ئه‌ڤرۆ نيوز، ناجى به‌ده‌ل:

پشتی هێرشا پێشمه‌رگه‌يی بۆ سه‌ر ده‌ڤه‌را شنگال هاتیه‌ كرن و گه‌له‌ك ده‌ڤه‌ر ژ ده‌ستێن داعش ده‌رخستين، چه‌ندین گوڕێن ب كۆم هاتنه‌ دیتن و كوردێن ئێزدى ژى ب به‌لگێن جينوسايدا داعش دده‌نه‌ زانين.

ب گوره‌يی نووچه‌كێ تله‌ڤزيۆنا رووداو، چه‌ند گوڕێن ب كۆم يێن هاتينه‌ ديتن و ئه‌و كه‌سێن هاتينه‌ كوشتن ئه‌ون يێن ب ده‌ستێ داعش هاتينه‌ كوشتن.

به‌رى چه‌ند هه‌يڤه‌كان ئه‌ڤ كه‌سه‌ هاتينه‌ كوشتن و ب تنێ زه‌لامن و ب گۆره‌يى ديمه‌نێن هاتينه‌ نيشاندان، ئه‌و كه‌س ب ره‌نگه‌كێ گه‌له‌ك دڕندانه‌ هاتينه‌ كوشتن و بن ئاخكرن و ب سه‌ر ئه‌رد ڤه‌ هاتينه‌ ڤه‌شارتن.

چه‌ندين جاران سه‌ركردێن كورد و كوردێن ئێزدى ئه‌ڤ چه‌نده‌ ته‌كست كريه‌ كو چه‌كدارێن داعش ب هه‌موو ره‌نگان جينوسايد دژى كوردێن ئێزدى ئه‌نجان دايه‌ و ب گۆره‌يى ئه‌و كوردێن سه‌رێ چيايى ئه‌ڤه‌ باشترين به‌لگه‌نه‌ ل سه‌ر بكارئينانا جينوسايدێ ل دژى كوردێن ئێزدى.

ئەڤرۆ نیوز، لەزگین جۆقی:

رێڤەبەرێ ناحیا سنونێ ل بەرۆکێن شەری بۆ ئەڤرۆ نیوز دیارکر کو ژ شڤێدی ھەتا نوکە ھێزێن پێشمەرگێ کوردستانێ شیان سنونی ب ھەموو کۆمەلگەهـ و گۆندێن سەر ب سنونی ڤە ب تەمامی کونترۆل بکەن و گۆت: “تیرورست یێ درەڤن، نەشين چو بەرگریێ ژ خوە بکەن و ھه‌یبەتا خوە کوژێن داعش ل شنگال ل سەر دەستێن پیشمەرگێ کوردستانێ ھاتە شکاندن”.

نایف سەیدۆ رێڤەبەرێ ناحیا سنونێ بۆ ئەڤرۆ نیوز ل بەرۆكێن شەری دیارکر کو ھەر شەش کۆمەلگەھێن سەر ب ناحیا سنونێ ڤە ب تەمامى ژ دەستێن تیرورستان ھاتنە دەرخستن و نوکە ھەر شەش کۆمەلگەهـ دبن کونترۆلا ھێزێن پێشمەرگى دانە و گۆت: “ھەموو گۆندێن سنونێ ھاتینە کونترۆلکرن ب تنی ھندەک گۆندێن عەره‌بان ماینە ئەو ژی ھەتا چەند دەمژمێرێن دى دێ كەڤنە دبن کونترۆلا ھێزێن پێشمەرگه‌يى دا”.

رێڤەبەرێ ناحیا سنونێ گۆتژى: “ئەز وەکو رێڤەبەرێ ناحیێ ل بەروكێن شەری کەسێ ئێكێ بووم چوویمە د ناڤ ناحیا سنونی دا، ھەتنا ھژمارەکا زۆرا پێشمەرگێ کوردستانێ وەریا خەلکى زۆر یا بلند کری، نوکە تیمێن ئەندازیاری ل سنونێ کارێ راکرنا بومبان دکەن، ھەر دەمێ سنونێ ھاتە پاقژکرن ژ بۆمبە و تەقەمەنیان دێ وەلاتی ڤەگەرنە سەر مال و مولكێن خوە”.

ئەڤرۆ نیوز: لەزگین جۆقی:

ئه‌ڤرۆ ژى هێزێن پێشمه‌رگێ كوردستانێ به‌رده‌وامى دايه‌ پێشره‌ويێن خوه‌ و ئێك ژ فه‌رماندێن پێشمه‌رگه‌يى ل سه‌رێ چيايێ شنگال راگه‌هاند كو ئه‌ڤرۆ ژى كۆمه‌لگه‌ها خانه‌سۆر هاته‌ كونترۆلكرن.

قاسم سمێر ژ بەرۆکین شەری ل خانەسوری بۆ ئەڤرۆ نیوز دیارکر کو ھێزێن پێشمەرگێ کوردستانێ ھێرشەکا نوو ل رۆژئاڤایی ناحیا سنوونێ ئەنجام دا، د ئەنجاما وێ چه‌ندێ دا کۆمەلگەھا خانەسورێ ب تەمامى ھاتە کونترۆلکرن و پێشمەرگە د پیشڤەچوونێ دایە ل دۆریانا دھۆلا ژى ھاتە کونترولکرن.

قاسم سمیر ئێك ژ وان فه‌رماندێن پێشمه‌رگێ پارتى يه‌ ل چيايێ شنگال گۆتژی: “دەوروبەرێن ناحیا سنوونێ ب تەمامى ھاتنە کونترۆلکرن و پێشمەرگێ کوردستانێ یێ د ناڤ جەرگێ سنوونێ دا و رەوشا ئارامە و چاڤەرێينە د چەند دەمژمێرێن بھێت دا پێشمەرگێ کوردستانێ ژ لایێ رەبیعە و سنوونێ بگەھنە ئێک و ب تەمامى دەڤەرێ کونترۆل کەن”.