ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 22ى نيسانا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1296 |
| 1 يۆرۆيێ ئه‌ورۆپى | 1400 |
| 1 ليرێ توركى | 490 |
ژ به‌ر كو ره‌وشا دراڤى به‌رده‌وام دهێته گوهۆڕين بۆ زانينا نووترين گۆڕانكاريان سه‌ره‌دانا مالپه‌رێ ئه‌ڤرۆ نيوز بكه.
ئه‌ڤرۆ نيوز:
به‌رى ده‌مه‌كێ كێم كۆمبوونا پارتى ديموكراتى كوردستان و په‌رله‌مانێ كوردستانێ ل دۆر پرسا راستڤه‌كرنا دستوورى و ماوێ سه‌رۆكاتيا هه‌رێما كوردستانێ ب دووماهى هات.
ئه‌ڤ كۆمبوونه د چارچۆڤێ سه‌ره‌دانێن سه‌رۆكاتيا په‌رله‌مانێ كوردستانێ دا بوو بۆ لايه‌نێن سياسى كو به‌رى نوكه سه‌ره‌دانا هه‌ر ئێك ژ كۆمه‌لا ئيسلامى و يه‌كگرتوو ئيسلامى كوردستان و بزاڤا گۆڕان و ئێكه‌تى نشتيمانى كوردستان كربوو.
فازل ميرانى د كۆنگرێ رۆژنامه‌ڤانى يێ هه‌ڤپشك دا ل گه‌ل سه‌رۆكێ په‌رله‌مانێ يوسف ئيراهيم دياركر كو ئه‌وان بوچوونه‌ك ل دۆر ڤى بابه‌تى به‌رهه‌ڤ كريه و يا نێزيكى لايه‌نێن دى يه و دێ ژ ده‌رڤه‌يى په‌رله‌مانى كار ل سه‌ر دكه‌ن.
ده‌زگه‌هێن راگه‌هاندنێ يێن عيراقى راگه‌هاند كو ئه‌ڤرۆ رۆژا چارشه‌مبى رێكه‌فتى 22ى نيسانا 2015ێ سه‌رۆك كۆمارێ توركيا ب هه‌ڤالينيا شانده‌كى گه‌هشته توركيا و ژ لايێ سه‌رۆك كۆمارێ وى وه‌لاتى ڤه هاته پێشوازيكرن و بڕياره ل گه‌ل ره‌جه‌ب ته‌يب به‌حسێ ره‌وشا ئه‌منى يا ده‌ڤه‌رێ و گه‌له‌ك ته‌وه‌رێن دى بكه‌ن.
ديسا بڕياره ل ئه‌حمه‌د داود ئۆغلۆ يێ سه‌رۆك وه‌زيرێن توركيا ژى كۆم ببيت و ره‌وشا نوكه يا ده‌ڤه‌رێ و چه‌ندێن بابه‌تێن دى گه‌نگه‌شه بكه‌ن.
هه‌ر د سه‌ره‌دانا خوه دا دێ پشكدارى كۆنگرێ ئاستيێ ژى بيت ئه‌وێ بڕياره ب پشكداريا 21 وه‌لاتان ل توركيا ب رێڤه بچيت.
ئەڤرۆ:
کومەلا دلی یا ئەمریکی ل ڤێ دووماھیێ لیستەک بناڤێ شەش خوارنان دەرخست کو ژێدەرێن سەرەکی یێن خوارنێن ب خوێ نە و دناڤ سیستەمێ خوارنا رۆژانە دا ھەنە ئەوژی پێکھاتینە ژ نان، گۆشت، پیتزا، سەندەویج، بەلێ یا ژ ھەمیا بوویە جھێ حێبەتیبوونێ چپس بوو کو ئەوژی یێ ھاتیە زێدەکرن ل سەر وان خوارنان.
د.لیندا ڤان ھورن، ڤەکولەرا خوارنێ ل زانکۆیا نورتایسترن یا ئەمریکی دیارکر کو ئەو سودیومێ دناڤ ڤان جورە خوارنا دا ھەی نە ب رێیا وێ خوێ دھێت ئەوا ئەم ل سەر خوارنێ زێدەدکەین، بەلکو ب رێیا خوارنێن ئامادەکری دھێت و یا دروست ئەوە کو ٢.٣٠٠ ملگم سودیومی رۆژانە نەھێنە خوارن، بەلێ مرۆڤێن سروشتی گەلەک پتر ژ وێ دخووت و کەسانێن ئەمریکی رۆژانە ب شێوەیەکێ ناڤنجی دۆرێن ٣.٤٠٠ ملگم دخوون و دەمێ سودیوم دناڤ خوینێ دا زێدەبوو دێ مەترسی ب تووشبونێ ب فشارا خوینێ و سکتا دلی و نەخۆشیێن دی یێن دلی ژی زێدەبیت.
ئەو خوارنێن کو دڤێت خوە ژێ دوور بکەین ئەڤەنە:
١- نان: پارچەکا نانی دبیت یا پێکھاتی بیت ژ ٢٣٠ملگم سودیومی، لەورا باشترە خوارنا نانی یا رۆژانە کێم بکەی.
٢- گوشتێن ھاتینە چارەکرن یان ئەوێن خوێ کری: خوارنێن چارەکری ژی گەلەک سودیوم دناڤدا ھەیە و دبیت پارچەکا گۆشتێ عەلوکێ پتر ١.٠٥٠ ملگم سودیومی دناڤدا ھەنە.
٣- پیتزا: پارچەکا پیتزایێ یا پێکھاتیە ژ ٧٦٠ ملگم سودیوم.
٤- مریشک: پارچەکا مریشکێ ژ ٦٠٠ ملگم خوێ پێک دھێت و دیسا مریشکێن جەمەد گرتی ژی گەلەک خوێ دناڤدا ھەیە، لەورا باشترە بەری کەلاندنێ باش بھێنە شووشتن.
٥- شوربە ب گشتی: ھەر کیسکەکێ شوربێ ل بازاری دبیت ٩٤٠ ملگم سودیوم دناڤدا ھەنە.
٦- ساندەیج: نان و گوشت و پەنیر ھەمی د سودیومی دپێکھاتینە و ھەکە تە کەتشەپ و مایونیز ژی ل سەر زێدەکرن ھەلبەت دێ رێژا خوێ ژی ھێشتا زێدەنتر لێ ھێت.
ئەڤرۆ نیوز، مللەت جەمال:
بەری دەمەکێ کێم ل جادا بارزان ل نێزیک گوندێ گەڤەرکێ روودانەکا ھاتنوچوونێ د ناڤبەرا دو ترۆمبێلاتن دا روودا و د ئەنجام دا زەرەر و زیانێن مەزن ل دووڤ خوە ھێلان.
رائيدێ مافپه‌روه‌ر ئازاد تاها، به‌رپرسێ راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ بۆ ئەڤرۆ نیوز گۆت: “روودان د ناڤبەرا دو ترۆمبێلان دا روودایە؛ ئێک ژ وان ترومبێلا بارھەلگر پیک ئاپ رەنگێ سپی لێکدان ل گەل ترۆمبێلا تایبەت کەیا ئوپتیما رەنگێ سپی کریە و د ئەنجام دا ھەر دو ترۆمبێل پشتی لێکدانێ وەرگەریاینە”.
زێدەتر گۆت: “د ئەنجامێ ڤێ روودانێ دا دو کەس د ترۆمبێلا بارھەلگر پیک ئاپ دا بریندار بووینە و ھەروەسا چار کەس د ترۆمبێلا تایبەت کەیا ئوپتیما دا بریندار بووینە”.
ئه‌ڤرۆ:
گەلەک کەس پرسیار دکەن ئەو چیە بەرێ ھەڤژینان ددەتە خیانەتێ؟ دبیت ئەگەر د جۆرا و جۆر و د جودا بن، بەلێ ل دووڤ سایتێ ھەڤناسینێ یێ ئەمریکی “دیدارێن نۆرمال”، ژن د گەلەک قووناغێن ژیانا خوە دا دا بەر ب خیانەتێ دچیت، نەخاسمە بەری عەمرێ وێ بگەھیتە ٤٠ سالان.
ئەنجامێن راپرسینەکێ کو ئەندامێن سایتێ ھەڤناسینێ پشکداری تێدا کری دیار دکەن کو خیانەت ژ ئەنجامێ ھەست نەکرنا ب ئەڤینیێ و دلداریێ د ھەڤبەندیا ھەڤژینی دا دھێت، زێدەباری ڤالاتیا دلینی د ھەڤژینیێ دا. ئەڤە د دەمەکی دا کو ھندەک پشکداران وەسا دیار کریە کو خیانەتێ رەنگەکەکێ شەق و شیقیێ یە.
ئامار وەسا دیار دکەن کو ٢١% ژ زەلامێن ب ژن ھەڤبەندیەکا دلینی ژ دەرڤەی چارچووڤێ ھەڤژینیێ یا ھەی، بەرامبەر ١٥% ب تنێ ژ ژنێن ب مێر، د ڤان ٢٠ سالێن بۆری دا رێژا وان ژنێن شەق و شیقیا دلداری ژ دەرڤەی چارچووڤێ ھەڤژینیێ دکەن بلند بویە کو گەھشتیە ٤٠%.
ئەڤرۆ:
چەند ژێدەرێن دەنگوباسان ل وەلاتێ تورکیا دانە دیارکرن کو رەوشا ساخلەمیا (سیرینای سارکیا) شاھجوانا بەرێ یا وی وەلاتی نەگەلەکا باشە و ھەکە بڤی شێوەی بیت دبیت بکەڤیتە دمەترسیێ دا.
ئەو ژێدەر دبێژن: پشتی ناڤبریێ نشتەرگەریەک بۆ مەزنکرنا سنگێ خوە (مەمكان) کری، نیشانێن نەخۆشیا پەنجەشێرێ لێ دیاربووینە و نوکە مژوولی چارەسەریێ یە و داخوازێ ژ ھەموو ژنان دکەت کو ئێدی چو کەس نشتەرگەریان بۆ مەزنکرنا مەمکێن خوە نەکەت و خوە ژڤێ دیاردا مەترسیدار دوور بێخن.
ناڤھاتی دژیێ ٢٣سالیێ دایە و ب ئێک ژ ستێرێن بەرنیاسێن وی وەلاتی دھێتە نیاسین، ئەو ژی پشتی وەکو زارڤەکەر پشکداری د چەند زنجیرە و درامایێن تورکی دا کری و ئەو بەرھەم پشتی دوبلاژکرنێ ب شێوەکێ بەرفرەە ل کەنالێن عەرەبی ھاتنە نیشادان.
ئەڤرۆ:
دبیت تیما دھۆک یا تەپا پێێ ل دەمێ یاریێن خولا بژارە توشی ئاریشەکا مەزن بیت کو یاریێن خولا بژارە ھەمی دێ ل ئێک یاریگەە ھێنەکرن وەکو خرفەبوونەک ل باژێرەکێ عیراقێ یان کوردستانێ و دبیت بۆ ماوێ دەە رۆژان یاریێن خولێ ڤەکێشێن.
ل دۆر پاشخستنا یاریێن یانا دھۆک یێن خولا کوردستانێ سەروکێ ئێکەتیا تەپا پێ یا کوردستانێ سەفین کانەبی د داخویانیەکێ دا بۆ رۆژناما ئەڤرۆ دیارکر یاریێن خولا عیراقێ و کوردستانێ دو خولێن ژێک جودانە ئەو ب ھیچ رەنگەکی خولا کوردستانێ ناراوستین ژبەر یانێن پشکدار دخولا عیراقێ دا.
ناڤبری ئاماژە ب وێ چەندێ ژی کر نوکە خولا کوردستانێ د دەمەکێ ھەستیار دا دبوریت ژبەرکو یانێن پێشیێ ھەڤرکیێ ل سەر ناسناڤێ خولێ کەن و یانێن داکەفتنێ ژی بو خو قورتالکرنێ و دێ نە رازیبوونا یانێن پشکدار دروست بیت.
ئه‌ڤرۆ نيوز:
رێڤەبەریا گشتیا کەشناسیێ ل ھەرێما کوردستانێ راگەھاند کو سوبه‌هى ئه‌سمان دێ ئه‌ورێن باراناوى بن و ل گه‌ل لێدانا بريسيان ل ده‌مێ باران بارينێ.
پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئه‌نجامێ كارتێركرنا فشارێن نزمێن كه‌ندڤێ عه‌ره‌بى و پاشان ژى هاتنا فشارێن بلندێن ده‌ريا ناڤه‌راست و ده‌ريا سۆر بۆ سەر ھەرێما کوردستانێ ئەو پێشبینی دکەن کو سوبه‌هى رێكه‌فتى 23ى نيسانا 2015ێ ئه‌سمان دێ ئه‌ورێن باراناوى بن و ل گه‌ل لێدانا بريسيان ل ده‌مێ باران بارينێ.
رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلا گەرماتیێ دێ هێته خوار وه‌كو هه‌ڤبه‌ركى ل گه‌ل رۆژێن به‌رى نوكه بيت ب رەنگەکی د ناڤبەرا 18 بۆ 9 دا.
ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ باكورێ رۆژئاڤا بیت ب رەنگەکی دێ ل سه‌رخوه بیت د ناڤبەرا 10 بۆ 20 کلم د دەمژمێرەکێ دا و ماوێ دیتنێ ژی دێ 8 بۆ 10 کلم دا بیت.
نيشاندان