ئەڤرۆ نیۆز ، بارزان سلێمان مزووری:
بەرپرسێ لقا 14 مووسل، عسمه‌ت ره‌جه‌ب، بۆ ئەڤرۆ نیوز دیار کر کو ئەڤرۆ سپێدێ چەکدارێن تیرورستێن داعش ژ بەر لاوازیا رێکخراوا وان بەنکا رافيده‌ین كه‌رتێ 112 ل ناڤ باژێرێ مووسل ل سه‌ر رێيا غازی يە، ئه‌و کوژمێ پارەيى یێ د بەنکێ دا ب رێيا سێ ترۆمبێلا ژ جورێ کەیا و پاس بۆ جھەکی نەدیار ڤەگوھاستن پشتی ھەرسێ ترۆمبێل چووین سێ ترۆمبێلێن دی یێن ژ وی جوری بوون ب شێوەیەکێ ب لەز ئەو کەل و پەلێن ناڤ بەنکێ دا ھەموو بۆ جھەکێ دی ڤەگوھاستن.
ناڤبری دیار کر کو د ھەمان رۆژ دا چەکدارێن تیرورستێن داعش والیێ خوه یێ ناحیا قیارا ل باشوورێ مووسل سێدارەدا ب ناڤێ برزان حه‌مود ب تومەتا خیانەتێ د گەل چەکدارێن تیرورستێن داعش.
ناڤبری خویار کر کو رێکخراوا چەکدارێن ئازاد ل ناڤ باژێرێ مووسل سەر رێيا مووسل – بەغدا ل نێزیک دوریانا عین جحش ل باشوورێ مووسل ھێرش کرە سەر ترۆمبێلەکا ژ جورێ ئیفاتی رەنگێ سپی یێن داعش چار داعش تێدا بوون، ئێک ژ وان موفتیێ داعش ب ناڤێ ئیبراھیم عومەر خەتاب ئه‌لخاتونی تێدا بوو، ھاتە کوشتن د گەل چەکدارەکێ خوه و دو ژ وان برینداربوون.
ناڤبری دیار کر کو چەکدارێن تیرورستێن داعش د رەوشەکا خراب دانە ل ناڤ باژێرێ مووسل ھەر گرۆپەک ژ وان کارەکێ کوژندە یێ جورا جور دکەن بەرامبەر وەلاتیێن مووسل.
بریارە ئه‌ڤرۆ دەمژمێر ٢:٣٠ یانا سێمێل میھڤانداریا یانا سیروانی نوی بکەت د چارچوڤێ یارێن گەرا شەشێ ژ قوناغا ئیکێ یا خۆلا پلا ئێک یا کۆردستانێ ، یانا سێمێلی دێ ھەول دەت مفا ژ شیانێن یاریکەرێن خۆ و پشتەڤانیا جەماوەرێ خۆ بۆ تومارکرنا سەرکەفتنی ل سەر یانا سیروانی نوێ کەت و چاڤێ وێ ل یاریا سەرکێشا خۆلێ سولاڤ دگەل ھەلۆ بیت ئەگەر خوسارەت بو دبیت بجیتە رێزا ئیکێ بھەڤرا دگەل یانا گارە ئەگەر وێ یانێ ژێ سەرکەفتن تومارکر ل سەر یانا ئالا ل یاریگەھا وێ .
ل دۆر ڤێ یاریێ بھزاد جاڤشێن راھێنەرێ تیمی دبێژێت: “ھەر ژ دەستیکی مە دزانی ئاریشا دارایێ یا ھەیێ بەلێ مە کرنگێ پێ نەدا و مە کار ل سەر پێشکێش کرنا ئاستەکێ جوان و سەرکەفتنێ کر و سوباھێ دێ بۆ سێ خالێن یاریێ کەێن وتیما مە یاری بۆ یاریێ و ئاستێ وێ بلندتر لێ دھێت و ئەڤێ تشتێ بۆ خەمخوریا یاریکەرێن خۆ دزڤرێنم کو خەمخورێن وەرزشا سێمێلنە وب وریەکا بەرز یاریی دکەن و یا کرنگ ل دەف مە سەرکەفتنە و کەیف خوشیا جەماورەێ یانا سێمێلی”.
بەرامبەر دلوڤان تیجر گولجیێ یانا سێمێلێ گوت یاریەکا کرنگە دناڤبەرا تیما مە و سیروان نوی دا تایبەت سەرکێشا خۆلێ ب جوداھیا خالەکێ ژ مە پێشکەفتی ترە و جاڤەری پشتەڤانیا جەماوەرێ خوینە د یاریا سوباھی د ا و یاریا سوباھی دەرگەھەکە بۆ سەرکێشیا خۆلێ.
ل دوماھیێ کابتنێ یانێ غریب حسن دبینیت یاریا وان بساھانی نینە و سێ خالێن یاریێ دێ تیمێ بەرەف پلێن پیشیی بەت و دێ ھەمێ شیانێن خۆ مەزێخن بۆ سەرکەفتنێ ب مفا وەرگرتن ژ یاریگەھا خۆ و جەماورەێ خۆ سەرە رایێ وێ ئاریشا دارایی کۆ تانوکە یاریکەرێن یانا سێمێلێ چ موجە وگرێبەست نە وەرگرتینە .
پشتی داگیركرنا عیراقێ ئه‌ور ده‌رزا تائیفه‌گه‌ری و نه‌ته‌وی كه‌فته گۆرێ (شیعه، سونه، كورد) و تایا وێ سووری ژی ڤه‌گرتی و روودانێن بوهارا عه‌ره‌بی هاتی، هه‌ر وه‌سا ئه‌مریكا ده‌لیڤه دیتی یا گونجای بۆ
ڤه‌شارتنا رێكه‌فتنا سایكس پیكۆت كو سنۆره‌ك ل سه‌ر خیزی نیگار كری بۆ سووریێ عیراقێ ل گه‌ل تركیا و ئیرانێ ژ پێش سه‌د سالان ڤه چونكو ڤان سنۆران چو هه‌بوونێن خوه نه‌ماینه ل سه‌ر ئه‌ردێ ژیواری، نێرینا ئه‌مریكا بۆ به‌رقراریا ده‌ڤه‌رێ یا سێگۆشه‌یی: قورتالبوون ژ به‌شار ئه‌لئه‌سه‌د و ژ داعشێ و ده‌قساندنا ده‌سهه‌لاتا ئیرانێ ل عیراق و لوبنان و دامه‌زراندنا كیانه‌كێ نوو یی كوردی ل باكۆرێ سووریێ چو په‌یوندی نین ب ڤان ئارمانجان، هه‌روه‌سا دێ توركیا لاواز كه‌ت و ئه‌ڤه‌یه كو ده‌لیڤێ ناده‌تێ. توركیا هه‌ست ب نیگه‌رانیا خوه دكه‌ت ل هه‌مبه‌ری كۆبانێ، هه‌ر وه‌سا پاراستنا ده‌هان زریپۆشان دكه‌ت یێن خڕڤه‌بووی ب رووبه‌رێ دو كیلۆمه‌تران ب تنێ ژ كۆبانێ، هه‌ر وه‌سا له‌شكره‌كێ مه‌زن كو بكاریت مایێ خوه بكه‌ت و شه‌ڕی ڤه‌بریت، لێ ئه‌و به‌سه ب چاڤدێریا شه‌ڕی و ل هه‌مان ده‌می داخوازا وه‌لاتێن ئێكگرتی دكه‌ن كو پتر مایێ خوه تێبكه‌ن! و هه‌ولێن رۆژئاڤایێ ره‌تدكه‌ن بۆ خستنا رۆناهیێ بۆ ده‌مه‌كێ درێژتر ل سه‌ر كۆبانێ و نه‌باشیا شه‌ری د باژاره‌كێ بچووك دا، كو چیا تێدا نینن و گر و دۆل و نه‌هال و ئه‌مریكا دكاریت شه‌ڕی بدووماهی بینیت ب چه‌ند سه‌عه‌ته‌كێن كێم و ئه‌ڤ ره‌وشته ره‌نگه نیازێن ئه‌مریكا ئاشكرا بكه‌ت بۆ دامه‌زراندنا كیانه‌كێ كوردی ل باكۆرێ سووریێ. ده‌زگه‌هێن میدیایی ب ده‌نگه‌كێ نزم سیناریۆیێن ژێكجودا گه‌نگه‌شه دكه‌ن بۆ ده‌وله‌ته‌كا عه‌له‌وی یان كوردی كو ره‌هێن وێ دگه‌هنه نیڤا تركیا، ژ به‌ر ڤێ چه‌ندێ ئه‌ردوگان وه‌سا ددانیت كو (دامه‌زراندنا كیانه‌كێ كوردی یێ نوو یان ویلایه‌ته‌كا نوو ل باكۆرێ سووریێ ل كۆبانێ گه‌فه‌كه بۆ ئاسایشا توركیا، نابیت خوه ل سه‌ر بێَده‌نگ بكه‌ن). رۆژئاڤا توركیا دهه‌ژمێریت وه‌كو پارچه‌ك ژ خوه، هه‌ر وه‌سا ده‌لیڤێ ناده‌ن كو گه‌ف ل ئاسایشا وێ بێته كرن و په‌سنا مه‌ترسیێن وێ بكه‌ت ل هه‌مبه‌ر پێشهاتێن داویێ: چونكو پشتی كو شه‌رڤانێن په‌كه‌كێ ب تنێ هنده‌ك یاخیبوویی بوون و د ناڤ لیستا گرۆپێن تیرۆرستی دا بوون كو د ناڤ شه‌ره‌كی دا بوون ل دژی توركیا كو ب ده‌هان كه‌س بوونه قوربانی، ئه‌ڤرۆ بووینه كیانه‌كێ د ناڤ چارچووڤێ هه‌رێما كوردستانێ دا، كو هاریكاریێن ئه‌مریكی و رۆژئاڤایی وه‌ردگرن بۆ پشكداریكرنا وان د شه‌ری دا ل دژی رێخستنا داعش، هه‌ر كه‌سێ شه‌رێ دوژمنێ من بكه‌ت ئه‌و دۆستێ منه، ژ به‌ر ڤێ كۆده‌تایێ. دماله‌كا بچووك دا و هه‌ژا و ب قه‌ربالغ، ل گه‌ل هه‌ڤسوویێ نیاز خراب و ڤه‌نووساندنی، په‌یوه‌ندی تێكدچن ب له‌ز و باوه‌ری نامینیت هه‌تا كو په‌یوه‌ندیا بابی ب كۆریڤه و برایی ب برایی ڤه، و ناكۆكی و شه‌ر هلدبن و چو جاران بدووماهی نائێن ب تنێ ب ژێكڤه‌بوونێ و سه‌ربه‌خوه‌بوونێ ب ماله‌كا نوو، هه‌ر وه‌سا ژی ده‌وله‌ت. چیكۆسلۆفاكیا ژ ئمبراتۆریا نه‌مسایێ ڤه‌بوو و سه‌ربه‌خوه‌بوو پشتی شكه‌ستنا وێ د شه‌رێ جیهانێ یێ ئێكێََ دا، ب ئارانی ژێكژێك بوو و ب مێشكاتی پشتی رۆخیانا ئێكه‌تیا سۆڤێتی 1991 بۆ دو ده‌وله‌تان: چك و سلۆفاكیا. پشتی رزگاركرنا یۆگسلافیا سالا 1945 دامه‌زراندنا كۆمارێن یۆگسلافی یێن مللی راگه‌هاند ب تێكهه‌لكرنا بۆسنه و هرسك، سربیان راگه‌هاندنا بۆسنه و هرسك ره‌تكرن ب سه‌رخوه‌بوونا وان ل سالا 1992، له‌ورا میناكه‌كێ خویناوی بۆ یێ شه‌رێ مللی یێ دهاته گێران پێشكێش كر، ده‌مێ سربیا هێرش كریه رۆژئاڤا و رۆژهه‌لاتا بۆسنه یا خوه‌دی پرانیا سڕبی، هه‌روه‌سا كرواتیا هێرش كره ده‌ڤه‌رێَن كرواتی بۆ زالبوونێ ل سه‌ر مه‌زنترین قه‌باره ژ ئه‌ردێن بۆسنی ل ده‌مێ هێزێن حوكمه‌تا بۆسنی خوه‌دی چه‌كداریه‌كا نه‌باش و نه به‌رهه‌ڤ بۆ شه‌ری. سالا 2006 چایێ ره‌ش سه‌ربه‌خوه‌بوونا خوه ل سه‌ر سربیا راگه‌هاند ب بێده‌نگی و ئارامی، كه‌س نه‌دشیا هزر د دوباره‌كرنا وێ سه‌ربۆرا شێت بكه‌ت.
و: ئه‌ڤرۆ
ئەڤرۆ:
ل گۆر ژێدەرێن دەنگوباسان، ھەر ئێک ژ سەعید شنگالی بەرپرسێ لقێ 17 ل شنگال و سەربەست لەزگین بەپرسێ لقێ ٨ ل زاخۆ ھاتینە گوھۆڕین و وەحید باکۆزی و سەربەست بابیری ل جھێ وان ھاتینە دانان.
وەحید باکۆزی کو ئێک ژ فەرماندێن پێشمەرگێ کوردستانێ یە بۆ ئەڤرۆ گۆت: “ھەتا نوکە ئەز ل سەر ڤی بابەتی نەھاتیمە ئاگەھدارکرن و چو تشتێ فەرمی نینە”.
سەعید شنگالی بەرپرسێ لقێ 17 یێ پارتی ژی بۆ ئەڤرۆ گۆت: “مە ژی ب تنێ ب رێیا مالپەرەکی زانیە کو تشتەکێ ھوسا یێ ھەیی، لێ کەسێ ئەم ب فەرمی ئاگەھدار نەکرینە “.
ژ لایێ خوە ڤە سەربەست لەزگین بەرپرسێ لقێ ھەشت بۆ ئەڤرۆ گۆت: “گوھۆڕین تشتەکێ نورمالە و ب تایبەت د پارتی دیمۆکراتی کوردستان دا، لێ ل سەر بابەتێ گوھۆڕینان ئەز نەھاتیمە ئاگەھدار کرن”
د ھەمان دەم دا سەربەست بابیری بۆ ئەڤرۆ راگەھاند کو ھێشتا چو تشتێ فەرمی نەگەھشتیە وی کو ئەو وەکو بەرپرسێ لقا ھەشت ل زاخۆ ھاتبیتە دانان.
ئەڤرۆ نیوز:
د گۆشەکا رۆژناما رادیکال یا تورکی دا، نڤیسەرێ ناڤدارێ تورک، جەنگیز چاندار کو ئێک ژ بەرنیاسترین نڤیسەرێن وی وەلاتیی یە، ئاماژە ب وێ چەندێ کریە کو سالا 2014 یا ناساندنا مللەتێ کورد بوو و سالا 2015 ژی دێ یا سەربەخۆیا کوردستانێ بیت.
ل دەسپێکا ڤێ گۆتارێ ھاتیە: بێگومان سالا 2014 ھندەک روودان ھاتنە پێش کو بەرێ چو کەسەکێ پێشبینی نەدکر، ئەو ژی داگیرکرنا پشکەکا مەزن ژ ئاخا عیراق و سووریێ ژ ئالیێ داعشێ بوو، لێ د ھەمان دەمێ دا بۆ کوردان ژی سالا 2014 سالەکێ گرنگ بوو، چونکو کوردان جارەکا دی شیان ھێز و بەرخوەدانا خوە نیشا ھەموو جیھانێ بدەن و ب جھێ جیھانێ شەرێ رێکخراوەکا توندرەو یا جیھانی کرن و شیان تا رادەیەکا باش ژی سەرکەڤتی بن و ژ بەر ڤێ یەکێ ژی ئەز دشێم بێژم کو سالا 2014 ل جیھانێ ھەری زێدە بەحسێ کوردان و مافێ وان ھاتیە کرن و نھا ئەم بەر ب سالا نوو یان ژی 2015 دچین و ئەڤ سالە دێ بۆ کوردان سالا دیارکرنا مافێ چارەنڤیسێ بیت.
ب بەھانەیا ڤێ چەندێ ژی دبێژیت: نھا پشتەڤانیەکا مەزن بۆ کوردان د ئاستێ جیھانێ دا ھەیە، ھێزێن کوردی سەرەرای ناکۆکیێن ناڤخوەیی تا رادەیەکێ شیان ئێکەتیا خوە ب ھێز بکەن و چوونا ھێزێن پێشمەرگەی بۆ کۆبانێ ژی پەیاما ئێکەتیا کوردان بوو و ژ بەر ڤێ یەکێ ژی کورد دشێن سالا 2015بکەنە سالا دیارکرنا مافێ چارەنڤیسێ و دەلیڤەیا زێرین ژی ل بەر دەستێ کوردان دایە و ھەکە چو شاشیێن مەزن نەھێنە کرن دێ سالا 2015 سالا کوردان بیت.
ددەتە زانین ژی: بێگومان ل رۆژھەلاتا ناڤین دێ گەلەک گوھۆرین دروست ببن، بەری ھەر تشتەکێ ژی نەخشا دەڤەرێ دێ ژ نوو ڤە ھێتە دروست کرن و نھا ژی شەرێ ھندێ دھێتە کرن، سنۆرێن د ناڤبەرا کوردستانێ یا رادەیەکێ ژناڤ چووینە، یان ژی ئەم دشێین بێژین کو بۆ کوردان بێ واتە بووینە و زلھێزێن جیھانێ یێن کو ھەتا بەری چەند سالان ژی دژبەریا مافێ کوردان دکرن ئەڤرۆکە دبینن کو ل ھەرێما رۆژھەلاتا ناڤین بەرژەوەندیێن وان و کوردان پتر ژ خەلکێن دی نێزیکی ھەڤدو نە و ژ بەر ھندێ ژی ئەو پشتەڤانیێ ل کوردان دکەن و کورد ژی دشێن ڤێ یەکێ باش بکار بینن و خوە بکەتە ھێزا کاریگەریا ل دەڤەرێ.
ل دووماھیێ ژی دبێژیت: ئەز گەشبینم سالا نوو بۆ کوردان پتر ژ خەلکێن دی یێن دەڤەرێ خوەدان دەستکەڤتنێن باش بیت و وەک من گۆتی کوردان قوربانیێن مەزن داینە و ئەڤرۆکە ھێدی ھێدی بەرھەمێ خەباتا وان دیار دبیت و ئێدی کەس نەشێت وەک بەرێ ل سەر کیستێ کوردان سیاسەتێ بکەت و خوە ب ھێز بکەت.
ئەڤرۆ:
ل دادگەھا تاوانان ل دھوکێ بەحس ژ کێشەیەکا کەسەکی ھاتە کرن کو بوویە ئەگەرێ کوشتنا ھەڤژینا خوە، چونکو پشتی بۆ خوە خواستی ژیانا وێ گەلەک نەخوەش کربوو و ٨ سالان ئەو دکرە د نەخوەشیان دا، ل دووماھیێ ژی رۆژەکێ شەرێ وێ کر، وێ ژی ژ کەربێن ھەڤژینێ خوە دا خوە کوشت.
داواکارێ تاوانباری کو دبیتە خەزوورێ وی بۆ دادگەھێ دیار کر: تاوانبار پسمامێ وی یە و نێزیکی ھەشت سالایە کچا خودایێ و پشتی داوەتێ ژیانا وێ گەلەک نەخوش بوو و گەلەک جاران ل مالا وان بەرھەڤ بوویە دا ئاریشا وان چارەسەرکەت. ل رۆژا تاوانێ کچا وی پەیوەندی پێکربوو و گۆت بوویێ ئەگەر نەھێی دێ خوە کوژم، بەری باب بگەھیتە مالا زاڤایێ خوە کچا وی ئاگری بەرددەتە خوە.
ل نەخۆشخانێ کچا وی بۆ پۆلیسان دیاردکەت دەمژمێر ١٠ی سپێدێ شەرەدەڤەک دناڤبەرا وێ و زەلامێ وێ چێ بوو و بو ئەگەرێ وێ چەندێ ئاگری بەردەتە خوە. ل دووماھیێ دیارکر بوو چو سکالا ژ کەسێ نینن.
ھەروەسا شاھدێ تاوانێ ل دادگەھێ بەرھەڤ بوو و گوت: تاوانبار پسمامێ منە و ھەڤژینا وی کچا برایێ منە، ئەوان ئاریشە دگەل ئێک ھەبوون، دو جارا من یێت پێک ئیناین دەمێ برازایا من ل نەخوشخانێ من پرسیار ژێ کر ئەگەر چیە خوە سوتی گۆتە من یا گەھشتیە سەرێ دفنا من، چونکو ئەڤە ھەشت سال بۆرین و رۆژ بۆ رۆژێ ژیانا وان نەخوەشتر لێ ھات.
پشتی تاوانبار ژ قەفەسا تاوانێ ئینایە دەر گۆت: روژا روودانێ دەمژمێر ١٠ی سپێدێ ھەڤژینا من قەسێت نەشرین گۆتنە من، پاشی من پەیوەندی ب بابێ وێ کر پاشی چوومە ژ دەرڤە من دیت ھەڤژینا من ب ئاگرڤە ھاتە ژ دەرڤە و دکرە ھاوار من ھەول دا ئاگرێ وێ ب ڤەمرینم، ئاگر بەربوو من ژی، ھەڤالێ من ھات ئەز ژی ڤەمراندم و مە گەھاندە نەخوشخانێ ھەڤژینا من ھەموو گاڤێ گەلەک یا تورەبوو. ئەو نێزیکی ٨ سالان بوو مە داواتا خوە کری لێ مە پێک نەدکر، ھەردەم شەرەدەڤ دناڤبەرا مە دا چێدبوون، ئەز زەلام بووم لێ وێ چو جارا ژبەر من نە ددانا، ھەردەم خوە ددیت زەلام و ئەز وەکو ژنا د ھژمارتم.
تاوانباری ھەروەھا گۆت: ژبەر تۆرەبوونا وێ ھەردەم ژیانا من د نەخوەشیێ دا بوو، چەند ئەز ژ مال دەرکەفتابم یان زڤریبامە مال، دا شەرێ من کەت و قەسا بێژیتە من، من چو پەیوەندی ب خوە کوشتنا وێ نینە، بەلکو ئەڤە بۆ وێ ب خوە دزڤریت، چونکو وێ ئەو رێک بۆ خوە ھەلبژارتن و نەشیا تەحەمولا نەخوەشیێن ژیانێ بکەت. ل دووماھیێ دادوەری بریاردا تاوانبار ب سالەکێ بھێتە زیندانکرن.
ئەڤرۆ:
سەرۆکێ لژنا نەزاھێ ل پەرلەمانێ کوردستانێ دیارکر کو توڕا جڤاکی یا فێسبووکێ شیا بڕیارەکا پەرلەمانێ کوردستانێ ب ھەلوەشینت، عەمەر کوچەر سەرۆکێ لژنا نەزاھێ بۆ بەرپەرێ قانوونیێ ئەڤرۆ گۆت: بلا ئەندامێ پەرلەمانی وەکو رێڤەبەرێ ناوچەکێ یان رێڤەبەرەکێ گشتی، ترۆمبێل ھەبیت، و ل ڤێرە کەس نابێژیت گەندەلیە گۆتژی: ئەز نە ل گەل ئەڤان جورە بڕیارا مە، بڕیارەک ئەڤرۆ دەرکەڤیت و سۆبەھی بھێتە ھەلوەشاندن، ئەڤە لاوازیێ ددەتە سەرۆکاتیا پەرلەمانێ کوردستانێ.
عەمەر کوچەر، سەرۆکێ لژنا نەزاھێ گۆت: بلا ئەندامێ پەرلەمانی وەکو رێڤەبەرێ ناوچەکێ یان دەڤەرەکێ یان رێڤەبەرەکێ گشتی، ترۆمبێل ھەبیت، و ل ڤێرە کەس نابێژیت گەندەلیە، ھەکە خزمەتا مللەتێ خوە بکەت، لێ بلا ترۆمبێلەکا سرۆشتی و نۆرمال بیت و نە یا جودابیت ژ خەلکەکێ دی گۆتژی: پێدڤیە ترۆمبێل ھەر بۆ پەرلەمانی بن و ل دەمێ خۆل ب دووماھی ھات، بلا بۆ پەرلەمانی بھێنە زڤراندن، ھەردیسا بلا مەزاختی ژی ل سەر ئەندامێن پەرلەمانی بیت، ئەڤە دا دادپەروەی ھەبیت بەرامبەر پارێ زێدە کو بھێتـە مەزاختن، چونکو ئەز نە ل گەل ڤێ چەندێ مە.
عەمەر کوچەری ئاشکراکر ژی کو، پتر ژ ١٠٠ ترۆمبێلان پەرلەمانی ھەنە، و ھەموو مونیکانە و پەرلەمانی بۆ کڕینە و ئەڤە یێن شیرەتکارێن پەرلەمانی نە و ھاتن و چوونێ پێ دکەن و مەزاختی ژی ل سەر پەرلەمانی یە، لێ نزا ئەڤە چ پێ دکەن و ھەموو ل سەر کیستێ پەرلەمانی و ئەڤە شاشی یە.
سەرۆکێ لژنا نەزاھێ ئەوژی دیارکر کو بەرۆڤاژی ئەندامێ پەرلەمانی نوونەرێ مللەتی یە و چەندین ھەیڤە ئەندام پەرلەمان، لێ ھندەک د بێ ترۆمبێلن و ب تەکسیا ھاتنوچوونێ دکەن، و ئەڤە حەفت ھەیڤە نەشێن بریارەکێ بدەن، لێ پشتی بڕیارا نوو دای، دڤێت سەرۆکاتیا پەرلەمانی بەرسڤێ بدەت، بۆچی بڕیار دا؟ و بۆچی ھەلوەشاند؟ و گۆتژی: دانا بڕیارێ و ھەلوەشاندن وێ، شکاندنا کەسایەتیا پەرلەمانتارانە و گۆت: ترۆمبێلێن پەرلەمانتاران دا ھێنە کرین ب قست و دا ژ بەر مووچێ وان ھێتە برین، و پەرلەمانی ژ کومپانیەکێ کری بوون و دا پەرلەمان وی پارەیی زڤرینت.
ل دۆر بابەتێ فرۆتنا گازێ ژی ل گەل داعش، سەرۆکێ لژنا نەزاھێ گۆت: لژنەک ل سەر ئاستێ بلند ئانکو یێ حوکمەتێ ھاتیە پێکئینان و دوو ئەندام پەرلەمان، ئەندامێن لژنێ بووینە و ل دووڤ زانیاریان ب دووماھی ھاتیە و دێ بۆ سەرۆکاتیا پەرلەمانێ کوردستانێ ھێتە بلندکرن و ھەتا نوکە ھژمارا ئەوان کەسان نەیا دیارکریە.
ل دووماھیێ عەمەر کوچەری خۆیاکر کو، ھندەک کەس ب ڤێ تومەتێ ھاتینە گرتن و ھندەک ھاتینە تۆمەتبارکرن و دووڤچوون ل سەر یا بەردەوامە و چێبوونا لژنەکێ بۆ مفا وەرگرتن بوو ژ دەمی و چێبوونا گەلەک لژنا دا دەمی کوژیت.
ئەڤرۆ:
سەرۆکێ لژنا قانوونی ل جڤاتا پارێزگەھا دھۆکێ دیندار عەبدی بۆ رۆژناما ئەڤرۆ دیارکر کو خەلکێ گوندێ لێڤۆ، دیسا قائیمقامیا قەزا زاخۆ داخوازا کریە ئەڤ گوندە بیتە ناحیە، لژنا قانوونی ژی ل گەل جڤاتا پارێزگەھێ پشتەڤانیا بریارا وان کریە و ژ وەزارەتا ناڤخۆ خواستیە بریار ل سەر ناحیبوونا ڤی گوندی بێتە دان.
گۆت ژی لێڤو دێ بیتە سەنتەرێ ناحیێ و ھەتا ٣٠ گوندێن دەوروبەر دێ چنە ب سەر وێ ناحیێ ڤە، ھەروەسا دیارکر کو ھەتا ٧٠% گوندێن وێ دەڤەرێ د ئاڤانە و ب ڤێ پێنگاڤێ دێ پتر خزمەتا خەلکێ وێ دەڤەرێ ھێتە کرن و دێ پتر خەلکێ ڤان گوندان قەستا جە و وارێن خوە کەن.
نيشاندان