ئه‌ڤرۆ نيوز:
ژ ئه‌نجامێ ئێكگرتنا فشارێن نزمێن ده‌ريا سۆر و ده‌ريا ناڤه‌راست ل سه‌ر هه‌رێما كوردستانێ ب ره‌نگه‌كێ جودا رێژێن باران بارينێ هاتينه تۆماركرن و ب ڤى ره‌نگێ ل خوارێ:
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سهرهكى Facebook
پۆستێن پارێزگەھا دھۆکێ دێ ھێنە ئێکلاکرن
ئەڤرۆ:
پارێزگەرێ دھۆکێ فەرھاد ئەترووشی دوھی ٢٨-٣-٢٠١٥ سەرا مەلبەندێ سێ یێ یەکگرتوی ئیسلامی کوردستان دا، د ھەڤدیتنەکێ دا ب ئامادەبوونا سەرۆکێ جڤاتا سەرکردایەتیا یەکگرتو ل بادینان سەعید عەلی عەبو و غازی سعید ئەندامێ م. س و محەمەد مستەفا بەرپرسێ مەلبەندی و ئەندامێن مەلبەندی بەحسێ رەوشا دەڤەرێ و رەوشا ئاواران ل سنوورێ پارێزگەھێ و ئەو کار و خزمەتا بۆ دھێتە پێشکێش کرن و ھەڤکاریا د ناڤبەرا سازیێن حوکمەتا ھەرێمێ ل پارێزگەھێ و حزبێن کوردستانی ل دەڤەرێ ھاتە کرن.
ل دۆر ڤێ سەرەدانێ سەعید عەلی عەبوی گۆت مە بەحسێ سەروبەرێ دەڤەرێ و ئاڤاکرنا حوکمەتا خوە جھی کو چاڤەرێ بوو ئەڤ حوکمەتە زووتر پێک ھاتبا و بریار ھاتە دان دەست ب دان وستاندنان بھێنە کرن و لژنە بھێنە پێک ئینان کو ب زووترین دەم حوکمەتا خوە جھی بھێتە پێک ئینان.
پارێزگەرێ دھۆکێ گۆت ل سەر ئاستێ سەرکردایەتیا کوردستانی ھەموو بۆچوون ئەون کو حوکمەتێن بنکە فراوان ل سەر ئاستێ ھەرێمێ و پارێزگەھان بھێنە چێکرن، ھەروەسا ل سەر ئاستێ ھەرێمێ و عیراقێ و دەڤەرێ ژی پارتی دیموکراتی کوردستان و یەکگرتوی ئیسلامی کوردستان ل سەر گەلەک تشتان ھەڤپشکن و یا فەرە ژی ئەڤ ھەڤپشکیە رەنگڤەدانا خوە ھەبیت ل سەر ئاستێ حوکمەتا خوە جھی ژی ل پارێزگەھا دھۆکێ و دنێزیک دا لژنە دێ کەڤنە کاری ژ بۆ ھندێ دانوستاندن بھێنە کرن کو ئەڤ بریارێن ھاتینە دان ل سەر ئاستێ ھەردوو حزبان پارتی و ئێکگرتو ببنە واقع و ل سەر ئاستێ پارێزگەھێ بھێنە بجە کرن و دنێزیک دا ئەڤ لژنە دێ کوم بن دا پتر گفتوگویان بکەن.
ھەر دوھی پارێزگەرێ دھۆکێ ل گەل چەند پەرلەمانتەرێن دھۆکێ کۆمبوو، دھەڤدیتنێ دا بەحسێ رەوشا کوردستانێ و پارێزگەھا دھۆکێ و بەرنامێن پارێزگەھێ یێن خزمەتکاری و رەوشا ئاواران و ئەو کار و خزمەتا کارگێریا پارێزگەھێ بۆ پێشکێش دکەت ژ خزمەتکرن و ئاکنجیکرنێ ھاتە کرن و پارێزگەرێ دھۆکێ چەند رونکرن و داتا ل سەر ھژمارا ئاواران و ئەو خزمەتا بۆ وان ھاتیە کرن د وارێ ئاکنجیکرنێ دا دیار کرن.
شەرێ یەمەنێ دێ ستراتیژیەتا شەری ل عیراقێ گوھۆریت
ئەڤرۆ:
بسپۆرەکێ پەیوەندیێن نێڤدەولەتی دیارکر کو شەرێ وەلاتێ سعودیێ و ھەڤپەیمانێن وێ دژی حوسیان ل یەمەنێ دێ ستراتیژیەتا شەرێ نوکە ل عیراقێ دھێتەکرن گوھۆریت.
ئازاد عادل مامۆستایێ پشکا پەیوەندیێن نێڤدەولەتی ل زانکۆیا نەورۆز بۆ رۆژناما ئەڤرۆ گۆت”گوھۆرینێن شەری ل عیراقێ دێ گەلەک بن، ژئالیێ ھەڤپەیمانان ڤە ل گەل عیراقێ، شەرێ نوکە ل یەمەنێ ب دروستی بوو شەرێ سوننە و شیعەیان و دێ بیتە ئەگەر کو سوننە رێککەفتنێن نھێنی ل گەل رێکخراوا تیرۆرستی یا داعشێ گرێدەن کو دژی شیعەیان راوستیت”.
ئازادی گۆت ژی” گۆتنێن ئیبراھیم جەعفەری نامەکا دیار و ڤەکری بوو دەمێ گۆتی (ئەم دژی وێ چەندێ نە وەلاتێن عەرەبی ھێرشان بکەنە سەر حوسیان) وەلاتێ دویێ یێ ب سەنگ یێ شیعەیان ل رۆژھەلاتا ناڤین عیراقە و ئەڤە مەترسیە ل سەر وەلاتێن عەرەبی”.
ب دیتنا ڤی بسپۆرێ پەیوەندیێن نێڤدەولەتی” ھەڤپەیمانیا سعودیێ ل گەل وەلاتێن عەرەبی، ستراتیژیەتەکا نوویە و مەیدانا گەرما شەری ژ عیراقێ و سوریێ دەربازبوو بۆ وەلاتێن یەمەنێ و لیبیا و شەرێ گەرم ھاتە ڤەگۆھاستن”.
ئازادی ئاشکراکر ژی کو ئیرانێ و سووریێ دەست د چێکرنا گرۆپێن توندرەو ل دەڤەرێ ھەبوویە و چەندین بەلگە ھاتنە دیارکرن و تایبەت بۆ وەلاتێن عەرەبێن سوننی، ئەڤێ چەندێ کارتێکرن ل سەر ھەبوو، دیسان داگیرکرنا چەندین باژێرێن یەمەنێ ژلایێ حوسیان ڤە کارتێکرنەکا مەزن ل دەڤەرێ و رۆژھەلاتا ناڤین و وەلاتێن کەنداڤی ب تایبەتی کر”.
ل دووڤ بوچونا ئازاد عادلی” شەرێ یەمەنێ کارتێکرن ل سەر خەلکێ عیراقێ یا ھەی وەک ناڤخوە، چونکە وەلاتەکە ٦٠% شیعەنە و د دەستھەلاتدارن و دبینم شەر دێ ب وەکالەت ھێتەکرن و ئیران ب رێیا عیراقێ و بەحرەینێ و شیعەیێن لوبنانێ دێ شەری کەت، دبیت پارەکێ مەزن ب رێیا وان وەلاتان بگەھینتە یەمەنێ، بۆ ھاندان و ھنارتنا میلشیاتێن شیعەیان بۆ دەڤەرێ، ھەکە دبلۆماسیەت گەلەک یا ب ھێز و سەرکەفتی نەبیت، دبیت ل ھەموو دەڤەران ببیتە شەرێ شیعەیان و سوننەیان. ”
خۆیاکر ژی” نە کێمە چەندین وەلاتێن عەرەبی خوە کریە دڤی شەری دا و نامەکا ڤەکری و راستەوخوەیە بۆ شیعەیان و دڤێت دەستێن خوە ژ کاودانێ ناڤخوەیێ وەلاتان بکێشن ب تایبەتی عیراقێ، سووریێ، لوبنانێ، یەمەنێ، بەحرەینێ و گەلەک وەلاتێن دی، دبینم ل نێزیک دێ گوھۆرینێن مەزن ھێنە روودان و ئیران دێ بزاڤان کەت بێ دەنگیێ بپارێزیت، چونکە ئیرانێ نوونەر ل وەلاتێن مایتێکرنێ تێدا دکەت یێن ھەین، ئەڤە دێ بنە بەردەڤکێن ئیرانێ و دبینم ئەڤ چەندە ژی دێ د ناڤبەرا عەرەبان ب خوە دا ناکوکیێ چێکەت “.
ڤیدیو: د ترۆمبێلێ دا خوه ژ ڤان ره‌فتاران بده‌ته پاش
ڤیدیو: زيره‌كیا ڤێ شوفێرێ ببینه
دو بریندارێن روودانا ئه‌ڤرۆ یا شێخان گیانێ خوه ژ ده‌ستدان
ئه‌ڤرۆ نیوز ، بارزان مزوورى
پێشه‌نگ به‌درخان محه‌مه‌د سه‌لیم به‌رپرسێ پشكا هاتنوچونا قه‌زا شێخان بو مالپه‌رێ ئه‌ڤرو نیوز گوت” ئه‌ڤرو ده‌مژمێر 10:30 خوله‌ك ل سه‌ر رێیا سه‌ره‌كیا شێخان بو ناحیا ئه‌لقوش ل دووریانا گوندێ جه‌راحیێ رویدانه‌ك دناڤبه‌را ترومبێله‌ك ژ جورێ كیا سیراتو ره‌نگێ سپى تایبه‌ت و شوفرلێت ئوپترا ره‌نگێ رصاصى تایبه‌ت لێكدا د ئه‌نجام دا 4 كه‌س بریندار بون 2 ژوان ژن بون و برینێن وان د دژواربوون و بو نه‌خوشخانا شێخان هاتنبوونة ره‌وانه‌كرن ژبو چاره‌سه‌ریا برینێن وان، پاشان هه‌ردوو ژن بو نه‌خوشخانا ته‌نگاڤیا دهوك هاتن ره‌وانه‌كرن .
به‌درخان محه‌مه‌د سه‌لیم گوت كو نها هه‌ردوو ژن ژبه‌ر سه‌ختیا برینێن وان ل نه‌خوشخانا ته‌نگاڤیا ل پارێزگه‌ها دهوك گیانێ خو ژ ده‌ست دان .
ل رۆژا جیهانیا شانوویێ هولا جزیرى هاته پاقژكرن
ئه‌ڤرۆنیوز، هه‌رهین محه‌مه‌د:
ب هه‌لكه‌فتنا رۆژا جیهانیا شانوویێ رێڤه‌به‌ریا گشتى یا ره‌وشه‌نبیرى ل دهوكى، روژا جیهانیا شانوویێ ب چه‌ندین چالاكیێن جودا جودا ساخمر.
رێڤه‌به‌رێ هونه‌رێ شانویێ ل دهوكێ میسه‌ر عوبه‌ید بۆ ئه‌ڤرۆ نیۆز گۆت: ب هه‌لكه‌فتنا روژا جیهانیا شانوویێ پیرۆزباهیێ ل هه‌موو حه‌ژێكه‌رین شانوویێ دكه‌م و ئه‌ڤ هه‌لكه‌فته بۆ ماوى َسێ رۆژان یا به‌رده‌وام بوو،روژا ئێكى رابووین ب مهڤاندارى كرنا (سێ) شانوگه‌رێن باژیرێ كویه رۆژا دووى رابوین ب نیشاندانا دكیومێنته‌كێ ل سه‌ر سالا2014 كاچه‌وان هنده‌ك شانووڤانان بێ به‌رامبه‌ر كاركریه روژا سیێ رابۆین ب خه‌لاتكرنا هنده‌ك شانوڤانان و گۆت: مه هزر كو بۆ ماوێ ساله‌كێ یه هولا جزیرى هه‌لاویستیه پشتى ئه‌ڤ كاودانه ب سه‌ر هه‌رێمێ دا هاتین حكومه‌تا مه نه‌شیا وه‌ك پێدڤى هولا جزیرى نوژه‌ن بكه‌ن ول دووڤ وان پێدڤین به‌رده‌ست مه ده‌ست ب پاقژكرنا هولا جزیرى كر و هه‌روه‌سا گه‌له‌ك شانووڤانان و هونه‌ردوست ئاماده بوون و دیسان ل دووڤ پێدڤیێن خوه ئه‌ڤێ هولێ پاقژ بكه‌ین به‌لكو بشێین جاره‌كادى شانووگه‌رین خوه ل ڤێ هولێ نمایش بكه‌ین.
فرۆكه‌كا شه‌رى یا سعودیێ كه‌ته خوارێ
ئه‌ڤرۆ نیوز:
هێزێن ده‌ریایى یێن ئه‌مریكا دو فرۆكێن عه‌ره‌بستانا سعودیێ رزگاركرن، كو فرۆكێن وان ل سه‌ر ئاسمانا كه‌نداڤا عه‌ده‌ن كه‌تنه خوار و ل دووڤ گوتنێن به‌رپرسێن سعودى كه‌تنا وان فرۆكان بۆ ئه‌گه‌رێن ته‌كنیكى ڤه‌دگه‌ریت.
پشتى ده‌ستپێكرنا ئوپه‌راسیونێن سه‌ربازى یێن عه‌ره‌بستانا سعودى و هه‌ڤپه‌یمانان بۆ سه‌ر چه‌كدارێن حوسى ل یه‌مه‌نێ، د ماوێ سێ رۆژێن بورى دا، ئه‌ڤه فرۆكا ئێكێ یا شه‌رى یه دكه‌ڤیته خوارێ.
داعش ئاڤاهیێن حكومى یێن رێكا شه‌لالات بؤ مووسل په‌قاندن
ئه‌ڤرو نیوز ،بارزان مزوورى
ئه‌فسه‌ره‌ك ل هێزا ئاگرى سه‌ر ب لقا 20 شێخان ڤه ل هنداڤا گوندێ فازلیه میحوه‌رێ ناوه‌ران بو مالپه‌رێ ئه‌ڤرو نیوز دیار كر كو ئه‌ڤرو ده‌مژمێر 4:30 خوله‌ك 28/3/2015 چه‌كدارێن تیرورستێن داعش ئاڤاهیێ سه‌ربازگه‌ها پولیسێن مووسل و رێڤه‌به‌ریا پولیسێن هاتنوچونا مووسل دگه‌ل مه‌زنترین سه‌ربازگه‌ها مه‌شق و راهێنانێ په‌قاندن دگه‌ل ئه‌كادمیا پولیسێن مووسل و نها ئه‌و ئاڤاهیى و جهێن حكومى بتمامى په‌قاندن.
ناڤبرى دیار كر كو ئه‌و ئاڤاهی دكه‌ڤنه سه‌ر رێكا سه‌ره‌كیا شه‌لالات بو مووسل و شێخان و مه‌زنترین ئاڤاهیێن حكومى بون ل مووسل و ئه‌ڤ ئاڤاهیه سێ كیلومه‌ترا ل میحوه‌رێ ناوه‌ران دویره .
بو زانین ئه‌ڤ وێنێن هاتینه گرتن ژلایێ په‌یامنێرێسایتێ ئه‌ڤرو نیوز ڤه هاتینه گرتن ل هنداڤا گوندێ فازلیه 600 مه‌ترا ل دویرى چه‌كدارێن تیرورستێن داعشه .
ئه‌مریكا باره‌گایه‌كێ حه‌شد شه‌عبى دده‌ته به‌ر توپان
ئه‌ڤرۆ نیوز:
فرۆكێن شه‌رى یێن ئه‌مریكا باره‌گایه‌كێ حه‌شد شه‌عبى ل باژێرێ تكریت بوردومانكرن.
رۆژناما شه‌رقلئه‌وسه‌ت به‌لاڤكریه كو فرۆكێن شه‌رى یێن ئه‌مریكا باره‌گایه‌كێ حه‌شد شه‌عبى ل ناڤ زانكۆیا تكریت بوردومان كرینه،بێ كو هاتبیته زانین كو ئه‌ڤ روودانه ب ئه‌نقه‌ست بوویه یان بێ مه‌ره‌م بوویه.
هه‌ڤده‌م موه‌فه‌ق روبێعى په‌رله‌مانتارێ ده‌وله‌تا قانوونێ د به‌یاننامه‌كێ دا، گه‌فێن ده‌رێخستنێ ل ئه‌مریكییان كرینه و ئاگه‌هداركرینه كو نابیت حه‌شد شه‌عبى و راێوێژكارێن ئیرانى ببنه ئارمانجا هێرشێن فرۆكان.
نيشاندان
WP Facebook Auto Publish Powered By : XYZScripts.com