ئه‌ڤرۆ نيوز:
په‌ترۆلا ناڤا برێنت ئه‌ڤ ساله بلندترين ئاستێ خوه تۆماركر كو 63 دۆلارێن ئه‌مريكى نه بۆ هه‌ر به‌رميله‌كێ ب گۆره‌يى كارپێكرنا ئاسيا ئه‌ڤرۆ ل رۆژا پێنجشه‌مبى پشتى پێشكه‌فتنێ ب 5% ژ به‌رى نوكه.
شرۆڤه‌كار وه‌سان پێشبينى دكه‌ن كو ئه‌ڤ بهايه دێ هێشتا سه‌ركه‌ڤن د سه‌ر رێژا وێ يا زێده د بازاران دا.
ل ده‌مژمێر 4:35 ده‌قيقه ب ده‌مێ گرينچ بهايێ به‌رميلا ڤێ په‌ترۆلێ گه‌هشته 63.10 دۆرلاران. به‌رامبه‌ر ڤێ يا په‌ترۆلا خاڤا ئه‌مريكى گه‌هشته 56.39 دۆلاران، ئه‌ڤ ساله ئاستێ وێ هه‌تا 56.69 دۆرلان چوو بوو بۆ هه‌ر به‌رميله‌كێ.
ئه‌ڤرۆ نيوز:
فه‌رمانده‌كێ ژوورا كرياريێن جه‌زيره و باديێ ئه‌ڤرۆ رۆژا پێنجشه‌مبى رێكه‌فتى 16ى نيسانا 2015ێ راگه‌هاند كو ئه‌ڤرۆ وان به‌رسينگێ هێرشه‌كا داعش گرتيه، به‌لێ ره‌وش يا خرابه.
ئه‌ڤى فه‌رماندێ له‌شكرێ عيراقێ راگه‌هاند كو رێكخستيا داعش هێرشه‌كا دژوار كريه سه‌ر سه‌نته‌رێ روومادى و كۆمه‌لگه‌ها ئاڤاهيێن حكومى ب كه‌سانێن خوه‌كوژ و چه‌كى، به‌لێ هێزێن ئه‌منى به‌رسينگێ وان گرتيه.
ئه‌ڤى فه‌رماندێ ژوورا كرياريێن جه‌زيره و باديێ زێده‌تر دبێژيت: “ره‌وش ل سه‌نته‌رێ باژێرێ روومادى گه‌له‌ك يا خرابه”.
ئەڤرۆ نیوز، لەزگین جۆقی:
رێڤەبەرێ گشتیی کاروبارین ئیزدیان تایبەت بۆ ئەڤرۆ نیوز دیارکر کو ئەڤرۆ دەمژمێر چارى ئێڤاری ئامارێن دروست یێن وەلاتین رزگاربووی ژ دەستێن تیرورستێن داعش دێ ھێتە ئاشکرا کرن و ل دووڤ پێزانێن ئەڤرۆ نیوز ب دەست خوه ڤە ئیناین زێدەتر ژ 1300 کوردێن ئێزدی ھەتا نوکە ژ دەستین تیرۆرستان رزگار بووینە.
خەیری بوزانی رێڤەبەرێ گشتیێ کاروبارێن ئێزدیان ل وەزارەتا ئەوقافا حوکمەتا ھەرێما کوردستانێ دیارکر کو ژمارا دروست يا كچ و ژن و زارۆ و زەلامێن ھەتا نوکە ھاتینە رزگارکرن دێ ئاشکرا کەن و داخوازی دکەن ھەڤکاریا وان بھێتە کرن د ھەموو بیاڤەکێ دا چونکو ئەڤە چەندین ھەیڤن ماینە د ناڤ دەستێن تیرورستان دا و زۆر پێدڤی ب ھەڤکاریا دەروونی و ساخلەمی وھەموو جۆرێن ھاریکاران ھەنە.
بوزانی گۆتژی: “ل ڤان حەفتێن بۆری ژمارەکا باش يا وەلاتیان ھاتنە رزگارکرن، لێ ھیشتا گەلەک وەلاتی ماینە گرتی د ناڤ دەستێن تیرورستین داعش دا، ھەتا نوکە زێدەتر ژ 1300 وەلاتیان یێن ھاتینە رزگارکرن”
ئەڤرۆ نیۆز، قائید میرۆ:
پشتی ل پەرلەمانێ کوردستانێ شەڕ کەفتیە ناڤبەرا دو پەرلەمانتارێن پارتی و پەرلەمانتارەکێ بزاڤا گۆڕان دا، پەرلەمانتارەکێ پارتی دبێژیت، وان حەسانە ھەیە و ھەتا نەھێتە راکرن ناچینە بەرامبەر دادگەھێ.
مەردان خدر، پەرلەمانتارێ پارتی دیموکراتی کوردستان بۆ ئەڤرۆ نیۆز دیارکر، وان ژی ل دادگەھێ سکالایەک ل سەر عەلی حەمە سالح پەرلەمانتارێ گۆڕان تۆمارکریە و ھەتا حەسانە ل سەر وان نەھێتە ھەلگرتن ناچنە ھەمبەر دادگەھێ.
مەردان گۆتژی: “بۆ ھەلگرتنا حەسانێ ل سەر پەرلەمانتاران، پێدڤیە دادگەهـ نڤیسارەکێ بدەتە سەرۆکایەتیا پەرلەمانی و پشتی ھنگی د کۆمبوونا پەرلەمانی دا پێخنه به‌ر دەنگدانێ، کو ئایا پەرلەمان یێ رازی حەسانە ل سەر مە بھێتە وەرگرتن یانژی نە”.
پەرلەمانتارێ پارتی دیارکر ژى كو ئه‌و باوەر ناکەت کار بگەھتە وێ چەندێ حەسانە ل سەر ھەردو پەرلەمانتارێن پارتی نازم کەبیر و مەردان خدر بھێتە راكرن، چونکو دڤێت حەسانە ل سەر پەرلەمانتارێ گۆڕان ژی بھێتە راكرن.
ئه‌ڤرۆ نيوز:
رۆژا ئه‌ينى رێكه‌فتى 17ى نيسانا 2015ێ دێ په‌رده ل سه‌ر فيستڤالا “تطاوين” يا نێڤده‌وله‌تى يا فلمێن بچووك يا سيێ ل باژێرێ ته‌توان يێ گه‌شتيارى ب مه‌غرب هێته راكرن و كورد ب فه‌رمى د داخۆازكرينه بۆ ڤێ فيستڤالێ.
هه‌ر بۆ ڤێ فيستڤالێ سينه‌ماكارێ كورد نه‌وزاد شێخانى بۆ سه‌رۆكێ فه‌خرى يێ فيستڤالێ هاتيه هه‌لبژارتن و دكتور بورهان شاوى ژى وه‌كو سه‌رۆك لژنا دادوه‌ريێ ئه‌وا ژ هه‌ر ئێك ژ هۆنه‌رمه‌ندا مه‌زنا عيراقى شه‌زا سالم و ده‌رهێنه‌رێ مه‌غربى نوره‌دين عه‌لوى و ده‌رهێنه‌را تونسى هاجه‌ر بن نه‌سير و هۆنه‌رمه‌ندێ مه‌غربى يێ به‌رنياس محه‌مه‌د ئوسمامه پێكهاتيه و 15 وه‌لاتێن ئورۆپى و عه‌ره‌بى تێدا د پشكدارن و 16 فلم دێ هه‌ڤركيێ د به‌ريكانا فه‌رمى يا فلمان دا كه‌ن.
ژ وان فلمێن د هه‌ڤركيێ دا بۆ ب ده‌ستڤه‌ئينانا خه‌لاتێن فيستڤالێ، فلمێ كوردى يێ ب ناڤێ Riddance يێ ده‌رهێنه‌رێ سينه‌ما كوردى ئاكو عه‌زيز ميرزايه.
ده‌رهێنه‌رێ نه‌وزاد شێخانى يێ نوكه ل ئه‌لمانيا دژيت راگه‌هاند كو يێ كه‌يفخۆشه وه‌لاتێ مه‌غرب ڤه سه‌رۆكاتيا فه‌خرى يا ئه‌ڤێ فيستڤالا خوه يا نێڤده‌وله‌تى و سه‌رۆكاتيا لژنا دادوه‌ريێ دايه ده‌ست دو ده‌رهێنه‌رێن كورد و ئه‌ڤه ئاست بلنديا ره‌وشه‌نبيرى و سه‌ركه‌فتنێ رادگه‌هينيت يا ل ماوێ بۆى ب ده‌ست ڤه هاتيى د فيستڤالێن بۆرى يێن نێڤده‌وله‌تى دا.
فه‌رماندێ هێزا دهۆك يا پێشمه‌رگێ پاراستنا ژينگه‌هێ بۆ ئه‌ڤرۆ نيوز دياركر كو ئه‌ڤرۆ ب هه‌لكه‌فتا سالرۆژا ژينگه‌هێ ئه‌و دێ هژماره‌كا كه‌وان ل به‌رۆكێن شه‌رى ئازادكه‌ن و ئه‌ڤ ساله وه‌كو سالێن دى چاڤدێريا ژينگه‌هێ ناهێته كرن.
كه‌ريم ئێتيتى، فه‌رماندێ هێزا دهۆك يا پێشمه‌رگێ پاراستنا ژينگه‌هێ، گۆت: “ئه‌ڤ ساله وه‌كو سالێن به‌رێ نه‌شێين چاڤدێريا پاراستنا ژينگه‌هێ بكه‌ين ژ به‌ر شه‌رێ دژى داعش و پێشمه‌رگێن مه ل به‌ره‌يێن شه‌رى نه”.
زێده‌تر گۆت: “ئه‌ڤه وێ چه‌ندێ ناگه‌هينيت كو ب ئێكجارى مه ئاگه‌هـ ژ سه‌رپێچكارێن ژينگه‌هێ نينه و هه‌تا نوكه دو كه‌وگيرڤان و 14 ماسيگر هاتينه ده‌سته‌سه‌ركرن”.
دا زانين ژى كو ب هه‌لكه‌فتا رۆژا ژينگه‌هێ ئه‌ڤرۆ دێ جودا ژ سالێن بۆرى چه‌ندين چالاكيان ل به‌ره‌يێن شه‌رى يێن هێزێن پێشمه‌رگه‌يى ئه‌نجام ده‌ن و ژ وان ژى ئازادكرنا 16 كه‌وان كو به‌رى نوكه چالاكيێن وان ل زاويته د هاتنه ئه‌نجام دان.
ئه‌ڤرۆ نيوز:
رێڤەبەریا گشتیا کەشناسیێ ل ھەرێما کوردستانێ راگەھاند کو سوبه‌هى دێ ب درێژاهيا رۆژێ هنده‌ك ئه‌ور ل ئه‌سمانى هه‌بن.
پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئەنجامێ به‌رده‌واميا فشارێن بلندێن وه‌لاتێ توركيا بۆ سەر ھەرێما کوردستانێ ئەو پێشبینی دکەن کو سوبەھی رێکەفتی 17ى نيسانا 2015ێ دێ ب درێژاهيا رۆژێ هنده‌ك ئه‌ور ل ئه‌سمانى هه‌بن.
رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلا گەرماتیێ دێ يا هه‌ڤبه‌ركى ل گه‌ل رۆژێن به‌رى نوكه ب رەنگەکی د ناڤبەرا 21 بۆ 8 دا.
ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ ل باشورێ رۆژئاڤا بیت ب رەنگەکی دێ ل سه‌رخوه بیت د ناڤبەرا 5 بۆ 10 کلم د دەمژمێرەکێ دا و ماوێ دیتنێ ژی دێ 8 بۆ 10 کلم دا بیت.
نيشاندان