هنده‌ك به‌لگه‌نامه‌یێن ئه‌مریكی یێن ژ لایێ رۆژناما “هارتس” یا ئیسرائلی ڤه‌ هاتینه‌ به‌لاڤكرن دیاركر كو ل 3 مایۆ /ئه‌یارا 1973 عاهلێ ئوردونی یێ وه‌غه‌ركری موخابه‌راتێن ئه‌مریكی هۆشداری كرن ژ هه‌بوونا رووبرووبوونێن له‌شكری یێن مه‌زن ل رۆژهه‌لاتا ناڤین، ئاماژه‌ دا كو هنده‌ك هێزین ژ جه‌زائیر و سودانێ، دێ گه‌هنه‌ مسرێ و هه‌ر وه‌سا ژی هنده‌ك هێزێن مه‌غربی، دێ گه‌هنه‌ سووریێ، دیسا فرۆكێن میراج یێن لیبی ئه‌ڤرۆ ل مسرێنه‌، هه‌ر دیسا هنده‌ك هێزێن عیراقی یێن مه‌زن یێن ل سه‌ر توخیبێن ئوردونی یێن عیراقی، عیراقیان خواستن كو هنده‌ك فرۆكێن شه‌ڕی بداننه‌ ئوردونێ، كو دێ هێنه‌ ڤه‌گوهاستن بۆ گۆره‌پانه‌كا دیتر”. دیسا به‌لگه‌نامه‌یان زێده‌كرن كو “شاه حوسێنی ل رۆژا 25 سیپته‌مبه‌ری/ئیلۆنا 1973ز، پێزانێن تیروته‌سه‌ل ڤه‌گوهاستبوون ل دۆر شیانێن سووری و مسریان بۆ ئه‌نجامدانا هێرشه‌كا له‌شكری هه‌روه‌سا ژی هنده‌ك قه‌بارێن مه‌زن ژ كه‌لوپه‌لێن له‌شكری یێن سۆڤیتی، كو د ناڤدا مۆشه‌كێن ئه‌رد ـ ئه‌سمان هاتنه‌ ڤه‌گوهاستن بۆ سووریێَ، دیسا ژی شیان هه‌یه‌ كو مسری ده‌سپێشخه‌ریێ بكه‌ن بۆ ئوپه‌راسیۆنه‌كا له‌شكری ل دژی ئیسرائیلێ، دوور نینه‌ ژی سووریی ده‌ست ب ئۆپه‌راسیۆنێ بكه‌ن، هه‌ر وه‌سا مسری ب ب درێژیا هێلێن كه‌نالی دگه‌هنێ”. دیسا “هارتس” دبێژیت كو راپۆرتێن شاه حسێنی گه‌هشتنه‌ وه‌زیرێ ده‌رڤه‌ یێ ئه‌مریكی هنری كیسنجه‌ر و ل گه‌ل بالیۆزێ ئیسرائیلی یێ وی سه‌رده‌می (سمحا دینیتس)، ئه‌وێ ته‌كه‌ز كری كو ئه‌وی پێزانینێن وه‌كهه‌ڤ هه‌نه‌ دنیگه‌رانن ئاماژێ دده‌ن ب هه‌بوونا رۆله‌كێ ناڤه‌ندی بۆ سووریان ب لڤینه‌كا له‌شكری ل ده‌مێ داهاتی و ئه‌وان به‌رهه‌ڤیێن خوه‌ ده‌ستپێكرینه‌. ئێزگه‌هێ ئیسرائیلی به‌لگه‌یه‌ك ژ ئه‌رشیفێ عبری چه‌ندیا هێزا په‌یوه‌ندیێ دیاركربوو د ناڤبه‌را كیانێ سه‌هیۆنی و شاه حوسێن بن ته‌لالی شاهێ ئوردون دا، و ئه‌و هاریكاریا د ناڤبه‌را هه‌ردو ئالیان دا هاتیه‌ كرن.
ئێزگه‌هی دیاركربوو كو بۆ جارا ئێكێ یه‌ سێ به‌لگه‌یێن نهێنی هاتینه‌ ڤه‌دیتن گرێدای هێرشێنه‌ ئه‌وا سێ كه‌سان ژ له‌شكرێ سۆرێ یابانی ئه‌نجامدای ل شه‌ڤا سیهی مایۆ/ئه‌یارا سالا 1972ز ل فرۆكخانا له‌د كو تێدا پتر ژ 25 ئیسرائیلی هاتبوونه‌ كوشتن و 80 یێن دیتر بریندار بوون. ئێزگه‌هی گۆت:” ئێك ژ به‌لگه‌ییان راستیا په‌یوه‌ندیا خورت دیاركر د ناڤبه‌را شاهنشیما ئوردونی یا هاشمی كو هینگی حسێن بن ته‌لال شاهێ وێ بوو و حوكمه‌تا “ئیسرائیلی” كو سه‌رۆكا وێ گۆلدا مائیر بوو دا، ئاماژه‌ ددا كو شاه حوسێنه‌ ئه‌و فه‌رماندێ عه‌ربه‌ی یێ ب تنێ كو ئه‌خنه‌ ل هێرشێ كری، سه‌ره‌رای وی شه‌ڕێ د ناڤبه‌را ئیسرائیلێ و ده‌وله‌تێن عه‌ره‌بی دا ل وی ده‌می و داگیركرنا سینائێ و هنده‌ك ئه‌ردێن دیتر. دیسا دیار كر كو شاه حسێن برۆسكه‌كا به‌هیداریێ یا دیتر ل وی ده‌می هنارتبوو، تێدا ته‌كه‌زیا خوه‌ ل ون په‌یوه‌ندیێن ستراتیژی دكه‌ت د ناڤبه‌را هه‌ردو وه‌لاتان دا، دیسا وێ نامێ ئه‌و هاریكاریا هه‌ڤپشك یا د ناڤبه‌را هه‌ردویان دا ئاماژه‌ دابوویێ بۆ رووب رووبوونا وی تشتێ هاتیه‌ سالۆخه‌تكرن ب “تیرۆرا فه‌لستینی”. دیسا ژی دیاركر كو شاه حوسێنی د ناما خوه‌ دا گۆتبوو ” ئه‌زێ حێبه‌تی بووین ژ وێ كوشتارا دژوار یا ل فرۆكخانا ئه‌لد هاتیه‌ بجهئینان، چونكو هه‌ستێن مه‌ دهه‌ڤپشكن ل به‌رامبه‌ر وان قوربانیان و خێزانێن وان، خودێ سه‌برێ بده‌ته‌ وان ده‌رباره‌ی ڤێ نه‌رگه‌ساتێ”، پاشی ئه‌وێن ل پشت ئۆپه‌راسیۆنێ وه‌سفكرن كو ئه‌ون هێزا خرابناك ل ده‌ڤه‌رێ و فه‌ره‌ هاریكاری بهێته‌ كرن ل گه‌ل ئیسرائیلێ ژ پێخه‌مه‌ت نه‌هێلانا تیرۆرێ. هینگی رۆژناما “یه‌دعۆت ئه‌حرۆنۆت” به‌ری چه‌ند ساله‌كان دیده‌ڤانیا گۆلدا مائیر دیاركربوو د لیژنا لێكۆلینا فه‌رمی دا ل شه‌رێ ئكتۆبه‌رێ/چریا ئێكێ ل سالا 1973ز، ته‌كه‌ز كربوو كو هنده‌ك پێزانین مابوونه‌ دڤه‌شارتی حه‌تا نها ل دۆر دیدارا وێ بۆ شاهێ ئوردونی حسێنی ئه‌وێ هایداریا وێ كری ل وی ده‌می كو سووریی و مسر خوه‌به‌رهه‌كی شه‌ره‌كی دكه‌ن لێ ئه‌وێ خوه‌ د وێ هوشداریكرنا ئاشكرا یا شه‌ری نه‌گه‌هاند.
ل دووماهیێ ژی سه‌رۆك وه‌زیرێن ئوردونی عه‌بدولا ئه‌لنسۆر گۆت كو په‌یوه‌ندیێن ئوردنی یێ ئیسرائیلی بریاره‌كا سه‌روه‌ریی یه‌، دیسا ئاماژه‌ دا كو برینا وێ پێدڤی ب نه‌هێلانا په‌یمانا ئاشتیێ یا ئوردنی یا ئیسرائیلی یه‌ ئه‌وا جڤاتا ملله‌تی بریاردایی. دیسا نسۆری د دیالۆگه‌كا ل گه‌ل كه‌نالێ ئه‌لجه‌زیره‌ دا زێده‌كر ـ وه‌كو به‌رسڤه‌ك ل سه‌ر ده‌نگدانا جڤاتا نوونه‌رێن ئوردونی بۆ ده‌رئێخستنا بالیۆزێ ئیسرائیلی ژ عومان ـ كو ئه‌و رێز و رێزلێنانا رۆلێ جڤاتێ دگریت، لێ رۆلێ وی “ته‌شریعی چاڤدێری یه‌.
1. په‌یوه‌ندیێن مه‌غربی ئیسرائیلی
ئه‌و په‌یوه‌ندیا گه‌رم و دیرۆكی یا مه‌غرب و ئیسرائیلێ كۆمڤه‌دكه‌ت بۆكیانێ شه‌هیۆنی ئه‌و ژی ب رێیا یه‌هۆدیێن مه‌غربی ئه‌وێن رێژه‌كا نه‌ ل به‌رچاڤ پێكدئینیت ژ جڤاكێ ئیسرائیلی ل فه‌لستینا داگیركری چونكو پله‌یێن گرنگ وه‌ردرگرن د رێڤه‌برینا كیانێ ئیسرائیلی دا، چونكو پرانیا تاوانبارێن سه‌هیرنی و ئاكنجییان ژ نه‌ژادێن مه‌غربینه‌، هنده‌ك تاخ هه‌نه‌ ل ئیسرائیلێ ب ناڤێ شاهێ مه‌غرب حه‌سنێ دویێ و ئه‌ڤ په‌یوه‌ندیه‌ گه‌هشته‌ راده‌كی ل ده‌مێ مرنا شاهێ مه‌غرب یێ پێشین كو ل ئیسرائیلێ پووله‌كا پۆسته‌كی ده‌ركه‌فت وێنه‌یێ ئه‌لحه‌سه‌ن یێ دویێ تیدا بوو ل ده‌مێ جه‌نازا ئه‌ڤێ دووماهیێ سه‌ركردێن كیانێ سهیۆنی یێن ل رێوه‌رسمان و به‌ری هه‌میان ژی تاوانبارێ شه‌ری ئیهۆد باراك بوو و مه‌غرب مفایی ژ ڤێ په‌یوه‌ندیێ دبنیت ب رێیا پشته‌ڤانیا لۆبیێ سه‌هیۆنی ل ئه‌مریكا و پشته‌ڤانیا وی بۆ داگیركرنا وی بۆ بیابانا رۆژئاڤایێ. هێشتا ژی ل مه‌غربێ یه‌هۆد ماینه‌ كو شیره‌كارێ شاهێ مه‌غرب محه‌مه‌دێ شه‌شێ یه‌هۆدیێ ئه‌ندری یه‌ ئه‌زولایی یه‌، یه‌هۆدیان ل مه‌غربێ چاڤدێریه‌ك وپشته‌ڤانیه‌كا زێده‌تر ژ مه‌غربیان بخوه‌ هه‌یه‌، ئه‌ڤه‌ هه‌می دهێته‌ روودان ل شاهنشینا ئه‌میر ئه‌لموئمنین. چه‌ندی مه‌غرب جهێ دانانا پیێن ئیسرائیلێ بیت ل وه‌لاتێن مه‌غربا عه‌ره‌بی، كو په‌سنینا په‌یوه‌ندیێن خوه‌ دكه‌ت. گه‌له‌ك چیڤانۆك هه‌نه‌ به‌حسێ په‌یوه‌ندیێ دكه‌ن كو ئێكسه‌ره‌ ب وێ ڤه‌ یان ب ئاژانسێ ڤه‌ د ناڤبه‌را رژێما مه‌غربی ل سه‌رده‌مێ ئه‌لحه‌سه‌نێ دویێ و ئیسرائیلێ دا. هه‌لویست گه‌له‌ك نه‌هاته‌ گوهۆرین ل سه‌رده‌مێ شاهێ نها محه‌مه‌دێ شه‌شێ، چونكو گومانا شیره‌تكارێ خوه‌ ئه‌ندرێ ئه‌زۆلای دكه‌ت كو ئه‌و سیخوره‌كێ ئیسرائیلی یه‌ ل نیڤا كۆچكێ ل ده‌سپێكا 2012. نڤیسه‌رێ فه‌ره‌نسی جاكۆب گوهین، ئه‌و ژی یه‌هۆدی یه‌ ژ نه‌ژاده‌كێ مه‌غربی ناڤداره‌ ب نڤیسینێن خوه‌ یێن دژی سه‌هیۆنیه‌تێ، گۆتاره‌ك نڤیسبوو ل سه‌ر بیرهاتنێن خوه‌ یێن كه‌ساتی گێله‌شۆیه‌ك په‌یداكربوو نه‌یا چاڤه‌رێكری ل مه‌غرب. كۆهینی دیاركر كو شیره‌تكاره‌كێ هه‌رو سه‌رده‌مان ل گه‌ل شاهێ مه‌غربێ یێ وه‌غه‌ركری ئه‌لحه‌سنێ دویێ، هێشتا ژی نها شیره‌تكارێ شاهێ نوكه‌ محه‌مه‌دێ شه‌شێ یه‌، ل هه‌مان ده‌می سیخۆره‌كێ ئیسرائیلی یه‌

هوون نه‌شێن ژێنێنن (جینات) خوه‌ بگوهۆڕن، به‌لێ دشێن ره‌وشتێ خوه‌ بگوهۆڕن.
بۆ كێماسی و ئاریشه‌یێن كو هه‌وه‌ هه‌نه‌، خوه‌ و دایكوبابێن خوه‌ لۆمه‌ بكه‌ن.
ل شوونا ڤێ ره‌وشتێ خوه‌ بگوهۆڕن. هه‌ر كه‌سه‌كی هنده‌ك شیان و نه‌شیانێن هه‌ین. بزاڤێ بكه‌ن كو بشێن شیانێن خوه‌ بنیاسن و بكاربینن و ب هاریكاریا وان ل سه‌ر نه‌شیان و كێماسیێن خوه‌ زال بن.
كێم نینن ئه‌و كه‌سێن فالنجی یان گه‌له‌ك ئه‌گه‌رێن دی هه‌ین، شیاینه‌ ب چاڤێ ده‌رفه‌ته‌كێ به‌رێ خوه‌ بده‌نه‌ خوه‌ و هه‌تا د هنده‌ك كاراندا گه‌له‌ك زیره‌كتر و چالاكتر ژ كه‌سێن دی بووینه‌.
به‌ری ده‌می، شكه‌ستنێ بۆ خوه‌ نه‌دانن.
هه‌كه‌ هه‌وه‌ ژ به‌ر ترسێ، كاره‌كێ نوو ده‌ست پێ نه‌كربیت، د راستیێ دا هه‌وه‌ به‌ری ده‌می شكه‌ستنا خوه‌ یا قه‌بوولكری. ئه‌نجامێ هه‌ر كاره‌كی دبیت ب سه‌ركه‌ڤتن یان شكه‌ستنێ رووبروو ببیت. گه‌له‌ك ژ خه‌لكی ژ به‌ر نه‌گه‌هشتنا ب ئێكجاری بۆ سه‌ركه‌ڤتنێ، بۆ خوه‌ شكه‌ستنێ دادنن. لێ مرۆڤێن سه‌ركه‌ڤتی، شكه‌ستنێ وه‌كو سه‌ربۆره‌كێ دزانن. هه‌ر چه‌ند كو ژماره‌یێن سه‌ركه‌ڤتنێن وان د كاری زێده‌تر بیت. ل راستیێ دا، سه‌ربۆرێن، ڤی كه‌سی د ڤی بیاڤی دا بۆ گه‌هشتن ب سه‌ركه‌ڤتنێ دێ پتر بن. دبیت چێرۆكا (داهێنانا كلوپا ئه‌دیسۆنی) هه‌وه‌ گوهلێ ببیت. دبێژن ئه‌دیسۆن بۆ گه‌هشتنا سه‌ركه‌ڤتنێ 999 جاران شكه‌ستن خوار بۆ جارا 1000 سه‌ركه‌ڤتن بده‌ستخۆڤه‌ ئینا و شیا گلوپا روناهیێ دورستبكه‌ت و هه‌موو جهان روونبكه‌ت. ل وی ده‌می په‌یامنێره‌كێ گه‌نج پرسیارێ ژێ دكه‌ت: (تو ژبه‌ر شكه‌ستنێن ئێك لدووڤ ئێك، یێ توڕه‌ نینه‌؟)
ئه‌دیسۆن دبێژیت: من شكه‌ستن نه‌خواریه‌، هه‌موو سه‌ركه‌ڤتن بوو، د راستی دا من 999 رێ په‌یداكرن كو نه‌دبوونه‌ ئه‌گه‌رێ دروستبوونا داهێنانا گلوپێ، پاشی رێیا 1000ێ من تاقیكر و ئه‌ز سه‌ركه‌ڤتم.
رێژه‌یا باوه‌ری ب خوه‌بوونا خوه‌ زێده‌ بكه‌ن.
هه‌وه‌ دڤێت، هه‌وه‌ باوه‌ری ب وێ تشتی هه‌بیت كو گه‌هشتن ب ئارمانج و كاراكرنا داخوازیێن خوه‌، وێ باوه‌رییێ كو بزاڤا هه‌وه‌ لاواز كریه‌ و سه‌ركه‌ڤتنا هه‌وه‌ گره‌نتی دبیت.

هه‌كه‌ ب هه‌ست و نێرینه‌كا دوور ژ تێگه‌ها سیاسی ئه‌ڤ مانشێتێ ل سه‌ری بهێته‌ خواندن، دبێت ڕه‌نگدانه‌ڤه‌یێن خراب ژ بوَ بابه‌تی بهێنه‌دان، ژ به‌ر ڤێ چه‌ندێ هیڤیدارم به‌ری خواندنا بابه‌تی بریارێ ل سه‌ر ناڤه‌ڕوكا بابه‌تی نه‌ده‌ن.
داعش وه‌كو رێكخراوه‌كا تیرۆری و خوه‌دی مه‌ترسیدارترین كریارێن هۆڤانه‌نه‌ د ڤان سالێن داویدا دروستبوویه‌، به‌لكی به‌رهه‌مێ ئایدولوژیایه‌كا كه‌ڤنار و پڕكینه‌ و مه‌ترسیداره‌ كو سه‌دان ساڵن تۆڤێ وێ دهێته‌ چاندن و پشتی ده‌ركه‌فتنا چه‌ندین رێكخراوێن دیتر یێن تیرۆری مینا قاعیده‌ و تالیبان و ئه‌نصار.. . هتد، ئه‌ڤ رێكخراوه‌ هاته‌ مه‌یدانێ كو هێشتا توندتره‌ ل وان رێكخراوان.
وڵاتێن وه‌كی ئه‌ورۆپا و ئه‌مریكا ژی ل گه‌ل وه‌ڵاتێن روَژهه‌ڵاتا ناڤین ب گشتی هه‌ست ب مه‌ترسیا كه‌سانێن توندڕو یێن ئیسلامی دكرن و دكه‌ن، ژ به‌ر ڕاماڵینا تیرۆرستان د ناڤ جاده‌ و كوڵانێن وه‌لاتێن خوه‌دا، ئه‌وان ب هاریكاریا هنده‌ك وڵاتێن دیتر یێن كه‌نداڤ ب تایبه‌ت، بزاڤا كۆمكرنا وان كه‌سێن مه‌ترسیدار كرن، هه‌ر وه‌كی چاوا گلێش و زبل پێدڤی ب كۆم كرنێنه‌ به‌ری سۆتنێ، ئه‌و كه‌سانێن توندڕو و مه‌ترسیدارژی ل ده‌ف وان وه‌سا پێدڤی ب كیمكرنێ بوون، به‌ری ژناڤبرنێ، ل گه‌ل ڤێ چه‌ندێ ئه‌مریكا و هه‌ڤپه‌یمانێن وێ پڕۆژه‌یه‌ك یا ل ڕۆژهه‌ڵاتا ناڤه‌ڕاست هه‌ی، ئه‌وژی لاوازكرن و دابه‌شكرنا وڵاتێن دیكتاتور و شه‌ڕخواز كو ئه‌و ب مه‌ترسی ل سه‌ر پاشه‌رۆژا وڵاتێن خوه‌ دبینن، هه‌كه‌ سه‌رنجێ بده‌ین شه‌ڕی ژناڤبرنا حوكمه‌تا دیكتاتۆر یا به‌عس ژی ئه‌مریكا زێده‌تر ب ئارتێشا پیاده‌ یا ئه‌مریكی كار ژ بۆ پڕاكتیزه‌كرنا پڕۆژه‌یێ خوه‌ دكر، لێ پشتی شه‌ڕێ عیراقێ ل ساڵا 2003 یێ پتر ئه‌مریكا ب ڕێكا رێكخراوێن تیروری و لایه‌نێن نافخوه‌یی یێن وه‌ڵاتێن دیتر كار ژ بۆ جێبه‌جێكرنا پڕوَژه‌یێن خوه‌ دكه‌ت.
كورد كو سه‌دان ساڵن وه‌كی ملله‌ته‌كێ بن ده‌ست و ئاشتیخواز ژ بوَ مافێن مرۆڤی و نه‌ته‌وه‌یی یێن ڕه‌وایێن خوه‌ خه‌باتێ دكه‌ن، لێ چ جارا نه‌شیاینه‌ ژ بو جیهانێ ب گشتی ڤێ ڕاستیێ بسه‌لمینن، ژ به‌ركو هه‌می ده‌مه‌كێ لۆبی و ڕاگه‌هاندن و سیاسه‌تا دوژمنێن كوردان ڕوڵه‌كێ ب هێزتر هه‌بوو و ل دژی دوزا كوردی ب ڕه‌نگه‌كێ ئه‌كتیڤ كار دكر، ژ به‌ر به‌رژه‌وه‌ندیێن ئابووری و سیاسی و سه‌ربازی، وه‌ڵاتێن زلهێزێن مینا بریتانیا و ئه‌مریكا و فه‌ره‌نسا و ئه‌ڵمانیا. .. هتد، چاڤپووشی ل ئێش و ئازارێن گه‌لێ كورد دكر و هه‌تا گه‌له‌ك جاران پشتگیریا دیكتاتوران ژی دكر.
سه‌دان ساڵان كوردان ل دژی دیكتاتۆر و خوین مێژ و شۆڤێنیا شه‌ڕ دكر، لێ چ جاران جیهانێ دان ب وێ چه‌ندێ نه‌كر كو شه‌ڕێ كوردان ل گه‌ل رژێما به‌عس شه‌ڕ كرنه‌ل رژێمه‌كا تیرۆری و دیكتاتۆر، چ جاران بریتانیا و وه‌ڵاتێن ئه‌ورۆپی نه‌دڤیا ب په‌رژینن كو شه‌ڕی كوردان ل گه‌ل ئوسمانی و سه‌فه‌ویان بوَ ڕزگاركرنا گه‌له‌كێ بن ده‌سته‌. .. هتد،
لێ شه‌ڕێ كوردان ل گه‌ل داعش هه‌می هه‌ڤكێشه‌ به‌روڤاژی كرن، كورد شیان د شه‌رێ داعشێ دا دلێ تاك تاكێن خه‌لكێن ئاشتیخوازێن ئه‌ورۆپا و ئه‌مریكا بۆ لایێ خوه‌ڤه‌ بكێشن، شیان جه‌وهه‌رێ پێشمه‌رگه‌ كو د چاڤێن جیهانێدا وه‌كی رێكخراوه‌كا مه‌ترسیدار هاتبوو نیاسین دیار بكه‌ن كو پێشمه‌رگه‌ به‌رگیریكه‌رێ ئاشتیێ یه‌ و ل دژی تیرۆرێ و توندوتیژیێ ژ بوَ هه‌می جیهانێ دجه‌نگیت و خوینێ دڕێژیت، كورد شیان د شه‌ڕێ داعشێ دا وان ڕاستیا دیار بكه‌ن كو سه‌دان ساڵن دوژمنێن كوردان ژ به‌ر چاڤێن گه‌لێن جیهانێ به‌روڤاژی نیشا دده‌ن،
ڕاسته‌ مه‌ كوردان قوربانیه‌كا مه‌زندا، گه‌له‌ك جوان و خورتێن مه‌ جانێ خوه‌ كره‌ فیدایێ كوردستانێ، لێ ژ بوَ ئاڤاكرنا وڵاته‌كێ دیاره‌ قوربانیدان دڤێت، جهێ داخێ یه‌ داكو مرۆڤایه‌تی بژیت و نه‌مریت هه‌رده‌م هنده‌ك دبنه‌ قوربانی، لێ ئه‌ڤ قوربانیدانه‌ خودان به‌رهه‌مه‌كێ زۆر پیرۆز و پڕ بهایه‌، ژ به‌ركو ئه‌ڤ خوینه‌ بناغه‌یێ ده‌وڵه‌تا كوردی چێكر و كوردستانا سه‌ربخو كره‌ راستیه‌ك كو كه‌س نه‌شێت ڕێگیریێ لێ بكه‌ت.

گه‌له‌ك گرنگه‌ د ڤی ده‌می دا، سه‌ركردایه‌تیا سیاسی بزاڤێ بكه‌ت بۆ دامه‌زراندنا هێزا پێشمه‌رگێ كوردستانێ ل سه‌ر بنگه‌هه‌كێ زانستی و مه‌شق و راهێنان پێ بهێته‌ كرن داكو به‌ره‌ڤانیێ ژ ئاخا هه‌رێما كوردستانێ بكه‌ت و باشتره‌ ئه‌ڤ هێزه‌ دوور بیت ژ ته‌ڤلیبوون و گرێدانا رێخستنا پارتایه‌تی كو هێزه‌ك بیت ڤێ قووناغا ئه‌م تێدا، حوكمه‌تا باشوورێ كوردستانێ و بزاڤا رزگاریخوازیا نه‌ته‌وا كورد و كوردستانێ به‌ر ب په‌راڤێن ته‌ناهیا ده‌رانده‌ری ببه‌ت و دیسا دڤێت ئه‌ڤ هێزه‌ د چارچووڤ و هندرێ وه‌زاره‌تا به‌رگریا كوردستانێ كارو و خه‌بات و بزاڤێن خوه‌ یێن نیشتمانی بكه‌ت.
ره‌وشا ڤێ داویێ ل كه‌سكێ و شنگال و جه‌له‌ولا دیار و خۆیا بوو كو وه‌ك پێدڤی هێزا پێشمه‌رگه‌ی هند یا بسه‌روبه‌ر و رێخستی نه‌بوو، له‌ورا ل گۆر خواستا گه‌لی نه‌شیان ڤالاتیێ پربكه‌ن ل هه‌مبه‌ر چه‌ته‌یێن داعش، له‌وما دڤێت ئه‌و ڤالاتی و ده‌رز ب ره‌ه و ریشال ڤه‌ بهێته‌ چاره‌كرن و رێكارێن قانوونی و سه‌ربازی بهێنه‌ ئه‌نجامدان بۆ چاره‌سه‌ركرنێ، چونكو خزمه‌تكرنا له‌شكری ل سه‌ر بنگه‌هێ زانستی سه‌ربازی بۆ پاراستنا خاك و سه‌رداریا كوردستانێ گرنگه‌ و دڤێت هێزه‌ك پێشمه‌رگه‌ی هه‌بیت كو هێزه‌كا نیشتمانی بیت كو ل ئاست به‌رخودانا هه‌می روودانان بیت.
خزمه‌تكرنا نه‌چاری، مرۆڤی ته‌مه‌ن 18 سالی، دێ وی ئێخته‌ ژێر رێكوپێكی و دیسپلینا له‌شكری، هه‌كه‌ ئه‌ڤ پێنگاڤه‌ بهێته‌ هاڤێتن دێ هێزه‌كا سه‌روبه‌ر و رێكوپێك ل ئاست روودانان په‌یدا بیت ودێ شێت ل هه‌مبه‌ر روودانان راوه‌ستیت و ره‌نگڤه‌دانه‌كا ئه‌رێنی ل كوردستانێ و جیهانێ دروست كه‌ت و سه‌روه‌ریا كوردستانێ دێ گه‌هیته‌ گۆپیكا نیشتمانی، ژ به‌ر هندێ له‌شكریا نه‌چاری ل دووڤ پرۆژه‌ قانوونه‌كێ دێ كاره‌كێ فه‌ر و پێدڤی بیت.
پێدڤیه‌ ئه‌ڤ پرۆژه‌ قانوونه‌ ژ ئالیێ جڤاتا نیشتمانیا كوردستانی بهێته‌ به‌رهه‌ڤكرن و بهێته‌ په‌ژراندن كو دێ ئه‌ڤ چه‌نده‌ بیته‌ بنگه‌هه‌ك بۆ هێزا له‌شكریا كوردستانێ و دێ هێز و له‌شكره‌كێ ریكوپێك بهێته‌ دامه‌زراندن كو ئه‌ڤ هێزه‌ دێ بیته‌ هێزا ئێكانه‌ بۆ پاراستنا ده‌ستكه‌فت و سه‌روه‌ری و خوه‌سه‌ریا كوردستانێ، له‌وما پێدڤیه‌ به‌ری ده‌مه‌كی ئه‌ڤ پێنگاڤه‌ بهێته‌ هاڤێتن و د ده‌مێ شه‌ش هه‌یڤان دا هێزا پێشمه‌رگێ كوردستانێ د چارچووڤێ له‌شكره‌كێ ئێكگرتوو بهێته‌ رێكوپێككرن و گڤاشتن ل پارتی و ئێكه‌تیێ بهێنه‌ كرن، هه‌ر دو یه‌كه‌یێن حه‌فتا و هه‌شتا د چارچووڤێ وه‌زاره‌تا كاوربارێن پێشمه‌رگه‌ی ته‌ڤلی هه‌ڤ ببن، هه‌ردو فه‌رمانده‌ له‌شكرێ كوردستانێ و فه‌رمانده‌یا هێزا پێشمه‌رگه‌هێ كوردستانێ ئێك بگرن دو ژ كارتێكرن و باندورا پارتان.
له‌وما دامه‌زراندنا هێزه‌كا له‌شكری ئێكگرتوو د چارچووڤێ وه‌زاره‌تا به‌ره‌ڤانیا كوردستانێ دا گرنگ و دیرۆكی یه‌ و پێدڤیه‌ فه‌رمانده‌یا گشتی یا هێزێن پاراستنا كوردستانی ب دل كار بكه‌ن، هێزا پێشمه‌رگێ كوردستانێ ب كۆمی سه‌رهه‌ڤ بكه‌ن د چارچووڤێ وه‌زاره‌تا به‌رگریا كوردستانێ و ده‌ملده‌ست هه‌ردو فه‌رماندێن حه‌فتێ و هه‌شتێ كو یا حه‌فتێ سه‌ر ب ئێكه‌تیێ یه‌ و یا هه‌شتێ سه‌ر ب پارتی یه‌ نه‌مینن و بچنه‌ هندرێ وه‌زاره‌تا پێشمه‌رگه‌ی و به‌رده‌وام مه‌شق و راهێنان و هشیاریا نیشتمانی و نه‌ته‌وی و مللی ل سه‌ر ئاستێ هێزا پێشمه‌رگه‌ی یا به‌رده‌وام بیت.

پشتی روودانێن ڤان چه‌ند هه‌یڤێن بوورین دا رووداین ل شنگال و زۆمارێ، بێهیڤیه‌كا مه‌زن په‌یدابووی ل ده‌ف ملله‌تێ مه‌ یێ كورد ب شێوه‌یكی گشتی و هه‌ستێ مه‌ یێ نه‌ته‌وایه‌تی هاته‌ برینداركرن، ئه‌م هه‌می دزانین كو ئه‌و روودانه‌ كارتێكرنه‌كا مه‌زن ل سه‌ر هه‌ستێ سه‌رۆك مسعوود بارزانی كر و یا دیاره‌ كو هه‌ستێ وی یێ نه‌ته‌وایه‌تی پالدا بۆ چوونا سه‌نگه‌ری و سه‌ركێشیا شه‌ڕی ژ نێزیك ل گه‌ل پێشمه‌رگه‌ی و پالدانا پێشمه‌رگه‌ی بۆ شه‌ره‌كی ب هێزتر و دژوارتر، ئه‌ڤ پێنگاڤه‌ دهێته‌ دیتن وه‌كو پێنگاڤه‌كا پیرۆز ژ لایێ سه‌رۆكه‌كی ناڤدار وه‌كو سه‌رۆكی و هاته‌ نڤیسین د پرووتوكا مێژوویا وی یا به‌رنیاس دا.
به‌لێ ل ڤێرێ من دڤیا رۆنكرنه‌كێ ل سه‌ر پشكداركرنا سه‌رۆكی بكه‌م د شه‌ڕی دا ل سه‌نگه‌ری و بینمه‌ بیرا هه‌ر كورده‌كی دلسۆز دا كو سه‌رۆك بارزانی ئه‌و سه‌رۆكه‌ یێ كو په‌یوه‌ندیێن جیهانی ل گه‌ل هه‌رێما كوردستانێ ب هێزكرین و ب رێیا گه‌رانا خوه‌ ل ده‌وله‌تێن جیهانێ دا شیان هه‌بوو كو چه‌ندین سه‌رۆك كۆمارێن جیهانێ رازیبكه‌ت بۆ پشتگیریا هه‌رێما كوردستانێ و ڤه‌كرنا قونسلخانان ل هه‌ولێرێ و ده‌ست ب وه‌به‌رهێنانێن خوه‌ بكه‌ن ب رێیا كۆمپانیێن بیانی ل كوردستانێ، هه‌ر وه‌سا سه‌رۆك ئه‌و بوو كو شیره‌ت كربوو كو داخوازی ژ كۆمپانیێن مه‌زن یێن ئه‌مریكی بهێته‌ كرن ژ بۆ كاركرنێ ل كوردستانێ داكو ئه‌م پشت راستبین كو ده‌وله‌تا ئه‌مریكا پاراستنا به‌رژه‌وه‌ندیا كۆمپانیێن خوه‌ بكه‌ت ل كوردستانێ و ملله‌تێ كورد پشت راست بیت ژ پشتگیریا ئه‌مریكا، هه‌ر وه‌سا دخواز ژ وه‌لاتی ئه‌مریكا كریه‌ كو قاعیده‌كا له‌شكری دانته‌ كوردستانێ داكو ببیته‌ شیره‌كی تیژ چاڤێن نه‌یارێن كوردان ل هه‌ر چه‌ند ده‌وروبه‌رێن هه‌رێما كوردستانێ.
ئه‌رێ پشتی ڤان هه‌می ده‌ستكه‌فتنا ما نه‌ شه‌رمه‌ بۆ هه‌می كه‌سێن شۆله‌ژێ كو كارێ خوه‌ یێ له‌شكری ب دروستی نه‌كرین، ئه‌ڤرۆ سه‌رۆك بچیته‌ سه‌نگه‌ری و كارێ دپلۆماسی بهێلیته‌ پشت خوه‌ داكو سه‌نگه‌رێ كوردستانێ بپارێزیت؟ ما خودی نه‌كه‌ت هه‌كه‌ زیانه‌ك ل سه‌رۆكی بوو كی دێ ب ڤی شێوه‌ی خزمه‌تا ملله‌تێ كورد كه‌ت؟ هه‌كه‌ ملله‌تێ كورد هه‌می هزرێن خوه‌ باش بكه‌ن، دێ هه‌می چه‌كی راكه‌ن و داخوازیێ ژ سه‌رۆكی كه‌ن بزڤریته‌ هه‌ولێرێ ڤه‌، هه‌كه‌ له‌شكرێ كوردستانێ و پێشمه‌رگه‌ باش هزرێن خوه‌ بكه‌ن، ئه‌و دێ خۆشیێ ل خوه‌ حه‌رامكه‌ن و ره‌حه‌تیا خوه‌ وه‌رناگرن هه‌تا سه‌رۆكی پشت راست كه‌ن. بزڤریته‌ پایته‌ختێ ڤه‌، پشتی چه‌ندین سالێن ده‌ستكه‌فتنان و پێشڤه‌چوونێ ل كوردستانێ ئه‌م چو نه‌ به‌رهه‌ڤین ڤان ده‌ستكه‌فتنان به‌رئاڤدا به‌ردین، چو بهانه‌ به‌رئاقلی ناكه‌ڤت هه‌كه‌ كێماسی كه‌فته‌ كارێ له‌شكری ل سه‌نگه‌ری، بلا هه‌می ملله‌ت هاریكاربیت بۆ ئاشكه‌راكرنا گه‌نده‌لیا هاتیه‌كرن ل رێزێن پێشمه‌رگه‌ی و ئه‌م هه‌می ببینه‌ ده‌سته‌ك هاریكار ل گه‌ل سه‌رۆكی دا كو كه‌سانێن نه‌باش ژ ناڤ رێزێن پێشمه‌رگه‌ی لاده‌ته‌ڤه‌ و ئه‌م هه‌می هاریكاربین بۆ پاقژكرنا داموده‌زگه‌هێن له‌شكری، بۆ كوردستانه‌كا پاك و بژین ژ خیانه‌تێ و پاشه‌رۆژه‌كا گه‌ش بۆ هه‌می زارۆیێن كورد ل كوردستانێ.

ژبه‌ر ڤان ئامیرێن ته‌كنۆلۆجیا سه‌رده‌م و نه‌بوونا كۆنترۆلێ ل سه‌ر زارۆیان هه‌ر بگره‌ ژ مۆبایلێ و ئه‌تاری و فێسبووكێ كو نوكه‌ بووینه‌ وه‌كی تزبیێن ده‌ستێن پیره‌ مێر و قوتایان زۆر پێ ئالۆده‌ و تووشبوونه‌ و كاریگه‌ریێ دكه‌ته‌ سه‌ر ده‌مێ وان و ئاستێ زانستی و خواندندنێ و ژ به‌ر مژوولیا زۆربه‌ی دایك و بابان ب كارێن خوه‌ یێ رۆژانه‌ ژ بۆ په‌یداكرنا پاریێ ژیانێ سه‌باره‌ت یێن هه‌ژار و سه‌یرانێن ئۆرۆپا و توركیا و جۆرجیا سه‌باره‌ت یێن ده‌ستێن وان د به‌ریكا ملله‌تی دا و خودان جهێن نه‌رم و گه‌رم دا و ل ڤێرێ قوتابی دمینه‌ بێ ئاراسته‌كرنا دروست و ده‌مێ وی ب به‌ یهۆده‌ دچیت و هه‌تا دره‌نگی شه‌ڤێ یێ مژووله‌ ب یاریێن هه‌مه‌جۆرڤه‌ یان هه‌ما چ نه‌بیت ل به‌ر تێلفزیۆنێ و زنجیره‌ درامایێ توركی و یۆنانی یێن كاڤلكه‌ر و ب تایبه‌ت ل گوندان و ژ به‌ر كو زۆربه‌ی دایك و بابان دووڤچوونا وان ناكه‌ن یان ب گرنگ نزانن و نزانن ئه‌و ل پۆلا چه‌ندێ یه‌ و ده‌واما وی یا چاوایه‌ و ژ به‌ر ڤێ چه‌ندێ زۆربه‌ی قوتابیان دره‌نگ دنڤن و دره‌نگ ژ خه‌و رادبن و ب له‌زوبه‌ز چانتێ خوه‌ هلدگرن، ئه‌و ژی هندێ گرانه‌ پشتا وان پێڤه‌ دئێشیت ژ به‌ر پرۆگرامێن نوو و پرتووكێن مه‌زن و دچنه‌ قوتابخانێ بێی كو خوارنێ ب دروستی بخۆن یان تێر ناخۆت ژ له‌زان و دڤێت ئه‌ركێ خوه‌ به‌رهه‌ڤ كربیت و گوهداریا مامۆستای بكه‌ت و تێبگه‌هیت، لێ زوو برسی دبیت و هزرێن وی تیكدچن و نه‌ ئارام دبیت و مامۆستا پێڤه‌ دشه‌پلیت هه‌تا تێبگه‌هیت و بابه‌ت بگه‌هیته‌ قوتابیان ڤێجا ئه‌م پێشنیاز دكه‌ین پرۆژێ دانا خوارنێ ل قوتابخانێن بنه‌ره‌تی ژ پۆلا -1-تا پۆلا -6-بێته‌ دابینكرن و د بینڤه‌دانا سیێ دا و بۆ ده‌مێ نیڤ سعه‌تێ خوارنه‌كا سڤك وه‌كی كێكان یان شیری و فێقی، ئه‌ز باوه‌رم دێ پرۆژه‌كی زۆر سه‌ركه‌فتی بیت و قوتابی دێ ب دلخۆشی ئێنه‌ قوتابخانی و باشتر تێگه‌هن و ئاستێ زانستێ دێ بلندتربیت و ئه‌ڤه‌ ئارمانجا مه‌ هه‌میانه‌ و نه‌خاسمه‌ قوتابیی ئه‌ڤرۆ و ل گوندان تووشی به‌دخۆراكیێ دبن چ ژ نه‌یی و چ نه‌زانی و بێ پووته‌یی و ئه‌ون پارچێن مێلاكێن دایك و بابان وسه‌ركرده‌ و فه‌رماندێن پێشه‌رۆژا ملله‌تێ مه‌ یێ سته‌مدیتی و هه‌تا نۆكه‌ د نالیت ژ ئێش و ده‌ردێن ئه‌نفال و كیمیا بارانان وكۆچبه‌ریان و تۆپ و تانك و فرۆكان كو د ناخێ دایك و بابێن واندا جێگیربوویه‌ و قوتابیێن مه‌ سامانێ مه‌ یێ نه‌ته‌وه‌ینه‌ و كوردستانا مه‌ یا ره‌نگین به‌ر ب هه‌رێمه‌كا پترۆلی دچیت ودێ ل ڤان نێزیكیان رۆژانه‌ ملیۆن به‌رمیلێن پترۆلێ ڤرێكه‌ته‌ فرۆتنێ ژبلی نێزیكی ـ10 ـ ملیارێن میترێن سێجاریێن غازێ و ملیارێن دیناران سالانه‌ ب هه‌روه‌ دچن وه‌كی وان -49-ملیۆنێن دیناران بۆ هه‌ر په‌رله‌مانتاره‌كی هاتیه‌ خانه‌نشینكرن پشتی چار سالێن ده‌ستبلندكرنێ یان گه‌ریان ل ئۆرۆپا ما قوتابیێن مه‌ نه‌ فه‌رترن هنده‌كی ژ سامانێ به‌رهه‌مێ خوینا شه‌هیدێن خوه‌ پێ شاد ببن و هه‌ر ئه‌ون پێشه‌رۆژا مه‌!.

ل هه‌می جیهانێ هێمایێ نازكی و جوانی و بێگونه‌هیێ و گرنژینێ (زارۆنه‌)، هه‌می به‌حسێ روویێ گه‌شێ زارۆیان دكه‌ن و كه‌س به‌حسا روویێ دی یێ خرابیێ ناكه‌ت، ده‌مێ تاوانه‌كێ دكه‌ن و چاڤێن خوه‌ بلح دكه‌ن!! راسته‌ دبێژن ددانێن خوه‌ نیشا زارۆیان نه‌ده‌.. به‌س كیم جاران به‌حسێ خرابیێن وان دكه‌ین، نزانم بۆچی؟. دبیت چونكو ئه‌م ژی رۆژه‌كێ زارۆ بووین و مه‌ تێرا خوه‌ خرابی كرینه‌، راسته‌ هنده‌ك زارۆ ب دیمه‌نێ خوه‌ گه‌له‌ك دجانن به‌س بۆ خرابیێ ره‌فتارێن گیانه‌وه‌ران دكه‌ن، ژی ژ به‌ر كێمیا مێشكی، زارۆ جاران هنده‌ك كریاران دكه‌ن هه‌ر وه‌ك تاوان دهێنه‌ ل قه‌له‌مدان، هه‌كه‌ هه‌ر ئێك ژ مه‌ ئاماژێ بده‌ته‌ وان كریار و خرابیین ژ زارۆیان دیتین، ره‌نگه‌ نه‌هێنه‌ هه‌ژمارتن و فه‌رهه‌نگه‌كا مه‌زن ژێ بهێته‌ به‌رهه‌ڤكرن، چ ب كریارێن وان یانژی ب گۆتنێن وان!! په‌نده‌ك هه‌یه‌ دبێژیت: (په‌یڤا ڕاست) ژ ده‌ڤێن زارۆیان ده‌ردكه‌ڤیت. دبیت ب ئاخفتنه‌كێ تشته‌كێ وه‌سا ئاشكرا بكه‌ن كو كوشتن ل سه‌ر بهێته‌كرن، ب راستی زارۆیان تاوانێن مه‌زن كرینه‌، یا من دیتی ژ ل ده‌مێ ئاڤاكرنا خانیه‌كی و سه‌به‌كرنا بانی، كه‌س نه‌ما ل وێرێ، رابوون سۆندێ ئاڤێ ڤه‌كربوون و به‌ردابوون بن درسكێن سه‌بێ (ستوون)، هه‌كه‌ ب له‌ز نه‌گه‌هشتبامێ دا ژبن چیت و ئه‌و سه‌ببه‌ شكێت. دیسا چه‌ندین زارۆیان ئاگربه‌رداینه‌ مالان، نوكه‌ ل مه‌حه‌لا مه‌ هنده‌ك زارۆ هنده‌ دشیمن، دێ بێژی ئاگر و فلفلن، ب شه‌ڤ و رۆژ ل كۆلانان، چ شۆلا خرابه‌ دكه‌ن، گلۆپێن خه‌لكی و په‌نجه‌ر و ده‌رگه‌هان دشیكێنن، ده‌رگه‌هان دقوتن و دره‌ڤن، هنده‌ك زارۆ هه‌نه‌ هه‌ما پیچه‌ك یا مایی دێ بلۆكان ژ دیواران ڤه‌كه‌ن، زێده‌باری جڤینێن پیس، دڤێت نه‌بێژیێ وه‌نه‌كه‌.. هه‌كه‌ ته‌ گۆتێ ژی.. دێ بیه‌ نه‌خۆش مرۆڤ ودێ خرابتر لێكه‌ی، دێ ئاخفتنێن نه‌ جوان بێژنه‌ ته‌ یان دێ ترومبێلا ته‌ ب شه‌ڤ خیچ خیچ كه‌ن، دایك و باب ژی به‌رگریێ ژێ دكه‌ن، چه‌ندی مه‌ گۆتیێ: هه‌ڕن و شیمیان نه‌كه‌ن، بێ فایده‌یه‌!! مه‌ گۆتێ هه‌ر كه‌سێ نه‌چیت دێ دایكا وی دینه‌ شوو!! به‌لكو پتر كه‌یفا دایكێن وان دهێت و خرابتر لێدهێن!! هه‌كه‌ بێژم كو من ب چاڤێ خوه‌ دیتیه‌ زارۆیه‌كی له‌ق ل دیواران داینه‌ دبیت باوه‌رنه‌كه‌ن. جاره‌كێ ماله‌كا خودان كۆزه‌كا زارۆیێن شیم ل مه‌ بوونه‌ مێڤان، مه‌ تشته‌ك نه‌هێلا ل به‌ر ده‌ستان دا له‌قا لێنه‌ده‌ن، به‌لێ هاتن و به‌رێ خوه‌ ددانه‌ دیواران و دگۆتن: ههههه‌ ئه‌ڤه‌ دیوارن و بلۆكن چه‌ند دجوانن!!.
من چو دوژمناتیی و خوینداری نینه‌ ل گه‌ل چو زارۆیان به‌س، ئه‌ڤه‌ روویێ دێ یێ زارۆیانه‌. تشته‌كێ سه‌یر من دیت ل گه‌شتا خوه‌ بۆ توركیا، هه‌ر ژ دهۆكێ هه‌تا ئه‌نتالیا من خوه‌ زارۆیه‌ك نه‌دیت ل سه‌ر جادێ.. نزانم ئه‌و په‌روه‌ده‌كرنه‌ یانژی ژ سه‌رمان دابوو یانژی نورمال بوو. ل وێرێ گه‌له‌ك بێهنا من هات و من چو ڤایرۆس نه‌دیتن كو خه‌بسێ بكه‌ن یان گێله‌شۆیه‌كێ. ئه‌ڤجا تو ژی پشتا خوه‌ نه‌دێ و هه‌كه‌ ببینی یێ چاڤبلحه‌ بزانه‌ جه‌ریمه‌كا د چاڤین ویڕا!!.