ئه‌ڤرۆ نيوز:
هه‌ر هه‌شت پێشمه‌رگێن هاتينه گه‌مارۆدان هاتنه ئازادكرن و هێرشا سه‌ر مه‌لا عه‌بدولا ده‌ستپێكر.
فه‌رمانده‌كێ هێزێن پێشمه‌رگه‌يى ل ميحوه‌رێ كه‌ركووك دبێژيت: “هێرش بۆ ئازادكرنا گۆندێ مه‌لا عه‌بدولا ده‌ستپێكر و هێزێن پێشمه‌رگه‌يى د پێشڤه‌چوونێ دانه”، ته‌كست كرژى كو ئه‌و مه‌لايێ ل هه‌ولێر چوويه ناڤ داعش دوهى هاتيه كوشتن.
عه‌ميد عوسمان ره‌مه‌زان فه‌رماندێ هێزێن پێشمه‌رگه‌يى ل ميحوه‌رێ كه‌ركووك، بۆ مالپه‌رێ فه‌رمى يێ پارتى ديموكراتى كوردستان راگه‌هاند: “د هێرشا دوهى يا سه‌ر چه‌كدارێن داعش ل سنورێ پارێزگه‌ها كه‌ركووك دربێن مه‌زن ل داعش داينه و نێزيكى 150 چه‌كدارێن وان كوشتينه و زيانێن مه‌زن پێكه‌فتينه”.
گۆتژى: “هه‌موو ئه‌و ده‌ڤه‌ر هاتينه ئازادكرن و ب تنێ گۆندێ مه‌لا عه‌بدولا مايه و هنده دێ ئه‌و ژى هێته ستاندن”.
ئاماژه ب وێ چه‌ندێ ژى كر كو ئه‌وان هه‌شت پێشمه‌رگه ئابلۆقه دابوون و گۆت: “مه شيا وان هه‌ر هه‌شت پێشمه‌رگێن ئابلۆقه داين ژى ئازاد بكه‌ين”.
ئه‌ڤرۆ نيوز:
نێچيرڤان بارزانى، سه‌رۆكێ حوكمه‌تا هه‌رێما كوردستانێ هوشدارى دا، كو هێرشێن ئه‌سمانى يێن هێزێن هه‌ڤپه‌يمانان ب تنێ به‌س نينن بۆ ژناڤبرنا داعش، د سه‌ر وێ چه‌ندێ را كو سه‌ركه‌فتن يێن تۆمار كرين و پێش بينى كر كو بهارێ ده‌ست ب ئازادكرنا مووسل ناهێته كرن، ئاماژه ب وێ چه‌ندێ ژى كر كو داعش دێ مه‌ترسى بيت بۆ سه‌ر ده‌رڤه‌رێ و جيهانێ بۆ چه‌ند سالان.
نێچيرڤان بارزانى سه‌رۆكێ حوكمه‌تا هه‌رێما كوردستانێ د ديدارا خوه يا ل گه‌ل رۆيترز دا خۆيا كر كو حه‌يده‌ر عه‌بادى كه‌سه‌كێ پراگماتيكى يه، مه‌زنترين كێشه ل هه‌مبه‌ر وى، نورى مالكى يه و گۆت: “ئێدى چو وه‌لاتێ ئێك پارچه‌يى نه‌مايه كو ناڤێ وى عيراق بيت و هه‌كه چارچۆڤه‌ك بۆ پێكڤه‌ژيانێ نه‌هێته دانان دێ خوينا زێده‌تر هێته رێتن”.
بارزانى دياركر كو پێشبينيێن ژناڤچوونا رێكخراوا تۆندره‌و د سنوردارن ژ ئه‌نجامێ شه‌رێ سه‌پاندى ل سوريا و ديارنه‌مانا له‌شكرێ عيراقى وه‌كو هێزه‌كا كاريگه‌ر ل سه‌ر ئه‌ردى ل گه‌ل كێماسيێن پێدڤيێن چه‌كى يێن هێزێن پێشمه‌رگه‌يى ل كوردستانێ و گۆت: “داعش نوكه سيسته‌مه‌كێ رێكخستى يێ هوور هه‌يى و دێ ب سالان مه‌ترسى بيت ل سه‌ر ده‌ڤه‌رێ و جيهانێ.
نێچيرڤان بارزانى گۆت: “ئه‌ڤ شه‌ره يێ درێژه. ل سه‌ر زێده‌ترى 15 مليۆن كه‌سايه ل عيراقێ و سوريا”. زێده‌تر گۆت: “نوكه داعش ژناڤچوويه و كونترۆل ل سه‌ر هاتيه كرن، به‌لێ هێشتا د شيانێن وێ دا هێرشان بكه‌ت”. پێڤه‌چوو و گۆت: “ئه‌و د رێكخستى نه و شيانێن نووبوونا ئه‌ندامێن خوه هه‌يه ژ هه‌موو ده‌ڤه‌رێن جيهانێ، هه‌يكه‌لێ وێ وه‌سان هاتيه چێكرن يێ پاراستى بيت”.
د سه‌ر وێ چه‌ندێ را ته‌كست كر: “يا ڤه‌بڕى يه كو ب دربێن ئه‌سمانى ب تنێ ئه‌ڤ رێكخستيه ژ ناڤ ناچيت، بۆ ژناڤبرنا ڤێ رێكخستيێ پێدڤى ب هێزێن تايبه‌ته، نه له‌شكرێ نورمال ل سه‌ر ئه‌ردى، به‌لكو كريارێن له‌شكرى يێن هه‌ڤپشك يێ كوشتنێ ل گه‌ل پێشمه‌رگه‌يى”.
ده‌رباره‌يى مووسل ژى دا زانين كو كورد يێ شه‌رێ داعش دكه‌ن ژ پێخه‌مه‌ت وان ده‌ڤه‌رێن گرێدايى كوردان و نه‌ڤێت پێشمه‌رگه ل پێشيا له‌شكرى بيت بۆ ئازادكرنا مووسل و گۆت: “مه دڤێت دوورى ململانێ بين ل عيراقێ”.
ئاماژه ب وێ چه‌ندێ ژى كر كو ئه‌و پێشبينى ناكه‌ت هێرشا رزگاركرنا مووسل ل ئادارێ ده‌ست پێ بكه‌ت و پێشبينى دكه‌ت بچيته ئيلۆنێ يان چريا ئێكێ.
ئه‌ڤرۆ نيوز:
خودێ زارۆيه‌كێ نوو دا ستێرا ناڤدارا جيهانى يا كۆلۆمپى شاكيرايێ و ياريكه‌رێ يانا برشه‌لۆنا يا ئسپانى گيرارد پيكێ.
ده‌زگه‌هێن راگه‌هاندنا جيهانى ئه‌ڤرۆ راگه‌هاند كو خودێ كوڕه‌كێ دى دا هه‌ردو ستێرێن ناڤدارێن جيهانى؛ سترانبێژا كۆلۆمپى شاكيرايێ و ياريكه‌رێ يانا به‌رشه‌لۆنا گيرارد پيكێ و وه‌كو ئه‌ندامه‌كێ يانا به‌رشه‌لۆنا هاته تۆماركرن.
ئه‌ڤرۆ نيوز:
هێزێن پێشمه‌رگه‌يى ژ سێ ميحوه‌ران ل سنورێ كه‌ركووك هێرش كره سه‌ر چكدارێن داعش.
ب گۆره‌يى ئه‌و پێزانينێن ل به‌ر ده‌ست هێرشا پێشمه‌رگه‌يى بۆ سه‌ر چه‌كدارێن داعش ل باشوورێ كه‌ركووك ل سێ ميحوه‌ران ده‌سپێكر.
ب گۆره‌يى نووچه‌يان مه‌ره‌م ژ ڤێ هێرشا پێشمه‌رگه‌يى بۆ وه‌رگرتنا هه‌ر سێ ده‌ڤه‌رێن خه‌بازه و فه‌تحه و پشكه‌ك ژ مه‌لا عه‌بدولايه.
ماموستایێ زانستێن سیاسی ل كولیژا یاسا و رامیاری ل زانكویا سه‌لاحه‌دین بو ئه‌ڤرۆ نیوز دیاركر لایه‌نێ كوردی سێ هه‌یڤه وه‌ك نیاز پاكیا خوه موله‌ت دابوونه عه‌بادی، لێ ده‌ربازبوونا ئه‌وی ده‌می ل گوره‌يی رێكه‌فتنا هه‌رێمێ ل گه‌ل به‌غدا نها ئاریشێن ته‌كنیكی هه‌نه و نابنه ئاریشێن سه‌ره‌كی د ناڤبه‌را هه‌رێم و به‌غدا دا كو كێشه چاره نه‌بن.
د.عه‌بدولحه‌كیم خسرۆ گۆت: “ئه‌و رێكه‌فتنا هه‌رێمێ ل گه‌ل به‌غدا پێدڤی ب ده‌می هه‌یه و چاڤه‌رێ بین دانوستاندنێن زێده‌تره ل گه‌ل به‌غدا، هه‌موو تشته‌ك ژی هاتیه رۆهنكرن د رێكه‌فتنێ دا”.
ماموستایێ زانستێن سیاسی ئه‌و ئیكه‌ژی دا زانین كو پێدڤیه حوكمه‌تا هه‌رێما كوردستانێ ژی هه‌لویستێ عه‌بادی و عادل عه‌بدولمه‌هدی به‌رچاڤ وه‌رگريت و رۆهنكرنێن زێده‌تر ل سه‌ر بده‌ن.
ناڤبری ئه‌و چه‌نده ژی گوت: “ئه‌ڤ رێكه‌فتنه يا ستراتیژی یه نه‌ك ته‌كتیكی يه هه‌رێم و نه به‌غدا وه‌كو رێكه‌فتن بۆ قۆناغه‌كێ يان ده‌مه‌كی نابینن، له‌ورا دێ به‌رده‌وام بن ل سه‌ر، دا بیته بنه‌مایه‌ك بۆ رێكه‌فتنا دووماهیی ل گه‌ل به‌غدا”.
نه‌ڤه‌شارت ژى كو نوكه ترس ژ وێ چه‌ندێ هه‌یه هێزێن سیاسی هه‌بن ل عیراقێ كو رێگریان بێخنه پرۆسا وێ و گۆت: “نه رۆهنیا ناڤه‌رۆكا رێكه‌فتنێ دبیت ببيته ئاریشه”.
ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمانێ دهۆكێ دێ ساهى بيت ل گه‌ل په‌يدابوونا هنده‌ك ئه‌وران ل هنده‌ك ده‌ڤه‌ران.
پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ بێ هێزبوونا فشارێن وه‌لاتێ توركيا بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رێكه‌فتى 1\2\2015 دێ ئه‌سمانێ دهۆكێ دێ ساهى بيت ل گه‌ل په‌يدابوونا هنده‌ك ئه‌وران ل هنده‌ك ده‌ڤه‌ران.
رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه كو پلا گه‌رماتيێ ژى دێ پيچه‌ك بلند بيت هه‌ڤبه‌ركى ل گه‌ل رۆژێن به‌رى نوكه ب ره‌نگه‌كى د ناڤبه‌را 17 بۆ 5 دا.
ل دۆر پێشبينيا رێژا هه‌وايى و مه‌ودايێ ديتنێ ژى دايه زانين كو دێ ئاراسته‌يێ وى دێ باكوورێ رۆژهه‌لات بيت ب ره‌نگه‌كى دێ يێ ل سه‌ر خوه بيت د ناڤبه‌را 5 بۆ 10 كلم د ده‌مژمێره‌كێ ماوێ ديتنێ ژى 10 كلم بيت.
ئه‌ڤرۆ نيوز:
لەشکەرێن تورکان ل سه‌ر سنورى هێرش كره سه‌ر ژنەکا کورد ژ دێرکا حەمکۆى و ب گولان كوشت.
ژنەکە کورد تەمەنێ 30 سالی دەما دخوەست ژ رۆژاڤا بەر ب باکوور ڤە بچيت ل سەر سنۆر ژ ئالیێ (جه‌ندرما)ێن تورکیێ ڤە هێرش كره سه‌ر و كوشت.
ھات راگەھاندن کو ژنا کورد ب ناڤێ (نەزاھەت جەلال) 30 سالیە ژ دێرەکا حەمکۆیی ل سەر سنۆرێ تورکیێ ب گولەیێن کلانشینکۆفێ هاتيه کوشتن.
ژێده‌ر: kurddunya
ئه‌ڤرۆ نیۆز، قائید میرۆ
مه‌لا شوان كوردی ئێك ژ داعشێن كورد ل شه‌ڕێ كه‌ركووكێ ژلایێ هێزێن پێشمه‌رگه‌یڤه هاتیه كوشتن و ده‌زگه‌هێن ئه‌منی كوشتنا وى پشتڕاستكریه.
عه‌قید ئیدریس ره‌فعه‌ت، به‌رپرسێ حه‌ره‌كاتا ئاسایشا كه‌ركووكێ بۆ ئه‌ڤرۆ نیۆز گۆت” شه‌ڤا ئه‌ینی مه‌لا شوان كوردی، ب رێیا گرته‌یه‌كا ڤیدیۆیی نوچه‌یێ سه‌ركه‌فتنێ دده‌ته لایه‌نگرێن خوه، به‌لێ ل شه‌ڕێ كه‌ركووكێ هاتیه كوشتن و پشكنین بۆ ته‌رمێ وی هاتیه‌كرن، ده‌ركه‌فتیه ته‌رمێ مه‌لا شوانه.
عه‌قیدی گۆتژی” ئه‌م وه‌لاتیێن كوردستانێ پشتڕاست دكه‌ین مه‌لا شوان هاتیه كوشتن و ته‌رمێ وى دده‌ستێ هێزێن ئه‌منی و پێشمه‌رگه‌یدایه.
مه‌لا شوان كوردی، ئیمام و گوتار خوینێ مزگه‌فته‌كا ده‌وروبه‌رێ باژێڕێ هه‌ولێرێ بوو، هه‌یڤا 11ی سالا بۆری دگه‌ل خێزانا خوه چوویه ناڤ داعش.
نيشاندان