ئه‌ڤرۆ نیوز:
جڤاتا ئاسایشا هه‌رێما كوردستانێ د راگه‌هاندنه‌كێ دا، دیاركریه كو سه‌رپه‌رشتیارێ پرانیا كریارێن تیرورستى یێن هه‌ولێر و كه‌ركوكێ گرتن كو كه‌سه‌كه ب ناڤێ ره‌عد هادى له‌فته حه‌سه‌ن.
د راگه‌هاندنێ دا هاتیه: ئه‌ڤرۆ رۆژا چوارشه‌مبى، ئاسایشا هه‌رێمێ ل ئوپه‌راسیونه‌كا تایبه‌ت ب هه‌ماهه‌نگى ل گه‌ل ئاسایشا هه‌ولێر و ئاسایشا كه‌ركوكێ، شیان ل پارێزگه‌ها كه‌ركوكێ وى تیرورستى كو یێ به‌رنیاسیه ب عه‌بدولمه‌جید و سه‌ر ب عه‌شیره‌تا خه‌زره‌جییە بگرن.
ئەڤرۆ:
دەشنێ یا سترانبێژ دان ب وێ چەندێ دا کو راستە ئەڤە نێزیکی سالەکێ یە ئەو یا بێ دەنگ، لێ ئەو ژی ئاشکەراکر کو وێ بەرھەمێ نوو یێ ھەی و دەمێ کاودان ئاسایی دبن دێ دەست ب تۆمارکرنی کەت.
ناڤبری دبێژیت: راستە ئەڤە پتر ژ دەە ھەیڤانە من چو سترانێن نوو بەلاڤ نەکرینە، لێ ئەڤە وێ چەندێ ناگەھینیت کو مە بەرھەمێ نوو نەبوویە، بەلێ من سترانێن نوو یێن ھەین، لێ شەرێ تیرۆرستێن داعش ھەتا رادەکی کارتێکرن ل سەر گیرۆکرنا تۆمارکرنا وانکر و ھەردەمێ کاودان ئاسای بوون ل وی دەمی دێ دەست ب تۆمارکرن و کلیپکرنا سترانێن خوە کەم، و ئەز حەزژێکەرێن دەنگێ خوە پشت راست دکەم کو بەرھەمێ منێ بھێت دێ گەلەک ب دلێ وان بیت.
ل دۆر ھژمارا تراکان و ئەو کەسێن پشکداری دوی بەرھەمی دا دکەن دەشنێ گۆت: جارێ من نەڤێت ئەزچو دیارکەم، چونکو گەلەک جاران گوھۆرین پەیدا دبن، لێ بتنێ دێ بێژم دێ مە سترانەکا دوقولی ب شێوێ دویت ھەبیت، کو دێ ل گەل ھونەرمەند (کاروان کامل) بێژم.
ئەڤرۆ:
پشتی ل ھەیاما بۆری گەھشتیە ئەلمانیا، نوکە (زۆیا) یا خوە بەرھەڤ دکەت دا کاری ل سەر دووماھی ئەلبۆما خوە بکەت، لێ بەری وێ ئەلبۆمێ ل بەرە سترانەکا نوو تۆمارکەت.
ناڤبری دبێژیت: پشتی ب نەچاری ئەم ژ رۆژئاڤایێ کوردستانێ دەرکەفتین، بۆ دەمێ چەند سالان بوو ئەم ل ھەولێرێ دژیاین و ب راستی ل وی باژێرێ گەلەک رێز ل مە دھاتە گرتن و خەلکێ وێ گەلەک کەیف ب مە دھات، ژلایەکێ دیڤە دەلیڤە بۆ من پەیدا بوو ئەز باشتر فێری ئاخفتنا وان ببم، ئەو بوو من سترانەک ب سۆرانی ب قەھرەمانیا پێشمەرگەی گۆت و پشتی ل سەر شاشێن تیڤیان ھاتیە بەلاڤکرن گەلەک ھونەرمەندان دەستخۆشی ل مەکرن و ب گۆتنا وان ئەز شیام مافێ وێ سترانێ ب شێوەزارێ سۆرانی بدەمی، و گەھشتە وی رادەی کو ئەز ھزرێ د ئەلبۆمەکێ دا بکەم، کو ھەموو یا نیڤا وێ پتر سترانێن سۆرانی بن، لێ پشتی دەمەکی داخوازنامەک بۆمە ژ ئەلمانیا ھات و نوکە ب خێزانڤە ل وی وەلاتی دژیم.
ناڤبریێ گۆت: گەھشتنا مە بۆ ئەلمانیا ژبۆ ئەنجامدانا چەند کارێن بوو، و ل ڤێرە مە پشکداری دچەند کونسێرتاندا کریە، و بۆ رۆژێن بھێن ژی دێ مە ھندەک پشکداری ھەبن، لێ ئەوا راست بیت ئەو ئاھەنگ نەگەلەک ب تام بوون، ژبەرکو ئەم دزانین ل وەلاتێ مە شەرە و چاڤێ مە یێ ل وێ رۆژێ چەتێن داعش ب ئێکجاری دناڤا وەلاتێ مەدا نەمینن، ل وی دەمی دێ ب دلەکێ خۆشتر ئاھەنگ و کۆنسێرتێن سەرکەفتنێ گێڕین.
ل دۆر نووترین بەرھەمێ خوە ژی گۆت: نوکە سترانەکا نوو یا بەرھەڤە و ئەم یێ کاری ل سەر دکەین، دھەمان دەمدا مە ھزرا چێکرنا ئەلبۆمەکێ یا ھەی، لێ ئەڤە دەمەکێ کێمە ئەم گەھشتینە ئەلمانیا و پشتی کارێن خوە رێک دێخین دێ دەست ب وێ ئەلبۆمێ کەین.
ئه‌ڤرۆ نيوز، قائيد ميرۆ:
ئەندامەکا لیژنا رەوشنبیری ل پەرلەمانێ کوردستانێ ئاماژە ب وێ چەندێ کر كو سرودا ئەی رەقیب دێ وەکو خوه بمینیت و نوکە کار ل سەر ئاوازا ڤێ سرۆدێ دھێتەکرن.
حەیات مەجید، ئەنداما لیژنا رەوشنبیری بۆ ئەڤرۆ نیۆز گۆت: “نوکە ئەم یێ کار بۆ دەرکرن و قانوونیکرنا سرودا نەتەوەییا ئەی رەقیب دکەین و بەری نوکە خواندنا ئێکێ ل پەرلەمانی بۆ کریە، بەلێ ھندەک تێبینی ل سەر ھەبوون و دێ ھێنە راستڤەکرن، وەک جێگیرکرنا ئاوازا سرودێ، بەلێ دەستکاریا تێکستێ ناھێتە کرن”.
حەیاتێ گۆتژی” سەدان گەنجێن کورد خوینا بۆ ڤێ سرودێ رشتیە و نابیت بەر خاتر ھندەک کەسان دەستکاریا ئەڤێ سرودا نەتەوەیی بھێتەکرن و ھەردەمێ کار لسەر ئاوازێ تەمامبیت دێ خواندنا دویێ بۆ ھێتەکرن.
ئه‌ڤرۆ نیوز: ڤه‌ده‌ر ره‌شاڤایی:
د كونگره‌كێ تایبه‌ت دا ئه‌ڤرۆ ل واشنتۆن كو ژ ئالێ جڤاتا ئه‌تله‌سی و په‌یمانگه‌ها ئاشتیێ ل ئه‌مریكا هاتبوو ئاماده‌كرن، مه‌سعود بارزانی سه‌رۆكێ هه‌رێما كوردستانێ گۆتاره‌ك پێشكێشكر و به‌رسڤا چه‌ندین پرسیاران دا، ئه‌ڤا ل خارێ گرنگرترین خالن كو هاتیه به‌حسكرن.
سه‌رۆك بارزانی ب روونی گۆت كو: ئه‌م نزانین كا ساله‌كا دی سه‌ربخوه‌یا كوردستانێ بینین یان ده‌مه‌كێ دی دا لێ هه‌لبه‌ت دێ ئه‌و رۆژ هێت و د رێدایه.
بارزانی: ئێكگرتنا ئیراقێ بنه‌چاری ناهێته كرن لدووڤ ره‌وشا دیموكراسیا ئیراقێ و هه‌لبژارتنا خه‌لكێ وێ دمینیت كا باوه‌ری ب ڤێ ئێكگرتنێ هه‌یه یان نه.
هه‌روه‌سا گۆت ژی : شه‌رێ داعش رێفراندوم پاشخست لێ دێ هه‌ر هێته كرن و پێنگاڤا ئێكێ هاتیه هاڤێتن ب دامه‌زراندنا لژنا رێفراندومێ ل هه‌رێمێ و دڤێت ئه‌و هه‌لبژارتن ب كوردستانیان بهێته دان كو ب ئاشتیانه بریارا پاشه‌رۆژا خوه بده‌ن.
بارزانی خویاكر كو: ئه‌م ل ئه‌مریكاینه بۆ سۆپاسیكرنا وی وه‌لاتی لسه‌ر پشته‌ڤانییا وان بۆ هه‌رێما كوردستانێ، كۆمبوونا مه ل كۆچكا سپی یا سه‌ركه‌فتی بوویه و ته‌كه‌زا مه لسه‌ر شه‌رێ داعشه چونكی ئه‌و پرسه‌كا گرنگه لێ مژارێن دی نه‌هاتنه ژبیر كرن.
بارزانی دیاركر كو پشتی دوهی دو ده‌مژمێرێن كومبوونا دگه‌ل ئۆباما و جێگرێ وی، ئه‌ڤرۆ سپێدێ جاره‌كا دی دگه‌ل جێگرێ سه‌رۆكێ ئه‌مریكا جو بایدن كۆمبوویه ڤه.
كوردستان رۆله‌كێ سه‌ره‌كی دبینیت د هاریكاریكرنا وان كه‌سێن كه‌فتیه به‌ر قه‌یرانێن ئیراقێ .
یا مه ل كوردستانێ شیای بكه‌ین و ئیراق نه‌شیایه بكه‌ت ئه‌وه كو مه لێبورین و پێكڤه ژیان نیشان دایه و خوه ژ تولڤه‌كرنێ ڤه مژوول نه‌كریه.
ده‌رباره‌ی پرسیاره‌كێ لسه‌ر ده‌مێ سه‌رۆكاتیا هه‌رێمێ، بارزانی به‌رسڤ دا كو ل سالا 1991 ئێكێ وی گۆت بوو قانوونیه‌تا شۆره‌شێ هاته گوهرین دڤێت قانوونیا ده‌ستووری جهێ وێ بگریت، له‌ورا نها ژی دڤێت ده‌ستورێ هه‌رێمێ ڤێ یه‌كێ ئێكلا بكه‌ت ل دووڤ دا هه‌ر كه‌سێ بیته سه‌رۆكێ هه‌رێمێ دێ هاریكار بین بو سه‌ركه‌فتنا پرۆسێ.
مه پێدڤی ب حه‌شدا شه‌عبی ل كوردستانێ نینه و دڤیت هێزێن وان لبن ده‌ستێ سه‌رۆك وه‌زیرێن ئیراقێ بهێنه رێكخستن. هه‌یا نها مه 17 سه‌دێ ژ بۆدجا هه‌رێمێ ژ به‌غدا نه‌وه‌رگرتیه.
مه په‌یوه‌ندیێن باش دگه‌ل عه‌شیره‌تێن عه‌ره‌بێن سونه هه‌نه لێ ئه‌وێن هاریكاریا داعش كرین دێ هه‌مان چاره‌نڤیسێ تیرۆرستان هه‌بیت.
ده‌رباره‌ی وێ یه‌كێ چ بزاڤ بۆ ئازادكرنا كچ و ژنێن كوردێن ئێزدی هاتینه كرن یێن كو دده‌ستێ داعش دا، بارزانی گۆت كو پتر ژ هزار ژێ هاتینه رزگاركرن و ل هه‌رێمێ هاریكاریان وان نها دهێته كرن، لێ نێزیكی 4 هزاران هێشتا دده‌ستێن داعش دانه هه‌ر چه‌نده هه‌ژمارا درست ناهێته زانین،
بارزانی خوه‌یا كر كو چ كچ و ژنێن ئێزدی نه دكه‌ڤتنه ده‌ستێن داعش دا هه‌كه‌ر نه ژبه‌ر خیانه‌تا هنده‌ك ژ عه‌شیره‌تێن عه‌ره‌ب با، چه‌نكی سۆز دابوویێ وان بپارێزن لێ ده‌مێگه‌هشتنا داعش ب ئاخڤتنا خوه نه‌كر به‌لكو به‌ره‌ڤاژی.
ئه‌م هاریكارین بۆ كوردان ل هه‌ر جهێ هه‌بن، مه ئه‌ڤ یه‌ك ل كۆبانێ نیشان دا.
بارزانی ئه‌و یه‌ك ژی راگه‌هاند كو ئۆباما پێگیریا خوه نیشان دایه كو پێشمه‌رگه چه‌كی وه‌رگریت بۆ به‌رهنگاربوونا داعش و ئه‌ڤ یه‌كه ژی بۆ كوردستانێ یا گرنگه ، رێیا وه‌رگرتنێ نه یا گرنگه ماده‌م بگه‌هیته مه.
ئه‌ڤرۆ نيوز:
لژنا وه‌رزش و لاوان د كۆمبوونا خوه يا ب سه‌رۆكاتيا سه‌رۆكێ لژنێ جاسم محه‌مه‌د جه‌عفه‌ر و ئه‌ندامێن لژنێ رۆژا سێشه‌مبى 5ى گۆلانا 2015ێ كۆمبوونا خوه گێرا و تێدا بڕيارا مێڤاندايكرنا پشكنينه‌رێ گشتى ل وه‌زاره‌تا وه‌رزش و لاوان كر كو ل روونشتنا وان يا 2ى گۆلانێ مێڤان كه‌ت.
ب گۆره‌يى نوچه‌يه‌كێ مالپه‌رێ جڤاتا نوونه‌ران عيراقێ، لژنه ڤه‌كۆلينێ ل سه‌ر فايلا راكرتنا دوورپێچێ ل سه‌ر ياريگه‌هێن عيراقێ كه‌ت و كار ژ بوو وێ چه‌ندێ كه‌ت وێ دوورپێچێ راكه‌ن.
پێشتر ئێكه‌تيا نێڤده‌وله‌تى يا ته‌پا پێ دوورپێچ ل سه‌ر ياريگه‌هێن عيراقى يێن ته‌پا پێ دانايه و نوكه يانه و هه‌لبژارتيێ عيراقێ نه‌شێن چو ياريێن نێڤده‌وله‌تى د ياريگه‌هێن خوه دا بكه‌ن و نوكه هه‌لبژاتيێ عيراقێ ئێك ياريگه‌هێن ئيرانێ وه‌كو ياريگه‌ها خوه هه‌لبژارتيه.
ئه‌ڤرۆ نيوز:
سه‌رۆكێ فراكسيۆنا “تجمع كفائات” ل جڤاتا نوونه‌رێن عيراقێ دبێژيت: “حوكمه‌تا ئه‌لمانيا بێى ئاگه‌هداريا به‌غدا ب بهايێ 70 ته‌نان پێدڤيێن له‌شكرى داينه هه‌رێما كوردستانێ”.
هه‌يسه‌م جبۆرى، سه‌رۆكێ فراكسيۆنا “تجمع كفائات” د داخۆيانيه‌كێ دا بۆ سومه‌ريه نيوز راگه‌هاند: “ئه‌لمانيا 70 ته‌نێن چه‌كێ جودا بێ ئاگه‌هداريا ده‌وله‌تا ناڤه‌ندى يا عيراقێ و بێى ئيمزاكرنا دووماهيێ يا كاروانێ له‌شكرى ژ لايێ حه‌يده‌ر عه‌بادى، فه‌رماندێ گشتيێ هێزێن چه‌كدار ل عيراقێ ڤه، راده‌ستى هه‌رێما كوردستانێ كريه”.
ته‌كست دكه‌ت كو ئه‌و كارى ل گه‌ل پرۆژێ په‌سه‌ندكريێ جڤاتا نوونه‌رێن عيراقێ بۆ دژاتيكرن ل گه‌ل ده‌ستێوه‌ردانا وه‌لاتێن بيانى ل گه‌ل كاروبارێن ناڤخۆيێ عيراقێ ئێكگرتيه”.
سەرۆکێ لژنا قانوونی ل جڤاتا پارێزگەھا دھۆکێ ئاشکراکر کو ئەڤرۆ دکومبوونەکا ئاسایی یا جڤاتا پارێزگەھا دھۆکێ دا، چەندین بریار ل سەر کومەلگەھا کواشێ یا پیشەسازی ھاتنەدەرکرن.
دیندار کوچەر، سەرۆکێ لژنا قانوونی ل جڤاتا پارێزگەھا دھۆکێ بۆ مالپەرێ ئەڤرۆ نیۆز گۆت: ئەڤرۆ ٦-٥-٢٠١٥ جڤاتا پارێزگەھا دھۆکێ چەندین بریار دەرکرن ل سەر کومەلگەھا کواشێ ژوان بریاران دڤێت ماوێ شەش ھەیڤان دا رێڤەبەریێن باژێرڤانیان و رێڤەبەریا گەشەپێدانا پیشەسازی، دڤێت زێدەگاڤیان نەھێلن و ئەوێن ھاتینەکرن ب قانوونێ بھێنە رێخستن، دیسان دھەمان ماو دا ئەو عەردێ بۆ کومەلگەھا ناڤبری ھاتیە ژێک جوداکرن ئانکو (ئیفرازکرن) ب گرێبەست ل گەل خودانێن کارگەھان ل گەل رێڤەبەریا باژێرڤانیان بھێنە گرێدان، دیسان کومەلگەھا ناڤبری وەک شارەوانی راستەوخۆ ب باژێرڤانیێن گشتی ل دھۆکێ بھێتەگرێدان بۆ پتر خزمەتکرنا دەڤەرێ.
دیندار کوچەر گۆت ژی: دناڤا کومبوونێ دا چەندین راسپاردە بۆ کارگێریا پارێزگەھا دھۆکێ ھاتنە بلندکرن کو ل کومەلگەھا کواشێ ھەر ئێک ژ بنگەھێن ئاگرڤەمراندنێ و ساخلەمیێ بھێنەدانان بۆ پتر خزمەتکرنا وەلاتیان ل دەڤەرێ، دیسان رێڤەبەریا وبەرھێنانێ ژی، ل گەل رێڤەبەریا پیشەسازی، فەرمانگەھا ژینگەھێ ماوێ دیارکری کاربکەن بۆ نەھێلانا سەرپێچیان، ئەڤ بریارە و راسپارە ل گەل قانوونا ھەر دو فەرمانگەھێن ناڤبری دگونجیت و دەست ھەلاتێن ئەنجوومەنێ پارێزگەھێ دایە.
کۆچەری ئاشکراکر ژی کو دڤێت ل دووڤ قانوونێ وبەرنامەکێ دارێتیێ گونجایی کارگەھێن ئاری ل کومەلگەھا ناڤبری بۆ جھەکێ دیت بھێنە ڤەگۆھاستن.
ناڤبری گۆتژی: دیسان بریارھاتەدان بۆ رێڤەبەریا گشتی یا باژێرڤانیان کو ئێدی نابیت بەرمایک خوە یێن ساخلەکیێ بھێنە تێکەلکرن، دڤێت بھێنە سوتن و دیسان بریار ھاتەدان کو کەرتێ ناڤبری راستەوخۆ بکەڤیتە سەر ب باژێرڤانیا گشتی ڤە.
جھێَ ئاماژەکرنێ یە کو ئەڤ بریارە و راسپاردە ئەڤرۆ ٦-٥-٢٠١٥ ژلایێ ئەنجوومەنێ پارێزگەھا دھۆکێ ڤە ھاتینەدەکرن، پشتی چەندین گازندە گەھشتینە ئەنجوومەنی و لژنێن تایبەت ل سەر کێشان ھاتینە پێکئینان.
ئه‌ڤرۆ نيوز، نيوار محه‌مه‌د سه‌ليم:
ئه‌ندامه‌كێ په‌رله‌مانێ كوردستانێ دياركر كو پتريا لايه‌نان ل په‌رله‌مانێ كوردستانێ ل گه‌ل وێ چه‌ندێ نه‌بوون، لژنا 21 كه‌سى يا ئاماده‌كرنا دستوورى، چو نوونه‌رێن ئێزدى تێدا پشكدار بن، ژ به‌ر هندێ پارتى بڕيار دا ژ به‌هرا خوه كورسيه‌كێ ب ده‌ته ئێزديان.
شێخ شامۆ، نوونه‌رێ ئێكانه يێ ئێزديان ل په‌رله‌مانێ كوردستانێ بۆ ئه‌ڤرۆ نيوز ته‌كست ل سه‌ر وێ چه‌ندێ كر كو بزاڤه‌ك هه‌بوو ل په‌رله‌مانێ كوردستانێ كو مافێ كێم نه‌ته‌وه و ئايينان لژنا 21 كه‌سى يا دستوورى دا نه‌بيت.
شێخ شامۆيى گۆت: “چو لايه‌نێن سياسى ب ئه‌ركێ خوه رانه‌بوون كو كه‌سه‌كێ ئێزدى بكه‌نه د ناڤا وێ لژنا 21 كه‌سى دا يا بۆ نڤيسينا دستوورى هاتيه به‌رهه‌ڤكرن، له‌ورا پارتى ئه‌ڤ چه‌نده ب ئه‌ركێ خوه زانى و ژ پشكا خوه، كورسيه‌ك دا ئێزديان”.
گۆتژى: “هه‌ر ده‌م پارتى خوه ل ئێزديان كريه خودان و ئێزدى ئه‌مانه‌تێ پارتى و بارزانى نه، له‌ورا ئه‌وان ژى ئه‌ركێ خوه ب جهـ ئينا، پێدڤى بوو هه‌موو لايه‌نێن سياسى وه‌كو پارتى ره‌وشا ئێزديان به‌رچاڤ وه‌رگرت بايه”.
نوونه‌رێ ئێزديان ل په‌رله‌مانێ كوردستانێ كو سه‌ر ب فراكسيۆنا زه‌ره نه‌ره‌حه‌تيا خوه ل هه‌مبه‌ر هنده‌ك لايه‌نێن سياسى دا دياركرن و گۆت: “ل ده‌مێ پێدڤى ب ئێزديان هه‌يى، كيانێن سه‌ربه‌خۆ و هێزێن تايبه‌ت و حه‌شه‌د شه‌عبى و كانتۆن لێ دروست دكه‌ن، به‌لێ ده‌ما دبيته بابه‌تێن چاره‌نڤيس ساز يێن ئێزديان پشتا خوه دده‌نێ، ئه‌ڤه نمۆنه‌كا باش بوو بۆ مه ئێزديان كا كى ل مه خودان ده‌ردكه‌ڤيت”.
ل سالا 2009ێ ژى ل ده‌مێ نڤيسينا ره‌شنڤيسا دستوورێ هه‌رێما كوردستانێ پير خدر كو ل وى ده‌مى ئه‌ندامێ په‌رله‌مانێ بوو ئه‌ندامێ لژنێ بوو.
نيشاندان