NO IORG
Facebook

ئەڤرۆ:
رێڤەبەرێ گەنجینا ھەرێما کوردستانێ راگەھاند کو ئەو ئەڤرۆ دێ دەست ب بەرھەڤکرنا لیستا مووچێ ھەیڤا 11 یێ وەزارەت و فەرمانگەھێن ھەرێمێ کەن و گۆت: (د ڤێ حەفتیێ دا، مووچێ ھەیڤا دەە یێ ھەشت وەزارەتا ھژمارەکا دەزگەھان دێ ھێتە دان).
ئوسمان سالح دیار کر کو رۆژێن 7 و 12 ڤێ ھەیڤێ، ئەو دێ ھەموو وەزارەتان ئاگەھدار کەن کو لیستێن مووچێ ھەیڤا 11 بەرھەڤ بکەن و بۆ وان بھنێرن دا کو ھووربینی تێدا بھێتە کرن و بەرھەڤ ببن و ھەر دەمێ ئەو ژ ئالیێ وەزارەتا دارایی ڤە ھاتنە ئاگەھدار کرن، ئێکسەر مووچێ ھەیڤا 11 بەلاڤ بکەن و گۆت: (بۆ بەلاڤکرنا دو موچان پێکڤە یان ل دووڤ ئێک ئەم د بەرھەڤین و ھەتا دکارین رۆژێن ئەینی و شەمبی ژی دەوامێ بکەن).
ناڤھاتی ئاشکرا ژی کر کو وەزارەتا دارایی بۆ دابینکرنا مووچێ فەرمانبەران، پێدڤی 850 ملیار دیناران ھەیە.

90

هندی ببیت راتبێ پێشمه‌رگه‌ی 500 دۆلاره‌ بلا 600 بیت بلا 700 دۆلار بیت، لێ راتبێ ئه‌ندام په‌رله‌مانی چه‌نده‌ 2000 دۆلار؟ 3000 دۆلار؟ 4000 دۆلار؟ 5000 دۆلار؟ گه‌لی خه‌لكی كێ پتر زه‌حمه‌تێ دبه‌ت؟ كی ده‌هێته‌ كوشتن؟ كی ب هه‌یڤان مالا خوه‌ نابینیت؟ كی ترومبێلا لاو هه‌یه‌؟ كێ كۆچك و خانێ لاو هه‌یه‌؟ كێ پتر یێ ب قه‌دره‌؟ كی ژ وان خه‌ لك پتر حه‌ز ژێ دكه‌ت؟ چ بوو مه‌لاقی چبوو به‌رژه‌وه‌ندی چ بوو هه‌ژاری هه‌ر ئه‌ندام په‌رله‌مانه‌. مانه‌ ئه‌ڤ خالێن من دیار كرین ئه‌ندام په‌رله‌مان یێن خانیێن خۆش ڤه‌ راتبێ وی گه‌له‌كه‌ حیمایه‌ت یا ب دووڤ ڤه‌ ترومێله‌كا لاو به‌س پا پێشمه‌رگه‌ شه‌ڕی دكه‌ت ده‌هێته‌ كوشتن، خانی نینن، مووچه‌ نینه‌، ترومبێل نینه‌، دووری زارۆیێن خوه‌ یه‌، بۆچی ما ئه‌گه‌ر چنه‌؟ ما حوكمه‌ت ڤی پێشمه‌رگه‌ی نابینیت؟ یێ خوه‌ بده‌ته‌ كوشتن، هه‌ر چو نه‌بیت بلا مافێ وی ژی بهێته‌ دابینكرن و به‌لانسه‌كا ب وژدان هه‌بیت، ما حوكمه‌ت و سه‌رۆكاتی ڤی پێشمه‌رگه‌ی نابینیت؟ ما بۆچی دێ راتبێ پێشمه‌رگه‌ی چار وه‌ره‌قه‌ بن حه‌تا حه‌فت وه‌ره‌قێن دۆلاری و یێ ئه‌ندام په‌رله‌مانی 50 وه‌ره‌قه‌ بن، به‌لكی زێده‌تر ژی مانه‌ كوفره‌ مانه‌ عه‌داله‌ته‌ هیڤیدارین پێشمه‌رگه‌ ژ ئه‌ندام په‌رله‌مانی مه‌زنتر بیت وه‌ك چاڤلێكرن نه‌ به‌س ب ناڤ ودرووشم (بژیت پێشمه‌رگه‌.. دلێ مه‌ پێشمه‌رگه‌.. رحا مه‌ پێشمه‌رگه‌.. ئه‌ڤه‌ هه‌می مه‌لاقی یه‌ پا دێ راتبێ پێشمه‌رگه‌ی هندی یێ ئه‌ندام په‌رله‌مانی بیت و ترمبێلا وان مۆنیكا بیت وه‌كی ئه‌ندام په‌رله‌مانی گه‌له‌ك گه‌له‌ك زه‌حمه‌تێ دبه‌ت، ئه‌ز هیڤیدارم ژ سه‌رۆكی و حوكمه‌تێ نه‌ به‌س هه‌ما ئه‌م مه‌دحێن پیشمه‌رگه‌ی بكه‌ین ل ده‌ف نه‌خێر كریار ژی و دووماهی ئاخفتنا من یان داخوازیا من پێشمه‌رگه‌ هه‌می ب خانی بكه‌ڤن نه‌ ئه‌ندام په‌رله‌مان قه‌سر و مۆنیكا بكه‌ڤن و راتبێ ئه‌ندام په‌رله‌مانی نه‌ ده‌نێ هه‌تا پێشمه‌رگه‌ راتبێ خو وه‌ردگریت و راتبێ پێشمه‌رگه‌ی ژ هه‌ر كه‌سه‌كی زێده‌تر بیت.

ئه‌ڤرۆ نيوز، نيوار محه‌مه‌د سه‌ليم:

د كۆنگره‌كێ رۆژمه‌ڤانى دا ئه‌ڤرۆ رۆژا پێنجشه‌مبى ل وه‌زاره‌تا خواندنا بلند و ڤه‌كۆلينێن زانستى د. كه‌ريم سالح شيره‌تكارێ وه‌زاره‌تێ، ئه‌نجامێن وه‌رگرتنا قوتابيان ل زانكۆ و په‌يمانگه‌هان ئاشكه‌را كرن و گۆتژى: “بۆ ئه‌ڤ ساله‌ 30 هزار و 653 قوتابى ل زانكۆ و په‌يمانگه‌هان هاتينه‌ وه‌رگرتن”.

زێده‌تر گۆت: “يێن زانستى 18 هزار و 452 قوتابى هه‌بوون، رێژا 12 هزار و 201 قوتابى هاتينه‌ وه‌رگرتن و كێمترين نمره‌ يا وه‌رگرتنێ ژى 61.57 بوويه‌ و بۆ ئه‌ده‌بى ژى 63.57 پله‌”.
د. كه‌ريم سالح ئه‌و ژى ئاشكه‌را كر كو ژبلى ڤان ناڤان ژى 1397 قوتابيان ناڤێن وان نه‌هاتينه‌ و ژ ئه‌گه‌رێ كێشێن ته‌كنيكى و ب ڤێ چه‌ندێ ژى سه‌رجه‌مێ گشتى يێ ئه‌ڤێن هاتينه‌ وه‌رگرتن 32 هزار و 279 قوتابى نه‌، ئانكو 80.36% قوتابيێن پێشكێش كرى ناڤێن وان يێن هاتين، ئه‌ڤێن دمينن ژى 16 هزار قوتابى نه‌ كو زانكۆيێن تايبه‌ت دێ داخوازا وه‌رگرتنێ كه‌ن”.
د. كەریم ساڵح راوێژكار لەوەزارەتی خوێندنی باڵا وتی: “سەعات 8ی ئێوارەی ئەمڕۆ ناوەكان بڵاو دەكرێنەوە”.
ئاماژه‌ ب وێ چه‌ندێ ژى كر كو ژ رۆژا شه‌مبى رێكه‌فتى 6\12 هه‌تا 11\12 پێدڤيه‌ قوتابى سه‌ره‌دانا كولبژ و په‌يمانگه‌هان بكه‌ن و هه‌موو كارێن خوه‌ ئه‌نجام بده‌ن و يێن نه‌رازيبوون ژى هه‌ين پێشكێش بكه‌ن و رۆژا 13\12 دێ ده‌ست ب ده‌واما فه‌رمى هێته‌ كرن.
ئاشكه‌را ژى كر كو قوتابيێن ده‌ڤه‌رێن كوردستانى دێ ب سيسته‌مه‌كێ جودا ل زانكۆ و په‌يمانگه‌هان هێنه‌ وه‌رگرتن.
بۆ زانينا جهێ لێ هاتيه‌ وه‌رگرتن ڤێره‌ كليك كه‌.

ئه‌ڤرۆ نيوز، ملله‌ت جه‌مال:

سه‌رۆكێ يانا دهۆك د كۆمبوونه‌كێ دا ل گه‌ل ياريكه‌رێن پشكدار د خولا نايابا عيراقێ دا راگه‌هاند كو ئه‌وان شيان نينن، گرێبه‌ستێن ياريكه‌ران دابين بكه‌ن و هه‌ر كه‌سێ حه‌ز ل سه‌ر چوونێ هه‌بيت ئه‌و دێ ره‌زامه‌نديێ ده‌نێ و ب ڤێ چه‌ندێ ژى ياريكه‌رێن بيانى خوه‌ ل تيمێ نه‌كره‌ خودان.

ئه‌ڤرۆ ئێڤارى سه‌رۆكێ يانا دهۆك سه‌عيد ئه‌حمه‌د ل گه‌ل ياريكه‌رێن يانا دهۆك يێن پشكدار د خولا نايابا عيراقێ دا روونشت و راگه‌هاند كو ئه‌وان شيانێن دابينكرنا گرێبه‌ستێن ياريكه‌ران نينن، يێ ڤيا بلا بمينيت و يێ نه‌ڤيا ژى ده‌رگه‌هێ يانێ ل به‌رامبه‌ر يێ ڤه‌كرى يه‌ و ئه‌و دێ ره‌زامه‌ندى و ده‌سته‌به‌رداريێ پێش كێش كه‌نێ.

پشتى گۆتنێن سه‌رۆكێ يانێ، ب تنێ ياريكه‌رێن كورد د رازى بوون ل گه‌ل يانێ بمينن و هه‌ر ئێك ژ ياريكه‌ران؛ سه‌لاح سه‌دير، عه‌لى سه‌عيد، ئه‌نيست ئينگا، ئه‌حمه‌د دونى، عه‌بدولناسر حه‌سه‌ن، بورهان سه‌هيونى و عوده‌يى تالب رێزێن تيمێ بجهـ هێلان.

لۆگۆيێ ئێكه‌تيا زانايێن ئاينێ ئيسلامێ ل هه‌رێما كوردستانێ

ئه‌ڤرۆ نيوز:

پشكه‌ك ژ مامۆستايێن ئاينى يێن سه‌ر ب ئێكه‌تيا زانايێن ئاينى ل حوكمه‌تا هه‌رێما كوردستانێ د به‌ياننامه‌كا نه‌رازيبوونێ ل سه‌ر قانوونا بارێ كه‌ساتى ل كانتۆنا جه‌زيرێ ل رۆژئاڤايێ كوردستانێ ده‌ربڕى.

ب گۆره‌يى ڤێ راگه‌هاندنا ئێكه‌تيا زانايا كو وێنه‌ك بۆ ئه‌ڤرۆ نيوز هنارتيه‌، تێدا هاتيه‌: “مخابن ئه‌م وه‌كو پشكه‌ك ژ زانايێن ئاينى ئيسلامێ ل هه‌رێما كوردستانێ تووشى شووك بووين ژ به‌لاڤكرنا ده‌قێ قانوونا بارێ كه‌ساتى يا هژمار 22 يا سالا 2014 يا كانتۆنا جه‌زيرێ، كو چه‌ند برگه‌ ژ وێ قانوونێ ل گه‌ل ده‌قێن ئاينێ پيرۆزێ ئيسلامێ ناگۆنجن كو ب شانازى ڤه‌ ئاينێ پتريا خه‌لكێ كوردستانا مه‌زنه‌، ئه‌ڤه‌ ژبلى برينداركرنا هه‌ست و نه‌ستێ ئه‌وان، د هه‌مان ده‌م دا ده‌ربڕينا زێده‌تر ژ مليار موسلمانێن جيهانێ يه‌.

ده‌قێ به‌يانناما ئێكه‌تيا زانايێن ئاينێ ئيسلامێ:
به‌یاننامه‌ی دەسته‌یه‌ك له‌ زانایانی هه‌رێمی كوردستان

سه‌ باره‌ت به‌یاسای باری كه‌سی كانتۆنی جه‌زیره‌ له‌ كوردستانی رۆژئاوا

به‌ڕێزان /

– سه‌رۆك و ئه‌نجومه‌نی كانتۆنی جه‌زیره‌

– سه‌رۆكی هه‌رێمی كوردستان

– سه‌رۆكی حكومه‌تی هه‌رێمی كوردستان

– سه‌رۆكی په‌رله‌مانی كوردستان

– سه‌رۆك و ئه‌ندامانی لێژنه‌ی ئه‌وقاف له‌په‌رله‌مانی كوردستان

– یه‌كێتی زانایانی كوردستان

ئێمه‌ وه‌ك ده‌ سته‌ یه‌ك له‌ زانایانی هه‌رێمی كوردستان ،له‌ گه‌ڵ پشتیوانیمان بۆ داخوازیه‌ كانی گه‌لی كوردمان له‌رۆژئاوای كوردستان وه‌ دوپات كردنه‌وه‌ی ئیدانه‌مان بۆ هێرشه‌ ناڕه‌واكانی گروپی توند ڕه‌وی داعش بۆسه‌ركانتۆنه‌كانی رۆژئاوئای كوردستان ، كه‌ ئه‌و هیرشانه‌ به‌جۆرێ هه‌رێمی كوردستان و سه‌رجه‌م ده‌زگا فه‌رمیه‌كان و هێزی پێشمه‌رگه‌ی كوردستان و لایه‌نه‌ سیاسیه‌كان و وزانایانی ئایینی و جه‌ماوه‌ری موسڵمانی هه‌رێمی كوردستانی خسته‌ باری نائاسایی و ، گشت تواناو ئیمكانیاتی خۆیان بۆ برایانمان له‌كانتۆنی كۆبانی  خسته‌ گه‌ڕو یارمه‌تی به‌ رچاوی ئاواره‌كان درا كه‌ به‌ئه‌ركیكی  ئاینی و نه‌ته‌وایه‌تی خۆمانی ده‌زانیین و منه‌تیان له‌سه‌ر ناكه‌ین . به‌ڵام به‌داخه‌وه‌ ئێمه‌ وه‌ك به‌شێك له‌زانایانی ئاینی ئیسلام له‌هه‌رێمی كوردستان توشی شۆك بووین به‌بڵا وكردنه‌وه‌ی ده‌قی یاسای باری كه‌سی ژماره‌(22)ساڵی (2014)ی كانتۆنی جه‌زیره‌ كه‌چه‌ند بڕگه‌یه‌ كی ئه‌و یاسایه‌ دژو ناكۆكه‌ له‌گه‌ڵ ده‌قه‌كانی ئاینی پیرۆزی ئیسلام كه‌ به‌شانازیه‌وه‌ ئاینی زۆرینه‌ی دانیشتوانی كوردستانی گه‌وره‌یه‌ ، ئه‌مه‌ جگه‌ له‌ برینداركردنی هه‌ست و نه‌ستی ئه‌وان له‌هه‌مان كاتدا برینداركردنی هه‌ستی زیاتر له‌ ملیارێك موسڵمانی جیهانه‌ ، بۆیه‌ لێره‌وه‌ ئه‌م ڕونكردنه‌وه‌ یه‌ ده‌خه‌ینه‌ روو له‌سه‌ر ئه‌م یاسایه‌ .

یه‌كه‌م /له‌م یاسایه‌ بڕگه‌كانی ( 29،25،24،15،14،13،11،9،2)كه‌ تیێدا ئاماژه‌كراوه‌ به‌یه‌كسانی ره‌های ژن و پیاوو هه‌ڵوه‌شاندنه‌وه‌ی ماره‌یی ئافره‌ت و قه‌ده‌غه‌ كردنی فره‌ژنی و یه‌كسانی له‌ میرات و ته‌ڵاق دا ، دژو ناكۆكه‌ له‌گه‌ڵ ده‌قه‌كانی قورئانی پیرۆزو فه‌رمووده‌ی دروستی پێغه‌مبه‌ر دروودی خوای له‌سه‌ر بێ .

دووه‌م/ئێمه‌ پێمان وایه‌ ئه‌م یاسایه‌ خزمه‌ت به‌دۆزی ره‌وای ڕه‌گه‌زی مێینه‌ ناكات له‌كۆمه‌ڵگا ، به‌ڵكو زیاتر كێشه‌كانی قوڵتر ده‌كاته‌وه‌ .

سێ یه‌م/ ده‌ركردنی ئه‌م یاسایه‌ له‌م هه‌ل و مه‌رجه‌دا خزمه‌ت به‌دۆزی ره‌وای گه‌لی كوردمان له‌رۆژئاوای كوردستان و گشت پارجه‌كانی تری كوردستان ناكات ، كه‌دووژمنانمان چاویان به‌ئازادی و سه‌ربه‌خۆی و سه‌قامگیری خاكه‌كه‌مان هه‌ڵنایێت بۆیه‌ داواده‌كه‌ین كه‌ به‌رپرسانی كانتۆنی جه‌زیره‌ چاو به‌و یاسایه‌دا بخشێنه‌وه‌ و ئه‌و بڕگانه‌ی له‌ گه‌ڵ ده‌قه‌كانی ئایینی پیرۆزی ئیسلام ناكۆكه‌ هه‌موار بكرێته‌وه‌ ، وه‌داوای لێبوردن له‌ جه‌ماوه‌ری گه‌لی كوردستان و گشت موسڵمانانی جیهان بكه‌ن .

هاوپێچی به‌یاننامه‌

1-له‌بڕگه‌ی (2) داهاتووه‌ : یه‌كسانی له‌نێوان ژن و پیاو له‌هه‌موو بواره‌كان ) ئه‌مه‌ دژه‌ له‌گه‌ڵ پڕه‌نسیپه‌ كانی ئاینی ئیسلام كه‌دان به‌جیاوازی نێوان ژن و پیاودا ده‌نێ له‌هه‌ندێ بوار كه‌له‌گه‌ڵ سروشت و پێكهاته‌ی جه‌سته‌یی و ده‌ روونی هه‌ر ڕه‌ گه‌زێك یه‌كده‌ گرێته‌وه‌ .

2-له‌بڕگه‌ی (9) دا : (یه‌كسانی له‌ شایه‌تی ژن و پیاودا)

به‌هه‌مان شێوه‌ ئاینی ئیسلام له‌بواری شایه‌تی یه‌كسانی ره‌ت ده‌كاته‌وه‌ و شایه‌تی ده‌كاته‌ سێ به‌ش:1-هه‌ندێك بوار هه‌یه‌ ته‌نها شایه‌تی پیاو وه‌ رده‌گرێت  وه‌ك شایه‌تی له‌ (الحدود ) و هاوسه‌رگیری و ته‌ڵاق 2- هه‌ندێك جار ته‌نها شایه‌تی ئافره‌ت ده‌خوات وه‌ك شایه‌تی بابه‌تی زاوزێ و له‌دایك بوون 3- هه‌ندێ جاریش هی هه‌ردوولا قه‌بوڵه‌ ،وه‌ك شایه‌تی له‌ گرێبه‌ستی قه‌رزدا.

3-له‌بڕگه‌ ی (11) دا هاتووه‌ : (ماره‌ یی به‌تاڵ ده‌كرێته‌وه‌ ….)ئه‌مه‌ش دژو ناكۆكه‌ له‌گه‌ڵ چه‌ند ئایه‌ت بۆ نمونه‌ :

1- (وَآتُوا النِّسَاءَ صَدُقَاتِهِنَّ نِحْلَةً ) سوره‌ النسا‌ء /4.

2-(.. وَآتُوهُنَّ أُجُورَهُنَّ بِالْمَعْرُوفِ ..) سوره‌ النسا‌ء /25

(اجورهن ) واته‌: (مهورهن ) ماره‌ییه‌كانیان.

4-له‌بڕگه‌ی (13) داهاتووه‌ : قه‌ده‌غه‌كردنی فره‌ژنی :

بێگومان له‌ئیسلامدا فره‌ژنی به‌مه‌رجی خۆی رێگا پێدراوه‌  وه‌ خوای گه‌وره‌ ده‌فه‌رموێت : (فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلَاثَ وَرُبَاعَ..) سوره‌ النسا‌ء /3.

وپێغه‌مبه‌رو یارانیش و پاش ئه‌وانیش تا ئه‌م سه‌رده‌مه‌ فره‌ژنی ئه‌نجام دراوه‌ وه‌ك چاره‌ سه‌ر بۆ قه‌یرانی كۆمه‌ڵایه‌تی بۆیه‌ بۆ هیچ كه‌س و لایه‌ن و یاسایه‌ك نیه‌ قه‌ده‌غه‌ی بكات .

5-له‌بڕگه‌ی (14) داهاتوو ه‌كه‌ :هه‌ردوولا مافیان هه‌یه‌ داوای جیابونه‌وه‌ بكه‌ن و ناكرێ جیابوونه‌وه‌ به‌ئیراده‌ی تاك لایه‌نه‌ بێت .

ئه‌مه‌ش دژه‌ به‌چه‌ندین ئایه‌ت و فه‌ردووده‌ و مێژووی فیقهی ئیسلامی كه‌ مافی جیابوونه‌وه‌  به‌بێ ره‌زا مه‌ندی  ئافره‌ت ده‌دات به‌ پیاو له‌هه‌مان كاتدا مافی داوای جیابوونه‌وه‌ به‌ئافره‌ت ده‌دات گه‌ر پاساوی شه‌رعی هه‌بوو .

6-له‌بڕگه‌ی (15) دا هاتووه‌ : یه‌كسانی ژن وپیاو له‌میراتدا .

ئه‌مه‌ش دژی چه‌ندین ئایه‌تی قورئان و فه‌رمووده‌ی پێغمبه‌ر و كۆده‌نگی زانایانی ئیسلامه‌ ،وه‌له‌ ئیسلامدا هه‌نیِ جار پیاو له‌ ئافره‌ت زیاتر ده‌بات و وه‌هه‌ندێ جار ئافره‌ت له‌ پیاو وه‌ هه‌ندێ جاریش به‌یه‌كسانی وه‌ كوخوای گه‌وره‌ ده‌ فه‌رموێت: ( لِلرِّجَالِ نَصِیبٌ مِمَّا تَرَكَ الْۆالِدَانِ ۆالْأَقْرَبُونَ ۆلِلنِّسَا‌وِ نَصِیبٌ مِمَّا تَرَكَ الْۆالِدَانِ ۆالْأَقْرَبُونَ مِمَّا قَلَّ مِنْهُ أَوْ كَپُرَ  نَصِیبًا مَفْرُوچًا )سوره‌ النسا‌ء:7. لێره‌ده‌ خوای گه‌وره‌ بابه‌تی میراتی به‌داد په‌روه‌ری دابه‌ش كردوه‌ نه‌ك یه‌كسانی .

7-له‌بڕگه‌ی (24)دا هاتووه‌ :هاوسه‌رگیری كچان له‌ژێر 18 ساڵی قه‌ده‌غه‌یه‌ !!

ئه‌م بڕگه‌یه‌ به‌ر له‌وه‌ی له‌گه‌ڵ ئاینی ئیسلامدا ناكۆك بێت له‌گه‌ڵ ئه‌و ئازادی و یه‌كسانیه‌ی مافی ژن و پیاواندا یه‌ك ناگرێته‌وه‌ ، چونكه‌ گه‌ر كوڕ بالغ بوو به‌پێ ی ئه‌م بڕگه‌یه‌ بۆی هه‌یه‌ ژن بێ نێ به‌ڵام كچ بۆی نیه‌ له‌ژێر 18ساڵی مێرد بكات ، ئایا ئه‌مه‌ یه‌كسانیه‌ ؟!

پاشان ئاینی ئیسلام ڕێگه‌ به‌كوڕو كچ ده‌دات له‌ته‌مه‌نی باڵغ بونه‌وه‌ به‌ڵكو زۆرینه‌ی زانایان پێش باڵغ بوو نیش ڕێگه‌یان داوه‌ به‌هاوسه‌رگیری هه‌ردوو ڕه‌گه‌ز گه‌ ر شیاوبن بۆ ئه‌و پڕۆسه‌یه‌ ، جا نازانین حیكمه‌ت چیه‌ له‌وه‌ی له‌ بۆ 17 ساڵ قه‌ده‌غه‌یه‌ بۆ (18) ساڵ ڕه‌وایه‌ ؟!!

8-له‌بڕگه‌ ی(25)دا هاتووه‌ كه‌:مافی به‌خێوكرددنی منداڵ پاش جیابوونه‌وه‌ی بۆ دایكه‌ تا (15)سالی پاشان سه‌رپشك ده‌كرێت  ، جا ئافره‌ته‌كه‌ مێرد بكات یانه‌ ؟ !ئه‌م بڕگه‌یه‌ش مافی به‌خێوكردن و سه‌رپه‌رشتی كردن به‌یه‌ك جاری له‌باوك وه‌رده‌گرێته‌وه‌ ، ته‌نانه‌ت با ئافره‌ته‌كه‌ش مێرد بكات له‌كاتێكدا پێغه‌مبه‌ر ی ئیسلام ده‌فه‌رموێت (انت احق به مالم تنكحی ) رواوه ابو داود .

ئه‌مه‌ جگه‌ له‌وه‌ی ئه‌م بڕگه‌یه‌ وا ده‌گه‌ یه‌ نێ كه‌ ئه‌مه‌ ئه‌ركی دایكه‌كه‌یه‌ نابێ وازی لێ بێنێ !!

9-له‌بڕگه‌ی (29) داهاتووه‌ كه‌ له‌كاتی جیابوونه‌وه‌ی ئه‌و سامانه‌ی ئافره‌ت داوێتی وه‌ریده‌گرێته‌وه‌  ئه‌مه‌ش سه‌ره‌ڕای ئه‌وه‌ی كه‌له‌گه‌ڵ ئه‌حكامی ماره‌یی و نه‌فه‌قه‌ ناگونجێ كه‌ ئیسلام به‌ئه‌ركی پیاوو مافی ئافره‌تی ده‌زانێت ، یاسایه‌كی مه‌تاتی و ناڕوونه‌ و هاوسه‌نگی تێدانیه‌ .

ئه‌ڤرۆ نيوز، نيوار محه‌مه‌د سه‌ليم:

ب گۆره‌ى راگه‌هاندنه‌كا حوكمه‌تا هه‌رێما كوردستانێ كو ئه‌ڤرۆ نيوز دانه‌ك ب ده‌ست خوه‌ خستيه‌، هاتيه‌ كو جڤاتا وه‌زيران كۆمبوونا خوه‌ يا ئه‌ڤرۆ رۆژا پێنجشه‌مبى 3ى كانوونا ئێكێ يا سالا 2014 سازكر و تێدا نێچيرڤان بارزانى سه‌رۆكێ حوكمه‌تا هه‌رێما كوردستانێ به‌حس ل وێ چه‌ندێ كر كو ب ره‌نگه‌كێ گشتى كۆمبوون يا ئه‌رێنى بوو و ل به‌غدا ره‌وشه‌كا نوو هه‌يه‌، به‌رى نوكه‌ ئه‌وان كێشه‌ دروست دكرن، ئه‌ڤجاره‌ ل هيڤيێ نه‌ كێشان به‌ر ب نه‌مانێ ببه‌ن، ئه‌و د ئه‌رێنى بوون و بزاڤ دكر هه‌ڤكار بن بۆ چاره‌كرنێ.

گۆتژى: “دانوستاندن گه‌له‌ك د ڤه‌كرى بوون و ب رژدى ئه‌م ل گه‌ل ئێك ئاخفتين، مه‌ هه‌ست كر كو ئه‌و يێ ل دووڤ چاره‌سه‌ريا كێشان دگه‌ريێن و دزانن كاودان يێن هاتينه‌ گوهۆڕين و پێدڤى ب چاره‌كرنێ هه‌يه‌، ب تايبه‌ت عه‌بادى هاريكار بوو، بۆ تێكگه‌هشتنێ، ئه‌وله‌ويه‌ت ژى هه‌رده‌م ئه‌و بوو كو ل گه‌ل به‌غدا بگه‌هينه‌ چاره‌سه‌ريێ، ئه‌و ژى د وێ چه‌ندێ دگه‌هن كو مه‌ دڤێت بگه‌هينه‌ چاره‌سه‌ريێ و تێكگه‌هشتنێ”.

سه‌رۆكێ حوكمه‌تا هه‌رێما كوردستانێ راگه‌هاند ژى كو عيراق يا د ره‌وشه‌كا دارايا گه‌له‌ك خراب دا، راوه‌ستاندن و نه‌هنارتنا په‌ترۆلێ كێشێن مه‌زن دروست كرينه‌ و د كابينا به‌رێ ژى دا پاره‌كێ مه‌زن هاتيه‌ مه‌زاختن و ب روونى ديار نينه‌ بۆ چ هاتيه‌ مه‌زاختن.

سه‌رۆكێ حوكمه‌تێ رێكه‌فتن ژى بۆ هه‌موو گه‌لێ عيراقێ و هه‌رێما كوردستانێ ب رێكه‌فتنه‌كا باش ل قه‌له‌م دا، ته‌كست ژى كر: “ب پشت راستى ڤه‌ ئه‌ڤه‌ هه‌موو داخوازيا مه‌ نينه‌”، به‌حس ل وێ چه‌ندێ ژى كر كو حوكمه‌تا فيدرال دڤێت بودجه‌يه‌ك ل سه‌ر بنه‌مايێ 70 دولار بۆ ئێك به‌رميلا په‌ترۆلێ بدانيت و ژ به‌ر هندێ ژى پرسيارا وێ چه‌ندێ كر كا په‌ترۆلا خوه‌ راده‌ستى سۆمۆ بكه‌ين يان نه‌؟، مه‌ ژى ب ئاشكه‌رايى گۆتێ ب تنێ دێ وێ راده‌ست كه‌ين يا ل سه‌ر رێكه‌فتين”.

رۆهنژيكر كو رێكه‌فتن دێ چيته‌ د چوارچوڤێ قانوونا بودجێ دا بۆ ساله‌كێ، به‌لێ بنه‌مايه‌كێ باش يێ دانايى و ب گۆره‌يى وێ رێكه‌فتنێ دێ 250 هزار به‌رميلان ب ره‌نگه‌كێ رۆژان راده‌ستى حوكمه‌تا فيدرال كه‌ن و 300 هزار به‌رميلێن دى ژى دێ بۆ وان هێنه‌ ڤه‌گوهاستن.

نێچيرڤان بارزانى گۆتژى: “11 ساله‌ داخواز دكه‌ين مه‌زاختيێن پێشمه‌گه‌يى بده‌ن، قه‌بوول ناكه‌ن، به‌لێ نوكه‌ خه‌رجيێن پێشمه‌رگه‌يى خستنه‌ ناڤ بودجێ فيدرال، ئه‌ڤه‌ سه‌ركه‌فتنه‌كا مه‌زن بوو”، ل سه‌ر پرسا قه‌رزێن هه‌رێمێ ژى، رۆهنكر كو حوكمه‌تا فيدرال 16 تريليۆن دينار قه‌رزارى هه‌رێمه‌ و ئه‌ڤه‌ ژى ب ره‌نگه‌كێ فه‌رمى د راپۆرتا وه‌زاره‌تا دارايى يا حوكمه‌تا فيدرال دا بنه‌جهـ بوويه‌، ژبلى كو ئه‌وان پارێ كۆمپانيێن بيانى يێن په‌ترۆلێ ژى نه‌دايه‌.

ده‌رباره‌يى رۆلێ پێشمه‌رگه‌يى ژى ته‌كست كر كو حه‌يده‌ر عه‌بادى پێشمه‌رگه‌ پێزانين بۆ رۆلێ پێشمه‌رگه‌يى هه‌بوو، هه‌ر وه‌كو چاوان بۆ پرسا پشكنينا ئه‌وان فرۆكێن هاريكاريێن مرۆڤى و له‌شكرى دگه‌هيننه‌ هه‌ولێر، داخواز ژ حوكمه‌تا فيدرال هاته‌ كرن كو پشكنينى فرۆكه‌ڤانى ب هه‌مان ميكانيزما به‌غدا ل هه‌ولێر ژى بهێنه‌ كرن.

سه‌رۆكێ خوكمه‌تا هه‌رێما كوردستانێ رۆناهى خسته‌ سه‌ر وێ چه‌ندێ ژى كو د لايێ كريارى ژى دا، عيراقێ پێدڤياتى يا ب هه‌رێما كوردستانێ هه‌يى و هه‌كه‌ حوكمه‌تا هه‌رێما كوردستانێ ئه‌و ژێرخانا په‌ترۆلێ دروست نه‌كربايه‌، نوكه‌ عيراق نه‌دشيا چو تشتان بۆ هه‌رێما كوردستانێ بكه‌ت، نه‌ هه‌رێم ب خوه‌ دشيا چو بۆ خوه‌ بكه‌ت، رۆهنژيكر كو نوكه‌ كار يێ دهێته‌ كرن كو كار يێ دهێته‌ كرن بۆريێن په‌ترۆلا كه‌ركووك ب يێن هه‌رێمێ ڤه‌ بهێنه‌ گرێدان و بۆ ڤێ مه‌ره‌مێ ژى كارێ ته‌كنيكى پێدڤيه‌.

گۆتژى: “د قووناغێن داهاتى يێن دانوستاندنێن چاره‌كرنا كێشان، هه‌ر وه‌زاره‌ته‌كا په‌يوه‌ندى ب كێشێن د ناڤبه‌را هه‌ولێر و به‌غدا دا هه‌ين، دێ كار ل سه‌ر دوسيان كه‌ن و ل گه‌ل ده‌سپێكرنا سالا نوو، رێكه‌فتن دێ چيته‌ د وارێ بجهئينانێ دا، د وى ده‌رباره‌يى ژى دا گۆت: “مه‌ دڤێت چو ژ ڤێ چه‌ندێ زێده‌تر نه‌مه‌زێخين، وه‌كو داهات بۆ مه‌ بمينيت، بۆ ڤێ چه‌ندێ ژى وه‌زاره‌تا دارايى دێ ده‌ست ب كۆمه‌كا چاكسازيان بكه‌ت و دڤێت خه‌رجيان كێم بكه‌ت”.
د دووماهيا كۆمبوونێ ژى دا، هژماره‌كا وه‌زيرێن حوكمه‌تێ به‌حس ل گرنگيا رێكه‌فتنێ كر و رۆناهى خسته‌ سه‌ر ره‌نگدانه‌ڤا ب له‌ز يا رێكه‌فتنێ، ل سه‌ر ئاستێ هه‌رێما كوردستانێ كو ئێكسه‌ر كارتێكرنێن ئه‌رێنى ل بازارێن كوردستانێ و پشكا ئه‌و كۆمپانيێن په‌ترۆلێ كر كو ل هه‌رێما كوردستانێ كار دكه‌ن ب ره‌نگه‌كى د ناڤبه‌را 7% هه‌تا 15% زێده‌ بووينه‌، رێكه‌فتن ژى ب سه‌ركه‌فتنا حوكمه‌تا هه‌رێمێ و سياسه‌تا په‌ترۆلا حوكمه‌تێ ل قه‌له‌م دا.

شێخان،بارزان سلێمان مزووری
بەرپرسێ پشکا ھاتنوچونا قەزا شێخان، بەدرخان محەمەد سەلیم، بۆ ئەڤرۆ نیوز دیار کر کۆ ئەڤرۆ دەمژمێر ٨ سپێدێ 4\12 ل سەر رێکا ئەتروش بو قەسروک ل نێزیک گوندێ مەلکیشان ترومبێلەکا ژ جورێ رەف تویتا یا ڤەگوھاستنا قوتابیێن گوندێ مێرسیدا ئێک و مێرسیدا دو و باسکەدێرێ سەر ب ناحیا ئەترووش ڤە تێدا بوون وەرگەریا سێ قەلپا چویە ،
ناڤبری دیار کر کۆ د ئەنجام دا 20 قوتابی برینداربوینە 12 ژوان کچن 8 ژوان کورن بو نەخوشخانا شێخان یاگشتی ھاتن ڤەگوھاستن 9 ژوان برینێن وان ب سەخت بون بو نەخوشخانا تەنگاڤیا دھۆک ھاتن ڤەگوھاستن نوکە لبن چاڤدێریا نوشدارانە .
ناڤبری دیار کر کۆ شوفێر لەزاتی یا بکارئینایی رێکێ دەرکەفتیە نەشیایە کونترولێ ل سەر ترومبێلا خو بکەت وەرگەریێت ،
ناڤبری زێدەتر گوت کو ئەو قوتابی یێن ئامادەیا مرێبا خاند سپێدێ ل گوندێن خو دچون بو ئامادەیا مرێبا ژبەر نەبونا قوتابخانا ئامادەی ل گوندێن وان .

110

گه‌ر خوه‌ وه‌كه‌ دیرۆك، زمان، چاند و ئۆل ناسنه‌كی تو نكاری ب باشی كه‌سه‌ك دن ناس بكی، د دیرۆكه‌ك پری گڤاشتی ده‌ د ناڤا هنه‌ك ده‌ستێن سۆركری ب خوینا كه‌چێن نه‌گه‌های دا كوردان كاریه‌ لاپه‌ره‌یه‌ك زێرین ژ دیرۆكا خوه‌ یا پری مرۆڤاتی، رێزگرتن، دلۆڤانی، لێبۆرین، نیشانا جیهانێ بده‌، جا چ ژ كوراتیا مێژووێ به‌ یان د مێژوویا هه‌ڤچه‌رخ ده‌به‌. دده‌ما به‌ریا چه‌ند رۆژه‌كان ده‌ د مه‌دیایه‌كه‌ كوردی ده‌ رێزداره‌كی خودان خامه‌ ڤیای په‌سنا گه‌لێ خوه‌ ب وی رۆیێ باشیێ بكت ئه‌وێ ژبه‌ری تێكه‌لی گه‌لێن دن یان ئولێن دن ببه‌ وه‌دیاره‌ ئاخفتنا رێزداری یا راست و پر بها بوویه‌ جهێ دلگرانیا هنه‌ك هزرێن به‌رته‌نگ و خوه‌ناسنه‌كه‌ر و وه‌سا هزردكن كو گه‌لێ كورد ژناڤا هنه‌ك ئه‌ڤرێن ره‌ش ده‌ربازی ئولا ئیسلامێ بوویه‌، هه‌رچه‌نده‌ ئه‌م شانازیێ ب ئولا خوه‌ دبین ئه‌وا باڤ و كالان بێی شه‌ر و گڤاشتن په‌ژراندی كو ئولا ئیسلامێ یه‌ و مه‌ ژی مینا وان بێی مه‌راسیمێن مینا جه‌ژنا شالپوشان په‌ژراند و پووشمان نینین، لێ دهه‌مان ده‌مده‌ گه‌لێ مه‌ ژبه‌ری په‌ژراندنا ڤێ ئولا پیرۆز خودان ژینه‌رێ بوویه‌ و مرۆڤاتی ب باشترین رێ پاراستیه‌، و د دیرۆكا كوردان یا دوور ده‌ راستیه‌ك په‌یدا دبه‌ دده‌ما كۆله‌تیێ دا ڤی ملله‌تی كاریه‌ هه‌ڤپاریێ د ناڤا مرۆڤان ده‌ ب پارێزه‌ و هه‌موو مرۆڤان (ژن، مێر) وه‌كه‌ ئێك ره‌فتار بكه‌ و د هه‌لبژارتنا هه‌ڤژینیێ دا كچ و كوران وه‌كه‌ ئێك ماف و رێزگرتن هه‌بوویه‌ و ژده‌رڤه‌ی ڤێ پرۆسسێ تێكه‌لی شه‌همه‌زاری بوویه‌، دیسا دلۆڤانی و لێبۆرین ژ ره‌فتارێن سه‌ره‌كه‌ بوویه‌ و گرنگیه‌كه‌ تمام ب رۆكه‌نی و بێنفره‌یێ ددا، چما بۆ گه‌له‌كی چ ره‌فتارێن مرۆڤانیێ نه‌كه‌ڤن و نه‌ژی نوو نه‌هه‌ین یا راست و دروست بت به‌هسا دیرۆكا خوه‌ ب باشی و بێ كێماسی یا ژ به‌ری تێكه‌ڤیا ئولێ ئیسلامێ باس بكت و ته‌نێ دو كریاران (هه‌ڤپشك بۆ خودای، كوشتنا كه‌چان) ب رۆیێ خوه‌ یێ ره‌ش بزانت، بۆچی بۆ گه‌لێ من دروست نه‌بت نه‌ ژ دوور و نه‌ژی ژ نێزیك نه‌ ئه‌ڤ روو ره‌شی و نه‌ژی چ رۆ ره‌شیێن دیتر نه‌بین به‌هرا وی به‌هسا دیرووكا خوه‌ یا به‌ری ئولێ ئیسلامێ ب باشی بكت دده‌مه‌كی ده‌ كو ژ ئالیێ ئیسلامێ ڤه‌ ژی نه‌هاتی قه‌ده‌غه‌كرن. جا گه‌ره‌كه‌ ئاڤریه‌كێ ل رابووریێ خوه‌ بدین كارێن خوه‌ یێن باش ب باشی ل قه‌له‌م بدین و سه‌ربۆران ژ كارێن خوه‌ یێن خراب وه‌ربگرین.

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 4\12\2014 بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

 

1 دولارێ ئه‌مريكى 1206
1 يۆرۆيێ ئه‌ورۆپى 1480
1 ليرێ توركى 530

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 4\12\2014 بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 گرام زێرێ (ع) 18 36000
1 گرام زێرێ  (ع) 21 42000
1 گرام زێرێ  (ع) 22 44000
1 گرام زيڤ 3000
website security
WP Facebook Auto Publish Powered By : XYZScripts.com