ئه‌ڤرۆ نیوز، هه‌ژار مه‌عروف:
چاڤه‌رێ دهێته‌كرن ئه‌ڤ شه‌ڤه‌ ل ده‌مژمێر 9:40 ده‌قیقه‌ ب ده‌مێ كوردستانێ بۆ جارا ئێكێ لسه‌ر شاشا كه‌ناله‌كێ توركى به‌رنامه‌یه‌كێ تایبه‌ت ب ره‌وشا ته‌پا پێ یا باكورێ كوردستانێ ڤه‌ بهێته‌ پێشكێشكرن كو ئه‌ڤ به‌رنامه‌یه‌ دێ یێ گرێداى بیت ب یانێن كوردى ڤه‌ ئه‌وێن پشكدار دخولا توركیا دا یا ته‌پا پێ لسه‌ر شاشا كه‌نالێ TRTKURDI.
پێشكێشكه‌رێ ڤى به‌رنامه‌ى ئیلماز باى دیاركر ئه‌ڤ به‌رنامه‌ ب ناڤێ شه‌ڤا ڤتبولێ یه‌ دێ یێ گرێداى بیت ب یانێن باكورێ كوردستانێ ڤه‌ ئه‌وێن پشكدار د خولێن پلا ئێك و دو سێ و بالییگى لیگ و یاریكه‌رێ به‌رێ یێ یانا گه‌لاته‌سراى محه‌مه‌د گونار دێَ شروڤه‌یا یاریێن یانێن باكورێ كوردستانێ كه‌ت دڤى به‌رنامه‌ى دا.
ناڤبرى ئه‌و چه‌نده‌ ژى دیاركر ئه‌ڤ به‌رنامه‌ به‌رى نوكه‌ حه‌فتیانه‌ ئێك جار هاته‌ پێشكێشكرن لێ نه‌ یێ تایبه‌ت بۆ ب یانێن باكورێ كوردستانێ ڤه‌ لێ ئه‌ڤ جاره‌ سیسته‌مێ به‌رنامه‌ى هاته‌ گوهورین كو هه‌موو رۆژێن دوشه‌مبیا دێ به‌رنامه‌ یێ تایبه‌ت بیت یانێن باكورێ كوردستانێ ڤه‌ بۆ وێ چه‌ندێ پتر پشته‌ڤانێن وه‌رزشى ل هه‌ر چار پارجا ره‌وشا یانێن باكورێ كوردستانێ ب زانن .