ئه‌ڤرۆ نیوز، مه‌سعود خه‌له‌ف
ل دووماهیا ڤێ حه‌فته‌یێ و ل ده‌ما كو ب ملیونان كه‌س ل پاریسێ خوه نیشاندان دكرن ژ بۆ ئازادیا را ده‌ربرینێ پشتی هێرشا سه‌ر رۆژناما چارلی ئیبدو، نڤیسه‌رێ سعوودی (رائف البدوی) ژی د هه‌مان ده‌م دا و د مه‌یدانه‌كا گشتی دا 50 قامچی ژ لایێ ده‌ستهلاتا وی وه‌لاتی ڤه هاتنه لێدان ئه‌و ژی ژ به‌ر كو وی ره‌خنه ل ر‌ژێما ده‌ستهه‌لاتدارا وی وه‌لاتی گرتبوو و هێشتا 950 قامچی ماینه ژ سزایێ وی.
ئه‌ڤرۆ نیوز، بارزان مزوورى
ل سایته‌كێ صینى دا هاتیه خار كو سه‌یه‌ك ل صینێ روژانه خودانێ خۆ ب عه‌ره‌با كێم ئه‌ندامێ پال دده‌ت و خودانێ خۆ بۆ سه‌ر كارێ وى یێ روژانه دبه‌ت و دیسا بۆ ناڤ بازارێ صینێ ژى.
خودانێ وى كێم ئه‌ندامه نه‌شێت ب پیا بچیت كێم ئه‌ندامیا وى پیا گرتیه له‌وما ئه‌ڤ سه‌یه عه‌ره‌بانا وى پال دده‌ت حه‌تا سه‌ر كارێ و وى ل هیڤیا وى دمینیت.
ئه‌ڤرۆنیۆز، هه‌رهین محه‌مه‌د:
سترانبێژێ گه‌نج كوڤان ئامێدى دیداره‌كێ دا بۆ ئه‌ڤرۆنیۆز دیاركر كونهو مژوولى كلیپه‌كێ یه بناڤێ (پێشمه‌رگێ كوردستانێ ) كو ژپه‌یڤ وئاوازێن وى بخوه نه وئه‌ڤ كلیپه ل ستودیویا (هیسه‌م) هاتیه توماركرن هه‌روه‌سا هه‌رل ستودیویێ ڤه‌ژى دێ هێته وینه‌كرن و ل ڤان نێزیكان دێ هێته به‌لاڤكرن.
هه‌روه‌سا گۆت ژى : ئه‌ڤ كلیپه دێ یا جودابیت دگه‌ل كلیپێن دى چونكو دێ جلكێن كه‌ڤن ێن پێشمه‌رگه‌ى هێته كلیپ كرن ژبه‌ركو پێشمه‌رگه ب جلكێن كه‌ڤن هاتیه نیاسین .
ئه‌ڤرۆ نیوز، ڤه‌ده‌ر سوبحى
ژنه‌كا چینی پشتی خیانه‌تا هه‌ڤژینێ وێ بۆ ئاشكرابووی تشته‌كی بسه‌ری دئینیت كو میدیا وی وه‌لاتی توشی حێبه‌تیێ كریه.
ئه‌ڤ ژنه ئه‌ندامێ زاینده‌ییێ زه‌لامێ خوه، كو بابێ 5 زارۆیه دبریت، نه جاره‌كێ به‌لكی دووجارا و نها هاتیه ده‌سته‌سه‌ركرن ژبه‌ر زیانگه‌هاندن ب له‌شێ زه‌لامێ خوه.
فونگ لونگ یا 30 سالی زانی هه‌ڤژینێ وێ یێ 32 سالی په‌یوه‌ندی دگه‌ل كچه‌كا 21سالی هه‌یه ئه‌و ژی پشتی زه‌لامی نامه‌كا ئه‌ڤینێ یا گه‌رم بو ئه‌ڤیندارا خوه هنارتی لسه‌ر ئینته‌رنێتی و ژبیركری ژ حسابا خوه ده‌ركه‌ڤیت ئانكو (لوگ ئاوت) بكه‌ت و هه‌ڤژینا وی ژی دبینیت.
ڤێ ژنێ برێییا مقه‌سێ دده‌مێ نڤستنێ دا ئه‌ندامێ زاینده‌ییێ زه‌لامێ خوه بری و نوشدار شیان بسه‌ركه‌فتی بدروینه‌ڤه، لێ دیاره ئه‌ڤ ژنه بڤێ یه‌كێ رازی نه‌بوو رادبیت جاره‌كا دی ل نه‌خوشخانێ ئه‌ندامێ وی دبریته‌ڤه و ڤێ جارێ دهاڤێژیت و نوشدار نه‌شیا ببیننه‌ڤه.
ئه‌ڤرۆ، ڤه‌ده‌ر سوبحى
هنده‌ك كه‌س وه‌ك نه‌ریته‌كا رۆژانه سه‌رێ خوه دشوون دده‌مه‌كی دا هنده‌ك كه‌س هه‌تا نه‌چار دبن ژ نوو د چنه گه‌رماڤێ ڤه بو سه‌رشووشتنێ.
لدووڤ ڤه‌كولینه‌كا نه‌خوشخانا (ماونت سینای) ل نیویۆرك هاتیه دیاركرن كو رۆژانه سه‌رێ زاروكی نه‌هێته شووشتن داكو له‌شێن وان هه‌ستیار نه‌بیت و ده‌مێ مه‌زن دبن پیستێ وان پتر خوه لبه‌ر ره‌وشێن هه‌ستیار و نوشداری بگرن.
ڤه‌كولینێ دیار كریه كو پتریا خه‌لكی زێده‌تر ژ یا پێدڤی سه‌رێ خوه دشوون، و سه‌ر شیشتنا زێده زیانێن وێ پترن ژ باشیێن وێ.
دكتورێن ب ڤه‌كولینێ رابووی دبێژن سه‌رشووشتنا نه پێدڤی دبیته ئه‌گه‌رێ هشك بوونا پیستی و به‌كتریایێن بمفا لسه‌ر له‌شی ناهێلیت و دگه‌ل ئاڤێ دبه‌ت، و هه‌ستیاریا له‌شی پتر لێدكه‌ت.
سه‌رشووشتن لدووڤ ئاستێ چالاكیێن رۆژانه دهێت ، لێ ئه‌ڤ ڤه‌كولینه شیره‌تا وێ یه‌كێ دكه‌ت كو شه‌رشووشتنا رۆژانه بهێلن ل شوونا باشتر ئه‌وه دو هه‌تا سێ رۆژان جاره‌كێ سه‌رێ خوه بشوون.
ئه‌ڤرۆ نیۆز، قائید میرۆ
به‌رپرسێ میحوه‌رێ شنگالێ راگه‌هاند، ب ئه‌گه‌رێ بۆردۆمانا فڕۆكه‌یێن هه‌ڤپه‌یمانان بۆسه‌ر چه‌كدارێن داعش پازده چه‌كدار هاتینه كوشتن.
به‌هرام عه‌ریف یاسین، به‌رپرسێ میحوه‌رێ شنگالێ بۆ ئه‌ڤرۆ نیۆز دیاركر، كو ب درێژاهیا شه‌ڤا بۆری و ئه‌ڤرۆ سپێدێ ژی فڕۆكه‌یێن هه‌ڤپه‌یمانان ب گرانی بنكه و باره‌گایێن داعش لناڤا قه‌زا شنگالێ بۆردۆمانكرن و زیانێن مه‌زن گه‌هاندینه تیرۆرستێن داعش.
به‌هرامی خویاژیكر، كو گوره‌ی زانیاریێن گه‌هشتینه ده‌ستێ مه، د ئه‌نجامێ ڤێ بۆردۆمانا فڕۆكه‌یێن هه‌ڤپه‌یمانان بۆسه‌ر داعش پازده چه‌كدارێن داعش هاتینه كوشتن و زیانێن زۆرژی ب باره‌گایێن وان گه‌هاندینه.
ئه‌ڤرۆ نیوز:
سه‌رۆك بارزانى، ئه‌ڤرۆ سه‌را میحوه‌رێ گوێر یێ هێزێن پێشمه‌رگێ كوردستانێ دا و ل نێزیك ئاگه‌هدارى ره‌وشا وى به‌ره‌یى بوو.
سه‌رۆك بارزانى ل گه‌ل فه‌رماندێن سه‌ربازى و مه‌یدانى یێن هێزێن پێشمه‌رگه‌ى كومبوو و ده‌ستخوشى ل پێشمه‌رگێن قاره‌مان یێن ڤى میحوه‌رى كر كو د چه‌ند رۆژێن بوورى دا، هێرشێن تیرورستان تێكشكاندینه و گورزێن مه‌زن لێ وه‌شاندى یه و سوپاسیا گیانفیدایى و خوراگریا پێشمه‌رگه‌ى كر و ئه‌ركێ پێشمه‌رگه‌ى ب ئه‌ركه‌كێ پیرۆز زانى د به‌ره‌ڤانیكرنێ ژ كه‌رامه‌ت و ئاخا كوردستانێ.
ئه‌ڤرۆ نیوز: ره‌وان نهێلى
نه‌جات محه‌مه‌د ئه‌نداما په‌رله‌مانێ كوردستانێ بۆ ئه‌ڤرۆ نیوز دیاركر پشتى وان وه‌ك نوونه‌رێن خه‌لكێ ده‌ڤه‌را ئامێدیێ ل په‌رله‌مانێ كوردستانێ هه‌ست ب هندێ كرى كو ده‌ڤه‌را ئامێدیێ پێدڤى ب هه‌بوونا كۆلیژه‌كێ یه، وان چه‌ندین بزاڤ و دووڤچوون كرن ب مه‌ره‌ما وێ یه‌كێ كۆلیژه‌ك ل ده‌ڤه‌رێ بهێته ڤه‌كرن و گۆت: ئه‌ڤرۆ مه شانده‌كێ په‌رله‌مانى، سه‌را سه‌رۆكاتیا زانكۆیا دهۆك دا و ل گه‌ل پروفیسور،د.مصلح دهۆكى سه‌رۆكێ زانكۆیا دهۆك كومبووین و مه به‌حسێ پێدڤیا هه‌بوونا كۆلیژه‌كا بنه‌ره‌ت ل قه‌زا ئامێدیێ كر ل دانێ سپێدێ و ئێڤاریان و ژ ئالیێ خوه‌ڤه، سه‌رۆكێ زانكۆیا دهۆك داخوازی و پێدڤیا هه‌بوونا ڤێ كۆلیژێ بۆ ده‌ڤه‌رێ ب گرنگ زانى و دیاركر بۆ هه‌ر هاریكاریه‌كێ ئه‌و د به‌رهه‌ڤن و بۆ سالا بهێت دێ ئێخنه د پلانا خوه‌دا و دێ ڤێ كۆلیژێ ڤه‌كه‌ن”.
شاندێ ئه‌ڤرۆ سه‌را سه‌رۆكاتیا زانكۆیا دهۆك كرین، پێكهاتبوون ژ د.ئیبراهیم سمو، سه‌رۆكێ لژنا په‌روه‌رده و خواندنا بلند ل په‌رله‌مانێ كوردستانێ و د.عه‌بدولا جاسم ئه‌ندامێ لژنا ساخله‌میێ و نه‌جات محه‌مه‌د ئه‌نداما لژنا كاروبارێن جڤاكى.
ئه‌ڤرۆ نیوز:
سه‌یدو چه‌تو شنگالى ئه‌ندامێ جڤاتا پارێزگه‌ها مووسل دیاركریه كو حوكمه‌تا هه‌رێما كوردستانێ زێده‌تر ژ 40 ملیار دیناران بۆ ئاواران مه‌زاختى یه و بۆ مالپه‌رێ پارتى گۆتیه: گه‌له‌ك نه‌مایه دێ په‌رله‌مانێ عیراقێ پرۆژه قانوونا بودجێ 2015 په‌سه‌ند كه‌ت، له‌وما ئه‌م ل گه‌ل لژنا پلان و ستراتیجى كومبووینه و مه به‌حسێ پێدڤیا ئاواران بۆ كریه، بۆ وێ یه‌كێ به‌س بارگرانى ل سه‌ر بودجێ هه‌رێمێ دروست ببیت، ژبه‌ر كو حكومه‌تا هه‌رێما كوردستانێ ژبه‌ر برینا بودجێ وێ، نه‌شێت ب دروستى موچێن فه‌رمانبه‌ران بده‌ت و بارگرانیا پێدڤیێن ئاوارن ژى بۆ دروست بوویه”
راگه‌هاندنا پێگۆتنێ و ناڤ بلندكرنێ و بنه‌مالان و ناڤوده‌نگ و مه‌دحه، د ناڤ جڤاكێ مه دا، به‌س بۆ هندێ یه دا بێژن فلان كه‌س كورێ فلان كه‌سی یێ زیره‌كه مێره‌كێ ب سه‌د مێرانه, عه‌گید و میرخاسه باشه‌ما ئه‌م نزانین هه‌می زیره‌كن مێرخاسن ئه‌ز دزانم خودێ كه‌س خوه ناده‌ته ب كه‌سێ لێ ل كوردستانێ، لێ ئه‌م یێن كورێن فه‌قیر و هه‌ژاران دده‌ینه كوشتن ب رێیا فه‌یسبووكی، باوه‌ركه‌ن فه‌یسبووك گه‌له‌كا پیس بوو هندی تو ڤیدیۆیه‌كێ، یان وێنه‌كی بینیه خارێ بێژی ئه‌ز یێ ل فلان میحوه‌ری، یان ئێك ڤیدیۆیا پێشمه‌رگان بینه خارێ، یێ ل فلان میحوه‌ری ئه‌ڤه هه‌می زیانه‌كا هنده‌كا فه‌یسبووك یا كریه ئه‌لبۆما وێنان بۆ مه‌دحا ل سه‌ر پێشمه‌رگه‌ی هه‌ر كه‌سێ هات ئه‌ڤه‌یه شێرێ مالا فلانی، بابۆ هه‌می شێرن پا خوه كه‌س نابێژیت ئه‌ز رووڤی مه، مانێ هه‌می یێ خوه دده‌نه كوشتن هه‌می یێن هێنه برینداركرن باوه‌ركه‌ن ژ خودێ ئه‌و كه‌سێ وه دبێژن ئه‌و به‌س بۆ به‌رژه‌وه‌ندیێ چووینه شه‌ڕی بكه‌ت، یا دروست ئه‌وه مرۆڤ ژ دل و گیان و دلسۆزی بكه‌ت، هه‌می نه‌بێژین تو یان یێ دی نه‌خێر ئه‌ز ژی تو هه‌می پێكڤه ڤێ راگه‌هاندنێ راوه‌ستینین ل سه‌ر پئشمه‌رگه‌ی، چنكو زه‌ره‌ره والله زه‌ره‌ره ئه‌ڤرۆ 2015 یه. . 01. 07 ,30 شه‌هید یێن داین ما چ خودێ قه‌بوول دكه‌ت و نیڤه‌ك ئه‌ڤ فیسبووكه ئه‌ڤ راگه‌هاندنه ئه‌گه‌ر بوو، بۆچی بۆ كه‌نالێن مه ئه‌ێن ده‌نگێ خوه ناڤێ خوه بلند دكه‌ن، د ناڤ راگه‌هاندنێ دا، مخابن ئه‌م بۆ خوه یێن خوه دكوژین و دده‌ینه شه‌هیدكرن، دووماهی ئاخڤتنا من ئه‌ز بێژم فه‌یسبووكی گه‌له‌ك زیانا پێشمه‌رگه‌ی كری و نیڤه‌ك فه‌یسبووك ئه‌گه‌ره ژ به‌ر به‌لاڤكرنا ڤیدیۆ و وێنێن پێشمه‌رگان ل میحوه‌رێ شه‌ڕی و خودێ هاریكاربیت.
نيشاندان