ب وێنه: ئه‌نجلینا جولی ل دهۆكێ
نووترين نووچه
- نێچیرڤان بارزانی ب فەرمی بۆ وەلاتێ قەتەرێ دهێتە ڤەخواندن
- نێچیرڤان بارزانی و مەسرور بارزانی پیرۆزباهیێ ل شیرەتكارێ نوو یێ ئەلمانیایێ دكەن
- سەرۆكێ حوكمەتا هەرێمێ دوپاتیێ ل بهێزكرنا پەیوەندییان ل گەل هندستانێ دكەت
- خسرۆ گۆران: روودانێن دەڤەرێ كاریگەری ل سەر هەلبژارتنێن ئیراقێ نابیت
- نێزیكی 50 هزار تیرۆرست و كەسوكارێن وان مووچەیێ شەهیدان ژ حوكمەتا ئیراقێ وەردگرن
- بەغدا ب نە هنارتنا مووچەیێ خەلكێ كوردستانێ قەرەبوویا كێمبوونا داهاتییێن خوە دكەت
- نێچیرڤان بارزانی سەرەخوەشیێ ل ئەیاد عەلاوی دكەت
- مەسرور بارزانی: ئیراقێ پێدڤی ب حوكمڕانییەكا دادپەروەرانە هەیە
- تێكگەهشتنەكا باش هەیە و د زووترین دەم دا حوكمەت دێ هێتە پێكئینان
- وەزارەتا كۆچ و كۆچبەران سكالا دژی داخوازیێن مە بۆ مافێن ئاوارەیان تۆمار كریە
سه‌ره‌كى Facebook
قاره‌مانا قیرغستانێ و زاخۆ دێ هه‌مبه‌رى ئێك بن
ئه‌ڤرۆ نیوز، هه‌ژار مه‌عروف:
چاڤه‌رێ دهێته‌كرن سوباهى ل ده‌مژمێر 3:30 ب ده‌مێ كوردستانێ تیما ته‌پا پێ یا زاخۆ یاریا خوه یا چارێ بكه‌ت ژ چارچوڤێ كه‌مپا خوه یا راهێنانى ل باژێرێ ئه‌نتالیا و بریاره ئه‌ڤ جاره یاریا خوه به‌رامبه‌ر قاره‌مانا قیرغستانى دوردوى به‌شكیك ل یاریگه‌ها ئوتێلا تایتانیك بكه‌ت كو دناڤا پێكهاتیێ ڤێ تیمێ دا 14 یاریكه‌رێن نیڤده‌ولى یێن هه‌لبژارتیێ قرغستانێ كه‌ن.
تیما دوردوى به‌شكیك ئه‌وا نوكه د كه‌مپه‌كا راهێنانى دا ل وه‌لاتێ توركیا ئێك ژ به‌رنیاسترین تیمانه نوكه لسه‌ر ئاستێ وه‌لاتێ قیرغستانێ كو 14 یاریكه‌رێن هه‌لبژارتیێ قیرغستان بو دكه‌ن كو 9 یاریكه‌ر یاریكه‌رێن سه‌ره‌كى نه ل گه‌ل هه‌لبژارتیێ خوه زێده‌بارى دو یاریكه‌رێن هه‌لبژارتیێ باكستان و یاریكه‌ره‌كێ هه‌لبژارتیێ مه‌قدونیا كو چار یاریێن نیڤده‌ولى هه‌نه و پیشه‌كاره‌كێ سلوڤاكى كو ئه‌ڤ تیما سه‌ر ب مه‌زنترین كومپانیا وى وه‌لاتى یه چار جاران بوویه قاره‌مانا وه‌لاتێ خوه زێده‌بارى جاره‌كێ قاره‌مانا كاسا سه‌روكێ ئاسیا.
هه‌ژى گوتنێ یه تیما زاخۆ به‌رى نوكه سێ یاریێن هه‌ڤالینى د كه‌مپا راهێنانى یا ئه‌نتالیا دا كرى نه ئه‌وژى سه‌ركه‌فتن لسه‌ر ئه‌هوزیا یا كازاخستانى و ته‌كیروڤا یا توركى توماركرى نه و به‌رامبه‌ر كونیا ئه‌لتى وه‌كهه‌ڤ بووى یه.
ب وێنه: نێچیرڤان بارزانى ل سعودیێ
د ڤێ حه‌فتیێ دا یانێن باكوورێ كوردستانێ مفادار نه‌بوون
ئه‌ڤرۆ نیوز، هه‌ژار مه‌عروف:
یانێن باكورێ كوردستانێ د ڤێ حه‌فتیێ دا نه‌شیان ئه‌نجامێن باش د خولێن توركیا دا توماربكه‌ن د یاریێن خولا پلا دوو دا یانا ئامه‌د سپور ژ ده‌رڤه‌ى یاریگه‌ها خوه وه‌كهه‌ڤ بۆ ل گه‌ل یانا ئه‌لتاى بێ گول و مالاتیا سپور ژى ب دو گولان ل یاریگه‌ها ئه‌نه‌دول سپور وه‌كهه‌ڤ بوو.
ژلایه‌كى دى ڤه ل یاریگه‌ها خوه تیما ته‌پا پێ یا دیاربه‌كر سپور توشى خوساره‌تیه‌كا نه چاڤه‌رێكرى بوو ده‌مێ خوساره‌ت بووى د گه‌ل یانا سه‌نته‌جپه سپور ب دو گولان بێ به‌رامبه‌ر و هه‌ر د یاریێن خولا پلا سێ دا تیما وان سپور سه‌ركه‌فت لسه‌ر یانا به‌یلیرى.
د یاریێن خولا بالگى لیگ دا هه‌ڤركى یا كوما هه‌شتێ ب هێزتر لێ هات كو زوربه‌یا یانێن باكورێ كوردستانێ دڤێ كومێ دا نه، تیما جزیره سپور ب سه‌ركه‌فت لسه‌ر دیاربه‌كر یول سپور و بینگول خوساره‌ت بوو به‌رامبه‌ر باشكه‌لى سپور.
ئارمانجا سه‌ره‌دانا خوه بۆ كه‌مپێن ئاواران ل دهۆكێ دیار دكه‌ت
ئه‌ڤرۆ نیوز:
ئه‌نجلینا جولى نوێنه‌را نیازپاكیێ ل نه‌ته‌وێن یه‌كگرتى بۆ كاروبارێن په‌نابه‌ران نوكه د كۆنگره‌كێ رۆژنامه‌ڤانى دا، ل كه‌مپا خانكێ یا سه‌ر ب پارێزگه‌ها دهۆكێ ئاماژه ب ناڤه‌رۆكا سه‌ره‌دانا خوه بۆ باژێرێ دهۆكێ دا و گۆت: كوردستان یا بوویه په‌ناگه‌هه‌كا مه‌زن بۆ ئاواران، ئه‌ز یا هاتیم دا ژ نێزیك ئاگه‌هدارى ره‌وشا ئاواران ببم، سوپاسیا پارێزگه‌رێ دهۆكێ دكه‌م كو یا دشیاندا بیت یێ پێشكێشكرى، به‌لێ ئاواره پێدڤى ب پتر خزمه‌تگوزاریانه، سه‌ره‌راى وێ چه‌ندێ كو خه‌لكێ كوردستانێ گه‌له‌ك هاریكاریا ئاواران كریه.
ئه‌نجلینا جولى هه‌روه‌سا گۆت” ئه‌ز داخوازێ ژ جڤاكێ نێڤده‌وله‌تى دكه‌م كو پتر هاریكاریا ئاواران بكه‌ن و ئه‌گه‌ر پتر هاریكاریا وان نه‌هێته كرن، دێ ره‌وشا وان خرابپر لێ هێت”.
حوكمه‌ت ئه‌رزانبوونا بهایێ پانزینێ بۆ 850 دیناران ره‌ت دكه‌ت
ئه‌ڤرۆ نیوز:
ئاشتى هه‌ورامى وه‌زیرێ سامانێن سروشتى ل حوكمه‌تا هه‌رێما كوردستانێ ره‌ت دكه‌ت كو وان بڕیار دابیت كو بهایێ لتره‌كا پانزینێ ببیته 850 دینار.
ژ ئالیێ خوه‌ڤه، دوهى به‌یار دوسكى ئه‌ندامێ لژنا سامانێن سروشتى بۆ ئه‌ڤرۆ نیوز راگه‌هاندبوو كو حكومه‌تێ بڕیار یا داى بهایێ لتره‌كا پانزینێ ببیته 850 دینار.
ژ ئالیێ خوه‌ڤه، ئامانج ره‌حیم سكرتێرێ ئه‌نجومه‌نێ وه‌زیران یێ هه‌رێما كوردستانێ دیاركر كو كو رۆژا دوشه‌مبى ل ده‌مژمێر 11 سپێدێ دێ ئه‌نجومه‌نێ نه‌فت و گازێ كوم بیت و بهایێ پانزینێ بۆ قوناغا بهێت هێته دیاركرن.
شه‌رێ ئه‌ڤرۆ يێ نه‌وه‌ران د 21 وێنان دا
سه‌رۆك وه‌زيرێ توركيا ب كوردى ئاخفت
ڤێ حەفتیێ دێ سێ وەزیر چنە پەرلەمانی
بڕیارە ڤێ حەفتیێ سێ وەزیرێن حوکمەتێ بھێنە گازیکرن بۆ پەرلەمانی و ل دۆر قەیرانێن موچە و پانزین و پێشمەرگەی ھویردەکاریان بۆ پەرلەمانی رۆھن بکەن.
نازم ھەرکی ئەندامێ پەرلەمانێ کوردستانێ بۆ ئەڤرۆ نیۆز دیارکر، بڕیارە ڤێ حفتیێ ھەرسێ وەزیرێن سامانێن سرۆشتی و دارایی و ئابوری و پێشمەرگە بھێنە گازیکرن بۆ پەرلەمانێ کوردستانێ و دێ دگەل لیژنەیێن تایبەتمەند کۆمبوون.
نازمی گۆتژی” گازیکرنا ڤان سێ وەزیران دێ دانوستانێن و دوڤچوونێ بۆ ئاریشەیێن پانزینێ و قەیرانا دارایی و چاوانیا بەلافکرنا موچەیێ فەرمانبەران و بجە ئینانا بڕیارێن پەرلەمانی بۆ ھێزا پێشمەرگەی بیت، چونکو بەری نوکەژی ھاتینە ئاگەھدارکرن وەزیر بھێنە پەرلەمانی و ھویردەکریێن ڤان قەیرانا ئەشکرە بکەن.
كه‌سه‌كى خوه خه‌ندقاند
ئه‌ڤرۆ نيوز:
رێڤه‌به‌ريا پۆليسێن هه‌ولێر راگه‌هاند كو ئه‌ڤرۆ سپێدێ ده‌مژمێر 8:30 ده‌قيقه، ئه‌و هاتينه ئاگه‌هداركرن كو كه‌سه‌كى ل تاخێ گولان يێ باژێر هه‌ولێر خوه خه‌ندقانديه و پشتى ئه‌و گه‌هشتينه جهێ روودانێ دياربوويه كو كه‌سه‌كێ باكوورێ كوردستانێ يه ب ناڤێ باش باران كو ژ دايكبوويێ 1976 بوويه و يێ بێ كاره و ب تنێ د ناڤا خانيه‌كى دا دژيت.
دايه زانين ژى كو ته‌رمێ ناڤبرى ره‌وانه‌يى نوشداريا داد كريه دا كو ڤه‌كۆلين ل سه‌ر بهێته كرن و دێ بزاڤێ كه‌ن بگه‌هنه راستيێن خوه سێداره‌دانا ڤى كه‌سى.
نيشاندان
WP Facebook Auto Publish Powered By : XYZScripts.com