسی پەیدادبوون، ب تایبەت ئاریشێن لەشی و مێشکی و گیانی، لەورا خەلکی پێدڤی ب تشتەکی ھەیە حەزا وان کێم ببیت، چپس ھاتینە چێکرن کو دبنە ئەگەرێ کێمکرنا ئاستێ ھورمونێ تستوستیرونی.
• ئایس کریم: نوشدار شیرەتان دکەن مرۆڤ خوە ژ ئایس کریمێ ب پارێزیت، چونکو دبنە ئەگەرێ کێمکرنا حەزا سێکسی ل دەڤ ژن و زەلامان.
• نەعنا: رەنگە یا باش نەبیت بۆ حەزا سێکسی ب تایبەت ھەکە ب گەلەکی ھاتە خوارن، ئەو خوارنێن ب نەعنایێ دھێنە چێکرن رەنگە ب مەترسی بن و ئەگەرەکێ مەزن یێ کێمکرنا حەزا سێکسی بن.
• گژنبژ: یا زانابوو ل دەڤ رەبانان کو ب کارئینانا گژنیژان بۆ کێمکرنا حەزێن سێکسی یا ب مفابوو، چونکو پێکھاتیە ژ کەرستەکی بۆ کێمکرنا ھورمونێ نێراتیێ.
• ڤەخوارنێن ھێزی: سەرەرای کو ئەو کاردکەن بۆ زێدەکرنا کریارێن ڤەژاندنا لەشی و شیان ھەنە بۆ دەمەکێ درێژ تە ھشیاربھێلن، بەلێ بۆ سێکسی زیانێن خوە ھەنە.
• پسکێت چایێ: راستە کو گەلەک زارۆ پسکێتا دکەنە دناڤ چایێ دا، بەلێ زیان بۆ مەزنان ھەنە و کارتێکرنێ ل شیانێن سێکسی دکەن.
• کەرەفس: ل بەرێ دھاتە ب کارئینان بۆ والن کەسێن حەز بکەن حەزا وان یا سێکسی کێم ببیت.
• بامی:عەرەب دبێژنێ خوارنا گیانی و ھزر دکەن گەلەک یا ب مفایە بۆ گیانێ مرۆڤی، بەلێ بۆ زارۆبوونێ یا ب زیانە.
• خوارنێن ب روین: گەلەک ژ خوارنێن دھێنە قەلاندن و خوارنێن سەرپێ د پێکھاتینە ژ رێژەکا مەزن یا روینێن نەباش، کو دشیانێن واندایە کارتێکرنێ ل دلێ مرۆڤی بکەن و ببنە رێگرێن پالدانا خوینێ، ئەڤەژی کارتێکرنێ ل شیانێن سێکسی دکەن.
• پتاتێن قەلاندی: ئەڤە دبنە ئەگەرێ پەیداکرنا نەخۆشیا شەکرێ ژ جورێ دوێ و ئەو جور دبیتە ئاریشێن ساخلەمیا سێکسی بۆ ژن و زەلامان پەیدادکەت.
• مەی: مەی ڤەخوارن ئێک ژ نەباشترین تشتانە کو کارتێکرنێ ل ژیانا سێکسی دکەن، گەلەک ڤەخوارنا مەی شیانێن سێکسی ناھێلیت و ھەتا دبیتە رێگر ژی د فیریانێن سێکسی دا.
ل گەل ڤان خوارنا ھندەک جورێن خوارنێن دیتر ژی ھەنە کو حەز و ڤیان و شیانێن سێکسی کێم دکەن، ئەو خوارن پێکھاتینە ژ: کەلیک کو رێژا ئاڤا زەلامی کێم دکەن، نەترات پوتاسیوم کو دبیتە ئەگەرێ بێھێزکرنا زەڤلەکان و نەھێلانا حەزا سێکسی، سوس کو کارتێکرنێ ل ھورمونێن زەلامینیێ دکەت، و گەلەک خوارنێن دی کو دبیت ل ناڤ جڤاکێ مە یێ کوردی نەبن.
ئەڤرۆ:
زارڤەکەرا بەرنیاس د زنجیرا (جیران جیران) دا ئەوا ل سەر کەنالێ تەرەتە کوردی یێ تورکی دھێتە پێشکێشکرن مەلەک گول چیمەن د دیدارەکێ دا بۆ ئەڤرۆ دیارکر ھەر چەندە ئەو نە دەرچوویا زانکۆیا ھونەری یە، لێ خواندنا خوە ل پشکەکا دی ب دووماھی ئینایە، و ژبەر حەزژێکرنا وێ بۆ کارێن ھونەری وێ خوە ھاڤێتە د ناڤا ھونەری دا و دژیێ ١١ سالیێ دا پشکداری د شانۆگەریەکێ دا کریە.
زێدەتر گۆت: ھەموو شانۆگەریێن من پشکداری تێدا کری ب زمانی تورکی بوون، لێ پشتی من پشکداری د زنجیرا (جیران جیران) دا کری کو بەری چار سالان بوو، ب تامەکا تایبەت دبینم، ژبەرکو خزمەتا زمانێ خوە یێ کوردی دکەم و نە یا گرنگە ل چ کەنال بیت.
مەلەک کو ل سالا ١٩٨٧ ل باژێرێ وانێ ل باکورێ کوردستانێ ژ دایکبوویە، ئەو چەندە ژی دیارکر دەمێ ئەو ل سەر شاشا کەنالێ تەرەتە کوردی دەرکەڤیت گەلەک کەس ھەنە ب چاڤەکێ کێم بەرێ خوە ددەنێ، لێ ئەو چ گرنگی نادەتە وان کەسان چونکو یا گرنگ ئەوە ب زمانێ کوردی زنجیرە دھێتە نیشادان.
زێدەتر گۆت: ھەتا نوکە من ھزر ل ژیانا ھەڤژینی یێ نەکریە، و ئەو دخوازیت پشتی ژیێ ٣٠ سالیێ ھزر ل وێ چەندێ بکەت و ژبەر کارێن خوە ئەو نوکە ل ئیستەنبوولێ دژیت، و مالباتا وێ ل مێرسینێ نە.
ل دووماھیێ دیارکر راستە ئەو ل سەر دەپێ شانۆیێ د کەنیت لێ، دلێ وێ گەلەک یێ ب خەمگینە ژبەر رەوشا رۆژئاڤا و باشورێ کوردستانێ .
ژنەکا ٢٧ سالی دلێ خوە بۆ رۆژناما ئەڤرۆ ڤەدکەت و دبێژیت: ئەڤە ٤ سالە من شوو کری و دو زارۆ ھەنە و شووکرنا من ئەشق و ئەڤینی بو و ھەڤژینێ من گەلەک یێ دگەل من باش بۆ لێ نێزیکترین ھەڤالا من یا کو من باوەریەکا مەزن دایێ یا خیانەتێ ل من دکەت کو ئەو ژی ژنە و یا شوو کریە زەلامێ وێ ب رۆژ ھەموویێ یێ ل سەر کاری ئەڤە سالەکە وێ و زەلامێ من پەیوەندیا دلداری ل گەل ئێک ھەیە و ھەردویا تێلەفونێن نھێنی ژی ھەبوون و پێ د گەل ئێکدو دئاخڤتن من ئەو ھەست دکر کو زەلامێ من یێ د گەل من ھاتیە گوھورین لێ من ھزرا ھندێ نەکر کو وی پەیوەندیا دگەل کەسەکا دی ھەی کو ھەڤالا منە و من ئەڤ چەندە ژ تێلەفونا وی یا نھێنی زانی کو پشتی من ب سوتفەیی تێلەفونا وی دیتی و من سەح کریێ کو بەس ناڤێ ھەڤالا من تێدایە ئەز سەر سورمان مام و مە دانوستاندن کر و شەرە دەڤ و حەتا من د گەل ھەڤالا خوە ژی ئاخفت و ھەردويان گوت مە چ د گەل ئێک نینە و من ھەڤالینیا وێ ژنێ ھێلا و زەلامێ من سوز دایە من کو ئەو وێ بھێلیت بەلێ ل دووڤ دووڤچونا من ھەر پەیوەندیێ ب ئێک دکەن ئەڤێ ئاریشێ بەس ئەم ھەرسێ دزانین و من ھێشتا نەگوتیە کەسێ بەس ئەز گەلەک دقەھرم و دئێشم و دترسم ژ بەر کو ئەز دزانم ئەو ھەر یێن پێکڤە گرێداینە و ھەر دەم شەرە دەڤ و نەخوشی د ناڤبەرا من و ھەڤژینێ من دا ھەیە و یێ ل بەر من سار بوويی و ترسا من یا ھندێ یە ھەڤژینێ وێ ژی ڤێ َچەندێ بزانیت و پاشی ببیتە کارەسات ئەز نزانم چ بکەم ئەڤجا ھیڤیدارم ھوون چ دبێژن و ئەز چ بکەم؟
خانما ھێژا:
ب راستی رەفتارێن زەلامێ تە و ژنا دی گەلەک یا شاشە و دوورە ژ ھەموو بھایێن ئایینی و جڤاکی و مخابن ئەو ڤان خەلەتیا دکەن و دڤێت ل خوە بزڤرن و دوور کەڤن ژڤان بێ رەوشتیا و دڤێت باش ھزرا خوە بکەن کو دئاستێ بەرپسیارەتیا خوه دابن کو ئەرکەکێ مەزن یێ ل سەر وان ژ لایێ وەفاداريێ بۆ مالباتا وان و ھەر وەسا ژ لایێ خێزانێ ڤە و نزانم ئەو ب چ رووى زارۆيێن خوه دبینن دوبارە زۆر کێماسیە ژ ھەموو لايان ڤە، ئەڤ رەوشتە تو رەفتارەکێ ل بەرامبەری زەلامێ خوه وەربگرە و داخوازێ ژێ بکە پەیوەندیێ ب دروستی ب دووماھی بینیت بێی خاپاندن و ل سەر خاترا زارۆيێن خوە ڤێ رەفتاری بکار بینە یان بلا تە توندتر سەرەدەری د گەل کربا و باشترە هه‌كه کەسێن گرێدايی ب وێ ڤە وەکی دایکی و باب رولێ خوه د بابەتی دا بینن ژ بەر کو دبیت بابەت مه‌زنتر لێ بێت و ژدەست دەرکەڤیت و بزانە دڤێت تو ھشیارتر بایە د گەل ھەڤژینێ خوه دا بابەت نەگەھشتبا ڤی ئاستی نەخاسمە کو ھەڤالا تەیە.
پۆ په‌يوه‌نديكرنێ ب گۆشا دلێ خوه ڤه‌كه په‌يوه‌نديێ ب ڤێ هژمارا تله‌فۆنێ بكه: 07503404123
حه‌كیم عه‌بدولا رێڤه‌به‌رێ په‌یمانگه‌ها راهێنان و گه‌شه‌پێدانا په‌روه‌رده‌یی بۆ ئه‌ڤرۆ نیوز راگه‌هاند: ل دووڤ بڕیارا وه‌زاره‌تا په‌روه‌ردێ بریاره مامۆستایێن ل په‌یمانگه‌ها راهێنان و گه‌شه‌پێدانا په‌روه‌رده‌یێ هاتینه وه‌رگرتن ل 10-2-2015 ده‌ست ب ده‌وامێ بكه‌ن.
ناڤبری ئه‌و چه‌نده ژی دیاركر ل ده‌مژمێر 3:00 ئیڤاری ل پاره‌گه‌هێ په‌یمانگه‌هێ دێ ده‌واما فه‌رمی بیت و هه‌ر ئێكێ وه‌رگرتی دڤێت ل ده‌مێ دیاركری كری به‌رهه‌ڤ ب بیت .
رێڤه‌به‌رێ په‌یمانگه‌ها ناڤبری گوت ژی ل ده‌مێ به‌رهه‌ڤبونا هه‌موويان دێ به‌رنامه‌یێ وانه‌گوتنێ و دابه‌شكرنا وان ل سه‌ر گرۆپان هێته به‌لاڤكرن.
ئه‌ڤرۆ نيوز:
سه‌رۆكێ هه‌رێما كوردستانێ د ديداره‌كێ دا ل گه‌ل رۆژناما حه‌يات يا له‌نده‌نى راگه‌هاند كو سنورێن د رێكه‌فتناما سايكس بيكۆ دا هاتين د ده‌ستكردن و ئه‌و سنورێ، نوكه ل ده‌ڤه‌رێ دهێنه كێشان يێن ب خوينێ دهێنه كێشان د ناڤبه‌را ده‌وله‌تان دا يان د ناڤ وان دا، ته‌كست ژى ل سه‌ر وێ چه‌ندێ كر كو كه دڤێت عيراق يا ئێكگرتى بيت دڤێت دارشتنه‌كا دى يا ناڤخۆيى بۆ بهێته كرن.
نيشاندان