ئه‌ڤرۆ نيوز:
د ماوێ 24 ده‌مژمێرێن بۆرى دا ژ ئه‌نجامێ هاتنا هه‌ردو فشارێن نزمێن ده‌ريا ناڤه‌راست و ده‌ريا سۆر بۆ سه‌ر هه‌رێما كوردستانێ ل چه‌ندێن ده‌ڤه‌رێن كوردستانێ ب رێژێن جودا باران باريه و ب ڤى ره‌نگێ ل خوارێ:
نووترين نووچه
- درووشمێ ئێك هەرێم، ئێك پەرلەمان، ئێك حوكمەت، ئێك هێزا پێشمەرگەی، كاك مەسعود بارزانی ئاماژە یا بۆ كری.
- بەرپرسەكێ پارتی: پارتی دێ سۆزێن خوە ب جهئینیت
- ب سەركەفتنا پارتی د هەلبژارتناندا دێ هەرێم زێدەتر ب هێز و ئارام و ئاڤەدان بیت
- تێکچوونا قۆناغا ئاشتیێ دێ بیتە ئەگەرێ شکەستنا ئاکپارتیێ
- سەرۆك بارزانی و رۆمانۆڤسكی پێنگاڤێن پێكئینانا حوكمەتا نوو یا هەرێما كوردستانێ گەنگەشەكرن
- پێدڤییە پێكئینانا حوكمەتێ ل سەر بنەمایێ دەنگێن ئالیێن سیاسی بیت د هەلبژارتناندا
- هێمن هەورامی: دانوستاندنێن پێكئینانا حوكمەتا نوو یا هەرێمێ دێ ل گەل هەموو ئالییان كەین
- هەبوونا بنەمایێ ئێك ئیدارە و ئێك حوكمەت و ئێک هێزا پێشمەرگەی باشترین بژاردەیە
- مانا پارتی وەكو هێزا ئێكێ یا گرنگە بۆ ئاسایش و ئارامییا هەرێما كو
- ب دانانا قەیوومان پرسا کوردی ناهێتە چارەسەرکرن
سهرهكى Facebook
دا تووشى په‌نجه‌شێرێ نه‌بى
ئه‌ڤرۆ:
نوشدارەکا تایبەتمەندا تایوانی یا تایبەتمەند ب ڤەکولینێن پەنجەشێرێ ڤە کو ل زانکۆیێن یابانی دەست ب ڤەکولینان کربوو، پشتی ڤەکولین ل سەر ٣٠ ھزار ژنێن تووشی پەنجەشێرێ بووین کری وەسان دیت کو ئەو ژن گەلەک د ھشیاری ساخلەمی و خوارنا خۆ نەبوون و ل دەمێ دکەڤتنە د عادەیا ھەیڤانە دا سەرێ خۆ دشووشتن و تشتێن گران و ب سەنگ رادکرن و ڤەخوارنێن تەزی ڤەدخوارن و ئەڤە دبوونە ئەگەر کو ھێکێن وان ب دروستی ل ھێلدانکێ دەرنەکەڤن و ئەوا مایی دبوو کەرستەیێن ژەھراوی و ھەڤسەنگیا ھورمونان تێک ددا و ئەڤە دبوو ئەگەرێ تووشبۆنا وان ب پەنجەشێرا مەمکان و ھێلدانکێ و ئەو ڤەکولەر دبێژیت خوارنا زەرزەواتی و نەشووشتنا پرچێ ب دەمێ عادەیێ دا و ھەکە خوین بەربوون ھەبیت پێدڤیە زوو پشکنینا خۆ بکەت و گەلەک ڤەخوارنێن تەزی ڤەنەخۆت.
زارۆيه‌كى ب ده‌هان مالپه‌رێن داعش هاككرن
ئه‌ڤرۆ نيوز:
زارۆيه‌كێ مسرى ب ناڤێ ئه‌حمه‌د خۆلى يێ 12 سال شيا چه‌ندين مالپه‌رێن ناڤدار و گرنگێن چه‌كدارێن داعش هاك بكه‌ت ب به‌هانه‌يا وێ چه‌ندێ كو ديمه‌نێ ئيسلامێ كرێت دكه‌ن.
ئه‌ڤى گه‌نجى بۆ “اليوم السابع” يا مسرى گۆت: “ئه‌ڤه دو ساله ئه‌و فێرى كارێ هاككرنێ بووى و نوكه گه‌هشتيه ئاسته‌كێ گه‌له‌ك پێشكه‌فتى”.
زێده‌تر گۆت: “ئه‌ڤه ماوه‌كه كار ل سه‌ر مالپه‌رێن فه‌رميێن داعش دكه‌م و شيايمه چه‌ندين مالپه‌رێن وان يێن ب ناڤێ ئيسلام ئون لاين و مينبه‌ر جيهادى و لاپه‌رێ شێخ محه‌مه‌د حه‌سان و مينه‌رێ جيهادى يێ باژێرێ فه‌لۆجه و گه‌له‌كێن دى كو مه‌نترين ئه‌و مالپه‌رێن ناڤدارێن داعشن يێن زيانێ دگه‌هيننه مسرى و عه‌ره‌بان و جيهانا ئيسلامى”.
ئاماژه ب وێ چه‌ندێ ژى كريه كو خودانێن ئه‌ڤان په‌يچان گه‌له‌ك گه‌ف لێ كرينه، به‌لێ ئه‌و گرنگيێ پێ ناده‌ت و خێزانا وى پشته‌ڤانيا وى دكه‌ت بۆ ڤان ره‌نگه كاران ب ره‌نگه‌كى كو ئه‌ڤه تێكدانا ناڤێ ئيسلامێ دكه‌ن.
ره‌وشا سه‌قايێ سوبه‌هى
ئه‌ڤرۆ نيوز:
رێڤەبەریا گشتیا کەشناسیێ ل ھەرێما کوردستانێ راگەھاند کو سوبەھی ئه‌سمان دێ ئه‌ور بيت و هنده‌ك باران دێ ل هنده‌ك ده‌ڤه‌ران باريت و توز ژى دێ په‌يدا بيت و ل ده‌مێن دره‌نگێن شه‌ڤێ دێ ره‌وش ئاسايى بيته ڤه.
پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئەنجامێ فشارێن نزمێن ئێكگرتيێن ده‌ريا سپى و نيمچه دورگه‌يا عه‌ره‌بى بۆ سەر ھەرێما کوردستانێ ئەو پێشبینی دکەن کو سوبەھی رێکەفتی 11ى نيسانا 2015ێ ئه‌سمان دێ ئه‌ور بيت و هنده‌ك باران دێ ل هنده‌ك ده‌ڤه‌ران باريت و توز ژى دێ په‌يدا بيت و ل ده‌مێن دره‌نگێن شه‌ڤێ دێ ره‌وش ئاسايى بيته ڤه.
رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلا گەرماتیێ دێ هێته خوار وه‌كو هه‌ڤبه‌ركى ل گه‌ل رۆژێن به‌رى نوكه ب رەنگەکی د ناڤبەرا 21 بۆ 11 دا.
ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ ل باكورێ رۆژئاڤا بیت ب رەنگەکی دێ يێ ناڤه‌ندى بیت د ناڤبەرا 20 بۆ 30 کلم د دەمژمێرەکێ دا و ماوێ دیتنێ ژی دێ 8 بۆ 10 کلم دا بیت.
بايك: ئێدى شه‌رێ توركيا ناكه‌ين
ئه‌ڤرۆ نيوز:
جه‌ميل بايك رادگه‌هينيت كو ئێدى ئه‌وان دڤێت د رێيا دانوستاندنێ دا بگه‌هنه چاره‌سه‌ريه‌كا ئاشتيانه.
جه‌ميل بايك، هه‌ڤسه‌رۆكێ كۆنسه‌يا رێڤه‌به‌ريا كۆما جڤاكێن كوردستانێ “كه‌جه‌كه” د داخۆيانيه‌كێ دا گۆت: “ئێدى مه نه‌ڤێت ل توركيا شه‌رى بكه‌ن، شه‌ر كرن به‌سه، چونكو نه مه و نه‌ژى توركيا د رێيا وى شه‌رى دا چو ئه‌نجام ب ده‌ست ڤه نه‌ئينان”.
زێده‌تر دبێژيت: “نوكه هه‌تا راده‌كى كاودان د باشن، ئه‌ڤه ژى پشتى ده‌سپێكرنا دانوستاندنێن ئاشتيێ ل گه‌ل حوكمه‌تا ئه‌نقه‌ره، چونكو دڤێت د رێيا دانوستاندنێ دا بگه‌هنه رێيه‌كا چاره‌سه‌ريا ئاشتيانه”.
بۆ جارا ئێكێ مسرێ ب فرۆكان هێرش كره سه‌ر چه‌كدارێن حوسى
ئه‌ڤرۆ نيوز:
ئاخفتنكه‌رێ ب ناڤێ باهۆزا راپێچانێ ئاشكه‌را كر كو فرۆكێن شه‌رى يێن وه‌لاتێ مسرێ د چارچۆڤێ هه‌ڤپه‌يمانيا باهۆزا راپێچانێ دا بۆ جارا ئێكێ هێرش كره سه‌ر بنگه‌هـ و جهێن چه‌كدارێن حوسى ل يه‌مه‌ن.
ئه‌حمه‌د عسيرى، ئاخفتنكه‌رێ ب ناڤێ باهۆزا راپێچانێ د كۆنگره‌كێ رۆژنامه‌ڤانى دا ل رياز يا پايته‌ختێ سعوديێ ئه‌نجام دا و راگه‌هاند كو چه‌كدارێن حوسى ل چه‌ند ده‌ڤه‌رێن يه‌مه‌ن هاتينه ئابلۆقه‌دان و نوكه روو ب روو چاره‌نڤيسێ خوه دبن.
ئاماژه ب وێ چه‌ندێ ژى كر كو دوهى 9ى نيسانا 2015ێ بۆ جارا ئێكێ فرۆكێن شه‌ركه‌رێن وه‌لاتێ مسرێ د چارچۆڤێ هه‌ڤپه‌يمانيا باهۆزا راپێچانێ هێرش كره سه‌ر بنگه‌هـ و جهێن چه‌كدارێن حوسى ل يه‌مه‌ن.
خۆيا ژى كر كو نوكه فرۆكێن شه‌ركه‌رێن هه‌ڤپه‌يمانيێ په‌يوه‌ندى د ناڤبه‌را چه‌كدارێن حوسى دا ل يه‌مه‌نێ بڕينه.
ڤيديۆ: بارزانى به‌حس ل ماوێ سه‌رۆكاتيا خوه و شه‌رێ ل گه‌ل داعش دكه‌ت
ئه‌ڤرۆ نيوز:
سه‌رۆكێ هه‌رێما كوردستانێ د ديداره‌كێ دا ل گه‌ل كه‌نالێ ئاى ئێم جه يێ توركى به‌حس ل درێژكرنا ماوێ سه‌رۆكاتيێ دكه‌ت و قه‌بوول ناكه‌ت كو ماوێ سه‌رۆكاتيێ بهێته درێژكرن و ئاماژێ ب وێ چه‌ندێ دكه‌ت كو پێدڤيه ب قانوون بهێته رێكخستن.
ئاماژه ب وێ چه‌ندێ ژى ژى كريه كو سنورێ 1500 كيلۆمه‌تران هێزێن پێشمه‌رگێ كوردستانێ يێ شه‌رێ چه‌كدارێن داعش دكه‌ن و شياينه سه‌ركه‌فتنه‌كا باش ب ده‌ست خوه ڤه بينن.
داعش بۆ ئه‌گه‌ر سه‌ركردێن عیراقێ ئێك بگرن
ئه‌ڤرۆ نیوز:
جو بایدن جێگرێ سه‌رۆكێ ئه‌مریكا ئه‌ڤرۆ راگه‌هاند داعش بوو ئه‌گه‌ر كو سه‌ركردێن عیراقى د شه‌ره‌كێ هه‌ڤپشك دا ئێك بگرن ب تایبه‌ت پشتى كو داعش خیلافه‌تا خوه ل باكوورێ عیراقێ راگه‌هاندى.
جو بایدن جێگرێ سه‌رۆكێ ئه‌مریكا د په‌یڤه‌كێ دا ل زانكۆیا به‌ره‌ڤانیا نیشتمانى ل واشنتون گۆت: داعش ل عیراقێ شیانێن خوه یێن ژ ده‌ستداى و ل پرانیا جهان یێن تووشى شكه‌ستنێ بووین.
فێربوونا مه‌له‌ڤانیێ ل وه‌لاته‌كى دبیته نه‌چارى
ئه‌ڤرۆ نیوز:
وه‌لاتێ بنگلادش فێربوونا مه‌له‌ڤانیا ل قوتابخانان كریه نه‌چارى ب ئارمانجا رزگاربوونا هزاره‌هان زارۆیان ژ خه‌ندقینێ.
ل گور ئامارێن نه‌ته‌وێن یه‌كگرتى سالانه 18 هزار زارۆ د ژیێ 5 بۆ 17 سالیێ دا، ل بنگلادش دخه‌ندقن، ژبه‌ر كو مه‌له‌ڤانیێ نزانن.
ناسر ئیسلام وه‌زیرێ په‌روه‌ردا بنگلادش راگه‌هاند وان رێنماییى بۆ قوتابخانان هنارتینه كو بركێن ناڤخویى و مه‌له‌ڤانگه‌كان بۆ فێربوونا زارۆیان ب مه‌له‌ڤانیان بهێنه ڤه‌كرن.
په‌رله‌مانتاره‌ك: بلا پێشمه‌رگه پشكداریێ د شه‌رێ مووسل دا نه‌كه‌ت
نيشاندان
WP Facebook Auto Publish Powered By : XYZScripts.com