ماموستایه‌كێ زانكویێ ته‌حه‌روشێ ب 150 قوتابیان دكه‌ت

27/12/2014 19:51

366

ئه‌ڤرۆ نیوز، زه‌رى نه‌وزاد

پتر ژ 150 قوتابیێن زانستێن سیاسى ل زانكویا قاهیره‌ سكالایه‌كا ب كوم پێشكێشى سه‌روكاتیا زانكویێ كر دژى ئه‌ندامه‌كێ ده‌سته‌یا فێركرنێ ل زانكویێ، ب تومه‌تا هه‌ڤروشى كرنێ ب قوتابیان.
دكتوره‌ هاله‌ سه‌عید راگرا كولیژا ناڤبرى دیار كریه‌ كو ئه‌ڤ سكالایه‌ هاتیه‌ پێشكێش كرن ژ بو وان و وان ئاراسته‌ى سه‌روكاتیا زانكویێ كریه‌ بۆ وه‌ر‌گرتنا بریارێ ده‌رباره‌ى ماموستایێ ناڤبرى .
قوتابیان ته‌كه‌ز ل سه‌ر وێ چه‌ندێ كریه‌ كو ئه‌و توشى هه‌ڤروشیێ بووینه‌ ژ ماموستایێ ناڤى وى هاتیه‌ دیاركرن د سكالایێ دا ل ده‌مێ گوتنا وانا وى، یان ل ده‌مژمێرێن خواندنێ ل په‌رتوكخانێ و قوتابیان توره‌ییا خوه‌ ژ ڤى ماموستایى دیار كریه‌ و داخواز ژ قوتابیان كریه‌ هه‌ر هه‌ڤروشیه‌كا توش دبنێ لێ بێده‌نگ نه‌بن و 130 ژ وان قوتابیان چیروكێن چه‌وانیا روبروبونا خوه‌ ب هه‌ڤروشیێ ژ ڤى ماموستاى ب هویرى ئاشكرا كرینه‌

وێنه‌یى: سه‌رۆكێ په‌رله‌مانێ ئیرانێ ل مێهڤانداریا سه‌رۆك بارزانى

27/12/2014 19:37

116

1 of 11

هاتیه‌ نووكرن…گه‌نجه‌ك ب سه‌رژێكرى هاته‌ دیتن

27/12/2014 17:51

692

ئه‌ڤرۆنیوز، ره‌زوان رۆژبه‌یانى:
ل رێكه‌فتێ 18/9/2014 گه‌نجه‌كێ گوندێ كه‌ونه‌باك سه‌ر ب قه‌زا به‌رده‌ره‌ش بنافێ جیهاد شه‌هاب نورى ژ مال ده‌ردكه‌ڤیت و دیار نامینت ئه‌ڤرۆ ل رێكه‌فتێ 27/12/2014 ته‌رمێ وى ب كوشتى دهێته‌ دیتن.
عه‌قید زێدان زه‌كه‌ریا رێڤه‌به‌رێ پولیسێن قه‌زا به‌رده‌ره‌ش بۆ ئه‌ڤرۆ نیوزگوت ل رێكه‌فتێ 18/12/2014 وه‌لاتى جیهاد شه‌هاب نورى ژ دایك بووى 1997 ژ مال ده‌ردكه‌ڤیت و دیار نامینیت به‌لێ كه‌س و كارێن وى ل رێكه‌فتێ 20/12/2014 سكالا ل نه‌هێلانا گونه‌هباریان تۆمار دكه‌ن ژبه‌ر هندێ ب فه‌رمى پۆلیس ل رێكه‌فتێ 20/12/2014 وه‌ك رۆژا دیار نه‌مانا وى دهێته‌ هژماركرن و گوت: ئه‌ڤرۆ ل رێكه‌فتێ 27/12/2014ل ده‌م ژمێر (1:30) ژ لایێ ده‌زگه‌هێ ئاسایشێ ڤه‌ هاتینه‌ ئاگه‌هداركرن كو ته‌رمێ گه‌نجه‌كى ل پشت گرێن به‌رده‌ره‌ش هاتیه‌ دیتن مه‌ژى مه‌فره‌زه‌ێن خوه‌ بۆ وى جهى هه‌نارتن دیار بوو كو ته‌رمێ وى گه‌نجى ب ناڤێ جیهاد شه‌هاب نورى یه‌ و یێ هاتیه‌ سه‌ر ژێكرن به‌لێ ب ته‌مامى سه‌رێ وى ژ لاشێ نه‌هاتیه‌ ڤه‌كرن و ئاسه‌وارێن پێنج هه‌تا شه‌ش چه‌قویان ب لاشێ وى ڤه‌ دیاره‌ كو ل سنگێ وى وده‌ستێ وى سه‌ر و حه‌فكا وى كه‌تیه‌ مه‌ژى ته‌رمێ وى ره‌وانه‌ى نۆشداریا داد ل ئاكرێ كر و هه‌تا نوكه‌ ئه‌گه‌رێ كوشتنا وى نه‌هاتیه‌ زانین و ڤه‌كۆلین ژى به‌رده‌وامه‌.

سبه‌ دێ هاریكارى گه‌هنه‌ چیایێ شنگال

27/12/2014 17:34

132

ئه‌ڤرو نیوز، هه‌یفا دوسكى:
خه‌یرى بوزانى رێڤه‌به‌رێ گشتى یێ كاروبارێن ئێزدیان ل وه‌زاره‌تا ئه‌وقافا حكومه‌تا هه‌رێما كوردستانێ بۆ ئه‌ڤرۆ نیوز گۆت: ژبه‌ر وان پێدڤیێن خێزانێن چیایێ شنگالێ كومه‌كا پێدڤیان ژ ئورۆپان هاتینه‌ و مه‌ ل به‌ره‌ سباهى ره‌وانه‌ى چیایێ شنگالێ بكه‌ین، كو پێدڤی یه‌ ژن و زارویانه‌ و دیسا پێدڤیێن خوارنێ نه‌ چونكى د پێدڤى وان تشتانه‌.

ئه‌ڤرۆ نيوز گيرۆبوونا رزگاركرنا شنگال به‌لاڤ دكه‌ت

27/12/2014 15:27

280

ئه‌ڤرۆ نيوز، نيوار محه‌مه‌د سه‌ليم:

سۆپاسالارێ له‌شكرێ كوردستانێ راگه‌هاند كو ئه‌ڤرۆ ژى شه‌ر ل ناڤا شنگال يێ به‌رده‌وامه‌ و ب ره‌نگێ كولان كولان يێ دهێته‌ كرن و ئه‌گه‌رێن زوو رزگارنه‌كرنا شنگال ژى ئاشكه‌را دكه‌ت.

فه‌ريف جه‌مال ئێمينكى، سۆپاسالارێ له‌شكرێ كوردستانێ، بۆ ئه‌ڤرۆ نيوز گۆت: “شه‌ر يێ به‌رده‌وامى ب قه‌ناسان و هنده‌ك جاران بزاڤێ دكه‌ن هێرشێ بكه‌نه‌ سه‌ر پێشمه‌رگه‌يى، به‌لێ هه‌موو هێرشێن وان تێك دشكێنين”.

زێده‌تر گۆت: “هه‌موو هێزێن پێشمه‌رگه‌يى ژ يه‌كا 70 و 80 و وه‌زاره‌تا پێشمه‌رگه‌يى و زيره‌ڤانى د شه‌رێ ئازادايا شنگال دا د پشكدارن ژ لايێ هه‌رێما كوردستانێ ڤه‌”.

دا زانين كو هه‌تا نوكه‌ تاخێ قه‌نديل و به‌رۆژ ل گه‌ل جهێن ستراتيژى يێن شنگال كو گرێ معاويه‌ و شۆرا رۆمانيا و گرێ تانكى ئه‌ڤێ پشتا به‌ربه‌رۆژ يێن د ده‌ستێ پێشمه‌رگه‌يى دا و گۆت: “هه‌ر جهه‌كێ بلند بيت ژ لايێ چيايى ڤه‌ نوكه‌ د ده‌ستێ پێشمه‌رگه‌يى دايه‌، به‌لێ رێژا وێ ب سه‌دێ نه‌شێين بێژين”.

فه‌ريف جه‌مال ئێمينكى ل دۆر ئه‌گه‌رێ گيرۆبوونا رزگاركرنا شنگال گۆت: “تى ئێن تى گه‌له‌ك يا هه‌يى و ئه‌و ب خوه‌ ژى به‌ره‌ڤانيه‌كا مه‌زن دكه‌ين چونكو رێيه‌كا ستراتيژى يه‌، ل سه‌ر رێيا سوريا و تله‌عفه‌ر و مووسل دايه‌، ديسا ل ده‌سپێكێ ژى د پلانا پێشمه‌رگه‌يى دا نه‌بوو بچنه‌ ناڤ شنگال، به‌لێ بێ نه‌خشه‌كێ دارشتى چوون”.

سۆپاسالارێ له‌شكرێ كوردستانێ گۆتژى: “شنگال به‌رنامه‌كێ ته‌مام دڤێت، هه‌تا بهێته‌ كۆنترۆلكرن، به‌لێ يا گرنگ ئه‌و بوو، هنده‌ك جهێن ستراتيژى يێن هاتينه‌ گرتن، دێ رێخۆشكه‌ر بن بۆ رزگاركرنا شنگالێ”.

بكوژێ شوفێرێ ته‌كسيێ ل دهۆكێ ئه‌فسه‌ره‌ك بوو

27/12/2014 15:14

1031

ئه‌ڤرۆ نيوز، چه‌كدار ئه‌ترووشى:

ژێده‌ره‌كى ژ رێڤه‌به‌ريا نه‌هێلانا گۆنه‌هباريان ل دهۆكێ راگه‌هاند كو پشتى به‌رى چه‌ند هه‌يڤان كه‌سه‌كى شۆفێره‌كێ ته‌كسيێ كوشتى و ترۆمبێلا وى ره‌ڤاندى، نوكه‌ ئه‌و كه‌س هاتيه‌ ده‌سته‌سه‌ركرن و چه‌ندين تاوانێن دژى ل سه‌ر ده‌رچووينه‌.

ئه‌ڤى ژێده‌رى بۆ ئه‌ڤرۆ نيوز گۆت: “پشتى به‌رى چه‌ند هه‌يڤه‌كان شوفێره‌كێ ته‌كسيێ ل دهۆكێ هاتيه‌ كوشتن و ترۆمبێلا وى هاتيه‌ دزين و پاشان هاتيه‌ فرۆتن، چه‌ندين كه‌س ژى ل سه‌ر ڤێ كه‌يسێ هاتنه‌ ده‌سته‌سه‌ركرن و پشتى چه‌ندين ڤه‌كۆلينێن هوور شيان بكوژێ شۆفێرێ ته‌كسيێ ده‌شتى مه‌رعان ده‌سته‌سه‌ربكه‌ن كو ئه‌و ژى ئه‌فسه‌ره‌كێ ب پلا جيدارێ ئێكێ يه‌ د ناڤ له‌شكرێ عيراقێ دا”.

زێده‌تر گۆت: “ئه‌ڤى كه‌سێ ب ناڤێ (ج.هـ) ژ بلى كو دانپێدان ب ئه‌ڤێ كه‌يسێ كريه‌، دانپێدان ب چه‌ندين تاوانێن دى ژى كريه‌ كو هه‌ر ژ لايێ وى ڤه‌ هاتينه‌ ئه‌نجام دان”.

دا زانين ژى كو ئه‌ڤه‌ ئێك ژ وان تاوانباران بوويه‌ يێن هێزێن وان گه‌له‌ك زه‌حمه‌ت ب گرتنا وى ڤه‌ برى ژ به‌ر ئه‌ركێ وى يێ له‌شكرى.

وێنه‌يى:نووترين وێنێن چۆپى فه‌تاح

27/12/2014 13:11

476

ئه‌ڤرۆ نيوز

1 of 6

هێزێن هه‌ڤپه‌يمانان هژماره‌كا مووشه‌كێن داعش ژ ناڤبرن

27/12/2014 12:28

106

ئه‌ڤرۆ نيوز:

هێزێن هه‌ڤپه‌يمانان دژى داعش راگه‌هاند كو ژ ئه‌نجامێ هێرشێن ئه‌سمانى بۆ سه‌ر پێگه‌هێن داعش، ئه‌وان هژماره‌كا مووشه‌كێن وان ل پارێزگه‌ها ئه‌نبار ژ ناڤبرن.

ئه‌ڤ ژناڤبرنا مووشه‌كان ژ ئه‌نجامێ هژماره‌كا هێرشێن ئه‌سمانى يێن نوو يێن هێزێن هه‌ڤپه‌يمانان هات ئه‌وا وه‌لاتێن ئێكگرتى سه‌ركرداتيا وێ دكه‌ت ل سه‌ر باره‌گايێن رێكخستيا داعش ل عيراق و سوريا.

ئه‌وان 15 هێرشێن ئه‌سمانى ل رۆژا ئه‌ينى ل سه‌ر باره‌گايێن رێكخستيا داعش ل نێزێك سكرێ مووسل و قائيم و بێجى و كه‌ركووك و تله‌عفه‌ر و شنگال ل عيراقێ كرينه‌ ب گۆره‌يى راپۆرتا هێزێن هه‌ڤپه‌يمانان.

ئاشكه‌را ژى كريه‌ كو ئه‌و هێرشێن وان بووينه‌ ئه‌گه‌رێ ژناڤبرنا هژماره‌كا مووشه‌كان ل ئه‌سه‌د و ترۆمبێل و يه‌كه‌يێن ته‌كتيكى و باره‌گايێن چه‌كدارێن داعش.

جۆن مه‌كين دێ هێته‌ هه‌رێمێ

27/12/2014 12:10

ئه‌ڤرۆ نيوز:

بڕياره‌ ئه‌ڤرۆ 27\12\2014 پشى نيڤرۆ جۆن مه‌كين بگه‌هيته‌ فرۆكخانا نێڤده‌وله‌تى يا هه‌ولێر و ژ لايێ به‌رپرسێن هه‌رێما كوردستانێ ڤه‌ بهێته‌ پێشوازيكرن.

جۆن مه‌كين، سيناتۆرێ ب ناڤێ و ده‌نگێ كۆماريايێن ئه‌مريكا، رۆژا ئه‌ينى 26\12\2014 گه‌هشته‌ به‌غدا و ل گه‌ل سه‌ليم جبورى سه‌رۆكێ جڤاتا نوونه‌رێن عيراقێ و هنده‌ك هوزێن سونى يێن پارێزگه‌ها ديالا و ئه‌نبار و نه‌ينه‌وار و سه‌لاحه‌دين و كه‌ركووك و ده‌وروبه‌رێن به‌غدا كۆم بوو.

دهێته‌ پێشبينيكرن د سه‌ردانا خوه‌ دا بۆ هه‌رێما كوردستانێ چاڤ ب هه‌ر ئێك ژ مه‌سعود بارزانى سه‌رۆكێ هه‌رێما كوردستانێ و نێچيرڤان بارزانى سه‌رۆكێ حوكمه‌تا هه‌رێما كوردستانێ بكه‌ڤيت.

ره‌وشا كه‌شوهه‌وايێ سوبه‌هى

27/12/2014 12:03

108

ئه‌ڤرۆ نيوز:

رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمانێ دهۆكێ دێ هه‌موو بيته‌ ئه‌ور و هنده‌ك جاران دێ هنده‌ك ساهى ژى هێته‌ ديتن

پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ كارتێكرنافشارێن نزمێن ده‌ريا سپى يا ناڤه‌راست و ده‌ريا سۆر بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رۆژا ئێك شه‌مبى رێكه‌فتى 28\12\2014 ئه‌سمانێ دهۆكێ ب ته‌مامى بيته‌ ئه‌ور و هنده‌ك جاران هنده‌ك ساهى ژى بهێته‌ ديتن.

رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه‌ كو پلا گه‌رماتيێ نێزيكى رۆژێن به‌رێ بيت ب ره‌نگه‌كى د ناڤبه‌را 7 بۆ 19 پلان دا.

ل دۆر پێشبينيا رێژا هه‌وايى و مه‌ودايێ ديتنێ ژى دايه‌ زانين كو دێ ئاراسته‌يێ وى دێ باكورێ رۆژهه‌لات بيت ب ره‌نگه‌كى دێ يێ ناڤه‌ندى بيت د ناڤبه‌را پێنج بۆ 10 كليۆمه‌تر د ده‌مژمێره‌كێ و ماوێ ديتنێ ژى دێ 10 كيلۆمه‌تر بيت.

نيشاندان 1...2,020 3,020 4,020 4,0274,0284,029...4,226 زێده‌تر

لاپه‌ر 4,028 ژ 4,226