ئه‌ڤرۆ نيوز:

لۆيسل ئه‌نريكى، راهێنه‌رێ يانا به‌رشه‌لۆنا يا كه‌ته‌لۆنى، داخواز ژ ياريكه‌رێن به‌رشه‌لۆنا كر كو ژ يانێ ب جهـ نه‌هێلن و ب تايبه‌ت چاڤى ئه‌وێ دڤێت يانێ بجهـ بهێليت.

ئێنريكى دده‌ته‌ زانين كو ئه‌و گه‌له‌ك دخوازيت چاڤى هێرناندێز بمينيته‌ ل يانا كه‌ته‌لۆنى و دخوازيت چو ياريكه‌ر ژى يانێ ب جهـ نه‌هێلن و دده‌ته‌ زانين كو ل دووماهيێ ژى دێ حه‌زا چاڤى بڕيارێ ل سه‌ر مان يان نه‌مانا وى ياريكه‌رى ده‌ت.

لويس ئه‌نريكى بۆ رۆژنامه‌ڤانان گۆت: “كه‌ته‌لۆنى هه‌موو حه‌ز ژ چاڤى هێرناندێز دكه‌ن و هه‌موو ئه‌و كه‌سێن حه‌ز ژ ته‌پا پێى ژى دكه‌ن”.

به‌رى نوكه‌ چاڤى چاڤ ب يانا سه‌د يا قه‌رى كه‌فت بوو و ل گه‌ل به‌رپرسێن وێ يانێ كۆمبوو ب مه‌ره‌ما چوونا ناڤ رێزێن وێ و دووماهى ئينان ب كاروانێ خوه‌ يێ وه‌رزشى.

ئەڤرۆ:
یاریێن گەرا نوزدێ یێن خولا ھەرێما کوردستانێ یا تەپا پێ بو یانێن پلا نایاب بریارە ل روژێن پێنجشەمی و ئەینی بھێنە کرن ب ئەنجامدانا شەش یاریان و ژ گرنگترین یاریێن ڤێ گەرێ دێربیا ھەرێما کوردستانێ د ناڤبەرا یانا دھوک و ھەولێر ل یاریگەھا یا ئێکێ.
ل یاریگەھا یانا دھوک یا وەرزشی ل روژا ئەینی تیما تەپا پێ یا یانا دھوک ئەوا بەری دو حەفتیان سەرکێشی ژ دەست دای دێ بزاڤێن مفا وەرگرتنێ ژ ئەرد و جەماوەرێ خوە بکەت پێخەمەت تومارکرنا سەرکەفتنێ و ڤەگەراندنا سەرکێشیا سەرێ لیستا خولێ ژ یانا نەوروز ئەوا دێ د یاریێن ڤێ گەرێ دا یا چاڤەرێ بیت.
ژلایەکێ دووڤە تیما تەپا پێ یا یانا زێرەڤانی ل روژ پێنجشەمی دێ بزاڤێن ساخکرنا برینێن خوە یێن یاریێن بوری کەت و ھەلویستێ خوە ب ھێز بێخیت دەمکێ مێڤانداریا یانا برایەتی خودانا رێزا دەھێ دکەت ئەوا ژلایێ خوەڤە دێ کار کەت ب کێماسی ب خالەکێ ژ یاریگەھا زێرەڤانی دەرکەڤیت داکو ژ یانێن دێ داکەڤن دوورکەڤیت.
د یاریێن ڤێ گەرێ دا ئەرکێ نوونەرا سیێ یا پارێزگەھا دھوکێ یانا زاخۆ یێ ب ساناھی نابیت دەمێ دبیتە مێڤانا یانا پێشمەرگە یا سلێمانیێ ل یاریگەھا وێ چونکو خودانا یاریگەھێ یا د مەترسیا داکەفتنێ دا و دێ ھەمی شیانا مەزێخیت خوە قورتال بکەت و تنێ ئارمانجا وێ سەرکەفتنە و ب ھەمان شێوە یانا زاخۆ ژی داکو ژ یانێن پێشیا لیستێ دوورنەکەڤیت.
ژ یاریێن دی یێن ڤێ گەرێ شێروانە د گەل کەرکوک، ئاراران دێ مێڤانداریا ھندرین کەت و پێشمەرگا ھەولێر د گەل سلێمانی.

ئەڤرۆ نیۆز، قەیس ئیسماعیل:

راھێنەرێ ئێکەتیا تەنسا ئەردی ل ھەولێرێ و کوڕێ پارێزگەھا دھۆکێ نوکە یێ پشکدارە  د خۆلا Level 1 ئەوا تایبەت ب راھێنەرین تەنسا ئەردی یێن دەستپێکێ و ماوێ خۆلێ 10 رۆژن و شەمبیێ تاقیکرنا دووماھیێ بۆ ھەموو راھێنەرێن پشکدار د خۆلێ دا.

راھێنەرێ گەنچ ب تنێ ژ کۆردستانێ ب رێيا ئێکەتیا عیراقێ یا تەنسا ئەردی پشکداری د خۆلی دا کریە و ھەموو مەزاختیێن ھاتنوچوونێ ل سەر کیستێ وی نە بەرامبەر راھێنەرێن وەلاتێن دێ ل سەر کیستێ ئێکەتێن خوه‌ ھاتینە.

ئالان کۆ پێشتر ئێک ژ یاریکەرێن زێرەک بوو ل پارێزگەھا دھۆک گۆت: “پشکدارێن ڤێ خۆلێ ژ وەلاتێن -ئوردن، عومان، عه‌ره‌بستانا سعودی، قەتەر، ئەفغانستان و تورکمانستان- ھاتینە بۆ پشکداریێ”.

راھێنەرێ ھەلبژارتیێ ھەولێرێ تیشک خستە ل سەر ئاستێ خۆلێ و گۆت: “خولەکا ب ھێزە زۆر وھەموو راھێنەر د گەنجن و یاریزانێن ھەلبژارتیێن وەلاتێن خوه‌ نە و پشکداری د قارەمانیا دیڤز کاپ دا کریە و من مفایەکی مەزن ژ ڤێ خۆلی دیتیە و پیزانێن باش تێدانە وانەیێن خۆلێ ژ لایێ ئەمیر بۆرگی پەرپرسێ پێشڤەبرنا تەنسێ ل رۆژھەلاتا ناڤین دھێنە گۆتن”.

ل دووماھیێ ناڤبری دیارکر بۆ پێشڤەبرنا ئاستێ خوه‌ ئەو یێ بەرھەڤە پشکدارێ د ھەموو خۆلێن راھێنانا دا بکەت بۆ خزمەتا تەنسا پارێزگەھێ.