ئه‌ڤرۆ:
گەلەک کەس تووشی بەرسوژا مەعیدەی دبن کو وەکو سوتنەکێ دکەڤیتە سینگێ مرۆڤی، ھەکە تە ئەڤ حالەتە ھەبیت ئەڤ چەند پێنگاڤن بۆ چارەکرنا وێ:
پشتی خوارنا زادەکێ گران یان خوارنەکا بلەز دبیت تو تووشی بەرسوژێ بی، ئەڤ بەرسوژە ژی ژ ئەنجامێ بەردانا گەلەک تڕشاتیانە ژ مەعیدەی. لەورا پێدڤیە تو شێوازەکێ نوویێ ژیانێ پەیرەو بکەی، و ب ڤی شێوەی:
* ئێکسەر پشتی خوارنێ خوە درێژ نەکە یان ھەتا پشتی سەعەتەکێ ژی نە نڤە.
* ل گەل خورانا پاریێ دووماھیێ سینگێ خوە نە چەمینە.
* دڤێت تو وان خوارنا بنیاسی یێن ب کێر مەعیدێ تە دھێن، وەکو سیھێک و تڕشی و خوارنێن ب روون و قەھوە و تڕشاتی و باجانسۆرک و پوینگ.
* دەست ژ جگارەکێشانێ بەردە چونکو تویتن بەرسوژێ زێدە دکەت.
* پرسیارا نۆشداری بکە چونکو ھندەک دەرمان بەرسوژێ چێدکەن وەکو ئەسپرین و دەرمانێن ھەودانان.
دەمێ تو تووشی بەرسوژێ دبی ھندەک دەرمانێن دژە بەرسوژ ھەنە دڤێت تو تاقیبکەی، ئەو دەرمان وان تڕشاتیێن مەعیدە بەرددەت رادگریت بەلێ کارتێکرنا وان گەلەک ڤەناکێشیت، لەورا ھندەک جاران دێ پێدڤی بی پتر ژ جارەکێ بخوی پشتی سەعەتەکێ یان دویان ژ خوارنێ یان دەمێ بەرسوژ دھێتە تە، ئەڤ دەرمانە ناھێلن ھندەک دەرمانێن دی دروست کار بکەن لەورا ھەکە تە ھندەک دەرمانێن دی ھەبن کو بۆ نەخۆشیەکا دی بکاردئینی پێدڤیە پشتی دو سەعەتان ژ نوی بکار بینی.
نيشاندان