ئەڤرۆ نیۆز ، قەیس ئیسماعیل:
ھەڤرکیێن قارەمانیا عیراقێ یا یانێن پلا نایاب ب یاریا شەترنجێ ل پارێزگەھا دیوانیە د بەردەوامن، د ڤێ قارەمانیێ دا دو یانێن ھەریمێ “خانزاد یا تایبەت بۆ شەترنجێ و پێشمەرگا سلێمانیێ” د پشکدارن.
د ناڤ رێزێن خانزاد دا، ھەردو یاریکەرێن دھۆکێ موستەفا کەمال جەلالەدین و کارین کەمال جەلالەدین د پشکدارن و یاریکەر ڤین کەمال جەلالەدین بۆ یانا کەھربا یاریێ دکەت.
سەعد کینانی دادڤانەکێ قارەمانیێ یە، دیارکر ھەر سێ یاریکەر ب شێوێ خواستن یاریێ بۆ ڤان ھەردو یانا دکەن ژ بەر نەبوونا چ یانێن پارێزگەھا دھۆکێ د ڤێ رێزبەندێ دا.
زێدەتر ناڤبری دیارکر د ھەڤرکیێن قارەمانیێ دا ھەردو رەگەز پشکداریێ تێدا دکەن و حەفت پێشەکار د پشکدارن د ھەڤرکیێن قارەمانیێ دا “دو یاریکەرا ژ جورجیا و دو ژ ئوکرانیا و دو ژ ئێرانێ و ئێک ژ مسرێ” د پشکدارن د ڤێ قارەمانیێ دا.

ئەڤرۆ نیوز، قەیس ئیسماعیل:
حەفت کچێن پارێزگەھا دھۆکێ دەربازی قووناغا دووماھیێ ژ قارەمانیا عیراقێ یا تەنسا ئەردی یا کچان بوون ئەوا بڕیارە ل دەمەکێ نێزیک ھەڤرکیێن وێ بھێنە ئەنجامدان بۆ ھەلبژارتنا یاریکەرێن ھەلبژارتیێ عیراقێ بۆ تەمەنێن جودا.
ھەڤرکیێن قارەمانیێ بۆ ماوێ دو رۆژان ل یاریگەھێن یانا دھۆک ل رۆژێن ٢٦ و ٢٧-٣-٢٠١٥ ھاتنە کرن و ئەنجام ب ڤێ رەنگی بوون:
د ژیێ ٨ سالیێ دا، رێزا ئێکێ لارا ئاڤدەل، رێزا دویێ ھانا ئاڤدەل
د ژیێ ٩ سالیێ دا، رێزا ئێکێ زەلال سەعید، رێزا دویێ ئالا عەبدولناسر
د ژیێ ١٠ سالیێ دا، رێزا ئێکێ ئاڤێستا شەعبان و رێزا دویێ زەلال سەعید
د ژیێ ١١ سالیێ دا، رێزا ئێکێ لاڤا روستەم و رێزا دویی سارا عیماد
د ژیێ ١٣ سالیێ دا، رێزا ئێکێ سارا ئاڤدەل و رێزا دویێ ڤینۆس شەعبان
د ژیێ ١٤ سالیێ دا، رێزا ئێکێ فەرەح ئەیاد و رێزا دویێ سارا ئاڤدەل
ل دۆر ڤێ قارەمانیێ سەرۆکێ ئێکەتیا تەنسا ئەردێ یا ناڤەندی گۆت: ١١ یانە پشکداری د قارەمانیێ دا کریە و ٢٢ یاریکەرا ھەڤرکی ل سەر شەش تەمەنا دکر (٨ ھەتا ١٤) دکر بۆ دەربازبوونێ بۆ قارەمانیا عیراقێ.
ئاسو عادل زێدەتر گۆت: “مە عیراق کرە دو دەڤەر ژ بەر کاودانێن نوکە و سەرکەفتیێن ھەردو دەڤەرا دێ پشکداریێ د قارەمانیا عیراقێ دا کەن بۆ ھەلبژارتنا یاریکەران بۆ ناف رێزێن ھەلبژارتیێ عیراقێ”.
سەعید خەلیل سەرۆکێ ئیکەتیا تەنسا ئەردێ ل دھۆکێ گۆت: “کچێن مە ئاستەکێ بلند دڤێ قارەمانیێ دا نیشان دا و شیان ئەنجامێن ھەژی تۆمار بکەن”.
ناڤبری گەشبینیا خۆ نە ڤەشارت ب کونترۆلکرنا کچێن دھۆک و ھەولێر ل سەر کورسێکێن ھەلبژارتیێ عیراقێ د قارەمانیا عیراقێ دا و گۆت: “ھەتا ٩٠% دشیان دایە ئەم کورسێکێن ھەلبژارتیێ عیراقێ ببەین”، ل دۆر پشکدارینەکرنا یانێن سلێمانێ و کەرکووک گۆت: “ل سلێمانێ پێگەھێ کچان یێ لاوازە و ل کەرکووک یاریکەر د ڤی تەمنی دا دا نینن پشکداریێ د قارەمانیێ دا بکەن”.