ئه‌ڤرۆ نيوز:
شه‌ڤا بۆرى چه‌كدارێن رێكخراوا تيرۆرستى يا داعش مه‌زنترين هێرش كره سه‌ر به‌ره‌يێن پێشمه‌رگه‌يى ل ميحوه‌رێ خازر، به‌لێ هێزێن پێشمه‌رگه‌يى ب پشته‌ڤانيا فرۆكێن شه‌ركه‌رێن هه‌ڤپه‌يمانيان شيان هێرشا وان تێك بده‌ن و زيانه‌كا مه‌زن بگه‌هيننه چه‌كدارێن داعش.
فه‌رمانده‌كێ ژ هێزێن ناڤخۆ يێن سه‌ر ب پێشمه‌رگێ زێره‌ڤانى ڤه دياركر كو شڤێدى دره‌نگى شه‌ڤ چه‌كدارێن داعش ل ميحوه‌رێ خازر ل گۆندێ وه‌رده‌ك هێرشه‌كا گه‌له‌ك فره‌هـ كو پێكهاتى بوو ژ هه‌مه‌ر و شه‌فه‌لان، هێرش كره سه‌ر سۆپايێ پێنج يێ فه‌رماندا زێره‌ڤانى، به‌لێ گه‌له‌ك زوو هاتنه تێك شكاندن.
زێده‌تر گۆت: “د ڤى شه‌رێ كو نێزێكى سێ ده‌مژمێران ڤه كێشايى كو هه‌تا نێزيكى بانگێ سپێدێ يێ به‌رده‌وام بوو، فرۆكێن شه‌رڤانێن هه‌ڤپه‌يمانان ژى به‌رده‌وام تۆپباران دكرن و زيانێن مه‌زن گه‌هاندنێ.
ئاشكه‌را ژى كر كو نوكه كه‌لوپه‌لێن وان ل گه‌ل لاشێ هنده‌ك ژ تيرۆرستێن وان د ده‌ستێ پێشمه‌رگه‌يى دايه و گۆت: “پێشبينى دكه‌ين هێرشه‌كا دى بكه‌ن دا كو ته‌رمێن خوه ڤه‌كێشن”.
نيشاندان