ئەڤرۆ:

ژبەر پشکداریا ھەلبژاتیێ عیراقێ د ڤاڤارتنێن موندیالا ٢٠١٨ ئێکەتیا تەپا پێێ یا عیراقێ ل دووماھی کومبوونا خوە دا بۆ ھەر ھەشت نوونەرێن یانێن پشکدار دخولا بژارە دا دیارکری یە دێ خول پشتی یاریێن گەرا ئێکێ یێن کوما ھێتە راوستاندن بۆ ماوێ زێدەتر ژ سێ حەفتیان.
یەحیا زغەیر ئەندامێ ئێکەتیا تەپا پێێ یا عیراقێ د داخویانیەکێ دا بۆ رۆژناما ئەڤرۆ دیارکر بۆ بەرھەڤیەکا باشتر ھەلبژارتیێ عیراقێ بۆ ھەردو یاریێن خوە ژ ڤاڤارتنێن موندیالا جیھانی ئەوان بریار دایە یاریێن خولێ بۆ ماوەکێ بھێنە راوستاندن ژبەرکو یاریکەرێن زوربەیا یانێن پشکدار ل گەل پێکھاتیێ ئێکێ ھەلبژارتیێ عیراقێ نە.
ناڤبری ئاماژە ب وێ چەندێ ژی کر یاریێ، خولێ دێ ل دەستپێکا ھەیڤا حوزیرانێ ھێنە راوستاندن و دبیت بۆ ماوێ ٢٥ رۆژان ڤەکێشت ئەڤ راوستاندنە.

ئەڤرۆ:
یانا ریال مەدرید دێ بزاڤێ کەت ھیڤیا وێ یا ئێکانە بمینت ژبو خوە قورتالکرنێ ل ڤی وەرزی دەمێ مێڤانداریا یانا یوڤانتوس یا ئیتالی دکەت ل یاریگەھا سانتیاگو بیرنابیو ل مەدرید د یاریا دویێ یا قوناغا پێش دووماھیا قارەمانیا یانێن ئوروپا قارەمانێن خولا ب ئارمانجا دوبارە نەبونا سەربورا سالا ٢٠٠٣ ب تایبە پشتی یانا یوڤانتوس یاریا ئێکێ د بەرژەوەندا خوە دا ب دووماھی ئینای دەمێ ب سەرکەفتی ب دو گولان ئەوێن ژلایێ یاریکەرێ بەرێ یێ ریال ئەلفارو موراتا و یێ ئەرژەنتینی کارلوس تێڤێزی ھاتینە تومارکرن بەرامبەر ئێک کول بو ریال ژلایێ یاریکەرێ وێ کریستیانو رونالدوی.
ل سەر یانا ریال مەدرید پێدڤیە سەرکەفتنێ توماربکەت ھەکە بخوازیت ب گەھتە یاریا دووماھیێ و سەرکەفتن ب گولەکێ بێ بەرامبەر ژی تێرا دەربازبونا وێ ھەیە، لێ ھەکە یانا ئیتالی گولەک د ڤێ یاریێ دا تومار کر ل سەر ریال پێدڤیە ب سەکەڤیت ب جوداھیا دو گولان ھەکە ئارمانجا دەربازبونێ ھەبیت و نەھێلیت ئەوا ل ھەمان قوناغ ل سالا ٢٠٠٣ دوبارەبیت دەمێ یانا ئیتالی ل سەر کیستێ وێ گەھشتیە یاریا دووماھیێ بۆ جارا دووماھیێ د دیروکا خوە دا.
بەری ڤێ یاریێ راھێنەرێ ئیتالی یێ یانا ریال مەدرید کارلو ئەنشلوتی داخواز ژ یاریکەرێن خوە کریە ب ئارامی سەرەدەریێ د گەل یاریێ و یانا یوڤانتوس بکەن داکو بشێن ل سەر کیستێ ھەڤرکا خوە یا ئیتالی ل یاریا دووماھیێ ھەڤرکیا پاراستنا ناسناڤی بکەن و دیسان قەرەبویا ژ دەست دانا دەرکەفتنێ ژ ھەڤرکیا ناسناڤێ خول و کاسا شاھێ ئسپانیا بکەن.
ھەروەسا ئەنشلوتی ژ یاریکەران خواستیە ئەنجامێ یاریا شەمبیا بوری ل ھەمبەر ڤالنسیا ژبیر بکەن و تنێ ھزرا وان ل سەر ڤێ یاریا ئەف شەڤە بیت چونکو ب یاریا مان و نەمانێ دزانین بۆ ھەموو ئەندامێن یانێ و ژبو ڤێ چەندێ ل ڤان دوو روژێن دووماھیێ ڤی راھێنەری ب تنێ ل سەر دەرونێ یاریکەران کارکریە ب تایبەت پشتی وەکھەڤیێ و ژ دەست دانا لێدانا پەنەلتیێ ژلایێ رونالدوی و ھنگافتنا یاریکەرێ وی یێ ئەلمانی تونی کروس، لێ پشتەڤانێن یانا ریال پەیامەکێ دلخوشکەر گەھشتیێ دەمێ یاریکەرێ دووماھیێ یێ ئەلمانی ل سەر پێچێ خوە یێ تورا کومەلایەتی تویتەری نڤێسی یە من پشکنین کرینە و دو دل نەبن.
یانا ریال مەدرید ل ڤێ دووماھیێ دنالیت ژبەر ھنگافتنا یاریکەرێ خوە یێ نێڤدەولەتی یێ کرواتی لوکا مودرێچ کو ئەنشلوتی نەچارکریە کو سێرجیو راموس وەکو یاریکەرەکێ ھێلا ناڤین ب کاربینت و دیسان یێ داخوازکریە پێداچونێ د پێکھاتی دا بکەت ب تایبەت ل ھێلا ناڤین ل گەل ڤەگەریانا ستێرا یوڤانتوس یێ نێڤدەولەتی یێ فرەنسی بول بوگبا و ھەروەسا دێ کەریم بنزیما ژی ڤەگەریتە ناڤا پێکھاتی یانا مەلەکی پشتی ل یاریێن دووماھیێ دوورکەفتی ب ئەگەرا ھنگافتنێ و دێ بیتە ھاندەرەکێ ب ھێز بۆ ھێلا ھێرشبەریێ ب رەخ گارس بێل و رونالدوی ڤە.
ژلایەکێ دووڤە یانا یوڤانتوس یا ئیتالی ئومێدێن ھەین سەرکەفتنا وێ د یاریا ئێکێ دا دێ کلیلا دەربازبونێ بیت بۆ یاریا دووماھیێ بۆ جارا ئێکێ ژ سالا ٢٠٠٣ وەرە کو ل وی دەمی راھێنەرێ نوکە یێ ریال راھێنەرێ وێ بوو و ل یاریا دووماھیێ ل گەل جیرانا خوە میلان ب لێدانێن پەنەلتیان خوسارەت بوو و یوڤانتوس ب مورالەکا بلند دێ ھێتە دناڤا ڤێ یاریێ دا پشتی سەرکەفتنا یاریا ئێکێ و مسوگەر کرنا ناسناڤێ خولا ئیتالیا و پشتبەستنا وێ یا مەزن دێ ل سەر ھێزا وێ یا ھێلا بەرەڤانیێ بیت بۆ پاراستنێ ل سەر پێشکەفتنا خوە یا یاریا ئێکێ و راوەستاندنا ھێزا ھێرشبەریا ریال.
بۆ ڤێ یاریێ یا پێشبینیکریە راھێنەرێ یانا یوڤانتوس ماسیملیانو ئەلیگری ھەمان پێکھاتێ یاریا بوری ب کار بینت ل گەل پشکداریکرنا یاریکەرێ ھێلا ناڤین بوگبا ئەوێ ژ ھنگافتنێ ڤەگەریای.