ئه‌ڤرۆ نیوز:
د فلمێ دكیومێنتارى یێ ب ناڤێ ( هنا كوبانى) چه‌كدارێن داعش ژ شه‌رڤانان دترسن، و دلته‌نگن كو هه‌كه لسه‌ر ده‌ستێ شه‌رڤانان بهێنه كوشتن ناچنه به‌هه‌شتێ.
ژێده‌ر: BBC
ڤیدیو: BBC ترسا داعش ژ شه‌رڤانان ئاشكرا دكه‌ت
نووترين نووچه
- سەرۆك بارزانی: پێدڤییە ل ئیراقێ كار ب بنەمایێن هەڤپشكیێ و هەڤسەنگیێ و ل هەڤهاتنێ بهێتە كرن
- نێچیرڤان بارزانی: پێدڤییە PKK چەكی دانیت و ئەڤە رامانا خوە رادەستكرنێ نینە
- مەسرور بارزانی: ب هەموو شێوەیەكێ پشتەڤانیێ ل سەرئێخستنا پڕۆسەیا ئاشتیێ ل توركیا دكەم
- عومەر ئۆرەیی: ب باوەرییا توركیا و ئۆجەلانی بێی سەرۆك بارزانی پڕۆسەیا ئاشتیێ سەرناگریت
- شرۆڤەكارەكێ سیاسی: مەرجێن بەغدا بەرانبەر هەرێما كوردستانێ ب دووماهی ناهێن
- مەسرور بارزانی: ب هەموو شێوەیەكی پشتەڤانیێ ل سەرئێخستنا پرۆسەیا ئاشتیێ ل توركیا دكەم
- ب هەموو شیانان پشتەڤانیێ ل خۆڕاگری و ماف و داخوازیێن جۆتیارێن كورد دكەین
- دڤێت هەموو پێكهاتە و حزبێن سیاسی ل هەرێمێ پشتەڤانییا جۆتیاران بكەن چونكە پرس یا ئاخێ یە
- ئەوا دژی جۆتیارێن كورد ل كەركووكێ هاتیە كرن جهێ قەبوولكرنێ نینە
- ڕەفتارا لەشكرێ ئیراقێ بەرانبەر جۆتیارێن كورد یا قەبوولكری نینە
سه‌ره‌كى Facebook
ره‌خنه ژ بریاره‌كا داگه‌ها تاوانێن دهۆكێ دهێته گرتن
ئه‌ڤرۆ نیوز:
پشكه‌ك ژ رێكخراوێن ژنان ل سلێمانیێ ب بریاره‌كا دادگه‌ها تاوانێن دهۆكێ دلگرانن ، كو دادگه‌هێ بریارا سزادانا هه‌تا هه‌تایى یا بكوژێ دونیایێ بۆ 10 سالان كێم كریه.
گرۆپێ ژنان، گرۆپه‌كێ سه‌ربخویه و به‌ره‌ڤانیێ ژ مافێ ژنان دكه‌ت، دێ نامه‌كا نه‌رازیبوونێ ئاراسته‌ى سه‌رۆكێ هه‌رێما كوردستانێ كه‌ن و دێ داخوازێ ژێ كه‌ن پێداچوون، د بڕیارا كه‌یسێ دونیایێ دا بهێته كرن.
بۆ پتر پێزانینان ل دۆر بابه‌تى، ڤى ده‌نگوباسێ ئه‌ڤرۆ نیوز بخوینن:
ئەزا بویمە قەیرە کچ
کچەکا ٣٥ سالی دلێ خوە بۆ رۆژنامەیا ئەڤرۆ ڤەدکەت و دبێژیت: کچەکم یا تێگەھشتی مە و د دەمێ خوەدا یا جوان بوم و گەلەک جارا خوازگینیێن من دھاتن لێ باب و برایێن من رازی نەدبون کو من بدەنێ نەخاسمە گەر زانیبا کو من ئەو کەسە دڤێت و لدووڤ رەزامەندیا من ھاتینە خوازگینیا و بەروڤاژی ڤێ چەندێ ژی ھندەک کەس دھاتنە خوازگینیێن من کونیاسێن مە بون یان مروڤێن مە ئەوان حەز دکر شوی پێ بکەم بەس من نەدڤیان یەعنی ئەوێن وان حەز دکر کو ھەڤژینیێ لگەل پێک بینم من نەدڤیان و ئەوێن من دڤیان ئەو لسەر رازی نەدبون و ھوسا درێژ بو تا ڤی دەمی کو بێگومان نھا ئەز یا بویمە قەیرە کچ و ئەو دەلیڤەیێن ھینگێ ھەموو ژ دەست من چون و ئێدی چ کەس ناھێن بتنێ ب مخابنیڤە ئەز دبێژم ئەڤە ماوەیەکە زەلامەکێ خودان ژن کو شەش زارو ھەنە بخوە دبێژیتە من و ژ من دخوازیت کو شوی پی َ بکەم حەتا ھەڤژینا وی ژی یا رازیە و ڤی بابەتی دزانیت و ھەڤژینا وی بخوە ژی دگەل من ئاخفتیە و گوتیە من ئەزا رازیمە بەس ئەز نەشێم رازی ببم ژبەرکو ژلایەکێ ڤە ئەز نەشێم لسەر ھەوی بچم و ژلایێ دیڤە من نەڤێت ئەز ببمە ئەگەرێ نەخوشکرنا ژیانا ھەڤژین و زاروکێت وی و نھا پشتی خێزانا من ژی بێ ھیڤی بوین دبێژنە من ھەما شوی بڤی بکە ئەڤجا ئەز نزانم چ بکەم ھیڤیدارم دکتور تو چ دبێژی بو ڤێ ئاریشا من و ئەز چ بکەم ؟
کچا ھێژا :
مخابن ھندەک جارا رەوشەنبیریا جڤاکی گڤاشتنا لسەر مروڤا دکەن کو رەفتارەکی ئەنجام بدەن ژوانا رەفزا بجە ئینانا حەزێن کچا ژبەر کو ئەو ھزر دکەن کێماسی یە و ئەو دزانن پروژێ پێکئینانا خێزانێ ئاڤا دبیت لسەر بنەمایێ ڤیانێ و ئەو وەک نمونە بەلێ بخو قەبول دکەن بەلێ بو خیشکا نەیا مەقبولە ئەڤجا ئەوا ژی ب ڤان دیتنا ژیان شروڤە دکر و خوە نەترسینە و ھەر ب ئومێد بە کو دەرفەتێن باش دێ ھەبن و تو یاجوان بوی و دێ ھەر مینی یا جوان و ھزرێن خوە شاش نەکە و یاچویی ژبیر بکە و ھزرێ د نوکەدا بکە ژبەر کو دێ تە تێکبەت و ژیانا تە ئالوزکەت و بزانە نە ھەر کەسەکێ ب وان رەنگا شوکریە دخوشیا دانە ئەڤجا ب ئومێد بە کو بەرەف ژیانەکا خوش دچی و تو ھەر دەرفەتەکا بھێت بو تە باش ھزرا تێدا بکە و بھەلسەنگینە ژ ھەموو لاڤە نە ب (میسالیاتا ) بچیێ وبلا لایێ عەقلی یێ زالبیت لسەر و پاشی بریارا خوە وەربگرە و بدیتنا مە تە ھەر یا خوە گرتی ئەڤجا لەزاتیێ تێدا نەکە و داخازا سەرکەفتنێ بو تە دکەم .
تێبينى: ئه‌ڤ گۆشه ب رێيا پشكا جڤاكى ل رۆژناما ئه‌ڤرۆ دهێته ئاماده كرن و ئه‌و رۆژا ل رۆژنامێ دهێته دهێت به‌لاڤكرن ل مالپه‌رى ژى دهێته دانان.
ڤيديۆ: نه‌زانى ب راستى يا بوويه بووك
ئه‌ڤرۆ نيوز:
كچه‌كا ئمريكا ب ناڤێ كريستينا كراسه‌كێ ده‌هواتێ ل به‌ر خوه كر دا كو پشكدارى روونشتنه‌كا وێنه‌كرنێ ببيت ل سه‌ر داخوازا ئێك ژ هه‌ڤالێن خوه، پاشان بۆ كره سورپرايز و ئه‌و كراس يێ شه‌هيانا وێ بوو، هه‌ڤال و كه‌سوكارێن وێ ل جهێ كارى ل هيڤيێ بوون.
ئه‌ڤ ديمه‌نێن دبيت جاره‌كا دووباره نه‌بن، هه‌موو د تۆماركرى بوون، ئه‌و و هه‌ڤالێ خوه به‌ر ب دارا ژدايكبوونێ ڤه دچوون ل ئێك ژ جهێن بازرگانى ل باژێرێ بافورد ل ويلايه‌تا جورجيا يا ئه‌مريكى.
هه‌تا وى ده‌مى ئه‌وێ نه‌دزانى ئاهه‌نگا شه‌هيانا وێ يه، ده‌ما به‌ر ب دارا ژ دايكبوونێ دچوو، بابێ خوه ل وێرێ ديت و كۆمه‌كا گۆلان د ده‌ستى دابوو و دا به‌ر سينگێ خوه و گۆتێ كو ئه‌ڤرۆ رۆژا شه‌هيانا وێ يه، دايكا وێ ژى ل وێرێ ئاماده بوو و رۆندك ژ چاڤێن بووكێ هاتنه خوار.
پاشان كريستينايێ ده‌ستێ بابێ خوه گرت و چوون دا كو راده‌ستى هه‌ڤژينێ وێ برايان بكه‌ت، ئه‌وێ وه‌رگرتى و ژيانا هه‌ڤژينيا خوه راگه‌هاندى ل ناڤ جه‌ماوه‌ره‌كێ باش.
كوڕێن ئه‌لمانى ژ به‌ر كچێن رۆسى ره‌ڤين
ئه‌ڤرۆ نيوز:
يارێكه‌رێن تيمه‌كا ته‌پا پێ ل ليگا سێ يا ئه‌لمانى ئه‌و ئۆتێلا توركى ل باژێرێ ئه‌نتاليا ب جهـ هێلا ئه‌وان 400 كچێن رۆسى به‌ريكانا شاهجوانا رۆسيا لێ ئه‌نجام ددا.
ئاخفتنكه‌رێ ب ناڤێ تيمێ راگه‌هاند كو ئه‌وان تيم ب تمامى ژى هه‌موو ئه‌نتاليا ڤه‌گوهاست پشتى نووچه‌يێ گه‌هشتنا 400 كچێن رۆسى بۆ به‌ريكانا شاهجوانا وى وه‌لاتى گه‌هشتيه گۆهێن وان.
ئه‌ڤى ئاخفتنكه‌رێ ب ناڤێ يانێ ل سه‌ر مالپه‌رێ تايبه‌ت ب يانا خوه دوسبۆرگ گۆت: “ژ به‌ر كو ئۆتێل يا گرتى بوو بۆ نمايشكه‌رێن رۆسى يێن دێ به‌ريكانێ ل سه‌ر شاهجوانا رۆسيا كه‌ن، 400 كچ د ئاماده نه، تيم دێ ئۆتێلێ ب جهـ هێليت”.
ل دووماهيێ ژى ئاماژه ب وێ چه‌ندێ كريه كو ئه‌وان دڤێت ياريكه‌ر د كه‌شه‌كێ ئارام دا بن ژ به‌ر قووناغا داهاتى يا ليگا وان.
دانا پۆستێن ئيدارا سلێمانيێ دێ ل دووڤ ئه‌نجامێن هه‌لبژارتنان بيت
ئه‌ڤرۆ نيوز:
كۆمبوونا ئێكه‌تى نشتيمانى كوردستان و بزاڤا گۆڕان ل مه‌كۆيا سه‌ره‌كى يا گۆڕان ل سلێمانيێ ب دووماهى هات و هه‌ردولا ته‌كست ل سه‌ر وێ چه‌ندێ كر كو دێ پۆستێن سياسى ل دووڤ دستكه‌فتنێ هه‌لبژارتنان ب لايه‌نێن دى ده‌ن.
له‌تيف شێخ عومه‌ر ئه‌ندامێ وه‌ڤدێ دانوستاندكارێ ئێكه‌تى نشتيمانى كوردستان د كۆنگره‌كێ رۆژنامه‌ڤانى دا راگه‌هاند كو هه‌ردولا ل سه‌ر وێ چه‌ندێ رێكه‌فتن پێدانا پۆستێن سياسى ل ئيدارا سلێمانيێ ب لايه‌نێن دى ب گۆره‌يى ده‌ستكه‌فتنێ هه‌لبژارتنان بيت.
ژ لايێ خوه ڤه، د. ئاكۆ حه‌مه‌كه‌ريم ئه‌ندامێ وه‌ڤدێ دانوستانكارێ گۆڕان گۆت: “هه‌ردو لا ته‌كست ل سه‌ر وێ چه‌ندێ كريه كو ب گۆره‌يى ده‌ستكه‌فتنێ هه‌لبژارتنان پۆستێن سياسى ب لايه‌نێن دى بده‌ن و هه‌كه ئێكه‌تى يان گۆڕان ئێك ژ وان پۆستان ل ده‌ف هه‌بيت، پێدڤيه ده‌ستبه‌رداريى وى پۆستى ببيت”.
بيڤه‌له‌رزه‌كا دژى ل كه‌ركووك دا
ئه‌ڤرۆ نيوز:
رێڤه‌به‌ريا گشتيى يا كه‌شناسى و بيڤه‌له‌رێ ل هه‌رێما كوردستانێ راگه‌هاند كو ده‌مژمێر 10:49 ده‌قيقه‌يى سپده‌هيا ئه‌ڤرۆ رۆژا دوشه‌مبى بيڤه‌له‌رزه‌كێ ب پلا 3:4 ب گۆره‌يى پيڤه‌رێ ريخته‌ر كه‌ركووك و ده‌وروبه‌رێن وێ هژاندن، به‌لێ چو زيان نه‌بووينه.
ب گۆره‌يى نڤيسياره‌كێ كو دانه‌ك بۆ ئه‌ڤرۆ نيوز هنارتيه هاتيه: ل 19\1\2015 ده‌مژمێر 3:22 ده‌قيقه‌يى سپێدێ ب ده‌مێ هه‌ولێر، بيڤه‌له‌رزه‌ك ب 3.0 پله‌ب گۆره‌يى پيڤه‌رێ ريخته‌ر ل سنورێ پارێزگه‌ها كه‌ركووك ب دووراتيا 20 كيلۆمه‌تران ژ باژێركێ چه‌مچه‌مال و 46 كيلۆمه‌تران ژ دووراتيا سه‌نته‌رێ پارێزگه‌ها سلێمانيێ و ب كووراتيا 8 كيلۆمه‌تران روودا، بێ ى كو چو زيانه‌ك هه‌بيت”.
هه‌ر ئه‌ڤرۆ ل 19\1\2015 ده‌مژمێر 3:22 ده‌قيقه‌يى سپێدێ ب ده‌مێ هه‌ولێر، بيڤه‌له‌رزه‌كه‌كا دى ب 3.4 پله‌ب گۆره‌يى پيڤه‌رێ ريخته‌ر ل سنورێ پارێزگه‌ها كه‌ركووك ب دووراتيا 38 كيلۆمه‌تران ژ باژێركێ چه‌مچه‌مال و 31 كيلۆمه‌تران ژ دووراتيا سه‌نته‌رێ پارێزگه‌ها كه‌ركووك و ب كووراتيا 10 كيلۆمه‌تران دابوو و د وێ بيڤه‌له‌رزێ ژى دا چو زيانێن مادى و گيانى نه‌بوون.
كرستيانۆ رۆنالدۆ و ئيرينا شايك ژێك جودا بوون
ئه‌ڤرۆ نيوز:
نمايشكه‌را جلكان يا رۆسى ئيرينا شايك بۆ “Us Weekly” ته‌كست كر كو ئه‌و و يێ پرتۆگالى، كرستيانۆ رۆنالدۆ ستێرا يانا ريال مه‌دريد يا ئسپانى يێن ژێك جودا بووين.
شايك گۆت: “دشێم پشت راست كه‌م كو په‌يوه‌نديا من و كرستيانۆ رۆنالدۆيى يا ب دووماهى هاتى، ئه‌وا پێنج سالان ڤه‌كێشايى”. شايك يا 29 سالى دا زانين ژى كو ئه‌و چو پێزانينێن زێده‌تر ل دۆر ڤێ ژێكڤه‌بوونێ ناده‌ته دياركرن.
د هه‌مان ده‌م دا، كرستيانۆ رۆنالدۆ يێ ڤێ دووماهيێ ب ته‌پا زێرى يا سيێ هاتيه خه‌لاتكرن ژى نه‌يێ ئاماده بوو ل دۆر ڤێ ژێكڤه‌بوونێ چو داخۆيانيان بده‌ت.
ب گۆره‌يى راپۆرتێن رۆژنامه‌ڤانى، هه‌ردولا ل سه‌ر داخوازا رۆنالدۆيى ژێكڤه‌بووينه چونكو رۆنالدۆيێ 29 سالى ژ ئيرنا شايك خواست بوو ل ئاهه‌نگا ژ دايكبوونا 60 سالى يا دايكا وى ئاماده ببيت، به‌لێ ئه‌وێ ره‌تكربوو.
هه‌ر ئه‌ڤان ژێده‌ران ئه‌و ژى دا بوو زانين كو رۆنالدۆيى سه‌رێ سالێ ژى ب تنێ ل گه‌ل كوڕێ خوه كربوو، د هه‌مان ده‌م دا شايك ژى ژ به‌ر هه‌مان ئه‌گه‌ر پشكدارى ئاهه‌نگا خلاتكرنا ته‌پا زێرى نه‌ببوو، ئه‌وا ل دوشه‌مبيا بۆرى ل پايه‌تختێ سويسرا، زيۆرخ هاتيه ئه‌نجام دان، خوه شايك ل سه‌ر تۆرێن جڤاكى ژى پيرۆزباهى ل رۆنالدۆيى نه‌كربوو.
بابه‌كى كچا خوه بن ئاخ كر
ئه‌ڤرۆ نيوز، مه‌سعود خه‌له‌ف:
بابه‌كی ل هندستانێ ل باژارێ تریبپرا خواست كچا خوه یا 10 سالی ب ساخیتی بن ئاخ بكه‌ت، ژ به‌ر كو ل نه ل گور خواستا وی بوو و وی دڤیا كو ببیته بابێ كوران.
لێ كچ بۆ چێبوون و وی ده‌ما دایكا كچێ نه ل مال رابوویه ب كولانا كونچالاكێ و كچ كریه تێدا، لێ جیران پێ حه‌سیان و پولیس ئاگه‌هدار كرن و د چركه‌ێن داويێ دا ئه‌و كچ هاته رزگاركرن
ئه‌ڤرۆ نيوز ئامارا كوشتيێن حه‌سه‌كێ به‌لاڤ دكه‌ت
ل گور نووچه‌یێن داوی ژ شه‌ر و په‌ڤچوونێن پارێزگه‌ها حه‌سه‌كی دناڤبه‌را هێزێن ره‌ژێمی و YPG دا تا نوكه 8 كه‌سێن سفیل ژیانا خوه ژ ده‌ستدانه ژ ئه‌نجامێ توپبارنا ره‌ژێمێ یا بێ جوداهی ب سه‌ر مالێن سڤیلان دا.
ل گۆر چالاكڤانێ سیاسی عبدالعزیز سلێمان ژ تاخا سالحیێ كو ژ بۆ رۆژناما ئه‌ڤرۆ نیوز داخویاكرن، تاخا سالحیه نوكه یێ ڤالایه و خه‌لك ژێ ده‌ركه‌تن و به‌رێ خوه دانه عامودی و قامشلو.
هه‌ژی گۆتنێ یه كو ئه‌ڤ چه‌ند رۆژه شه‌ر دناڤبه‌را هێزێن ره‌ژێمی و YPG دا به‌رده‌وامه
نيشاندان
WP Facebook Auto Publish Powered By : XYZScripts.com