ئه‌ڤرۆ نیوز:
ئه‌ڤرۆ فیدراسیونا ته‌پا پێى یا ئوروپا هه‌لویستێ خوه یێ فه‌رمى ل دۆر روودانا كارڤاخال راگه‌هاند وئه‌و كه‌یسه ئێكلاكر.
ئه‌ڤرۆ چوارشه‌مبى، فیدراسیونا ته‌پا پێى یا ئوروپا ب پشتبه‌ستن ب ڤیدیویان بریاردا چ سزایه‌كێ ل سه‌ر به‌ره‌ڤانكه‌رێ ریال مه‌درید نه‌سه‌پینن كو ئه‌ڤرۆ كارڤه‌دانه‌كا زور د میدیایێن جیهانى دا په‌یدا كرى و مانزوكیتچ ره‌تكر كو كارڤاخال له‌ق ل وى دابیت.
ئه‌ڤرۆ نیۆز، قائید میرۆ
غه‌یاس سورچی، په‌یڤدارێ مه‌لبه‌ندێ ئێكه‌تیێ ل نه‌ینه‌وا ب ئه‌ڤرۆ نیۆز راگه‌هاند” شه‌ڤا بۆری فڕۆكه‌یێن هه‌ڤپه‌یمان ل باژێڕێ مووسڵ خانیێ برایێ سه‌دام حسێن سه‌رۆكێ رژێما به‌رێ یا عێراقێ بناڤێ وه‌تبان توپبارانكرن، كو ئه‌ڤ خانیه ژلایێ تیرۆرستێن داعش وه‌كی باره‌گایێ خوه بكار تینا.
سورچی گۆت ژی” ل گوره‌ی زانیاریێن گه‌هشتینه مه، هه‌شت تیرۆرست هاتینه كوشتن و 16 دیژی برینداربووینه، ئه‌ڤه ژبلی سووتنا هژماره‌كا ترۆمبێلێن داعش و هه‌رفینا خانیێ برایێ سه‌دام حسێن.
ئه‌ڤرۆ نیوز:
سه‌رۆكێ ئه‌مریكا باراك ئوباما كو وه‌ك هاریكاریێن مروڤى كوژمێ 200 ملیون دولاران وه‌ك هاریكارى پێشكێشى ئاواره و په‌نابه‌رێن عیراقێ بكه‌ت كو ژ به‌ر هێرشێن داعش مال و جهێن خوه بجهـ هێلان.
ئه‌ڤ سوزا ئوباما پشتى دیدارا حه‌یده‌ر عه‌بادى ب ئوباما هات كو سه‌ره‌دانا ئه‌مریكا كربوو و ل عه‌بادى ل گه‌ل سه‌رۆكێ ئه‌مریكا كومبووى.
به‌لێ سه‌باره‌ت داخوازیا عیراقێ بۆ دانا چه‌كى ب حوكمه‌تا عیراقێ و فرۆكێن ئه‌پاشى و چه‌كێ گران، هێشتا ئه‌مریكا چ تشته‌كێ روهن و چ سوزه‌ك نه‌داینه عیراقێ و ره‌نگه بجهئینانا داخوازیا عیراقێ بكه‌ڤیته ستوویێ سه‌رۆكێ بهێت یێ ئه‌مریكا ژبه‌ر كو گه‌له‌ك نه‌مایه دێ هه‌لبژارتنێن سه‌رۆكایه‌تیێ ل ئه‌مریكا هێنه كرن.
ئه‌ڤرۆ نیوز:
حه‌یده‌ر عه‌بادى سه‌رۆك وه‌زیرێن عیراقێ و فه‌رماندێ گشتى یێ هێزێن چه‌كدار ل عیراقێ ژڤانێ هێرشكرنا سه‌ر باژێرێ مووسل ئاشكراكر و راگه‌هاند پشتى ره‌مه‌زانا ئه‌ڤ ساله دێ ئوپه‌راسیونا كونترولكرنا مووسل ده‌ستپێكه‌ت.
عه‌بادى ددیداره‌كێ دا ل گه‌ل رۆژناما (فورین پۆلیس) به‌حسێ هێرشا سه‌ربازى كریه بۆ كونترولكرنا باژێرێ مووسل و گوتیه: هێرشا ل سه‌ر مووسل دێ پشتى هه‌یڤا ره‌مه‌زانا ئه‌ڤ ساله ده‌ستپێكه‌ت.
ئه‌ڤرۆنیوز، ره‌زوان رۆژبه‌یانى:
كۆمیسه‌ر حازم محمد ژ راگه‌هاندنا هاتن چوونا قه‌زا به‌رده‌ره‌ش بۆ ئه‌ڤرۆنیوز خویاكر كو دوهى ل رێكه‌فتێ 14/4/2015 ل دوو رودانیێن جودا دا دوو وه‌لاتى بریندار دبن و :گوت ل ده‌م ژمێر ئێكێ نیڤرۆ ل ناف سه‌نته‌رێ قه‌زا به‌رده‌ره‌ش ل نێزیك چوار رییانا شاره‌وانى دوو ترومبێلان پێكدادا و د ئه‌نجام دا ه‌ئافره‌ته‌ك بریندار بوو.
كۆمیسه‌ر حازم دیاركر هه‌ر دوهى ل ده‌مژمێر(8)شه‌ڤێ ل سه‌ر رێیا گشتى یا ناڤبه‌را قه‌زا به‌رده‌ره‌ش و ناحیا كه‌له‌ك ل نێزیك گوندى دووسه‌ره دوو ترومبێلان پێكدادا و دئه‌نجام دا زه‌لامه‌ك بریندار بوو.
ئه‌ڤرۆ نيوز:
هنده‌ك ژێده‌ر ژ عيراقێ ئاماژێ ب وێ چه‌ندێ دكه‌ن كو نوكه چه‌كدارێن داعش 35% مه‌زنترين پاريزنگه‌ها په‌ترۆلا عيراقێ كو ئه‌و ژى يا بێجى يه سه‌ر ب پارێزگه‌ها سه‌لاحه‌دين كۆنترۆل كر.
هنده‌ك ژ ژێده‌رێن ناڤا پارزينگه‌هێ ئاشكه‌را كر كو 35% ژ روويێ وێ پارێزگه‌هێ ل بن كۆنترۆلا چه‌كدارێن داعش دايه و شه‌ر د ناڤبه‌را هێزێن عيراقى و وان چه‌كداران دا ل ناڤا پارزينگه‌هێ يا به‌رده‌وامه.
ئه‌فسه‌ره‌كى ژ هێزێن عيراقێ ل ناڤ پارزينگه‌ها بێجى راگه‌هاند، پشتى چه‌ندين جار ژ هێرشێن ئێك ل دووڤ ئێكێ، چه‌كدارێن داعش شيان 35% ژ روويێ پارزينگه‌ها بێجى كۆنترۆل بكه‌ن و شه‌ر و پێكدادان د ناڤبه‌را هێزێن ئه‌منى و چه‌كدارێن داعش دا بۆ ماوێ پێنج رۆژايه يێ به‌رده‌وامه.
ئاماژه ب وێ چه‌ندێ ژى كريه كو هێزێن ئه‌منى ب ره‌نگه‌كێ باش به‌ره‌ڤانى دكر به‌لێ د دو رۆژێن بۆرى دا چه‌كدارێن داعش شيان ژ هنده‌ك لايان ڤه بچنه ناڤ پارزينگه‌هێ و شيان هنده‌ك جهان بگرن.
ب گۆره‌يى زانياريان هێزێن ئه‌منى بۆ كۆنترۆلكرنا ئه‌وان جهێن چه‌كدارێن داعش ل ناڤ پارێزگه‌هان ده‌ست ب سه‌ر دا گرتى، ل هه‌ر سێ ميحوه‌رێن ئه‌لبعيجى ل رۆژهه‌لات و هۆنداى ل رۆژئاڤا و پێشه‌سازى ل باشوورێ قه‌زا بێجى ده‌ست ب پێشڤه‌چوونان كريه و نوكه ژى شه‌ره‌كێ مه‌زن يێ د ناڤبه‌را هه‌ردولا دا هه‌يى.
ئه‌ڤرۆ نيوز:
ستێرا به‌رنامێ عه‌ره‌ب ئايدۆل يێ كه‌نالێ mbc ل وه‌رزێ بۆرى، عه‌مار كۆفى راگه‌هاند كو ئه‌و دێ رابيت ب ئه‌نجامدانا كۆنسێره‌كێ ل وه‌لاتێ نه‌مسا.
عه‌مار كۆفى ل سه‌ر په‌يجێ خوه يێ تايبه‌ت ل تۆرا جڤاكيا فه‌يسبۆكى راگه‌هانديه كو ئه‌و دێ ل 19ى نيسانا 2015ێ ئاهه‌نگه‌كێ ل ڤييه‌نا يا پايته‌ختێ نه‌مسا گێريت.
ئه‌ڤرۆ نيوز:
ئه‌ندامه‌كێ جڤاتا كۆمسياران و ئاخفتنكه‌رێ فه‌رمى ب ناڤێ كۆمسيۆنێ ميقداد شه‌ريفى راگه‌هاند كو ئه‌وان داخوازيه‌ك ل نڤيسينگه‌ها به‌سرا وه‌رگرتيه كو 44 هزار كه‌سان ژ خه‌لكێ به‌سرا داخواز كره ببنه هه‌رێم.
به‌سرا ب روويێ خوه پارێزگه‌ها دويێ يه ل عيراقێ پشتى ئه‌نبار و 80% ژ په‌ترۆلا عيراقێ ل وێرێ به‌رهه‌م دهێت و رێيا سه‌ره‌كى يا هنارتنا په‌ترۆلێ يه ل عيراقێ بۆ جيهانێ ب رێيا ده‌ريايى.
شه‌ريفى دبێژيت: “حه‌فتيا بهێت دێ ل سه‌ر ڤێ داخوازيا 44 هزار وه‌لاتيێن به‌سرا راوه‌ستين ژ لايێ قانوونى و كارى ڤه”، ئاماژه ب وێ چه‌ندێ ژى كر كو كۆمسيۆن دێ پشتراستكرنێ ل سه‌ر ناڤان كه‌ت ب رێيا ليستا ناڤێن هه‌لبژارتنان و دێ ب رێيا قانوونا ژماره 13 يا سالا 2008ێ مادێ چارێ برگا ئێكێ ل گه‌ل كه‌ت.
ئه‌ڤرۆ نيوز:
رێڤه‌به‌رێ راگه‌هاندنا گه‌شتوگۆزارا سلێمانيێ دياركر كو پشكه‌كا مه‌زن يا يانێن شه‌ڤێ ل سلێمانيێ به‌ر ب داخستنێ نه و وه‌كو مۆله‌تا فه‌رمى 22 يانان مۆله‌ت هه‌يه، به‌لێ كێمتر وى كارى دكه‌ن و ئه‌گه‌ر ژى بۆ مه‌رجێن وان ڤه‌گه‌راند.
ئارام شوانى بۆ باسنيوز گۆت: “نوكه نابيت ژن د ناڤ مێزان دا هاتنوچوونێ بكه‌ت و سه‌مايێ ژى د ناڤ مێزان دا بكه‌ت و به‌رى نوكه ئه‌ڤ تشته نه‌بوو، به‌ر هندێ ژى نوكه هنده‌ك كێشه ل سه‌ر ڤه‌كرنا وان ده‌ركه‌فتينه”.
ئاماژه ب وێ چه‌ندێ ژى كر كو نوكه ب ره‌نگه‌كێ فه‌رمى نێزيكى 10 يانێن شه‌ڤان ل سلێمانيێ د ڤه‌كرى و دو لژنێن تايبه‌ت ئێك يا نهێنى و ئێك ژى ب ئاشكه‌رايى كارێ چاڤدێريا وان دكه‌ت.
دا زانين كو ژ سالێن به‌رى ژ ئه‌گه‌رێ سه‌رخۆشيێ هنده‌ك كه‌س هاتينه كوشتن و بريندار كرن، به‌لێ ل ئه‌ڤ ساله چو حاله‌تێن ژ وى ره‌نگى روو نه‌داينه.
نيشاندان