NO IORG
نووترين نووچه
Facebook

203

ئه‌ڤرۆ نيوز:

نوكه‌ ب ناڤگيريا حوكمه‌تا هه‌رێما كوردستانێ و ل سه‌ر ده‌سپێشخه‌ريا نێچيرڤان بارزانى، شانده‌كێ پارتا ديموكراتا كوردستانێ و پارتيا كرێكارێن كوردستانێ يێ د كوم بووين دا كو ئه‌و ئالوزيا په‌يدا بوويى نه‌هێلن.

ب گۆره‌يى ئه‌و ژێده‌رێن ل به‌ر ده‌ست، پشتى دوهى شانده‌كێ حوكمه‌تا هه‌رێما كوردستانێ سه‌ره‌دانا ده‌فته‌را سياسى يا پارتيا ديموكرات ل ئيرانێ كۆمبوويى نوكه‌، ئه‌و شاند كو پێكهاتيه‌ ژ چه‌ند وه‌زيران و ژ وان ژى كه‌ريم شنگالى وه‌زيرێ ناڤخۆ، كۆمبوونا پارتيا ديموكرات ل ئيرانێ و پارتيا كرێكارێن كوردستانێ كۆمبوون.

به‌رى كێمتر ژ دو حه‌فتيان، گه‌ريلايێن په‌كه‌كێ هژماره‌كا پێشمه‌رگێن رۆژهه‌لات ئابلۆقه‌ دان و پاشان ژى هێرش كره‌ سه‌ر و پێشمه‌رگه‌كێ پارتيا ديموكرات شه‌هيد كر و ب ڤێ چه‌ندێ ژى پشتى چه‌ندين سالان ژ راوه‌ستيانێ، جاره‌كا دى خوينا كوردان ب ده‌ستێ كوردان هاته‌ رێشتن.

دوهى سه‌رۆكێ هه‌رێما كوردستانێ د به‌ياننامه‌كێ دا راگه‌هاند بوو كو شه‌رێ خوكوژيێ د به‌رژه‌وه‌ندا چو لايان دا نينه‌ و خزمه‌تا نه‌ته‌وى و پارتيان ناكه‌ت.

ديسا ئاماژه‌ ب وێ چه‌ندێ ژى كربوو كو ل سه‌ر حوكمه‌تا هه‌رێما كوردستانێ پێدڤيه‌ ناڤگريا هه‌ردو لايان بكه‌ت دا كو وان ئالۆزيێن هه‌ين چاره‌ بكه‌ت.

ئه‌ڤرۆ نيوز:

سه‌رۆكێ هه‌رێما كوردستانێ راگه‌هاند، سۆپايێ عيراقێ يێ بوويه‌ سۆپايه‌كێ تايفى و ئه‌ڤه‌ ژى بوويه‌ ئه‌گه‌رێ ئيرادا پارێزگاريكرنا وه‌لاتى نه‌مينيت.

مه‌سعود بارزانى سه‌رۆكێ هه‌رێما كوردستانێ د چاڤپێكه‌فتنه‌كێ دا ل گه‌ل كه‌نالێ سى ئێن بى سى يێ ئه‌مريكى راگه‌هاند: سۆپايێ عيراقێ نه‌شيايه‌ پارێزگاريێ ل باژێرێ رومادى و ده‌ڤه‌رێن دى يێن عيراقێ بكه‌ت، چونكو تايفه‌گه‌رى رێگربوو د وى سۆپايى دا كو ئيرادا پارێزگاريكرنا وه‌لاتى نه‌مينيت.

ئاماژه‌ ب وێ چه‌ندێ ژى كر كو ئه‌و كێشا كو د سوپايێ عيراقێ دا هه‌يه‌، بۆ رژێما به‌رێ يا ڤى وه‌لات ڤه‌دگه‌ريت كو ژينگه‌هه‌كا وه‌سان دروست كريه‌ تێدا له‌شكرێ نشتيمانى يێ عيراقێ كريه‌ له‌شكره‌كێ تايفى و ئه‌ڤێ ژى وه‌كريه‌ كو كونترۆلكرن و پاراستنا وه‌لاتى يا سه‌ركه‌فتى نه‌بيت.

ئه‌ڤرۆ نيوز:

فه‌رماندێ هێزێن هه‌ڤپشكێن عيراقێ، كو ژ سۆپا و پۆليسێن فيدرال و حه‌شه‌د شه‌عبى ئۆپه‌راسيۆنێن كونترۆلكرنا ئه‌نبار راگه‌هاند.

پشتى ماوێ حه‌فتيه‌كێ ژ گرتنا باژێرێ رومادى سه‌نته‌رێ پارێزگه‌ها ئه‌نبار، ژ لايێ چه‌كدارێن داعش ڤه‌، ئه‌ڤرۆ رۆژا سێشه‌مبى رێكه‌فتى 26ى گۆلانا 2015ێ فه‌رماندێ هێزێن هه‌ڤپشكێن عيراقێ ئوپه‌راسيۆنا كونترۆلكرنا ئه‌نبار راگه‌هاند.

ب گۆره‌يى ئه‌و پێزانينێن ده‌زگه‌هێن راگه‌هاندنا عيراقى به‌لاڤ كرين، ئه‌ڤ ئۆپه‌راسيۆنه‌ ژ 20 هزار چه‌كدارێن حه‌شه‌د شه‌عبى و 15 هزار له‌شكرێن سه‌ر ب هێزێن ئه‌منى ڤه‌ پێك دهێت.

ئه‌ڤرۆ نيوز:

وه‌زيرێ كاروبارێن شه‌هيدان رادگه‌هينيت كو ژ ئه‌گه‌رێ كێ مته‌رخه‌ميا وه‌زاره‌تا پێشمه‌رگه‌يى، هه‌تا نوكه‌ چو پێشمه‌رگێن شه‌رێ داعش ب شه‌هيد ژ لايێ حوكمه‌تێ ڤه‌ نه‌هاتينه‌ هژمارتن.

مه‌حمود حاجى سالح وه‌زيرێ كاروبارێن شه‌هيدان و ئه‌نفالكريان ل حوكمه‌تا هه‌رێما كوردستانێ بۆ حه‌فتيناما باس راگه‌هاند كو هه‌تا نوكه‌ چو پێشمه‌رگێن شه‌رێ داعش يێن شه‌هيد بووين ل لايێ حوكمه‌تێ نه‌هاتينه‌ تۆماركرن.

ل دۆر ئه‌گه‌رێ ژى ئاشكه‌را كر كو ژ وه‌زاره‌تا پێشمه‌رگه‌يى، چونكو هه‌تا نوكه‌ دوسيێ ئه‌و پێشمه‌رگێن خۆبه‌خش يێن ل لايێ وه‌زاره‌تا پێشمه‌رگه‌ بۆ وان ره‌وانه‌ نه‌كرينه‌.

گۆتژى: “دڤێت دوسيێن وان ب رێكخراوه‌يى بهنێرن و دو پله‌ ژى ب هه‌ر پێشمه‌رگه‌كێ شه‌هيد بهێنه‌ دان، پاشان مووچه‌ و ئمتيازاتێن شه‌هيدى دێ بۆ بنه‌مال و كه‌سوكارێن وان هێنه‌ ده‌رخستن”.

ب گۆره‌يى حوكمه‌تا هه‌رێما كوردستانێ خێزانا هه‌ر پێشمه‌رگه‌كێ ل شه‌ر داعش شه‌هيد دبيت، دێ شه‌ش هه‌يڤا مووچێ وى يێ پێشمه‌رگاتيێ وه‌رگريت و پاشان ژى دێ وه‌كو شه‌هيد ل وه‌زاره‌تا كاروبارێن شه‌هيد و ئه‌نفالكريان مووچه‌ بۆ هێته‌ دابينكرن، به‌لێ وه‌زيرێ كاروبارێن پێشمه‌رگه‌يى دبێژيت: “هنده‌ك پێشمه‌رگه‌ ئه‌ڤه‌ ساله‌كه‌ شه‌هيد بووين، ژ به‌ر بێخه‌ميا وه‌زاره‌تا پێشمه‌رگه‌ نه‌شياينه‌ مووچه‌يى بۆ كه‌سوكارێن وان دابين بكه‌ين”.

318

ئه‌ڤرۆ نيوز:

پشكا راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ ده‌سته‌سه‌كرنا چه‌ند تاوانباران راگه‌هاند كو ژ لايێ رێڤه‌به‌ريا نه‌هێلانا گۆنه‌هباريان ڤه‌ هاتينه‌ گرتن و هنده‌ك ژ وان ل ده‌مێ دزيێ هاتينه‌ ده‌سته‌سه‌ركرن.

279

ئه‌ڤرۆ نيوز:

رێڤەبەریا گشتیا کەشناسیێ ل ھەرێما کوردستانێ راگەھاند کو سوبه‌هى ئه‌سمان دێ يێ ئه‌ورى بيت ل گه‌ل هه‌بوونا تۆزه‌كا سڤك.

پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئه‌نجامێ فشارێن نزمێن رۆژهه‌لاتێ توركيا و ڤه‌كێشانا فشارێن نزمێن گزيرتا عه‌ره‌بى بۆ سەر ھەرێما کوردستانێ ئەو پێشبینی دکەن کو سوبه‌هى رێكه‌فتى 27ى گۆلانا 2015ێ ئه‌سمان دێ يێ ئه‌ورى بيت ل گه‌ل هه‌بوونا تۆزه‌كا سڤك.

رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلا گەرماتیێ دێ يا هه‌ڤبه‌ركرى بيت ل گه‌ل رۆژێن به‌رى نوكه‌ ب رەنگەکی د ناڤبەرا 20 بۆ 33 دا.

ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ باكوورێ رۆژهه‌لات بیت ب رەنگەکی دێ ل سه‌ر خوه‌ بیت د ناڤبەرا 5 بۆ 10 کلم د دەمژمێرەکێ دا، ماوێ دیتنێ ژی دێ 8 بۆ 10 کلم بیت.

ئه‌ڤرۆ نیوز:

وه‌زاره‌تا دارایى و ئابوورى راگه‌هاند كو ئه‌ڤرۆ رۆژا رۆژا سێشه‌مبیى رێكه‌فتى 26ى گۆلانا 2015ێ ئه‌ڤ جهێن ل خوارێ دێ مووچێ هه‌يڤا سێ وه‌رگرن.
1_. خانه‌نشینێن مه‌ده‌نی‌
2_ سه‌رۆكایه‌تا هه‌رێم
3 _ سه‌رۆكایه‌تا په‌رله‌مانى
4_ سه‌رۆكایه‌تا ئه‌نجوومه‌نی‌ وه‌زیران
5_ كۆمسیۆنا باڵا

ئه‌ڤرۆ نيوز:

بڕياره‌ ئه‌ڤرۆ رۆژا سێشه‌مبى رێكه‌فتى 26ى گۆلانا 2015ێ ب ئاماده‌بوونا جێگرێ سه‌رۆكێ حوكمه‌تێ و دو وه‌زيران روونشته‌كا ئاسايى يا په‌رله‌مانێ كوردستانێ بهێته‌ ئه‌نجام دان.

محه‌مه‌د عه‌لى ياسين ئاخفتنكه‌رێ ب ناڤێ فراكسيۆنا زه‌ر ل په‌رله‌مانێ كوردستانێ بۆ ئه‌ڤرۆ نيوز گۆت: “ده‌سته‌يا سه‌رۆكاتيا په‌رله‌مانى بڕيار دايه‌ كو روونشتنا ژماره‌ 12 يا خولا بهارێ ژ خولا هه‌لبژارتنێن چارێ يا په‌رله‌مانێ كوردستانێ ل ده‌مژمێر 11:00ى به‌رى نيڤرۆيا ئه‌ڤرۆ رۆژا سێشه‌مبى رێكه‌فتى 26ى گۆلانا 2015ێ بيت”.

ئاماژه‌ ب وێ چه‌ندێ كر كو دێ د ڤێ كۆمبوونێ دا دانوستاندن ل سه‌ر راكێشانا مايه‌ د رێيا قه‌ركرنێ ل هه‌رێما كوردستانێ ب گۆره‌يى ماددێن 72، 74 و 75 ژ په‌يره‌وێ ناڤخۆ يێ په‌رله‌مانێ كوردستانێ ژماره‌ 1 يا سالا 1992ێ يێ راستڤه‌كرى.

محه‌مه‌د عه‌لى ياسين گۆتژى: “ديسا دێ دانوستاندنێ ل دۆر كێشێن زێده‌گاڤيێ ل هه‌رێما كوردستانێ دكه‌ن ب ئاماده‌بوونا جێگرێ سه‌رۆكێ جڤاتا وه‌زيران و هه‌ردو وه‌زيرێن چاندنێ و ژێده‌رێن ئاڤێ و باژێرڤانى و گه‌شتوگۆزار ب گۆره‌يى خالا 2 يا برگا دويێ يا مادێ 54 ژ په‌يره‌وێ ناڤخۆ يێ په‌رله‌مانى ژماره‌ 1 يێ سالا 1992ێ يێ راستڤه‌كرى”.

ئەڤرۆ:
دارا ناتق ئەندامێ سەرکردایەتیا پارتی دیموکراتی کوردستان- ئیران بۆ رۆژناما ئەڤرۆ دیار کر کو پشتی شەرەکێ د ناڤبەرا پێشمەرگێن وان ل گەل PKK نھا بەرپرسێن PKK داخواز ژ مە دکەن کو ئەم دەڤەرێ کەلەشینێ چۆل بکەین و ڤەگەرینە بنگەھێن خوە ل کۆیێ و دبێژین ھەکە ئەو یەک بھێتە کرن ئەو دێ بەرھەڤ بن کو دەست ب دانوستاندنان بکەن و ھەتا نھا ژی چو دانوستاندنەک راستەوخوە د ناڤبەرا مە و PKK دا دروست نەبوویە و گۆت: (مە ب رێیا ھندەک دۆستێن خوە بۆ بەرپرسێن PKK دیار کریە کو ئەم ب چو رەنگەکێ وێ دەڤەرێ چۆل ناکەین، چونکو ب سالان ھێزێن مە ل وێرێ بووینە و بەری ھاتنا PKK ب دەھان بنگەھێن مە ل کەلەشین و گەلەک دەڤەرێن دیتر ھەبوون و ئەو نەشێن بێژنە مە کو دڤێت ھوون ژ وێرێ بچن و ژ بەر ھندێ ژی ئەو داخوازیا PKK ژ ئالیێ پارتیا مە ڤە ھاتیە رەت کرن).
ئەندامێ سەرکردایەتیا پارتی دیموکراتی کوردستان- ئیران د بەردەوامیا ئاخڤتنا خوە دا ئەو یەک ژی دیار کر کو نھا شەر ھاتیە راگرتن و چو شەرەک د ناڤبەرا ھێزێن مە ل گەل یێن PKK دا نینە و مە دوھی ژی ب رێیا ھندەک دۆستان داخواز ژ وان کریە کو ئەم ھەڤدیتنەکێ دروست بکەین و ئاریشێن خوە ب رێیا دانوستاندنێ چارە بکەین و وەک نیەت پاکیەک ژی ئەو گەریلایێن کو ژ ئالیێ مە ڤە ھاتبوونە دەستەسەر کرن مە ئازاد کر، لێ جھێ داخێ یە کو ھەتا نھا ژی بەرپرسێن PKK بەرھەڤ نینن کو ل گەل مە دانوستاندنان بکەن و ئەو داخوازا وان ژی ژ ئالیێ مە ھاتیە رەت کرن و گۆت: (ئەو شەرێ کو دروست بوویی تشتەکێ گەلەک خراب بوو، پێدڤی بوو کو وان تشتەک وەسا نەکربا،بەس گەلێ کورد و ھەموو پارت و ئالیێن سیاسی یێن ھەر چار پارچێن کوردستانێ دژبەریا خوە ل ھەمبەر وێ ھێرشا PKK دیار کرن و داخوازا چارەکرنا وێ ئالۆزیێ کرن و مە بەری نھا ژی دیار کریە کو ئەم بەرھەڤین ب دانوستاندنان وێ ئالۆزیێ چارە بکەین و ھەتا نھا ژی وان بەرھەڤیا خوە بۆ وێ یەکێ دیار نەکریە).
دارا ناتق د دووماھیا ئاخڤتنا خوە دا ئەو یەک ژی نەڤەشارت و راگەھاند کو PKK نە دۆژمنێ مە یە، بەلکو دۆژمنێ مە کۆمارا ئیسلامی یا ئیرانێ یە و ژ بەر ھندێ نابیت PKK ئاستەنگیان ل ھەمبەر خەباتا مە ل رۆژھەلاتێ کوردستانێ دروست بکەت، چونکو نھا ل رۆژھەلاتێ کوردستانێ ژی رەوش ھاتیە گوھۆرین و خەلکێ مە چاڤەرێ ئێکەتیا ھەموو ھێزێن کوردستانێ دکەت و ژ بەر ھندێ ژی ھەر ژ رۆژا کو ئالۆزی دروست بوویی ھەتا نھا پارتیا مە ب داخۆیانی و ب رێیا ھەڤال و دۆستان بزاڤ کریە کو شەر روو نەدەت و گۆت: (وان داخوازا مە یا بۆ دانوستاندنێ و چارەکرنێ رەت کر و ھێرشی مە کر و پێشمەرگەک مە شەھید بوو و سێ ژی بریندارن، ئەم جارەکا دی داخواز ژ PKK دکەین دەستان ژ وی ھەلویستێ خوە بەردەت یێ کو تنێ د خزمەتا دۆژمنێ کوردستانێ دایە، شەرێ کورد ل گەل کوردی چ دەمەکێ د بەرژەوەندا کوردان و چو پارتەکا کوردستانی دا نەبوویە و نینە و ئەم ھیڤیدارین کو بەرپرسیارێن PKK ب رەنگەکێ ھەستیار سەرەدەریێ ل گەل ڤێ ئالۆزیێ بکەن دا کو ئەم بشێین ب رێیا دانوستاندنان وێ پرسێ چارە بکەین).

website security
WP Facebook Auto Publish Powered By : XYZScripts.com