ئه‌ڤرۆ نیوز:
پشتى كو ئه‌ڤرۆ چه‌ند كوردێن ئێزدى كو پترى 300 كه‌سانه ژ ئالیێ داعش ڤه ل ته‌له‌عفه‌ر هاتینه ئازادكرن و گه‌هشتینه كه‌ركوكێ، ڤیان ده‌خیل ئه‌نداما په‌رله‌مانێ عیراقێ ل كه‌ركوكێ سه‌را ڤان ئازادبوویان دا و د په‌یجێ خوه یێ فێسبوكێ دا چه‌ند وێنه به‌لاڤ كرینه و دیاركریه كو نوكه چاره‌سه‌ریێن ده‌ستپێكێ بۆ كه‌سێن پێدڤى هاتینه كرن و دێ بۆ دهۆكێ هێنه ڤه‌گوهاستن.
ئه‌ڤرۆ نیۆز، بارزان مزوورى
به‌رپرسێ لقا 14 ل مووسل ،عصمت ره‌جه‌ب، بۆ ئه‌ڤرۆ نیوز دیار كر كۆ ئه‌ڤرۆ چه‌كدارێن تیرورستێن داعش سه‌ركرده‌كێ ئیسلامێ و رێڤه‌به‌رێ به‌شێ په‌یوه‌ندیان یێ رێڤه‌به‌ریا پوسته و گه‌هاندنێ بناڤێ ئیسلام عزالدین حیالى سێداره دا كو به‌رى نوكه ژلایێ داعش ڤه هاتبوو ده‌سته‌سه‌ركرن.
ناڤبرى زێده‌تر گوت: ئه‌ڤرۆ چه‌كدارێن رێكخراوا ئازاد ل ده‌ڤه‌را حى نجار به‌رپرسێ ئیَمناهیا داعش بناڤێ ئیبراهیم جبورى ب ده‌بانجا بێده‌نگ كوشت.
ناڤبرى دیار كر كۆ چه‌كدارێن تیرورستێن داعش سێ كه‌سێن عه‌شیره‌تا جبورى سه‌بعاوى ل ناحیا گه‌یارا ل سه‌ر پرا گه‌یاره سێداره‌دان ژبه‌ر كو پێزانین گه‌هاندنه هێزێن پێشمه‌رگه‌ى و هێزێن عه‌سكه‌رێ عێراقێ .
ئه‌ڤرۆ نیۆز، قائید میرۆ
فه‌رمانده‌كێ هێزا پێشمه‌رگه‌ی دبێژیت، فڕۆكه‌یێن هه‌ڤپه‌یمانان هه‌مه‌ره‌كا داعش كره ئارمانج و ب ئێكجاری هاته سووتن.
لیوا مسته‌فا دێرانه‌یی، جێگرێ فه‌رمانده‌یا بارزان ل میحوه‌رێ گوێڕ بۆ ئه‌ڤرۆ نیۆز دیاركر، ئه‌ڤرۆ رۆژا شه‌مبی فڕۆكه‌یێن شه‌ڕكه‌رێن هه‌ڤپه‌یمانان ل گوندێ سالحیه یێ میحوه‌رێ گوێڕ بۆدۆمانكر و د ئه‌نجامێ ئه‌ڤێ بۆردۆمانێ هه‌مه‌ره‌كا ب ئێكجاری هاته سووتن و ژناڤبرن.
مسته‌فا دێرانه‌یی گۆتژی” ئه‌ڤ ترۆمبێل ل به‌رامبه‌ر سه‌نگه‌رێن پێشمه‌رگه هاتبوو دانان و پێشمه‌رگه‌ی ب چاڤێن خوه دیت ده‌مێ هاتیه ژناڤبرن و ب ئێكجاری هاتیه سووتن، به‌لێ دیارنه‌بوو چه‌ند تیرۆرست تێدابووینه.
شه‌ڤا بۆری ژی فڕۆكه‌یێن هه‌ڤپه‌یمانان بگرانی بنگه‌هێن داعش ل میحوه‌رێ گوێڕ بۆردۆمانكربوون و زیانێن مه‌زن یێن گیانی و ماددی گه‌هاندبوونه تیرۆرستان.
ئه‌ڤرۆنیوز, ره‌زوان رۆژبه‌یانى:
شه‌ڤا 16لسه ر 17-1-2015 سێ دوكانێن زێرنگریێ ژ لایێ هنده‌ك كه‌سێن دزیكه‌ر ڤه هاتنه دزین.
وه‌عدالله عزیز خودانێ ئێك ژ دوكاندارێن زێرى وى ل به‌رده‌ره‌ش هاتیه دزین بۆ ئه‌ڤرۆ نیوزگوت ل رۆژا پێنج شه‌مبى ل ده‌مژمیر هه‌شت مه دوكانێن خوه گرتیه و ئه‌ڤرۆ كه ژى ل رێكه‌فتێ 17/1/2015 ئه‌م چوین بۆ سه‌ر كارى كو دوكانێن خوه ڤه‌كه‌ین به‌لێ ب مخابنى ڤه سێ دوكانێن زێرنگران ب ئوكسجینێ له‌حیمێ هاتبونه برین كو ئێك ژ وان دوكانێن من بخو بون یێن دى ژى هه‌ڤالێن من بون.
وه‌عدالله زێده‌تر گوت : دوكێلۆێن زێرى و 10ملیۆن دینارو دگه‌ل 12وه‌رقه‌یێن دولارى یێن من هاتینه دزین و هه‌ڤاله‌كى من ژى بناڤى صباح خزر نزیكى 7كێلۆ و نیڤ یێن زێرى وى هاتیه دزین .
وه‌عدالله گوت ژى دوكانه‌كا دیژى قاسا وێ نێزیكى 10سام هاتیه برین به‌لێ وه‌سا دیاره ژ ترسا هندێ كو بێنه ئاشكراكرن ئه‌و دوكان نه‌برینه و وه‌سا بجه هێلانه و چووینه، زێرى وى نه‌هاتینه دزین تنێ دوكان هاتینه برین.
ئه‌ڤرۆ نیوز:
وه‌زیرێ دارایى یێ حكومه‌تا هه‌رێما كوردستانێ راگه‌هاند ل ده‌ستپێكا ڤێ حه‌فتیێ، حكومه‌تا عیراقێ دێ كوژمێ 583 ملیار دیناران بۆ هه‌رێما كوردستانێ هنێریت.
ئه‌ڤرۆ 17/1/2015 رێباز محه‌مه‌د وه‌زیرێ دارایى یێ حكومه‌تا هه‌رێما كوردستانێ ئاماژه ب وێ یه‌كێ كر كو رۆژێن ئێكشه‌مبى و دوشه‌مبى، به‌غدا دێ 583 ملیار دیناران بۆ هه‌رێما كوردستانێ هنێریت و ب وى پاره‌ى دێ مووچێ فه‌رمانبه‌ران پێ دابه‌ش كه‌ین.
ل پێنجشه‌مبیا بوورى ده‌ست ب به‌لاڤكرنا مووچێ هه‌یڤا 11 یێ سالا بوورى یێ هاتیه كرن.
ئه‌ڤرۆ نيوز:
جڤاتا وه‌زيران ل هه‌رێما كوردستانێ، بزاڤێن دروستكرنا جڤات و ئيدارا نه‌قانوونى ل ده‌ڤه‌را شنگا ئيدانه كر و راگه‌هاند كو نابيت ب ره‌نگه‌كێ سياسى حزبى سه‌ره‌ده‌رى ل گه‌ل وێ ده‌ڤه‌رێ بهێته كرن و دا زانين كو ئه‌ڤه ساركرنا برينێن وانه.
د به‌ياننامه‌كێ دا كو ل مالپه‌رێ فه‌رمى يێ حوكمه‌تێ به‌لاڤكريه، جڤاتا وه‌زيران دبێژيت: “ئه‌م سۆپاسيا شه‌رڤانێن يه‌كينێن پاراستنا گه‌ل دكه‌ين، هه‌ڤكاريا پێشمه‌رگه‌يى ژ ده‌سپێكا شه‌رێ داعش كريه بۆ رزگاكرنا كوردێن ئاواره‌بوويێن شنگال، به‌لێ د ره‌وانگه‌ها قانوونى و دستوورى دا رادگه‌هينين كو بزاڤێن پارتيا كرێكارێن كوردستانێ ل رۆژا 14\1\2015 دا بۆ دروستكرنا جڤات و ئيداره‌كێ بۆ شنگال ب كاره‌كێ نه‌يێ قانوونى و هه‌ڤدژى دستوور و قانوونێن كارپێكريێن كوردستان و عيراقێ دبينن و ئه‌و ده‌ستێوه‌ردان د كاروبارێن كوردستان و عيراقێ دا د قه‌بوولكرى نينن و دڤێت ب ته‌مامى پارتيا كرێكارێن كوردستانێ ژ ڤێ ده‌ستێوه‌ردانێ د كاروبارێن كوردستان و عيراقێ دا دوور بكه‌ڤيت”.
ده‌قێ به‌ياننامێ:
راگه‌یه‌ندراوی ئه‌نجومه‌نی وه‌زیرانی هه‌رێمی كوردستان سه‌باره‌ت به هه‌وڵه‌كانی شێواندنی دۆخی ده‌ڤه‌ری شه‌نگال:
ده‌ڤه‌ری شه‌نگال له دوای هێرشی تیرۆریستانی داعشه‌وه له 2014/8/3دا، له دۆخێكی زۆر ناخۆشدا ده‌ژیت، كه ئێستاش هه‌موو گه‌لی كوردستان وه‌ك برینێكی نوێ له جه‌سته‌ی كوردستاندا ته‌ماشای كۆمه‌ڵكوژی و رفاندنی ئافره‌تانی كوردی ئێزدی ده‌كات له‌و ده‌ڤه‌ره‌دا.
هه‌ر له‌به‌ر ئه‌و برینه سه‌خته‌شه، به‌ڕێز مه‌سعوود بارزانی سه‌رۆكی هه‌رێمی كوردستان و فه‌رمانده‌ی گشتیی هێزی پێشمه‌رگه، به‌‌خۆی راسته‌وخۆ سه‌رپه‌رشتیی پلان و هێرشه‌كانی هێزی پێشمه‌رگه‌ی كردووه و ده‌كات دژی چه‌كدارانی داعش له‌و ده‌ڤه‌ره‌دا. هه‌روه‌ها حكومه‌تی هه‌رێمی كوردستانیش، هه‌رچی له توانایدا بووه له‌و دۆخه ناهه‌مواره‌دا كردوویه‌تی بۆ به‌هاناوه‌چوونی خه‌ڵكی ده‌ڤه‌ره‌كه و گه‌ڕاندنه‌وه‌ی كچان و ژنانی كوردی ئێزدی، كه ئێستاش ژماره‌یه‌كی زۆریان له ده‌ست تیرۆریستانی داعشدان. هه‌روه‌ها حكومه‌تی هه‌رێمی كوردستان هه‌وڵی خۆی له‌ڕێگه‌ی لیژنه‌یه‌كه‌وه خستووه‌ته گه‌ڕ، له‌پێناو به‌جینۆسایدناساندنی ئه‌و كۆمه‌ڵكوژی و رفاندنه به‌كۆمه‌ڵه‌ی له‌و ده‌ڤه‌ره‌دا كراون، كه ئه‌نفالێكی نوێیه به‌رانبه‌ر كوردانی ئێزدی ئه‌نجام دراوه.
ئێمه له ئه‌نجومه‌نی وه‌زیرانی هه‌رێمی كوردستان، سوپاسی هاوكاریی شه‌ڕڤانانی یه‌كینه‌كانی پاراستنی گه‌ل ده‌كه‌ین، كه بوونه هاوكاری پێشمه‌رگه له سه‌ره‌تای هێرشی داعشدا بۆ رزگاركردنی كوردانی ئاواره‌بووی ده‌ڤه‌ری شه‌نگال، به‌ڵام ئێمه له روانگه‌ی یاسایی و ده‌ستوورییه‌وه رایده‌گه‌یه‌نین هه‌وڵی پارتی كرێكارانی كوردستان له رۆژی 14/1/2015دا بۆ دروستكردنی ئه‌نجومه‌ن و ئیداره‌یه‌ك بۆ ده‌ڤه‌ری شه‌نگال، به كارێكی نایاسایی و پێچه‌وانه‌ی ده‌ستوور و یاسا كارپێكراوه‌كانی كوردستان و عیراق ده‌بینین و ئه‌و ده‌ستوه‌ردانانه له كاروباری كوردستانی عیراقدا قبوڵكراو نین و ده‌بێ پارتی كرێكارانی كوردستان به ته‌واوی له‌و ده‌ستوه‌ردانانه له كاروباری كوردستانی عیراقدا دوور بكه‌وێته‌وه. نابێ مامه‌ڵه‌ی سیاسی و حزبی به مه‌ینه‌تییه‌كانی ئه‌و ده‌ڤه‌ره برینداره‌وه بكرێت، له‌به‌ر ئه‌وه‌ی كارێكی نایاساییه و ده‌بێته دروستبوونی ئاڵۆزیی سیاسی و ئیداری.
هه‌رێمی كوردستان و عیراق خاوه‌ن ده‌زگای ده‌ستووری و شه‌رعیی خۆیه‌تی، كوردانی ئێزدی و ده‌ڤه‌ری شه‌نگالیش خاوه‌ن نوێنه‌ری خۆیانن له په‌رله‌مانی كوردستان و ئه‌نجومه‌نی نوێنه‌رانی عیراق و ئه‌نجومه‌نی پارێزگای نه‌ینه‌وادا. بۆیه‌ش هه‌موو كارێك كه ئێستا و ئاینده بكرێت له ڕێگه‌ی ده‌زگا شه‌رعییه‌كانی هه‌رێمی كوردستان و عیراقه‌وه بۆ ده‌ڤه‌ری شه‌نگال ئه‌نجام ده‌درێن، نه‌ك له رێگه‌ی نایاسایی و ده‌ستوه‌ردانی ناپه‌سه‌ندكراوه‌وه. ئێمه له ئه‌نجومه‌نی وه‌زیرانی هه‌رێمی كوردستان، هه‌موو هه‌وڵێكمان بۆ ئه‌وه‌یه كه هاوكاریی خه‌ڵكی به‌شه‌كانی دیكه‌ی كوردستان له‌گه‌ڵ ده‌ڤه‌ری شه‌نگال و ناوچه‌كانی دیكه‌ی كوردستانی عیراق، ببێته هۆی باشتربوونی په‌یوه‌ندییه‌كان و تێكه‌ڵاویی باشتر، نه‌ك دروستبوونی دووبه‌ره‌كی و ئاڵۆزی، بۆیه‌ش داوا له پارتی كرێكارانی كوردستان ده‌كه‌ین، ده‌ستبه‌جێ ئه‌و هه‌وڵه نایاساییانه‌ی، له كوردستانی عیراقدا بوه‌ستێنێت.
هه‌ر لێره‌شدا جه‌خت له‌سه‌ر لێدوانه‌كانی به‌ڕێزان میری كوردانی ئێزدی و پیاوانی ئایینی و كه‌سایه‌تییه‌كانی كوردی ئێزدی ده‌كه‌ینه‌وه، كه ئه‌و ده‌ستوه‌ردانه ده‌بێته هۆی ئاڵۆزی له ده‌ڤه‌ری شه‌نگالدا و له ئه‌نجامدا كوردستانی عیراق و ده‌ڤه‌ری شه‌نگال به‌تایبه‌تی لێی زه‌ره‌رمه‌ند ده‌بێت، بۆیه ده‌بێ كۆتایی به هه‌ر جۆره هه‌وڵێكی له‌و جۆره بهێنرێت.
هێزی پێشمه‌رگه له هه‌وڵی كۆنترۆڵكردنه‌وه‌ی ته‌واوه‌تیی ده‌ڤه‌ری شه‌نگالدایه، هه‌روه‌ها حكومه‌تی هه‌رێمی كوردستان له هه‌وڵه‌كانی بۆ یارمه‌تیدانی خه‌ڵكی ده‌ڤه‌ره‌كه و ئاوه‌دانكردنه‌وه‌ی ئه‌و ده‌ڤه‌ره خۆشه‌ویسته به‌رده‌وام ده‌بێت، بۆ ئه‌و مه‌به‌سته له‌گه‌ڵ حكومه‌تی فیدرالی عیراقیشدا له هه‌وڵداندایه.
له هه‌مان كاتدا ئه‌نجومه‌نی وه‌زیران له‌و پێشنازه‌ش ده‌كۆڵێته‌وه كه داوا ده‌كات شه‌نگال بكرێته پارێزگایه‌كی دیكه، ئه‌وه‌ش به‌‌شێوه‌یه‌كی یاسایی و ده‌ستووری و به‌پێی ڕێوشوێنه یاسایی و ده‌ستوورییه‌كان، له‌گه‌ڵ حكومه‌تی فیدرالی عیراقدا باس ده‌كات، هه‌موو جۆره گفتوگۆیه‌كیش له‌وباره‌یه‌وه به ئاگاداری و به‌شداریی ئه‌نجومه‌نی پارێزگای نه‌ینه‌وا ده‌بێت.
ئه‌نجومه‌نی وه‌زیرانی هه‌رێمی كوردستان
2015/1/17
ل بودجه‌یا سالا 2015 و برێ هاتیه دیاركرن بو هێزا پێشمه‌رگه‌ی و چه‌وانیا پێدانێ و ب شێوه‌یه‌كێ ئیلزامی حكومه‌ت نه‌هاتیه راسپاردن بو پیدانێ.
شاخه‌وان عه‌بدولا ئه‌حمه‌د ئه‌ندامێ لیژنه‌یا ئه‌من و ئاسایش و به‌ره‌ڤانیێ ل جڤاتا نونه‌رێن عیراقێ بو ئه‌ڤرۆ نیوز دیاركر ل وه‌زاره‌تا به‌ره‌ڤانیا عیراقێ بودجه‌یا هیزا پێشمه‌رگه‌ی ل گوری ئه‌وێ رێكه‌تنا سیاسی ل سه‌ر هاتیه كرن چویه سه‌ر میزانایا وه‌زاره‌تا به‌ره‌ڤانیا عیراقێ.
شاخهوانی ئه‌و چه‌نده ژی گوت: ب هژمار بو هێزا پێشمه‌رگه‌ی نه‌هاتیه دیاركرن هه‌تا ئاریشه درۆست نه‌بیت و هیزێن دی ژی ئه‌وێ داخوازیێ نه‌كه‌ن ل عیراقێ و بو نمونه حشد شه‌عبی ل سه‌ر بودجه‌یا ئه‌نجومه‌نێ وه‌زیران هاتیه دانان و بودجه‌یا هیزا پێشمه‌رگه‌ی ژی ل سه‌ر میزانیا وه‌زاره‌تا به‌ره‌ڤانیا عیراقێ ژی هاتیه دانان .
ناڤبری ئه‌و چه‌نده ژی دازانین كو وه‌زیری به‌ره‌ڤانیا عیراقێ دیاركریه ئه‌وا ل سه‌ر بودجه‌یا هیزا پێشمه‌رگه‌ی هاتیه‌كرن دێ هیته بجهكرن و وه‌زاره‌تا مالیێ ژی خه‌رج كه‌ت .
لگوری یاسا بودجه‌یی ب ماده‌یه‌كی یاسایی حكومه‌ت نه هێته راسپاردن ب ئه‌مر دشێت په‌شیمان بیت ژێ شاخهوانی گوت:بو جارائیكێ یه پێشمه‌رگه جهێ خو د بودجه‌یا سیادی بگریت و چ هژمار و ئیلزامی تێدانینه و ب رۆنی به‌حس لیكریه و بودجه ل دچارچوڤه‌یێ وه‌زاره‌تا په‌ره‌ڤانیی دایه و ئه‌گه‌ر حكومه‌ت ببریت دێ بودجه‌یا وه‌زاره‌تێ بریت و 70 سه‌دێ بو موچه‌یان دچیت و ئه‌ڤێن دی بو پێدڤی و برێڤه‌برنا كارۆبارێن له‌شكه‌ری .
ئه‌ڤرۆ نیۆز،بارزان سلێمان مزوورى
ئه‌ڤرۆ داعش 400 پیره‌میر و پیره‌ژنێن كوردێن ئێزدى كو ده‌سته‌سه‌ركربوون، ل ته‌له‌عفه‌ر ئازاد كرن و نوكه یێ به‌ره‌ڤ هه‌رێما كوردستانێ ڤه دهێن و كه‌س و كارێن وان چاڤه‌رێى دیتنا وانن.
ئافره‌ته‌ك د ژیێ 50 سالیێ دا، ل ده‌ستێن داعش رزگار بوى ب ناڤێ ته‌ورا حه‌مه‌ت مه توو ، بۆ ئه‌ڤرۆ نیوز دیار كر كۆ نها ئه‌و چاڤه‌رێ كه‌س و كارێن خوینه ل زالگه‌ها كه‌ركوك نڤیسینگه‌ها خالد.
ڤێ ئافره‌تێ زێده‌تر گوت: ئه‌ڤرۆ ده‌مژمێر 10 سپێدێ كه‌سه‌ك ژ رێكخستیێن داعش هاته دناڤ وى جهێ ئه‌م تێدا ، گوته مه دێ هنگو به‌رده‌ین چونكى ئه‌م نه‌شیێن وه خودان كه‌ین جه‌ند خوله‌ك ده‌رباز بوون كه‌سه‌ك هات گوته مه رابن دابچین وه راده‌ستێ كه‌س و كارێن وه كه‌ین ئه‌م ل ترومبێلێن ڤه‌گوهاستنێ سیار كرین ئه‌م گه‌هاندینه زالگه‌ها كه‌ركوك ،
ناڤبرى ئاشكرا كر كو ئه‌ڤه 6 هه‌یڤه ئه‌و ل ده‌ستێن داعشدا ل ده‌ڤه‌را سولاغ سه‌ر ب قه‌زا شه‌نگال ڤه ئه‌م ده‌سته‌سه‌ركربووین و بۆ ته‌له‌عفه‌ر ڤه‌گوهاستبووین.
ڤێ دانعه‌مرێ زێده‌تر گۆت: ئه‌م ئاكنجیێن گوندێ تل بنات بوین دگه‌ل ژماره‌كا كچ و گه‌نجا و دانعه‌مرا ده‌سته‌سه‌ركرین كچێن گه‌ل مه بۆ جهه‌كى ڤه‌گوهاستن به‌س دانعمه‌مر پێك ڤه هێلاین حه‌تا ئه‌ڤرۆكه نه‌شیان مه خودان كه‌ن ، ئه‌وكچێن گه‌ل مه هه‌مى بو هنده‌ك جهێن ده‌رڤه‌ى عێراقێ ڤه‌گوهاستن ،
ناڤبرى دیار كر كۆ ئه‌و كه‌سێن دگه‌ل مه هاتینه رزگار كرن نێزیكى 400 كه‌سانه هه‌مى دانعمه‌ر و كێم ئه‌ندامن.
پشتی كو نوونه‌رێن ئه‌نجومه‌نێ نیشتمانی یێ كوردی یێ سوری گه‌هشتنه هرێما كوردستانێ ژ بۆ دانوستاندنا ل دور چالاككرنا په‌یمانا دهوكێ، بریار ل رۆژێن بهێن نوونه‌رێن TVDDEM ژی بگه‌هنه هه‌رێمی. هه‌ژی گۆتنێ یه كو به‌ری نوكه كومبوونه‌كه لێڤه‌گه‌را سیاسی ل قامشلو هاتبوو ئه‌نجامدان، لێ ENKS ته‌ڤلی نه‌بوبوو، ژ به‌ر ناكوكیێن دانڤبه‌را ENKS چێبووی ل هلبژارتنا ئه‌ندامێن مایی یێن لێڤه‌گه‌را سیاسی.
ئه‌ڤرۆ نيوز:
داعش بڕيار دايه كه‌ناله‌كێ نوو يێ تله‌ڤزيۆنى بدانيت و تێدا به‌لاڤكريێن خوه و كار و بزاڤێن خوه به‌چاڤ بكه‌ت كو دێ ل سه‌ر ئه‌نترنێتێ هێته په‌خشكرن.
ئه‌و كه‌ناله دێ ب ناڤێ (قناة الاخلافة) بيت و داعش نوكه ده‌ست ب ريكلاما وى كه‌ناللا كريه ب رێيا كۆڤارا تايبه‌ت ب وان ڤه دابق.
ئه‌و ريكلام به‌حس ل وێ چه‌ندێ ژى دكه‌ت كو تله‌ڤزيۆن دێ نوچه و پێزانينێن داعش ب رێيا ويلايه‌تێن خوه به‌لاڤ كه‌ت، بڕياره ژى 24 ده‌مژمێران په‌خش ل سه‌ر ئه‌نترنێتێ هه‌بيت.
داعش دێ ڤى كه‌نالى ب رێيا مفا وه‌رگرتن ژ وان بريتانيێن ده‌ست ب سه‌ر دا گرتى، ڤيديۆيان تۆمار كه‌ت و مفايى ژ ڤان ڤيديۆيان ل به‌ره‌يێن شه‌رى وه‌رگريت و دێ به‌رنامه‌كێ تايبه‌ت ب چاوانيا هه‌لگرتنا چه‌كى هه‌بيت.
دێ به‌لاڤكريه‌كا ده‌نگوباسان ژى هه‌بيت و دێ ئه‌و به‌لاڤكرى ل ده‌مێن جودا هێته دووباره كرن و باره‌گايێ ڤى كه‌نالى دێ ل باژێرێ مووسل بيت.
نيشاندان