ئەڤرۆ نیۆز، سالار دۆسکی:
پشتی سترانبێژا دەنگ خوەش(پەرواز حسێن) دیارکریکو شەڤا سەرێ سالێ دێ ل ھوتێلا تایتانیک ل باژێرێ سلێمانیێ پێشوازیێ ل سالا نوو یا 2015 کەت و ئاھەنگان دێ گێریت، لێ ئەڤرۆ پەشێمان بوو ژڤێ بریارێ.
پەروازێ ئەڤرۆ راگەھاند کو وێ نەڤێت دناڤا ئەڤان کاودانێن کوردستان تێدا دبوریت پشکداربیت د چ ئاھەنگان دا وەک رێزگرتن بۆ شەھیدێن کوردستانێ.
پەروازێ ھێشتا ژی گۆت: پشتی ھاتنا پێشمەرگە و سەرکەفتنێ دێ ئاھەنگان بۆ جەماوەری گێرم.
ئه‌ڤرۆ نیوز، مه‌سعود خه‌له‌ف
په‌له‌مه‌نتارێ تورك لوتفی توركان، گرتنا پێشكێشكه‌را به‌رنامێن تلفزیونی یا ب ناڤ و ده‌نگ (سه‌ده‌ف قاباش) شه‌رمه‌زاركر.
سه‌ده‌فێ د روپه‌‌لا خوه یا تویته‌رێ دا ره‌خنه ل هه‌لوه‌ستێ حكومه‌تێ گرتبوو د ده‌ربارێ دوسه‌یا گه‌نده‌لیێ دا ئه‌وا ل دوماهیا سالا بووری، وه‌لاتێ توركیا ڤه‌گرتی.
هه‌روه‌سا په‌رله‌منتارێ تورك ب شێوه‌یه‌كی پێكه‌نین د رووپه‌لا خوه یا تویته‌رێ دا نڤیسی یه (دڤێ هه‌ر كه‌س بێده‌نگ بیت ل هه‌مبه‌ر گرتنا سه‌ده‌فێ، ژ به‌ركو پولیس دێ هه‌ر كه‌سه‌كێ كو ده‌ربارێ ڤێ گه‌یسێ دا بئاخفیت بنچاڤ بكه‌ت، له‌وما ئه‌م د ده‌وله‌تا زولمێ دا نه)
هه‌ژی گۆتنێ یه كو سه‌ده‌ف قاباش د هه‌می به‌رنامه و نڤیسێن خوه دا ره‌خنێ ل حكومه‌تێ دگره و یه‌ك ژ وان ژی ده‌ربارێ ئه‌ردوغان ب خوه بوو كو گوتیه (مه چ سه‌روك بۆ كومارێ نه‌هلبژارت، به‌لكو مه سه‌روكه‌كی نوو بۆ پارتا ده‌ستهه‌تدار زێده‌كر، ئه‌و نابیته سه‌روكێ توركیا)
ئەڤرۆ نیۆز، سالار دۆسکی :
سترانبێژا دەنک خوەش (ھێلی لووڤ) جارەکا دی بەحسێ پێشمەرگێ کوردستانێ کر و ب رێیا پەیچێ خوەیێ تایبەتێ فێسبووکی پەیامەک بەلاڤەکرن و تێدا دیارکر کو پێشمەرگە واتا سەروەری و سەرفەرازی/ خوراگری و خوشەویستیا وەلاتی و خاک و نشتیمان و پێشمەرگە مان و نەمانە و کوردستان پێشمەرگە وەک خوین و جەسەدینە.
ھێشتا گۆت: پێشمەرگە وەک خوین و روحێ و ھەموو ھاونشتیمانەکی ئەم نشتیمانە شرین.
ئەڤرۆ نیۆز، سالار دۆسکی:
سەرۆکێ لقێ دھۆک پەیچێ خوە یێ فێسبووکی ب وێنێن شەھید و مێرخاسێن مللەتێ کورد خەلاملاندیە و ھەمان دەم دا ژی ئاشکراکر کو ک سالا ٢٠١٤ سالە پتر نەخوەشی بوو و ھیڤیا بۆ سالا ٢٠١٥ یا خێر و خوەشیێ بیت .
سەرۆکێ سەندیکا ھونەرمەندێن کوردستانێ لقێ دھۆک ل گەل گێرانا ئاھەنگێن سەرێ سالێ نینە، ب ھەمان ھەلکەفت پەیامەکێ ئاراستەیی ھونەرمەنداێن سەرێ سالێ دکەن و ئاھەنگان دگێرن دکەت.
زیاد عابد سەرۆکێ لقی دھۆکێ سەندیکا ھونەرمەندێن کوردستانێ بۆ مالپەرێ ئەڤرۆ نیۆز گۆت: ل گەل گێرانا ئاھەنگا نینم ل سەرێ سالێ ئانکۆ ئەڤ شەڤە بھێنە گێران، پێدڤیە ئەم پێداچوونەکێ د خوە دا بکەین، کا چ بکەین بۆ سالا داھاتی و ئەڤ کارەساتێن ب سەرێ مللەتێ کورد دا ھاتین دووبارە نەبن ڤە.
عابدی ھێشتا ژی گۆت: پێدڤیە وەک رێزگرتن ھەمبەر چوونا قارەمان و عەگیدێن ژناڤ مەچووین سەرێ خوە بوو بچەمینین و ھەر چو ئاھەنگێن سەرێ سالێ نەھێنەگێران، ھزر د وێ چەندێ دا بکەین کا دێ چەوا قەرەبوویا خوینا وان ھێتەکرن .
سەرۆکێ لقێ دھۆک خواست ژی چو ھونەرمەند ئەڤ شەڤە ئاھەنگا نەگێرن و بلا خوە ژبیرڤەنەکەن و خوە ڤەکێشن، گۆت: ھەکە بھێنەکرن بۆ گیانێ شەھیدان و شنگال و کۆبانێ بھێنەکرن و ل سەر ڤی شەنگستێ کوردینیێ و نەتەوەیی بھێنەکرن دێ باشتر بیت.
جھێ ئاماژەکرنێ یە کو پێشتر ژی د راپورتەکا رۆژناما ئەڤرۆ دا ھەر ئێک ژ ھونەرمەندان (ئیسماعیل جومعە، بلند ئیبراھیم، حاجی زاخۆیی، رێکێش سەیرانی و ئیسلام زاخۆیی) دووپاتکر بوو کو بۆ شەڤا سەرێ سالێ رزگرتن ھەمبەر گیانێ پاکێ شەھیدان پشکداری چو ئاھەنگ و بزاڤێن ھونەری نابن.
ئه‌ڤرۆ نیوز:
پشتى سه‌رۆكاتيا حوكمه‌تا هه‌رێما كوردستانێ راگه‌هاندى كو ئه‌و دێ ل رۆژا 4\1\2015 ل جهێ رۆژا شه‌مبى رێكه‌فتى 3\1\2015 هه‌لكه‌فتا رۆژبوونا پێغه‌مبه‌رێ خودێ محه‌مه‌د سلاڤێن خودێ ل سه‌ر بن كه‌نه بهێنڤه‌دانا فه‌رمى، وه‌زاره‌تا خواندنا بلند و ڤه‌كۆلينێن زانستى ژى بڕيارا خوه د ڤى وارى دا، دا.
په‌یڤدارێ وه‌زاره‌تا خواندنا بلند و ڤه‌كولینێن زانستى راگه‌هاند كو رۆژا ئێكشه‌مبى 4\1\2015 وه‌كو هه‌موو وه‌زاره‌تێن دى، ل وه‌زاره‌تا خواندنا بلند ژى بهێنڤه‌دانه و ل هه‌موو زانكۆ و په‌یمانگه‌هێن هه‌رێمێ ژى بهێنڤه‌دانه.
پێشتر سه‌فين دزه‌يى ئاخفتنكه‌رێ ب ناڤێ حوكمه‌تا هه‌رێما كوردستانێ ب مالپه‌رێ فه‌رمى يێ حوكمه‌تێ راگه‌هاند بوو ژ به‌ر رۆژا ژ دايكبوونا پێغه‌مبه‌رێ خودێ محه‌مه‌د سلاڤێن خودێ ل سه‌ر بن كو دكه‌ڤيته رۆژا شه‌مبى 3\1\2015 و ب خوه بهێنڤه‌دانه، بڕيار دا رۆژا ئێكشه‌مبى 4\1\2015 ببيته بهێنڤه‌دانا فه‌رمى ل هه‌رێما كوردستانێ، ژبلى وه‌زاره‌تا په‌روه‌ردێ و خواندنا بلند و ڤه‌كۆلينێن زانستى كو ئه‌و دێ ب گۆره‌يى به‌رنامه و خشتێ خوه بهێنڤه‌دانان ديار كه‌ن.
ئه‌ڤرۆ نیوز:
وه‌زاره‌تا ساخله‌ميێ ل حوكمه‌تا هه‌رێما كوردستانێ راگه‌هاند كو ژ پێخه‌مه‌ت خزمه‌تكرنا وه‌لاتيان ئه‌وان وه‌كو وه‌زاره‌تا ساخله‌ميێ بڕيار دايه رۆژا شه‌مبى ده‌واما فه‌رمى بيت، به‌لێ رۆژێن 4\1 و 6\1 دێ بهێن ڤه‌دانا فه‌رمى بيت.
ب گۆره‌يى روونكرنه‌كێ كو دانه‌ك ب ده‌ست ئه‌ڤرۆ نيوز كه‌فتيه، وه‌زاره‌تا ساخله‌ميێ ل حوكمه‌تا هه‌رێما كوردستانێ راگه‌هانديه ئه‌و دێ رۆژا شه‌مبى ده‌واما فه‌رمى ل هه‌موو نه‌خۆشخانه و بنگه‌هێن خزمه‌تگۆزاريێن ساخله‌ميێ كه‌ن.
هه‌ر د هه‌مان روونكرن دا هاتيه ژى ل رۆژێن 4\1\2015 و 6\1\2015 دێ بيته بهێن ڤه‌دانا فه‌رمى ل هه‌موو داموده‌زگه‌هێن ساخله‌ميێ يێن سه‌ر ب وه‌زاره‌تا ساخله‌ميێ ڤه.
پێشتر سه‌فين دزه‌يى ئاخفتنكه‌رێ ب ناڤێ حوكمه‌تا هه‌رێما كوردستانێ ب مالپه‌رێ فه‌رمى يێ حوكمه‌تێ راگه‌هاند بوو ژ به‌ر رۆژا ژ دايكبوونا پێغه‌مبه‌رێ خودێ محه‌مه‌د سلاڤێن خودێ ل سه‌ر بن كو دكه‌ڤيته رۆژا شه‌مبى 3\1\2015 و ب خوه بهێنڤه‌دانه، بڕيار دا رۆژا ئێكشه‌مبى 4\1\2015 ببيته بهێنڤه‌دانا فه‌رمى ل هه‌رێما كوردستانێ، ژبلى وه‌زاره‌تا په‌روه‌ردێ و خواندنا بلند و ڤه‌كۆلينێن زانستى كو ئه‌و دێ ب گۆره‌يى به‌رنامه و خشتێ خوه بهێنڤه‌دانان ديار كه‌ن.
ماسته‌ر ب (له‌گله‌گیێ) ئینا، دبلۆم ب (مه‌لاقیێ) ئینا، باوه‌رناما ناڤنجیێ ب (مه‌دحا) بده‌ستخوه‌ڤه‌ئینا، باوه‌رناما سه‌ره‌تایی ب (خولامینیێ) دایێ!
ئه‌رێ راسته ئه‌ڤان هه‌می باوه‌رنامان تو دكاری ب ده‌ستخوه‌ڤه بینی هه‌كه تو له‌گله‌گیێ بكه‌ی؟ ڕاستیه‌ك ژبۆ ڤێ چه‌ندێ هه‌یه؟. دبێژن ئه‌ڤه هنده جۆره مرۆڤن یێن د ناڤ رێزێن مه‌دا، گه‌له‌ك ژ وان ل به‌ره (پرۆفیسۆریێ) ب له‌گله‌گیێ بینن!؟
دێ چاوا بیه كه‌ساتیه‌كا نموونه د ناڤ ملله‌تی دا!؟ نه یا ب سانه‌هیه ئه‌ڤ ئارمانجه، ب ڤی شێوه‌ێ من گوهلێبووی، دڤێت تۆ گه‌له‌ك تشتان ژده‌ست بده‌ی هه‌تا بێژینه ته (د. )! ئه‌م دزانین ب سالان ته د به‌ر سوحبه‌تێن (وی) یێن بێ ڕامان و مه‌عنا خوه د كوشت ژ كه‌نیێ، كه‌نیه‌كا ژقه‌ستا! پا تو یێ وه‌ستیای!، ئه‌ز دزانم ته چه‌ندێن ب چاڤێن خوه دیتین ژ ده‌ستێن وی هه‌تا تو ل به‌رامبه‌ری خۆڕاگرترین باژێر راوه‌ستیای كو دبێژنێ باژێرێ (دهۆك)، به‌رامبه‌ری لاوازترین زارۆ د كه‌ڤنترین خانی و د پیسترین تاخێن (كانی به‌قبه‌قیێ) دا ئه‌وی زارۆیێ دخوینا وی دا (تیفۆئید و مه‌لاری) له‌شێ وی سار و گه‌رم دكه‌ت! تو دێ چ زانینێ ده‌یه قوتابی كو چاره‌سه‌ریا ڤی زارۆی بكه‌ت؟ تو دێ بوَ ملله‌تی چ جۆره كادر كه‌یه دیاری بۆ كوڕێ خالێ خوه و كورمامێ خوه؟ و هه‌می خوینده‌ڤانان؟.
خۆشبه‌ختانه حوكمه‌تا مه ب سه‌دان باوه‌رنامێن هۆسا گرتن و راوه‌ستاندن.
لێ مخابن ب دره‌نگی ڤه نه گه‌هشتینه گه‌له‌ك جهان! دێ دیاربن ئه‌و ژی و هه‌ر ئێك ژی ب رۆژا خوه دێ به‌روپشت ل ده‌واره‌كی سیاركه‌ن و ل وی تاخی گێرینن ئه‌و تاخێ به‌ق لێ د به‌قبه‌قن!.
پا له‌گله‌گی كاره‌كێ كرێته! ده‌مێ تو وێنان د (فه‌یسبۆكێ) دا دكه‌یه وه‌ریسێ دره‌وان! چیرۆك و داستانان ب ناڤێ كه‌سه‌كێ به‌رێز چێدكه‌ی و دكه‌یه رۆسته‌م و كاوه‌یێ ئاسنگه‌ر!! ته داخوازه‌كا هه‌ی ته تشته‌ك ژ (وی) دڤێت!! راوه‌سته! ب ڤی ره‌وشتێ له‌نگ دێ گه‌له‌كان فێری له‌گله‌گیێ كه‌ی! تو بێ باوه‌رنامه ژی هه‌ر یێ د جهێ خوه دا به‌رێز هێژای، پێدڤی ناكه‌ت ئه‌ڤی كاری هه‌میێ بكه‌ی دا ئارمانجه‌كێ یان خه‌ونه‌كا خوه بجهبینی!
ئه‌ڤرۆنیوز، ره‌زوان رۆژبه‌یانى:
ل به‌رده‌ره‌ش لژنه‌ك بۆ زێده‌گاڤیان ل سه‌ر ئه‌ردێ چاندنێ هاتیه پێك ئینان و چه‌ندین جهێن زێده‌گاڤی كرى هاتنه تێكدان.
حكمت مولود به‌رپرسێ راگه‌هاندنێ ل قایمه‌قامیا قه‌زا به‌رده‌ره‌ش بۆ ئه‌ڤرۆ نیوز خویاكر كو ب سه‌رپه‌رشتیا سه‌ردار یه‌حیا قایمه‌قامێ قه‌زا به‌رده‌ره‌ش كومبونه‌ك ل ئاڤاهیا رێڤه‌به‌راتیا چاندنێ ل به‌رده‌ره‌ش هاتنه كرن ژبۆ ئاگه‌هدار بوون ل سه‌ر ره‌وشا چاندنێ ب تایبه‌ت وان زێده‌گاڤیان كو دهێنه كرن بۆ سه‌ر زه‌ڤی یێن چاندنێ و مولكێ گشتى و گوت : لژنه‌ك هاته پێك ئینان ژبۆ نه‌هێلانا زێده‌گاڤیان هه‌ر ئه‌ڤرۆ ژى چه‌ندین جهێن زێده‌گاڤیان بۆ سه‌ر زه‌ڤى یێن چاندنێ و مولكێ گشتى هاتینه تێكدان وئه‌و كه‌س ژى هاتینه ئاگه‌هداركرن كو زێده‌گاڤیان دوباره نه‌كه‌ن.
دلیار و دلبرین، برانه و جێوینه ته‌مه‌نێ وان ئیرۆ دكه نه‌ه سال. به‌ری ئاواره‌یی(1) باشۆرێ كوردستانێ ببن، ل تاخا خه‌ربی یا باژارێ قامشلۆ دژیان. مینا هه‌می مه‌ندالێن (2) سووری و رۆژئاڤایێ كوردستانێ هه‌ر سوبه ژ مالێ به‌رێ خوه ددان دبستانێ، لێ ژ به‌ر ره‌وشا خه‌راب، جه‌نگ، شه‌ر، دورپێچكرن و بێ كاریێ باڤێ وان ژ نه‌چاری به‌رێ خوه دا باشۆرێ كوردستانێ، ب هێڤیا كو ئه‌و كاربه كاره‌كی بكه و ڤان مه‌ندالان ب پاریك نانێ نه تال شابكه تا كو ده‌نگێ شێتبوونا (3) مرۆڤان ل وه‌لاتێ سووری و باژارێ وان راوه‌سته.. باڤێ وان كو مرۆڤه‌كی هه‌ژار و نه‌خوه‌شه، دبێژه” ئه‌ڤ قه‌ده‌را مه یه”
ئایا راسته مرۆڤ هه‌رده‌مێ راستی قه‌ده‌را خوه تێ.. !
هه‌ر وسا دبه‌ژه “ده‌ما خوه‌دێ دلیار و دلبرین دامن، من وێ ده‌مێژی دگۆت ئه‌ڤ قه‌ده‌ره‌كی باشه خوه دا ئه‌ز راستی وێ ئانیم.. من گه‌له‌كی كێف كر.. لێ تو دبینه ئیرۆ ئادرێسا مه بوویه كونه‌ك و ناسنامه‌یا مه‌ژی.. . ئه‌ز و ڤان زارۆكان بوویه هه‌ژماره‌ك د كاخه‌تێن ون(4) ده.. ”
دلیار و دلبرین رۆژێن خوه د ناڤبه‌را دبستانێ و لیسكێ ده د زكاك و كولانێن تاخا خه‌ربی ده دقه‌دان دن.. . لێ ئیرۆ كولان و بێنده‌رێن كامقا گه‌ویلان ژ وان ره بوونه جی و وار.. هه‌ر رۆژ دناڤ ئاخ و گه‌مارێ ده دلیزن. . ئه‌ڤ هه‌ر دو نه ته‌نێ د زكێ دیا خوه‌ده جێویبوون.. نا ئه‌و هه‌رده‌مێ ل گه‌ل هه‌ڤن، ژ هه‌ڤ قوت نابن.. ئه‌گه‌را تو یه‌كی ته‌نێ ژ وان ببینه نینه. . لێ تشتێ وان یێ بالكێش ئه‌وه، كو هه‌ر ده‌مێ سترانان دبێژن ل گه‌ل هه‌ڤ، ئه‌و ل كامپێ ب ناڤ و ده‌نگ بوونه. . هه‌ر وسا ژوانره تێ گۆتن نه‌خاسم ژ لایێ كه‌سێن بیانی یێن كو تێن وێنه و زانیاریان ل سه‌ر ڤی مله‌تێ په‌نابه‌ر ددن هه‌ڤ.. ژ وان ره تێ گۆتن(جێویێ سترانبێژ.. )
دلیار و دلبرین بوونه ئارمانجا كامیره و موبایلێ هه‌ر كه‌سی، ب هه‌زاران وێنه ژ وانره هاتنه كشاندن.. ئه‌و ژی ژ ئالیێ خوه‌ڤه دلێ كه‌سه‌كی ناهێلن، ل هاوه‌كی سترانا بۆ مه‌ندال، خه‌لكێن كامپێ و بیانیان ره دبێژن.
لێ تشته‌كی بالكێش ل ده‌ف وان هه‌یه، ئه‌و ژی ئه‌ڤه:
ده‌ما مرۆڤه‌ك ستانه‌كێ ژ وان هه‌ر دو هونه‌رمه‌ندان دخوازه، ئه‌و قرسا ناڤێ وی دكن و قاشی ناڤێ وی دناسن، وه‌ك میناك هه‌كه ناڤێ وی كه‌سی به‌هزاد به، ئه‌و ئێكسه‌ر ڤێ سترانێ ژێره ب ڤی شێوه‌یی دبێژن:
ئای وه‌لی وه‌لی به‌هزادێم وێلی
به‌هزاد زاڤایه لو دام بچنه خێلی.. ..
د ڤرده گه‌ره‌ك به‌هزاد هنه‌ك قه‌ره بده وان.. و هه‌كه قه‌رێ دگهێن ده‌ست وان قربن ده‌نگێ وان زه‌لالتر دبه..
هه‌ر كه‌س ده‌مێ ل گه‌ل وان ب كه‌ن و كێف ده‌رباز دكه.. لێ ته‌نێ دیا وان ده‌ما ل وان گوهدار دكه فه‌رمێسكێن(5) خوه پاقژ دكه..
ئیسال دلیار و دلبرین ژ دبستانێ دوورن، چنكی ده‌ما وان خوه‌ست ناڤێن خوه توماركن، رێڤه‌به‌ریا دبستان ئا كامپێ ژ باڤێ وان ره گۆت: ئیسال جێ وان نه‌مایه چو سال بێ !!
هه‌گه‌ر تو ژ وان بپرسه ما كو هوون مه‌زن ببن هوونێ ببن چ؟
هه‌ر ده‌مێ به‌رسڤا وان ئه‌ڤه: ده‌مێ بخوینن و ببن هونه‌رمه‌ند!
ئه‌ڤ گوتنێن وان دلێ من خوه‌شدكن و دهێلێن كو هێڤیا من د ڤی وه‌لاتی زندی بمینه و دهێلێن ئه‌ز بێژم: هه‌كه هونه‌رمه‌ند هه‌بن ئه‌ز پێشبینی دكم وێ پاشه‌رۆژ باشتربه.
1-كوچبه‌ری ، قه‌نابه‌ری 2-زاروك 3- دینبون ، بێ هشی 4-نه‌ته‌وێن یه‌كگرتی 5- هێسر
پێشمه‌رگه ئه‌و كه‌سێ زێره‌ڤانێ كوردستانی خودانێ جوانترین دیرۆك و سه‌رهاتی جهێ شانازیا گه‌لێ خوه، ئه‌ڤرۆ یێ بوویه گۆتنا سه‌ر ده‌ڤێ هه‌ر كه‌سه‌كی نه ب تنێ ل كوردستانێ به‌لكو ئه‌ڤ په‌یڤه جهێ رێز و حێبه‌تیا هه‌می جیهانێ یه، ئه‌ڤه ژ بۆ وێ چه‌ندێ دزڤریت كو ئه‌ڤ پێشمه‌رگه خودان هنده‌ك سالوخه‌تێن تایبه‌ته و یێ جیوازه ژ هه‌می له‌شكرێن جیهانێ، ئه‌ڤ سالوخه‌ته ئه‌ڤه: ـ
1- وێره‌كی:ـ پێشمه‌رگێ كوردستانێ یێ به‌رنیاسه ل سه‌رانسه‌ری جیهانێ كو هێزه‌كا چاڤ نه‌ترسه و خودان جه‌رگێن پیلاینه و چو جاره‌كێ هزرا ترس وسه‌همێ ژ دوژمنێن خوه نه‌كریه، هه‌تا كو ئه‌ڤ دوژمنه خودان چ هێز بیت و ژمارا وان چه‌ند بیت، هه‌ر ژ رۆژا دامه‌زراندنا پێشمه‌رگێ كوردستانێ و هه‌تا نها ترس و سه‌هما پێشمه‌رگه‌ی كه‌فتیه دل و جه‌رگێن دوژمنان، به‌لگه ژی ل سه‌ر مێرخاسیا پێشمه‌رگێ كوردستانێ دزۆرن، چ ژ لایێ دیرۆكێ ڤه بیت كو چه‌ندین داستان توماركرینه د شیانێن چ هێزێن جیهانێ دا نه‌بوویه وان داستانا تۆمار بكه‌ن وه‌كی چوونا بارزانی و هه‌ڤالێن وی بۆ ئێكه‌تیا سۆڤێتی و داستانا خواكركی و داستانا كۆڕێ و گه‌له‌كێن دی، چو ژی شه‌ڕێ نها بیت كو پێشمه‌رگه ب تنێ بوویه هێزا خۆراگریێ ل به‌رانبه‌ر تیرۆرێ كو جیهان هه‌می ب مێرخاسیا پێشمه‌رگێن مه‌ڤه سه‌رسورمان بوویه ژبه‌ر كو چه‌ندین وانه نیشا تیرۆرێ داینه و چه‌ندین مێرخاسی ئه‌نجام داینه ژ وانا چوونا پێشمه‌رگه‌ی بۆ باژێرێ كۆبانێ ئه‌و باژێرێ جیهان ب مێرخاسیا گه‌نج و وێره‌كیا كچێن خوه سه‌رسورمان كری، كو پێدڤیه ب پێنڤیسێن زێری ناڤێن پێشمه‌رگه‌ی و شه‌ركه‌رێن كۆبانێ ل سه‌ر لاپه‌رێن دیرۆكێ بهێنه توماركرن.
2- ره‌وشت پاكی: ـ سه‌خله‌ته‌كێ زۆرێ جوان ل ده‌ف پێشمه‌رگه‌هێ كوردستانێ ئه‌وه كو خودان ره‌وشته‌كێ به‌رزه هه‌ر چه‌ند دوژمن كریارێن نه‌یێن جوان و دوور ژ ره‌وشت و رێنمایێن مرۆڤاتیێ ل به‌رانبه‌ر پێشمه‌رگه‌ی ئه‌نجام بده‌ت، چو جاره‌كێ پێشمه‌گێ كوردستانێ راده‌ستی ئیرادا دوژمنان نه‌بوویه و ره‌وشتێ خوه پاراستیه و هه‌می بنه‌مایێن مرۆڤاتیێ و مافێ مرۆڤی ل به‌ر چاڤ وه‌رگرتینه و پابه‌ندی رێنمایێن جه‌نگێ بوویه و ره‌فتاره‌كا مرۆڤانه د هه‌می ساتان دا دگه‌ل دیلێن جه‌نگێ كریه و ژیانا كه‌سێن سڤیل پاراستیه و جهێن گشتی و ئاینی پاراستینه و خوه دوور دیتیه ژ هه‌ر كریاره‌كا دوور ژ ره‌وشتی، دیرۆك ل سه‌ر ئه‌ڤێ چه‌ندێ دیده‌ڤانه كو پێشمه‌رگه هه‌می ده‌ما خودان ره‌وشته و ره‌شت فه‌رهه‌نگا وی یه.
3- گیانێ لێبۆرینێ:- ئیك ژ ساخله‌تێن دی یێن جوان ل ده‌ف پێشمه‌رگه‌ی ئه‌وه كو گیانێ لێبۆرینێ هه‌رده‌م ل ده‌ف هه‌یه كو چو جاره‌كێ ژ چارچووڤێ مرۆڤاتیێ ده‌رنه‌كه‌فتیه و ب شێوه‌یه‌كێ پڕی مرۆڤاتی ره‌فتار دگه‌ل بارودۆخی كریه، كو هه‌می جیهان ب ڤێ چه‌ندێ سه‌رسورمان كریه، سه‌رهلدانا سالا 1991 باشترین به‌لگه‌یه ل سه‌ر ئه‌ڤێ چه‌ندێ كو ب هزاران ژ سه‌رباز و ئه‌فسه‌رێن له‌شكرێ عیراقێ كه‌فتنه د ده‌ستێن پێشمه‌رگه‌هێن قه‌هره‌مان دا، لێ مێرخاسی و بلندیا ره‌وه‌شتێ وان ژ ئه‌ڤێ چه‌ندێ زێده‌تر بوو، ئه‌و بوو ئه‌گه‌رێ وێ چه‌ندێ كو ل ڤان دیلان ببوورین.
4- باوه‌ری:- سالوخه‌ته‌كێ دی یێ جیواز ل ده‌ف پێشمه‌رگێ كوردستانێ ئه‌وه كو جهێ باوه‌ریێ ل ده‌ف گه‌لێ خوه و ل ده‌ف هه‌می لایه‌نه‌كی، هه‌ر ده‌ما هێزێن پێشمه‌رگه‌ی به‌ر ب ده‌ڤه‌ره‌كێ چوون ئێكسه‌ر خه‌لكێ ڤێ ده‌ڤه‌رێ باوه‌ریه‌كا مه‌زن ل ده‌ف په‌یدا دبیت و پشتراست دبن كو ئه‌ڤ هێزه خودان ره‌وشت و باوه‌ریه و جهێ متمانێ یه كو مرۆڤ خوه ل پشت بپارێزیت و هه‌ست ب ترس و سه‌هما دوژمنان نه‌كه‌ت، له‌را هه‌ر ده‌ما پێشمه‌رگه هات باوه‌ری ومتمانه وره‌وشت وهێز هاتن.
5- گیان به‌خشی:- ژ رامانا ناڤێ پێشمه‌رگه‌ی ئه‌ڤ سه‌خله‌ته ل ده‌ف په‌یدا بوویه كو جێواز ژ هه‌می هێزێن له‌شكرێن جیهانێ پێشمه‌رگه ب گیانه‌كێ خوه به‌خشی به‌رگری ژ ئاخا كوردستانێ كریه و به‌رگری ژ مرۆڤاتیێ كریه بێ كو داخوازا مافه‌كی به‌رانبه‌ر ئه‌ڤێ خزمه‌تێ بكه‌ت، راستی ئه‌ڤه جهێ سه‌رسورمانێ یه كو ب ده‌هان سالان پێشمه‌رگه‌ی ب گیانێ خوه و نان و ئاڤێن خوه به‌رگری ژ ئاخا وه‌لاتێ خوه كریه و دژی دوژمنێن كوردستانێ و مرۆڤاتیێ راوه‌ستایه، كو دیرۆك ژ ده‌سپێكا هه‌بوونا شۆره‌شێن كوردستانێ و هه‌تا نها دیده‌ڤانه ل سه‌ر ئه‌ڤێ خوه‌به‌خشیا پێشمه‌رگان، هه‌روه‌سا ئه‌ڤ ساخله‌ته ب خوینا پێشمه‌رگه‌ی ڤه گریدایه له‌ورا د به‌رهنگاربوونا تیرۆرێ و پاراستنا كوردستانێ دا د جه‌نگا نها دا ئه‌وا دهێته كرن دگه‌ل درنده‌ترین هێزا تیرۆری، مه دیت ب هزاران ژ پێشمه‌رگه‌هێن خانه‌نشین و پێشمه‌رگه‌هێن ژ رێزێن پێشمه‌رگاتیێ ڤه‌قه‌تیان، هه‌روه‌سا پێشمه‌رگه‌هێن ژ ده‌رڤه‌ی وه‌لاتی دژین ئێكسه‌ر په‌یوه‌ندی ب سه‌نگه‌رێن جه‌نگێ كرن مل ب ملێن برایێن خوه كه‌فتنه د جه‌نگی دا و چه‌ندین شه‌هیدێن قه‌هره‌مان ژی ژڤێ ته‌خێ بوون كو باشترین به‌لگه‌یه ل سه‌ر ره‌وشتێ پێشمه‌رگاتیێ.
نيشاندان