NO IORG
نووترين نووچه
Facebook

337

ئه‌ڤرۆ نيوز:

رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمان دێ ژ ساهياتيێ بيته‌ ئه‌و و پاشان ب شه‌ڤ دێ باران باريت.

پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ سستيا هه‌ردو فشارێن نزمێن ده‌ريا سۆر و ده‌ريا ناڤه‌راست يێن وه‌لاتێ توركيا بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رێكه‌فتى 2015.2.8 ئه‌سمان دێ ژ ساهياتيێ بيته‌ ئه‌و و پاشان ب شه‌ڤ دێ باران باريت.

رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه‌ كو پلا گه‌رماتيێ دێ وه‌كو رۆژێن به‌رى نوكه‌ بيت ب ره‌نگه‌كى د ناڤبه‌را 16 بۆ 7 دا.

ل دۆر پێشبينيا رێژا هه‌وايى و مه‌ودايێ ديتنێ ژى دايه‌ زانين كو دێ ئاراسته‌يێ وى دێ باكوورێ رۆژهه‌لات و باشوورێ رۆژئاڤا بيت ب ره‌نگه‌كى دێ يێ ل سه‌ر خوه‌ و ناڤه‌ندى بيت د ناڤبه‌را 10 بۆ 20 كلم د ده‌مژمێره‌كێ دا و هنده‌ك جاران دێ دژوار بيت ب ره‌نگه‌كى 30 بو 40 كلم د ده‌مژمێره‌كێ دا و ماوێ ديتنێ ژى دێ 10 كلم بيت.

222

ئه‌ڤرۆ نيوز:

ئه‌لمانيا بڕيار دا هاريكاريێن له‌شكرى ب بهايێ 13 مليۆن يۆرۆيان بده‌ته‌ هه‌رێما كوردستانێ ژ بوويى رووى ب روويبوونا تيرۆرستێن داعش.

وه‌زيرا به‌ره‌ڤانيا ئه‌لمانيا د به‌ياننامه‌كێ دا راگه‌هاند: هاريكاريێن ئه‌لمانيا پێكهاتينه‌ ژ 30 دژى تانكان و 203 پارچێن بازۆكا و 4 هزار و 80 پارچێن چه‌كى”تڤه‌نگ”، 40 ده‌بانجا و 10 هزار بۆمبێن ده‌ستى و 10 ترۆمبێلێن ڤه‌گوهاستنا له‌شكرى و 10 ترۆمبێلێن هه‌وارهاتنێ يێن له‌شكرى و شه‌ش مليۆن و 500 فيشه‌كان و هژماره‌كا مه‌زن يا جلكێن له‌شكرى يێن زڤستانى و پێدڤيێن ساخله‌مى.

وه‌زاره‌تێ ئاماژه‌ ب وێ چه‌ندێ ژى كريه‌ كو نه‌ته‌وێن ئێكگرتى پتر ژ جاره‌كێ به‌حسێ ژ ناڤبرنا رێكخستيا تيرۆرى يا داعش كريه‌ و سوز دايه‌ هاريكاريا حوكمه‌تا عيراقێ و هه‌رێما كوردستانێ بكه‌ت و خه‌مێ بخوت ژ پێشخه‌مه‌ت ژناڤبرنا تيرۆرێ.

روونى خستيه‌ سه‌ر وێ چه‌ندێ ژى كو ئه‌لمانيا يا خوه‌ د چارچۆڤێ گرێبه‌ستێن نێڤده‌وله‌تى دا دلڤينيت، كو ل ڤى ماوێ دووماهيێ شياينه‌ ب ره‌نگه‌كێ به‌رفره‌هـ داعش ب راوه‌ستينن و نه‌چار بكه‌ن گه‌له‌ك ده‌ستبه‌رداريى گه‌له‌ك ده‌ڤه‌رێن دى يێ خوه‌ ببن و ئه‌ڤه‌ ژى سه‌ركه‌فتنا وان د وى وارى دا نيشان دده‌ت.

587

ئه‌ڤرۆ نیوز:

راهێنه‌را شێرا، (فاتن الحلو) د نمایشه‌كا جه‌ماوه‌رى دا، ل گه‌ شیرێن خوه‌، تووشى روودانه‌كێ دبیت، پشتى كو شیره‌ك ژ نشكه‌كێ ڤه‌ هێرشێ دكه‌ته‌ سه‌ر.

3643

ئه‌ڤرۆ نیوز، بارزان مزوورى:

ئه‌فسه‌ره‌ك ژ هێزێن پێشمه‌رگه‌ى سه‌باره‌ت ئه‌و ده‌نگێ ل پارێزگه‌ها دهۆكێ خه‌لكى هه‌ست پێ كرى، چه‌ند پێزانین دانه‌ ئه‌ڤرۆ نیوز و گۆت” ئه‌ڤ شه‌ڤه‌ ل ده‌مژمێر 11 و نیڤ، داعش مه‌زنترین تانكێ TNT كرى دروستكربوو، كو چ جارا تانكێن هند مه‌زن نه‌هاتبوو چێكرن و ل بن ئه‌سكى مووسل دا، به‌ره‌ڤ ئاراستا پێشمه‌رگه‌ى ئینا، ل كه‌سكێ، به‌لێ پێشمه‌رگه‌ و هێزێن هه‌ڤپه‌یمان ئاگه‌هدارى پلانا وان بوو و ب فرۆكان ئه‌و تانكه‌ هاته‌ په‌قاندن، به‌رى كو نێزیكى هێزێن پێشمه‌رگه‌ى ببیت.
ڤى ئه‌فسه‌رى گوت ژى: ئه‌ڤه‌ مه‌زنترین پیلانا داعش بوو و چ جارا تانكێن هوسا مه‌زن چێنه‌كرینه‌، هه‌كه‌ خودێ نه‌كه‌ت، گه‌هشتبا لایێ پێشمه‌رگه‌ى دا زیانێن مه‌زن هه‌بن.

201

ئه‌ڤرۆ نیوز:

كارلو ئه‌نچیلوتى راهێنه‌رێ یانا ریال مه‌درید ئه‌ڤرۆ راگه‌هاند كو هنگاڤتنا راموس یا ب ترسه‌ و ئه‌و دێ به‌رده‌وام چاره‌سه‌ریا وه‌رگریت و دێ بۆ ماوێ 5 حه‌فتیان ژ یاریگه‌هان دور كه‌ڤیت.
د یاریا چوویى یا یانا ریال مه‌درید به‌رامبه‌ر سیڤییه‌، سێرجو راموس یاریكه‌رێ ریال مه‌درید ل ده‌ستپێكا گێمێ ئێكێ یاریگه‌ه بجه هێلا و ژبه‌ر هنگاڤتنێ نه‌شیا یاریێ بكه‌ت.

105

ئه‌ڤرۆ نیوز:

لژنا پاراستن و ئاسایشا یاریگه‌هان، 900 زێره‌ڤانێن تایبه‌ت بۆ یاریا ریال مه‌درید و ئه‌تله‌تیكو مه‌درید دانان ب مه‌ره‌ما چاڤدێریكرن و پاراستنا ناڤ یاریگه‌ه و ده‌رڤه‌ى یاریگه‌هێ.
بریاره‌ رۆژا شه‌مبى 7/2/2015 ل ده‌مژمێر شه‌ش ب ده‌مێ كوردستانێ د چوارچوڤێ یاریێن حه‌فتیا 22 یێن خولا پله‌ ئێك یا ئیسپانیا، ریال و ئه‌تله‌تیكو روى ب روى ئێك ببن.
ره‌نگه‌ یاریا بهێز بیت، ژبه‌ر كو ئه‌تله‌تیكو بوو ئه‌گه‌ر كو ریال ژ جاما شاهێ ئیسپانیا ده‌ركه‌ڤیت و دێ ریالێ دڤێت پێگه‌هێ خوه‌ ل پێشه‌نگا لالیگا دا بهێزتر بكه‌ت و سێ خالان بده‌ستڤه‌ بینیت.

564

ئه‌ڤرۆ نیۆز، قائید میرۆ
كه‌مپینا كۆمكرنا هاریكاریان بۆ خێزانا شه‌هیدێ پێشمه‌رگه‌ هوجام سۆرچی، داخوازێ ژ وه‌لاتیان دكه‌ت كو هاریكاریێن خوه‌ بگه‌هینن كه‌مپینێ و بۆڤێ مه‌ره‌مێ هژماره‌كا حیسابا بانكی هاتیه‌ ڤه‌كرن.
سه‌وری نسره‌دین، ئه‌ندامێ كه‌مپینێ بۆ ئه‌ڤرۆ نیۆز گۆت” پشتی مه‌ كه‌مپینه‌ك بۆ كۆمكرنا هاریكاریان بۆ مالباتا شه‌هید هوجامی پێكئینای هه‌تا نوكه‌ هژماره‌كا زۆرا وه‌لاتیان ده‌ستێ هاریكاریێ درێژكریه‌ و هنده‌كێن دیژی به‌رهه‌ڤیا خوه‌ دایه‌نیشاندان هاریكاریان فڕێكه‌ن.
سه‌وری دیاركر” بۆ ئاگه‌هداریا وه‌لاتیان دشێن ب ڕێیا ڤێ هژمارا ته‌له‌فۆنێ په‌یوه‌ندی بكه‌ن( 07512359190) یانژی بڤێ هژمارا بانكی
( Bank Name: Kurdistan International Bank
Swift Code: KIBIIQBA
IBAN Number: IQ01KIB 10003181
Account Number: 10003181

188

ئه‌ڤرۆ نیۆز، قائید میرۆ
وه‌زاره‌تا شه‌هید و ئه‌نفالكریان هه‌لدانا گۆڕه‌كا ب كۆم ل گونده‌كێ زوممار ئه‌شكراكر كو تێدا، رۆفاتێن 23 وه‌لاتیێن كورد هه‌نه‌ و هاتینه‌ گولله‌ بارانكرن.

فوئاد عوسمان په‌یڤدارێ وه‌زاره‌تا شه‌هید و ئه‌نفالكریان بو ئه‌ڤرۆ نیۆز راگه‌هاند” ئه‌ڤرۆ ل گوندێ به‌ردی یێ سه‌رب ناحیا زوممار تیمه‌كا وه‌زاره‌تێ شیایه‌ گۆڕه‌كا بكۆم هه‌لده‌ت و تێدا رۆفاتێ 23 كه‌سان هه‌بوویه‌ و هاتینه‌ هنارتن بۆ نۆشداریا داد.
ناڤبری گۆتژی” ل گوره‌ی ئاخافتنا شایه‌تحالێن گوندی، داعش شه‌ڤه‌كێ ئه‌ڤ كه‌سه‌ ئیناینه‌ ده‌ڤه‌رێ و ده‌ستێن وان ب قاریشه‌كا لاستیك گرێداینه‌ و گولله‌ بارانكرینه‌ و دناڤا گۆڕه‌كا بكۆمدا ڤه‌شارتینه‌.
فوئادی خویاژیكر، ل گوره‌ی زانیاریێن وان ئه‌ڤ كه‌سه‌ كوردێن ده‌ڤه‌را شنگالێ بووینه‌ و دده‌مێ ئێرشا داعش ل باشورێ سكرێ مووسڵ كار دكرن، به‌لێ ژلایێ تیرۆرستانڤه‌ هاتینه‌ ده‌سته‌سه‌ركرن.

138

ئه‌ڤرۆ نیوز، ڤه‌ده‌ر سوبحى
فێدێریكا مۆگێرینی وه‌زیرا كارێن ده‌رڤه‌ یا ئێكه‌تیا ئه‌ورۆپا راگه‌هاند : ئێكه‌تیا ئورۆپی سۆزا 1 ملیار یورویان دا بۆ ئیراق و سوریا ژبۆ به‌رهنگاربوونا داعش ل ده‌ڤه‌رێ.
مۆگێرینی دیاركر ئه‌ڤ كوژمێ پاره‌ی دێ بزاڤێن ئه‌ورۆپا بهێز ئێخیت بۆ ڤه‌گه‌راندنا ئاشتی و ته‌ناهیێ بۆ سوریا و ئیراقێ كو بۆ ده‌مه‌كێ درێژه‌ تیرۆرێ و توندوتیژیێ زیان گه‌هاندینێ له‌ورا دێ ئێك ملیاران بۆ دو سالێن داهاتی پێشكێشی هه‌ردو وه‌لاتان كه‌ین.
ناڤهاتی گۆت”سۆتنا فرۆكه‌ڤانێ ئوردنی به‌لگه‌یه‌كا دی یه‌ كو تیرۆرێ سنۆر نینه‌ و موسلمان قوربانیێن سه‌ره‌كی یێن ڤێ تیرۆرێ نه‌.”

460

ئه‌ڤرۆ نیوز، ڤه‌ده‌ر سوبحى

ل دووڤ راپۆرته‌كا (زه‌ ئیندیپێندنت) كنفێ  بۆ سێداره‌دانا سه‌دام حوسێن هاتیه‌ بكارئینان ل سالا 2006 دێ ل سه‌ره‌كزێده‌كرنه‌كێ دا هێته‌ فرۆتن .
ژێده‌ره‌كێ ئیراقی راگه‌هاندیه‌ كو گه‌له‌ك داخازی لسه‌ر ڤی كنفى هه‌نه‌ كو ژ ئالیێ موه‌فه‌ق ئه‌لرۆبێعی ڤه‌ شیره‌تكارێ ئاسایشا نه‌ته‌وی یا ئیراقی ل سالا 2004 بۆ 2006هاتیه‌ پاراستن.
هه‌تا نها خێزانه‌كا زه‌نگین یا ئیسرائیلی و رێكخراوه‌كا ئایینی یا ئیرانی و بازرگانه‌كێ كوێتی داخازا خوه‌ پێشكێشكریه‌ بۆ كرینا ڤی كنفى.
هه‌تا نوكه‌ بكر 7 ملیون دولاران دده‌ن، لێ ناڤهاتی پتر دڤێت بۆ فرۆتنا وه‌ریسێ سه‌دام پێ هاتیه‌ سێداره‌دان.

30

نيشاندان1...1,9002,9003,9003,9093,9103,911...4,226زێده‌تر لاپه‌ر 3,910 ژ 4,226
مالپه‌رێ فه‌رمى یێ رۆژناما ئه‌ڤرۆ یه‌ .
ئاگــــــه‌هــــــداری نـــــوویـــــــاتیـــــــان ببــــه‌ .
په‌یوه‌ندی : rojnameyaevro@gmail.com
website security
© Copyright 2021 - Rojnameya Evro - Powered by Kurdo Plus
73 queries in 4.634 seconds.
WP Facebook Auto Publish Powered By : XYZScripts.com