ئه‌ڤرو نیوز ،بارزان مزوورى
عصمت ره‌جه‌ب ، به‌رپرسێ لقا 14 ل مووسل بو مالپه‌رێ ئه‌ڤرو دیار كر كو ئه‌ڤرو 17/5/2015 فروكه‌یێن هه‌ڤپه‌یمان كاروانه‌كێ ترومبێلێن چه‌كدارێن تیرورستێن داعش كو ژ 12 ترومبێلا پێك دهات پر ژ چه‌ك و چه‌كداربون بوردومان كرن و ده‌هان چه‌كدار هاتن كوشتن و ترومبێلێن وان هاتن سوتن .
ناڤبرى دیار كر كو ئه‌و كاروانێ داعش ژ گه‌یارا دهاتن بو بێجى و فروكه‌یا نه‌هێلا بگه‌هنه جهێ وان دڤێت .
ئه‌ڤرۆ نیوز: ڤه‌ده‌ر ره‌شاڤایی:
چه‌كدارێن داعش باژێری رومادی ل پارێزگه‌ها ئه‌نبار ب ته‌مامی كنترۆل كر پشتی هه‌می هێزێن ئیراقی ئه‌و باژیر چۆل كری و ره‌ڤين، رێكخستیا تیرۆرییا داعش ئه‌ڤ یه‌ك د ڤیدیۆیه‌كێ دا راگه‌هاند.
باژێرڤانێ رومادی كنترۆل كرنا ره‌مادی ژ ئالیێ تیرۆرستێن داعش ڤه پشتراستكر و دیاركر كو داعش چه‌ندین په‌قینێن مه‌زن ل وی باژێری ئه‌نجام داینه، و ئه‌ڤ كونترۆل كرنه بمه‌زنترین سه‌ركه‌فتنا سه‌ربازی یه د ماوێ ساله‌كێ دا بۆ داعش .
تێ زانین كو سۆپایێ ئیراقی ژماره‌كا مه‌زن یا چه‌كی لدووڤ خوه بۆ داعش هێلاییه و هنده‌ك شرۆڤه‌كا ژی ڤێ یه‌كێ بتشته‌كێ مژه‌وی و ب مه‌ترسی دبینن بۆ سه‌ر هێزێن پێشمه‌رگه‌ی و هه‌رێما كوردستانێ.
ئه‌ڤرۆ نیۆز، قائید میرۆ
فه‌رمانده‌كێ هێزا زێره‌ڤانی رادگه‌هینیت، ئێڤاریا ئه‌ڤرۆ د پڕۆسه‌یه‌كا سه‌ربازی دا دو هه‌مه‌رێن داعش ل ئاسكی مووسل هاتینه ژڤانبرن، كو ل به‌ربوو ب هێزێن پێشمه‌رگه‌یڤه بهێنه په‌قاندن.
موقه‌ده‌م دلشاد مه‌ولود، به‌رپرسێ هۆبا راگه‌هاندنا فه‌رماندێ زێره‌ڤانی ب ئه‌ڤرۆ نیۆز راگه‌هاند” پشتی زانیاریێن هه‌والگه‌ری گه‌هشتینه فه‌رماندا زێره‌ڤانی ئێڤاریا ئه‌ڤرۆ ده‌مژمێر شه‌ش فه‌رماندا زێره‌ڤانی ب پشته‌ڤانیا فڕۆكه‌یێن هه‌ڤپه‌یمانان دو هه‌مه‌رێن داعش ژناڤبرن.
موقه‌ده‌م دلشادی گۆتژی” ئه‌ف دو هه‌مه‌رێن داعش لناڤبه‌را گوندێن مه‌حه‌له‌بیه و ئه‌بتێشه ل ده‌ڤه‌را ئاسكی مووسل ژلایێ تیرۆرستانڤه هاتبوونه به‌رهه‌ڤكرن كو ببهێزێن پێشمه‌رگه‌یڤه ب په‌قینن به‌لێ ب چه‌كدارێن ناڤدا هاتنه ژناڤبرن.
ئه‌ڤرۆ نیوز: ڤه‌ده‌ر ره‌شاڤایی:
وه‌لاته‌كێ نوو ل ده‌ڤه‌ره‌كێ لسه‌ر رووبه‌ره‌كێ بچیك دناڤبه‌را كرواتیا و سلۆڤینیا دا هاته راگه‌هاندن و ب شاهنشینا ئێنكلاڤا هاته ب ناڤكرن و بوو بچیكترین وه‌لات ل ئه‌ورۆپا .
چه‌ند كیلومه‌تران دووری زاگرێب پایته‌ختا كرواتیا و چه‌ند كیلومه‌تران دووری باژێرێ مێتلیكا یێ سلۆڤینی ژ ئالیێ چه‌ند كه‌سه‌كان ڤه ئه‌ڤ وه‌لاته هاتیه دامه‌زراندن درۆشمێ وان (وه‌لاتیێن هه‌می جیهانێ) یه.
كه‌سێن ئه‌ڤ یه‌كه راگه‌هاندی دبێژن وان هه‌می مافێ هه‌ی ب وه‌لاته‌كێ سه‌ربخو بهێنه ناساندن ژبه‌ركو ئه‌و پارچا ئه‌ردی نه ژ ئالیێ سلوڤینیا ڤه و نه ژی كرواتیا ڤه داخازی لسه‌ر نه‌هاتیه كرن، سه‌رب ب هه‌ردو وه‌لاتان ڤه نینه، هه‌رچه‌نده پێشبینی ناهێته كرن ژ ئالیێ نێڤده‌وله‌تی ڤه دده‌مه‌كێ نێزیك دا دانپێدان پێ بهێته كرن.
هه‌یا نها 5 هزار كه‌سان داخاز كریه ببنه وه‌لاتیێن ڤی وه‌لاتی كو هێشتا بفه‌رمی كه‌س تێدا ناژیت، دامه‌زرێنه‌رێن وێ دبێژن وان دڤێت وه‌لاتێ وان بۆ هه‌می كه‌سان بیت كو هزر ل ره‌گه‌زی و ئایینی نه‌هێته كرن، ب ئازادی و ئاشتی و تێگه‌هشتن و بێ باج خه‌لك بژیت.
زمانێن فه‌رمی ژی ل ئێنكلاڤا ئینگلیزی، كرواتی، سلوڤینی، پۆله‌ندی و چینی یه.
هێشتا حكومه‌تا كرواتیا و سلوڤینیا چ داخۆیانی لسه‌ر ڤی وه‌لاتێ نوو نه‌داینه.
ئه‌ڤرۆ نیوز:
سه‌باره‌ت خرابیا پانزینێ و تێكچوونا فیت پامپێن ترومبێلێن گه‌له‌ك شوفێران د ماوێ چه‌ند رۆژێن بوورى دا، عه‌لى حه‌مه سالح ئه‌ندامێ په‌رله‌مانێ كوردستانێ هاته ئاخافتن و دبێژیت: پشتى مه دووڤچوون كرى ، ئه‌گه‌رێن خرابیا پانزینێ ڤه‌دگه‌ریت بۆ وێ چه‌ندێ كو پارزینگه‌هێن بازیان و كه‌له‌ك ییێن ل سنورێ سلێمانیێ و دهۆكێ،كارێ نووژه‌نكرنێ تێدا دهاته كرن و پشتى مه ل گه‌ل به‌رپرسێن حكومى ئاخفتى، دیاركرینه كو بۆ ماوێ دو رۆژێن دى دێ ئه‌ڤ كێشه چاره بیت.
ئه‌ڤرۆ نیوز، بستر دهۆكى
ئه‌ڤرۆ د یارێن خولا بژاره یا عیراقێ د ناڤ به‌را یانا شورته و زه‌ورا‌و دا كاره‌با یاریگه‌ها شه‌عب هاته برین و یارى هاتیه راوستاندن و ئه‌ڤ چه‌نده د بیته شكه‌ستنه‌كا مه‌زن ژ بۆ ئێكه‌تیا ته‌پاپێى یا عیراقێ كو ئه‌ڤه بو ماوه‌یه‌كه كار دكه‌ن ژ بو راكرنا دورپێچێ لسه‌ر یاریگه‌هێن عیراقێ.
د ياريێن گه‌را ئێكێ يا خۆلا بژاره دا، تيما ته‌پا پێ يا دهۆكێ پشتى نيشادانا ئاسته‌كێ ناڤنجى، وه‌كهه‌ڤ بوو ب گۆله‌كێ ل گه‌ل يانا مينا يا به‌سراوى.
کێمتر ژ حەفتیەکێ یاریکەرێ گەنج یێ یانا دھۆک وەلید سەلمان شیا تیما خوە ژ خوسارەتیەکا مسوگەر قورتال بکەت پشتی ب لێدانەکا دور ژ دەرڤەی دەڤەرا پەنەلتی ل دقیقا ٨٨ گولا وەکھەڤیی بۆ تیما خوە توماربکەت د وێ یاریێ دا ئەوا دوھی ل یاریگەھا یانا دھۆکێ ھاتیەکرن ژ چارچوڤێ یاریێن گەرا ئێکێ ژ قوناغا بژارە یا خولا عیراقێ.
دڤێ یاریێ دا تیما دھۆک ل نیڤا ئێکێ دا ل ئاستەکێ باش بوو چەند مەترسی ل سەر گولا تیما مێڤان پەیداکرن لێ ھێرشێن ھەردو تیمان بێ مفابوون، ل دەستپێکا نیڤا دوێ ب ھێرشەکا ھەڤدژ حسین عەلی واحد یاریکەرێ یانا مینا گولا ئێکێ بۆ تیما خوە تومارکر و پشتی ڤێ گولێ راھێنەرێ یانا دھۆک چەند گوھورین د پێکھاتیێ تیمێ دا کرن و ل دقیقا ٨٨ یاریکەرێ پێگوھور وەلید سەلمان گولا وەکھەڤی تومارکر و ل دقیقا ٩٣ یاریکەرێ یانا دھوک ئەحمەد جاسم دەلیڤەیا زێرین ژ دەست دا دەمێ بتنێ ل گەل گولچیێ یانا مینا مای لێ ب شێوەکێ جوان گولچیێ مینا کەرار محەمەد تەپا وی ھاڤێتە ژ دەرڤەی یاریگەھێ و یاری ب وەکھەڤیا ھەردو تیما ب دووماھی ھات.
ل دۆر ڤێ یاریێ شێروان بەشار سەروکێ یانا گارە و وەرزشڤانێ دێرین پارێزگەھێ بۆ رۆژناما ئەڤرۆ گوت: ئاستێ یاریێ نە ل وی ئاستێ بلند بوو کو جەماوەر خوشیەکێ ژی بینت و ل ئاستێ خولا بژارە بیت و ل چارێکا دووماھیا یاریێ ئاستێ ھونەری ھەتارادەکی باش بوو تایبەت ژلایێ یاریکەرێن یانا دھۆک ڤە و ئەنجامێ یاریێ و ئەنجام ل دووڤ ئاستێ یاریێ بوو .
ژلایێ خوڤە ھاریکارێ راھێنەرێ یانا مینا ئەحمەد رەحیم گوت: ھەر تیمەکا مفای ژ دەلیڤەیێن خوە نەبینت دێ ھێتە سزادان لەورا ئەم ژی ل دووماھیا یاریێ ژلایێ یاریکەرەکێ پێگوھور یێ دھۆکێ ھاتینە سزادان ژبەرکو گولەک تومارکر کو چارەسەریا وی نەبوو ل دقیقەیێن دووماھی بون و یاریکەرێن مە مفا ژ دەلیڤەیێن خوە نەدیتن.
ئاشتی موستەفا ھاریکارێ راھێنەرێ یانا دھۆک ژلایێ خوڤە گوت: مە بەری یاریێ دیارکر بوو دێ تیما مە دڤێ یاریێ دا توشی ئاریشەکێ بیت ژبەرکو بەری ڤێ یاریێ مە یاریەکا ب زحمەت کر بوو لێ یاریکەرێن مە دڤێ یاریێ دا ھەمی شیانێن خوە تەرخانکرن و ئەم ھەژی سەرکەفتنێ بووین لێ ژبەر نەبوونا جەنسی سەرکەفتن ژ دەستێ مە دەرکەفت.
ئه‌ڤرۆ نیوز:
تانه‌ر یڵدز وه‌زیرێ وزا توركیا راگه‌هاند نوكه ئاستێ هنارتنا نه‌فتا هه‌رێمێ گه‌هشتیه 650 هزار به‌رمیلان د رۆژه‌كێ دا و ئامانجا وان ئه‌وه ڤێ رێژێ بگه‌هیننه 1 ملیون به‌رمیلان.
ئاشكرا كر ژى كو نوكه ب رێیا دو بوریێن نه‌فتێ 40 و 46 ئینجى ل رێیا هه‌رێما كوردستانێ نه‌فت دهێته هنارتن و داهاتێ ڤێ نه‌فتێ یێ هه‌موو عیراقێ یه و د وى چوارچوڤه‌ى دا، توركیا هه‌رده‌م رێزێ ل ئێكه‌تیا عیراقێ دگریت.
نيشاندان