ئه‌ڤرۆ نیوز:
حكومه‌تا عیراقێ ئه‌ڤرۆ پرۆژه قانوونا دانانا باجێ ل سه‌ر ترۆمبێلان په‌سه‌ند كر و بریاره بهنێریته په‌رله‌مانى ب مه‌ره‌ما په‌سه‌ندكرنێ.
حكومه‌تا عیراقێ د ناڤه‌رۆكا ڤێ پرۆژه‌ى دا ئاماژه ب وێ یه‌كێ كریه كو باج ل سه‌ر ترۆمبێلان بهێته دانان كو شوفێر باجێ بده‌ت و مه‌ره‌م ژ ڤێ بڕیارێ ئه‌وه كو ژ ڤێ باجێ رێكێن هاتن و چوونێ بهێنه نووژه‌نكرن.
ئه‌ڤرۆ نیوز:
د به‌یاننامه‌كێ دا فراكسیونا گۆڕان ل په‌رله‌مانێ كوردستانێ داخواز ژ حكومه‌تا هه‌رێما كوردستانێ كر كو چاڤخشاندنه‌كێ د بهایێ پانزینێ دا بكه‌ت كو ل گه‌ل ده‌رامه‌ت و داهاتێ خه‌لكى دا بگونجیت.
ئه‌ڤرۆ فراكسیونا گۆران د به‌یانناما خوه‌دا دیاركریه” ئه‌ڤرۆ لێكتێگه‌هشتنه‌ك د ناڤبه‌را هه‌رێم و به‌غدا دروست بوویه، له‌وما داخوازێ ژ حكومه‌تێ دكه‌ین كو چاڤخشاندنه‌كێ د بهایێ پانزینێ دا بكه‌ت، ژبه‌ر كو ده‌مێ حكومه‌تێ بهایێ پانزین گرانكرى، وى ده‌مێ هه‌رێم تووشى قه‌یرانا دارایى ببوو”
كه‌سێ هندی مه كودران ب سه‌ری نه‌هاتیه ره‌نگه جوهی (الاسرائلیون) جیهان هه‌می جاره‌كی تووشی جینۆسایدێ بووینه، ئه‌م ل چه‌ند سالان جاره‌كێ تووشی سپرایزه‌كا سیاسی دبین كۆمه‌كوژی و تالانكرن و كیماباران دبین و نها ژی ده‌وله‌ت سه‌رێ ده‌وله‌تا ئیسلامی تووشی گرفته‌كا سیاسی و داگیركرنێ بووینه ژبلی ژمارا شه‌هید و به‌رزبوویان و بێژن و ئیتیمان و كچین ئێزیدێن ره‌ڤاندی ئه‌ڤه، هه‌می نابیت ب هه‌روه بچیت. ئه‌م ئێدی خوه وه‌ك مله‌تكێ سه‌ربلند دڤێت خوه نێشا جیهانێ بده‌ین وه‌ك مله‌تكی چه‌لنك نه ب تنێ دامایی و كه‌سیره و هێژایی هاریكاریی بیت ئه‌و رۆژ چوو كه‌س نزانیت كورد كینه و چ دڤێت. پشتی شه‌ڕی پلانێن ئیستراتیژی هه‌می دهێنه گوهۆرین و تشت دراماتیكی دهیته مه‌یدانی و پلان و دارێژتنێن نوو سه‌ر خوه بلند دكه‌ن. وه‌ك چاوا پاشی جه‌نكا جیهانیا ئێكێ وه‌لاتین رۆژئاڤا ئه‌مریكا حوكمه‌ته‌كا كۆمۆنیست ب سه‌ر جیهانا سۆڤیتی دا سپاند وه‌ك چاوانی پاشی جه‌نگا جیهانی دویی. هه‌موو په‌یوه‌ندیێن سیاسی هاتنه گوهۆرین. رۆژئاڤا هه‌ولدا شێوێ كۆمۆنیستی نه‌گهیته رۆژئاڤا و خوه ته‌رخانكرن بۆ دروستكرنا جیهانه‌كا باش بۆمرۆڤان هه‌موو پێكهاتێن ژیانه‌كا خۆش بۆ مرۆڤی تێدابن. ئێدی ئه‌مژی وه‌ك كورد بۆینه معادله‌كا سیاسی و دێ كه‌ڤینه به‌ر شه‌پءلا گوهۆرینان. مه گاز و سامانێن سروشتی هه‌نه و دهۆلا سه‌ری وێ گازی ئه‌وه پشتا مه دگرن و كورزان ژ داعشێ وه‌ردكه‌ن ئێدی ئه‌م به‌رب رووداونێن جیهانی دچین ئه‌م یێن بووینه هه‌ڤپشكه‌كێ فه‌رمی بۆ ئه‌مریكا و ده‌وله‌تین رۆژئاڤا د شه‌ڕی داعشێ دا. رێكخراوێن جیهانی پتریا وان هاریكاری هنارتینه و سنۆرێن مرۆڤدوستیا خوه ئاشكه‌را كرن ئه‌م ب شێوه‌كی دیندارێن رێكخراواینه چونكو پترین سوود مه ژی وه‌رگرتینه ژ 1991 وه‌ره مه مفا ژرێكخراوێن جیهانی دیتیه و ده‌ستێ مه كوردان بێ خوه‌یی نینه ئه‌م قه‌نجیا ژبیر ناكین. لی ل گه‌ل هندێ ژی ئه‌م رۆلی خوه ژی وه‌ك حوكمه‌ت و مله‌ت ژبیر ناكین و ئێدی سیاسه‌ت دارژتنا پشتی شه‌ڕی ئه‌و ژی پشكه‌ك بین ژی چونكو ئه‌وێن سیاسه‌تێ ددارێژن جد ودانه ژ ئه‌وێن خیرخوازی دكه‌ن د هه‌مان ده‌وله‌تا دا رۆژئاڤا یا هاریكاران دلێدان داعشێ دا وه‌ك چه‌ك یا هاریكارا ددانا هاركاریان دا بۆ ئاوران و ل ته‌وارا مه هاتینه. ئێدی دیت ئه‌م گوهۆرینان ب سه‌ر سیاسه‌تا خوه‌یا پێناسه‌كرنی بۆ جیهانێ بكه‌ین. نه ب تنی مله‌تك هه‌وجیا هاریكار ب تنێ به‌لكو ئه‌م هێزه‌كا جیهانی بین و دبیت شێواز یارمه‌تی و هاریكاری ژ قووناغا ریكخراوێن هاریكاریا خوارن و ده‌رمان بۆ كوردستانێ بێته گوهۆرین و ئه‌و ئێدی داخوازا هاریكاریا گوهۆرینا نه‌خشا سیاسی بكین و بێژین ئه‌م ل سه‌ر نه‌خشا جیهانی لێ بین پشتی ڤی شه‌ڕی. چونكو پشتی شه‌ڕی سنۆر دهینه گوهۆرین و ئه‌رك و كارێ رێكخراوێن نه حكومه‌ی ڤی پناسی بكه‌ن بۆ جیهانێ نوكها ئه‌م وه‌ك هێزكا دژی تیرور ل جیهانێ هاتینه نیاسین دیت وێ نرخی بۆ مه دانن بۆ جهكرنا مه وه‌ك كورد د ناڤا نه‌خشا سیسای جیهانی دا چونكو ئه‌مریكا هه‌ر گورزه‌كێ پاڤیت داعش ب پاریی مه‌یه و بنرخێ نه‌فتا وه‌لاتیه كو پشتی شه‌ڕ ی دڤێت ئه‌و بكه‌ڤیته دمیزانا ئه‌مریكا دا بۆ گوهۆرینا سیاسی چونكو ئارمانجا ئه‌مریكا به‌رژه‌وندیێن وێنه ل عیراقی و دیت چاوا ئه‌و د هان و د هوارا مه‌هاتینه وه‌ك مرۆڤدوسته‌ك جیهانی ئه‌ڤ جارا وه‌ك سیاسه‌ت و گوهۆرین ئه‌م هه‌وجیه هاریكارێنه و چ دی ده‌نگێ مه ب تنێ بۆ قورتالكرنی ژده‌ستین دوژمنان نابیت به‌لكو گازیا مه بۆده‌وله‌تبوون و سه‌رخووبوونیه و ئه‌ڤه ژ هه‌وله‌ك كوردانه پی دڤێت كو هه‌موو هێزێن سیاسی د ه‌ست ژململانا حزبی و مادی بیننن و خوه بكه‌نه ئیك به‌ر ب جهانیبوون و ده‌له‌تبوونێ.
ئاریشه‌كا هه‌ره مه‌زنه گه‌له‌ك خێزان د ناڤا جڤاكێ دا ژبه‌ر دنالن ژبه‌ر كو گه‌نج ستوونا جڤاكی یه و پاشه‌روژا گه‌ل و وه‌لاتی یه ده‌ما ئه‌ڤ گه‌نجه نه‌شێت حه‌زێن خوه هه‌میان تێر بكه‌ت وان هزر و پلانێن د سه‌رێ خوه دا دروست بكه‌ت وی ده‌می ڤالاتیه‌كا مه‌زن د ده‌روونێ وی دا په‌یدا دبیت هزرێن وی پیچ پیچ ژ ناڤ دچن و ب ئه‌ركێ خوه نارابن سستیه‌ك دكه‌ڤیته د خانێن مێشكێ وی دا و دبیته ئه‌گه‌رێ ژ ده‌ستدانا هزرێن نه ئاڤاكه‌ر و دوور دكه‌ڤیت ژ داهێنانێ لاوازیه‌ك ل ده‌ف په‌یدا دبیت هزرا وی ب تنێ دمینته ل سه‌ر وی تشتێ نه‌شیای بده‌ستڤه بینیت یان ئه‌وێ ژ ده‌ستدای ژ به‌ر كو ب تنێ دشێت ب رێیا هه‌ڤژینیێ وان حه‌زان بجه بینیت، چونكو جڤاكێ مه یێ پاراستی یه نه ئایین و نه جڤاك رێ ناده‌تێ ب چ رێیێن دی ڤان ڤالاهیان تژی بكه‌ت، ب تنێ ئێك رێیه ئه‌و ژی پێكئینانا خێزانێ ئه‌و رێ ژی یا تژی یه ژ ئاسته‌نگ و ئالۆزیان ئه‌ڤه ژی دزڤریته‌ڤه بۆ گه‌له‌ك ئه‌گه‌ران ژ وان ژی كۆمڤه‌بوون و خره‌ڤه‌بوونا ئاریشێن ڤان سالێن بووری دا چێبووین بووینه هه‌كه گه‌نجێن مه ژ به‌ر بنالن ژ وان ژی ئابوور ئێك ژ هه‌ره كاریگه‌ریا بوویه ئاریشه‌كا مه‌زن په‌یدا كر هه‌ژاری و كێم داهاتێ گه‌له‌ك ب سه‌ختی و دژواری ل سه‌ر گه‌له‌ك خێزانان رادوه‌ستیا بوورینا ڤان سالێن سه‌خت و دژوار دا ئه‌گه‌ره‌كێ سه‌ره‌كی بوو كو كه‌نچ نه‌شێان ڤێ په‌یوه‌ندیێ پێكبینن و باوه‌ری ل ده‌ف گه‌له‌ك گه‌نجان ب ڤێ په‌یوه‌ندیێ ژناڤچوو ژ ئه‌گه‌رێ دیاردا خواستنا گه‌له‌ك زێر و پاران ژ لایێ مالباتێن كچان ڤه پتریا گه‌نجان نه‌چاربوون په‌نا ببه‌ن بۆ وه‌لاتێن رۆژئاڤای كو بشێن ب رێیێن ساناهتر ڤان ڤالاهیان پر بكن ڤێ چه‌ندێ ژی رێژه‌كا مه‌زن یا قه‌یره‌بوونێ په‌یدا كر، ئه‌گه‌ره‌كا دی ژی مالباتێن كچ و كوران د زال بوون ل سه‌ر بۆچوونێن وان دڤیا ئه‌و بۆ هه‌ڤژینێن وان ده‌ستنیشان بكه‌ن و ئه‌ڤ خێزانا ساڤا یا ل سه‌ر بنه‌مایێ پاره و زێران پێكدئینان و هه‌لبژارتنا مالباتێ نه‌ك ب حه‌زێن گه‌نجان هه‌ر زوو ئه‌و خێزان ژ ناڤدچوو و د هه‌لوه‌شیا ئه‌گه‌ره‌كێ دی ژی یێ هه‌ی گه‌له‌ك ژ گه‌نجان ژی سه‌ر سیمایێ كچان جوانیا وێ یان ژیێ ویی یێ بچووك دكره پیڤه‌ر بۆ پێكئینانا هه‌ڤژینیێ و پتریا خه‌لكێ مه تا نوكه ژی ل دووڤ ڤێ دیاردا نه شارستانی دچن. یان هزرا رژدیا ل سه‌ر باوه‌رنامێ یان پلان بیت، ئه‌ڤه ژی بوو ئه‌گه‌ر گه‌له‌ك ده‌لیڤه ژ ده‌ستێن كچان بچن، یان ده‌لیڤا كاری پشتی بدووماهی هاتنا خواندنێ و دابینكرنا پاشه‌رۆژێ ل ده‌ف گه‌نجان ب زه‌حمه‌تتر لێهات، رژدیا مالباتێ ل سه‌ر هه‌لبژارتنا بیكوزاڤایێن پاشه‌رۆژێ، ئه‌گه‌رێ گیرۆبوونا كچان یان ئاسته‌نگێن د كه‌ڤنه د رێیا وان دا، پتریا جاران هه‌تا خواندن و باوه‌رنامه بده‌ست بكه‌ڤیت یان ژی ل هیڤیا پاشایێ خه‌ونان ل دووڤ مواسه‌فاتان بیت یانژی هزركرن د كه‌سه‌كێ زه‌نگین دا، پتریا جاران دایكوباب رێگربوون ده‌ما كچ كه‌سه‌كێ بۆ خوه بهه‌لبژێریت و كه‌یف پی بێت یان دایك یان باب، پیرببیت و بمینته بێ خودان دڤێت ئه‌و ب چاڤدێریا وان راببیت هه‌تا كو چاڤێن خوه ڤه دكه‌ت بهارا ژیێ وێ بووری شه‌مه‌نده‌فرا وێ ده‌رباز بوو خوه ل قووناغا وه‌غه‌را وێ نه‌گرت هێلا ل ژڤانێ بێ ڤه‌گه‌ریان، یانژی ئه‌و بخوه نه‌شیایه خودان بۆچوونه‌كا ئازاد بیت بشێت ب كه‌یفا خوه هه‌ڤپشكێ ژیانا خوه ده‌ستنیشان بكه‌ت و بهه‌لبژێریت ب تایبه‌ت د جڤاكێ مه دا گه‌له‌ك ئه‌گه‌رێن هه‌ین كاریگه‌رن و رێگرن كو گه‌نج نه‌شیایه ب ئازادی ڤێ په‌یوه‌ندیا گرنگ پێكبینت ل گه‌ل ڤان هه‌می ئه‌گه‌ران گه‌نج ژ به‌ر دنالن جڤاك خێزان و ده‌روبه‌ر ژی پتر ل سه‌ر سه‌خت دژوار دكه‌ن ل شوونا هاریكار بن ل گه‌ل ده‌رفه‌ته‌كا ژیانێ بۆ په‌یدا بكه‌ن، به‌لێ به‌روڤاژی پتر ئازار دده‌ن و ب چاڤه‌كێ كێم به‌رێ خوه دده‌نێ كو كه‌سه‌كێ بێ شیان ل قه‌له‌م دده‌ن ئاخڤینیت ره‌ق نه‌شرین ل هه‌مبه‌ر وان دا دبێژن هه‌ستێ وان بریندار دكه‌ن هنده‌ك كچ ل ده‌ف خێزانان وه‌ك ئامیره‌كێ ژ كاركه‌فتی، لێ دئێن بێ بها دبن دڤێن زوو به‌لا وێ ژ خوه ڤه‌كه‌ن هه‌ر وه‌كو نه ئه‌و یا ب دریژاهیا سالان خزمه‌ت د وێ مالێ دا كری ئه‌و هه‌می ئێش ئازارێن كێشاین ژبیر دكه‌ن. هه‌تا كه‌نگی بهایێ كچێن مه دێ دیار بیت ل ده‌ف خێزان و جڤاكی چاره‌نڤیسا وان به‌ر ب كیڤه‌یه به‌لێ هزرا خوه ناكه‌ن كا وان چ بۆ كریه ئه‌و ب تنێ د ئازارێن خوه دا دژیت بێ چو هاریكاره‌ك بۆ بهێته كرن ژ لایێ ده‌روونی ڤه، گه‌له‌ك تێك دچن و د تاراتیا قولاچكێن بێ هیڤیبوونێ دا دژین كی دێ ژ ڤان قه‌ید و زنجیران رزگاركه‌ت، ئه‌ركێ كێ یه هه‌ر ئه‌ڤه ئه‌و كچه یا جوانی گه‌نجاتیا خوه گوری خێزان و كه‌سوكاران و دابونه‌رێتێن جڤاكی كری.
ئه‌ڤرۆ نیوز:
چه‌كدارێن داعش ل میحوه‌رێ روژئاڤا دیجله هێرش كره سه‌ر سه‌نگه‌رێن پێشمه‌رگه و توشى شكه‌ستنه‌كا مه‌زن بوون.
عه‌مید فه‌خرى مزوورى فه‌رماندێ پێشمه‌رگه‌ى راگه‌هاند كو ئه‌ڤرۆ چه‌كدارێن داعش هێرش كره سه‌ر گوندێ عابد بیلال كو دكه‌ڤیته باشوورێ رۆژئاڤایێ عه‌وێنات ل میحوه‌رێ رۆژئاڤا دیجله و به‌رسڤا هێرشا وان هاته دان كو داعش ترومبێله‌كا خوه‌كوژى بكارئینا و گۆت: 10 داعش هاتنه كوشتن و ژماره‌كا ترومبێلێن وان ژناڤ برن.
ئه‌ڤرۆ نیوز، ناجی به‌ده‌ل
نزار عه‌لی محه‌مه‌د حه‌سه‌ن به‌رپرسێ ئه‌زموونان ل په‌روه‌رده‌یا قه‌زا رۆژهه‌لات بۆ ئه‌ڤرۆ راگه‌هاند:ئه‌زموونێن ده‌ره‌كی یێن به‌رایی 18/2/2015 دێ ده‌ست پێ كه‌ن و دڤێت قوتابی به‌ریا 10 رۆژان سه‌ره‌دانا په‌روه‌رده‌یێن خوه بكه‌ن بۆ وه‌رگرتنا كارتا به‌شداربوونا تاقیكرنێ و خشته‌یێ ئه‌زموونان و نها په‌روه‌رده‌یا رۆژهه‌لات مژولی دانا بنگه‌هانه .
نزار عه‌لی ئه‌و چه‌نده ژی دیاركر كو ئه‌و قوتابێن داخوازی بو ئه‌زمونێن ده‌ره‌كی پێشكێشكرین 995 قوتابینه و هه‌ر ل ده‌ستپێكێ ژێ هاتیه خواستن ب چ زمان و زاراڤ به‌رسڤێ بده‌ت و قوتابی سه‌رپشكریه كو ئێكێ هه‌لبژێریت.
ئه‌ڤرۆ نیوز:
پرۆژه‌ك بۆ دامه‌زراندنا سندوقه‌كا نیشتمانى بۆ روودانێن ژ نشكه‌كێ ڤه دێ هێته دروستكرن، و چه‌ند په‌رله‌مانتار و رێكخراوێن جڤاكى مه‌ده‌نى پرۆژه به‌رهه‌ڤكریه.
سالار مه‌حمود ئه‌ندامێ په‌رله‌مانێ كوردستانێ دیاركر كو ئه‌ڤ سندوقه دێ بۆ روى ب روى بوونا پێشهات و كاره‌ساتێن سروشتى بیت و پرۆژه هاتیه به‌رهه‌ڤكرن و بڕیاره ل نێزیك راده‌ستى په‌رله‌مانى بهێته كرن و بكه‌ڤیته به‌ر ده‌نگدانێ بۆ وێ یه‌كێ پاره‌یه‌ك بۆ ڤێ سندوقێ بهێته دانان و ل ده‌مێن پێدڤى بهێته مه‌زاختن.
هاریارێ سكره‌ته‌رێ گشتی یێ پارتیا سه‌عاده‌ت سه‌مایی ئه‌نجسو داخویاكرن كو پارتیا كاركه‌رێن كوردستانێ دراڤه‌كی تایبه‌ت ب خوه چاپكریه و هه‌ول دده‌ت كو بكه‌ته دراڤێ ده‌ڤه‌رێن كوردی ل ده‌ڤه‌رێن كوردی ل توركیا و ژ لایه‌كی دیڤه پارتیا ناڤهاتی باجا كرین و فروشتنا ئه‌ردوخانیان وه‌ردگريت ل باژارێ ئامه‌دێ.
ئه‌ڤ پێزانین ژ لایێ ئاژانسا دوغان ڤه هاتیه راگه‌هاندن كو ئه‌نجسو یێ كو پشكداری د كونگرێ پارتا خوه دا كری ل ده‌ڤه‌را مێرسینێ و ره‌خنه ل پارتا ئه‌ردوغان گرتن كو ره‌وشا توركیا ل باشورێ رۆژهه‌لاتێ وه‌لاتی یێ كه‌فتیه ژێر كونترولا PKK و كه‌سه‌ك ئێدی نه‌شێت خانیه‌كی بۆ خوه بكرێت یان بفروشێت بێ كو باجا خوه نه‌ده‌ته وان.
نيشاندان