ئه‌ڤرۆ:
بڕياره ئه‌ڤرۆ 25\3\2015 ل سه‌ر ئاستێ جيهانێ چه‌ند ياريێن هه‌ڤالينى بهێنه كرن كو ئه‌ڤێن ل خوارێ گرنگترين ئه‌و يارى نه:
1:00 ئه‌ندونوسيا * كاميرون
8:00 جورجيا * مالتا
8:00 نايجيريا * ئوگه‌ندا
8:00 سوازيلاند * ژێريا ئه‌فريقيا
10:15 دانيمارك * ئه‌مريكا
10:30 ئه‌لمانيا * ئوستراليا
10:45 ئوسكوتله‌ندا * ئايرله‌ندا ژوورى
ئەڤرۆ:
راھێنەرێ بەرێ یێ ھەلبژارتیێ عیراقێ حەکیم شاکر دوپاتکر کو راھێنەرێ ھولەندی فرانک ریکارد ژ ھەر کەسەکێ دی باشتر سەنگا وی دزانیت.
زێدەتر راھێنەر حەکیم شاکر وینەکێ خوە ل گەل راھێنەرێ ھولەندی فرانک ریکارد ا سەر پێچێ خو یێ تایبەت ل سەر تورا کومەلایەتی یا ئەنتسگرامێ بەلاڤەکریە و ل سەر نڤێسیە وێنەکێ جوانە ب ھەمی رامانێن خوەڤە کو ئەو و راھێنەرێ ھولەندی و ھەلبژارتیێ سعودیێ د قارەمانیا کەندا ڤی یا ٢١ دا تێدا دیار دبن پشتی ب دووماھی ھاتنا یاریێ ب سەرکەفتنا ھەلبژارتیێ عیراقێ و زێدەتر خویاکریە پشتی ڤێ یاریا ھەنێ شاندەکی ژ ئێکەتیا تەپا پێ یا عیراقێ چونە لایێ راھێنەر ریکاردی و داخواز ژێکر رازی بیت بو وەرگرتنا ئەرکێ راھێنەریا ھەلبژارتیێ عیراقێ لێ بەرسڤا ریکاردی ئەو بویە کو ھەلبژارتیێ عیراقێ راھێنەرەک ھەیە ژ باشترینێن قارەمانیێ یە و شیایە سەرکەفتنێ ل سەر یاریکەرێن وی تومار بکەن ب کومەکا یاریکەران کو پرانیا وان ژی گەنج بوون بو جارا ئێکێ بوون یاری بو ھەلبژارتیێ عیراقێ کرین.
ل دووماھیێ خویاکر کو ب ڤان گوتنا پیشەکاری و رەوشتێ دروست یێ وەرزشی یێ ریکاردی خویا بوو و ژبەر ڤێ چەندێ ژی ئەف وێنە وی بەلاڤەکریە داکو یێن دی فێری باوەری و سەرەدەریێ و گیانێ وەرزشی و پیشەکاریێ بن.
ئه‌ڤرۆ:
هه‌كه تە کێشا پرچ وەریانێ ھەبیت و پرچێ تە یێ ھشک بیت چ تشتەک وەکی زەیتا زەیتونان یێ ب مفا نینە بۆ پرچێ تە ب تنێ تو پێدڤی ب دو زەرکێن ھێکايی ل گەل دو کەچکێن زەیتا زەیتونان باش تێکەل بکە و ل ھەموو پرچێ خوە بەلاڤە بکە و بو دەمێ سەعەتەک هه‌تا دو سەعەتان بھێلە پێڤە پاشی ب ئاڤا تێنشیر و شامپۆیێ بشوو، دێ جوداھیێ ئێکسەر بینی.
تێبینی د شیان دایە تو کەچکەکێ ھنگڤینی ژی ل گەل تێکەل بکەيی هه‌تا کو پرچێ تە نەرم بکەت.
ئەڤرۆ نیوز:
رێڤەبەریا گشتیا کەشناسیێ ل ھەرێما کوردستانێ راگەھاند کو سوبەھی دێ ئه‌سمان ب نيڤى ئه‌ور بيت و پاشان ژى ئه‌ورێن بچووك په‌يدا بن و پاشان ژى بيته ساهى.
پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئەنجامێ به‌رده‌واميا فشارێن وه‌لاتێ توركيا كو هه‌وايه‌كێ سار ل گه‌ل دايه بۆ ل سەر ھەرێما کوردستانێ ئەو پێشبینی دکەن کو سوبەھی رێکەفتی 2015.3.26 دێ ئه‌سمان ب نيڤى ئه‌ور بيت و پاشان ژى ئه‌ورێن بچووك په‌يدا بن و پاشان ژى بيته ساهى.
رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلا گەرماتیێ دێ بلند بيت وەکو ھەڤبەرکری بیت ل گەل رۆژێن بەری نوکە ب رەنگەکی د ناڤبەرا 17 بۆ 11 دا.
ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ ل رۆژهه‌لاتى بیت ب رەنگەکی دێ ل سه‌رخۆ و ناڤه‌ندى بیت د ناڤبەرا 5 بۆ 20 کلم د دەمژمێرەکێ دا و ماوێ دیتنێ ژی دێ 8 بۆ 10 کلم دا بیت.
ئه‌ڤرۆ نيوز:
هۆنه‌رمه‌ند نازدار جزيرى وێنه‌كێ خوه يێ نوو ل سه‌ر تۆڕا ئينستگرامى به‌لاڤكريه كو يێ بێ ميكياژه.
د پێگه‌هێ خوه يێ تايبه‌ت يێ تۆڕا ئينستگرامى دا، هۆنه‌رمه‌ندا كورد نازدار جزيرى وێنه‌كێ خوه به‌لاڤكريه كو داره‌كێ سێلڤى د ده‌ستى دايه و وێنه‌كى بۆ خوه دگريت و چو ميكياژ پێڤه نينه.
هنده‌ك ژ پشته‌ڤانێن نازدار بۆ نڤيسيه تو بێ ميكياژى ژى هه‌ر يا جوانى.
پێشتر نازدارێ ژ به‌ر ره‌وشا نوكه يا كوردستانێ، يابكوتا ئاهه‌نگێن نه‌ورۆزێ كربوو.
گەنجەکێ ٢٤ سالی دلێ خوە بۆ رۆژناما ئەڤرۆ ڤەدکەت و دبێژیت: من ھەڤالەکا کچ ھەبوو، ئەوێ قووناغا ئامادەیی تەمام کریە. ئەز و ئەو بۆ ماوێ سالەکێ پێکڤە ھاتبووینە گرێدان و مە ئێکدو دڤیا ھەردەم د گۆتە من سروشتێ خوە بگوھرە و تو یێ گرتیی، لێ ژ بەر کو ئەز زوو تورە دبووم ئەو ژی ب دروستی نەدوێریا ل گەل من باخڤیت پاشان ژ بەر ڤان رەفتاران وێ ئەز ھێلام و شووکر و ئەز ب تنێ مام، لێ نھا ئەز ل جھەکێ گشتی کار دکەم و چەند کچا داخوازا ژ من کری لێ دلێ من ل سەر راناوەستیت و ئەز ئەز گەلەک ھزرێن وێ دکەم گەلەک یێ دامایی مە ئەڤجا ھوون چ دبێژن و ئەز چ بکەم؟
گەنجێ ھێژا:
ھەموو کەس دھێنە به‌لاڤكرن ل سەر چەند جۆرا کو ھەر ئێک ژ وان یێ جودایە ژ یێن دی ئەڤجا یێ ھەيی یێ ڤەکری گەلەک و بەرامبەری وی یێ گرتی و ھەر ئێک ژ وان چەند ساخلەت ھەنە لەوما نەمەرجە ھەموو د وەکی ئێک بن و جورێ پەرەردەکرنێ کاریگەریەکا مەزن یا ھەی ل سەر پیکَئینانا کەسایەتیێ نەخاسمە ساخلەتێن گرێدای ب پەیوەندیێن جڤاکی ڤە لەوما دبیت جورێ پەروەردا تە ئەڤ ساخلەتە لدەف تە پەیدا کر بیت ئەڤە ژی نە کێماسیە بەلکو کارتێکرنێ ل سەر پەیوەندیێن تە دکەت بەلێ زور کەسا ئەڤ نیشانە یێن ل دەف ھەین بو زانین ل سەنتەرێن دەروونی تو دشێی مفای ژێ وەربگری و ب چەند روینشتنا دێ ھێیە گۆھۆڕین و دیسان ھەول بدە جورێن ھزرێن خۆ بگوھورە و دیتنێن نە گونجای ژ خۆ دویر بێخە و ھەرە دناڤ بزاڤێن جڤاکی دا و پەیوەندیێن خو زێدە بکە و ستایلێ ژیانا خۆ بگۆھۆڕە .
پۆ په‌يوه‌نديكرنێ ب گۆشا دلێ خوه ڤه‌كه په‌يوه‌نديێ ب ڤێ ژمارا تله‌فۆنێ بكه: 07503404123
ئه‌ڤرۆ:
نۆم چۆمسکی زانایێ ناڤدارێ ئەمریکی بۆ ئاژانسا رویتەرز دیار کریە کو نھا نەخشێ رۆژھەلاتا ناڤین دھێتە گوھۆرین و دڤێت کورد رژد بن بۆ ئاڤاکرنا دەولەتا کوردی، چونکو ھەکە نھا دەولەتا کوردی نەھێتە راگەھاندن رەنگە ھەتا سەد سالێن دی ژی دەلیڤەکا وەک یا نھا ھاتیە دەستێ کوردان بدەستڤە نەھێت چونکو بەرژەوەندیێن رۆژئاڤا ل گەل کوردانە و دڤێت کورد نھا دەولەتا خوە ئاڤا بکەن.
ئەڤرۆ:
ھەڤسەرۆکا HDP د داخۆیانیەکی دا بۆ رۆژناما ئەڤرۆ راگەھاند کو ئالیێ کوردی، بۆ سەرخستنا قۆناغا ئاشتیێ و چارەکرنا پرسا کوردی ئەرکێن سەر ملێن خوە بجە ئیناینە و نھا ئەو ھەموو چاڤەرێی ڤێ یەکێ نە کو حوکمەتا تورکیا د چارەکرنا پرسا کوردی دا پێنگاڤان ب ئاڤێژیت.
فیگەن یوکسەکداغ ھەڤسەرۆکا پارتا دیمۆکراسیا گەلان HDP د داخۆیانیەکی دا بۆ رۆژناما ئەڤرۆ راگەھاند کو نەورۆزا ئەڤسالە بۆ گەلێ کورد و گەلێ تورک و پاشەرۆژا تورکیا نەورۆزەکا دیرۆکی بوو و گۆت: (بەرێز ئۆجەلان د پەیاما خوە یا نەورۆزێ دا بۆ ھەموو جیھانێ ئاشکرا کر کو خوەدانێ پرۆسا ئاشتیێ گەلێ کوردە و بۆ سەرخستنا قۆناغا ئاشتیێ چ ژ دەستێ مە بھێت ئەم دێ کەین و ئەم ل دژی شەری و زۆرداریێنە و ژ خوە سەرکەڤتنا مە یا د ھەلبژارتنا بھێت یا پەرلەمانێ تورکیا دا ژی دێ دەستێ ئاشتیێ ب ھێزتر کەت).
فیگەن یوکسەکداغ ھەروەسا دیار ژی کر کو ئەو پشتەڤانیا ڤەکێشینا ھێزێن گەریلا ژ ئاخا باکورێ کوردستانێ و تورکیا دکەن و گۆت: (تشتێ کو ئەز دبینم دێ پارتا کارکەرێن کوردستانێ د دەمەکی گونجای دا کۆنگرێ خوە ساز بکەت و بریارا ڤەکێشینا گەریلا ژ باکور و تورکیا وەربگریت و راگرتنا شەرێ چەکداری ل دژی تورکیا رابگەھینیت، لێ دڤێت ھەتا کۆنگرە بھێتە سازکرن حوکمەتا تورکیا ژ ئالیێ خوە نەخشێ چارەکرنێ و دەە خالێن کو بەرێز ئۆجەلان داخواز کریە گەنگەشە بکەت و بریارا ئاشتی و چارەکرنا پرسا کوردی رابگەھینیت).
ھەڤسەرۆکا HDP د پشکەکا دی یا ئاخڤتنا خوە دا ژی راگەھاند کو ب ملیۆنان وەلاتیێن کورد ل نەورۆزا ئامەد، وان، ئستەنبول و ئورۆپا پشتەڤانیا خوە بۆ ئاشتیێ نیشادان و گۆت: (چ دبیت بلا ببیت ئەز باوەر ناکەم گەریلا جارەکا دی ل تورکیا و باکورێ کوردستانێ شەری بکەت و مەرەما ئۆجەلانی و تەڤگەرا ئازادیا گەلێ کورد ب ھێزکرنا مەیدانا سیاسی و رێکخستنا جڤاکیە لێ بلا چو کەسەک چاڤەرێ ڤێ یەکێ نەبیت کو د ڤێ قۆناغا ھەستیار یا رۆژھەلاتا ناڤین دا کو مەترسیێن مەزن ل سەر گەلێ کورد ھەنە، گەریلا دەستان ژ چەکی بەردەت).
سەبارەت ب داخۆیانیێن ڤێ دووماھیێ یێن رەجەب تەیب ئەردۆگان سەرۆک کۆمارێ تورکیا ژی ھەڤسەرۆکا HDP راگەھاند کو سەرۆک کۆمارێ تورکیا بخوازیت و نەخوازیت دێ پرۆسا ئاشتیێ بەردەوام کەت و ھەتا نھا ژی یێ کو قۆناغێ بەردەوام دکەت گەلێ کورد و پارتا مەیە و بۆ سەرکەڤتنا قۆناغا ئاشتیێ چ ژ دەستێ مە بھێت ئەم دێ کەین و سەرکەڤتنا مە د ھەلبژارتنێن پەرلەمانێ دا دێ ببیتە پێنگاڤا یەکەم یا سەرکەڤتنا قۆناغا ئاشتیێ و چارەکرنا پرسا کوردی و ب ھێزبوونا دیمۆکراسیا توکیا).
فیگەن یوکسەکداغ ھەروەسا دیار ژی کر ئەو د ھەلبژارتنێن پەرلەمانێ تورکیا دا چاڤەرێی دکەن رێژا دەنگێ وان ١٢% دەرباز بکەت و گۆت: (بزاڤێن پارتا مە رەوشەکا نوو دایە کوردستانێ و تورکیا و ھەموو کێمنەتەوە و باوەریێن جودا یێن ل تورکیا و گۆت: (نھا ل تورکیا سیاسەتا ھەری پاقژ و د بەرژەوەندا گەلان دا HDP برێڤە دبەت و ھەم گەلێ کورد و ھەم ژی گەلێ تورک دزانن کو سەرکەڤتنا پارتا مە دێ ببیتە سەدەمێ گوھۆرینێن مەزن و تورکیا بەر ب دیمۆکراسیێ ڤە ببەت و ھزرا تاکرەوی و دیکتاتۆریەتێ ژ ناڤ بچیت).
ئەڤرۆ:
رۆژنامەکا ئەمریکی د راپۆرتەکێ دا ئاماژە ب ڤێ یەکێ دکەت کو ھێزێن پێشمەرگێ کوردستانێ ل عیراقێ شیان دربێن کوژەک ل تیرۆرستێن داعشێ بدەن و ھەروەسا ل رۆژئاڤایێ کوردستانێ ژی پێشمەرگەی رۆلەکێ سەرەکی ژ بۆ ئازادکرنا کۆبانێ گێرا و لەشکرێ عیراقێ ب ھەموو چەکێن خوە یێن گران نەشیاینە تکریتێ ھێشتا ژ دەستێ داعشێ دەربخینن و یا پێشمەرگەی کری ھەموو جیھانێ حێبەتی کریە.
رۆژناما واشنتۆن پۆست یا ئەمریکا د راپۆرتەکێ دا ئاماژە ب قارەمانیا پێشمەرگێن کوردستانێ د شەرێ ل دژی تیرۆرێ دا دکەت و دیار دکەت کو پێشمەرگەی ب چەکێن گەلەک سڤک و کێم شیا ل ھەمبەر مەزنترین رێکخراوا تیرۆرستی یا داعشێ شەری بکەت و دربێن کوژەک ل وان دان و گەلەک دەڤەر ژ دەستێ وان دەرخستن، لێ لەشکرێ عیراقێ ب ھەموو چەکێن خوە یێن مودێرن و گران دەمەکە نەشیاینە باژارێ تکریتێ ئازاد بکەن و ئەڤە ژی نیشا ددەت کو پێشمەرگە ب روحەکی مەزن و فیدایی بەرەڤانیێ ژ ئاخا خوە و رومەتا مرۆڤاتیێ دکەن و ژ بەر ڤێ یەکێ ژی دڤێت ھێزێن ھەڤپەیمان ب جھێ کو چەکێ گران ددەنە لەشکرێ عیراقێ وی چەکی بدەنە ھێزێن پێشمەرگە، چونکو براستی ژی نھا ل شەری دا یێن کو شیاین داعشێ رابگرن و دربێن کوژەک ل وان بدەن ھێزێن پێشمەرگێن کوردستانێ بووینە.
د بەردەوامیا راپۆرتا رۆژناما واشنتۆن پۆست دا ھاتیە دیار کرن کو پێشمەرگێن کوردستانێ شیان ھاریکاریا شەرڤانێن کورد ل رۆژئاڤایێ کوردستانێ بکەن و ئازادکرنا کۆبانێ و سەدان گۆندێن سەر ب وی باژاری ژی نیشا دا کا پێشمەرگە تا چ رادە شیایە رۆلێ خوە ب گێریت، ھەکە چەکێن گران یێن پێشمەرگەی ستراتیژیا وان یا شەری نەبان رەنگە چارەنڤیسێ کۆبانێ ب رەنگەکێ دی با.
د دووماھیا راپۆرتێ دا ژی ئەو یەک ھاتیە دیار کرن کو عیراق د رەوشەکێ گەلەک خراب دایە و ھەکە حوکمەتا ناڤەندی یا عیراقێ ھەلویستێ خوە ل ھەمبەر کوردان ب گوھۆریت و ھاریکاریا پێشمەرگێن کوردستانێ و حوکمەتا ھەرێمێ بکەت و مافێن دستووری یێن گەلێ کورد پێشیل نەکەت پێشمەرگە دشێن د ئازادکرنا مووسل و گەلەک دەڤەرێن دی ھاریکاریا لەشکرێ عیراقێ بکەن، چونکو ئەزموونا شەرێ لەشکرێ عیراقێ ل تکریتێ سەلماند کو ب ڤی سەروبەرێ نھا ئەو نەشێن ب چو رەنگەکێ مووسلێ ئازاد بکەن، پێشمەرگە دشێن رۆلەکێ سەرەکی بۆ ئازادکرنا مووسل ب گێرن، لێ کوردان داخوازیێن خوە ل حوکمەتا ناڤەندی ھەنە و گەلەک داخوازیێن وان رەوا و دستووری نە و فەرە ئەو یەک ژ ئالیێ حوکمەتا ناڤەندی ڤە بھێتە قەبوول کرن.
ئەڤرۆ:
بسپۆرەکا قانوونا دستووری ل زانکۆیا دھۆکێ راگەھاند، ل دووڤ دەستوورێ عیراقا فیدرال یێ سالا ٢٠٠٥، د مادا ٩ دا ھاتیە ھێزێن لەشکرێ عیراقێ ب سەرپەرشتیا سەرۆک وەزیرێن عیراقێ دێ کارکەن، ئەرکێ فێ ھێزێ بەرگریە ژ ھەمی ئاخا عیراقێ و نابیت دژی خەلکێ عیراقێ بھێتە بکارئینان.
ئەڤین عەبدولرەحمان بۆ ئەڤرۆ گوت” ل دووف دەستووری د مادا (١٢١) دا دیارکریە ئێک ژ دەزگەھێن دستووری یێن بەرگریێ، زێرەڤانێن ھەرێمی نە ( پێشمەرگە) کو ب ئەرکێ زێرەڤانیا ھەرێما کوردستانێ رادبن، د برگەکا دی یا مادا ٩ دا ھاتیە” زێدەباری ڤان ھێزان، نابیت چو ھێزێن دی بھێنە دامەزراندن” لێ ئەو ھێزێن نوکە ئەم دبینین وەک (حەشد شەعبی) د دستووری نینن و بۆ ئارمانجێن سیاسی یێن ھاتینە دامەزراندن.
ئەڤینێ گوت ژی” ھاتنا ھێزێن وەک ( pkk ) ێ بۆ ناڤ ئاخا ھەرێما کوردستانێ ل شنگالێ نە ل دووڤ دەستووری و قانوونێن نێڤدەولەتی نە و دھێتە ھژمارتن سەرپێچی ل دووڤ مادا ٨ ژ دەستوورێ عیراقێ و دژی ئیرادا خەلکێ دەڤەرێ یە”.
زێرەڤان مایی بسپۆرێ خواندنێن ئاشتیێ و چارەسەرکرنا ململانیا ل زانکۆیا دھۆکێ بۆ ئەڤرۆ دیارکر، ھەبوونا ھێزێن بیانی ل سەر ئاخا ھەرێما کوردستانێ جھێ پرسیارێ یە، ھەر ھێزەک بیت نە ھەلگرا رەگەزناما عیراقی بیت، ھەکە ئەو ھێز ل سەر ئاخا ھەرێما کوردستانێ ژی بیت، چونکی ھەرێما کوردستانێ تا نوکە پارچەکە ژ دەولەتا عیراقێ، دبیت ئەو ھێزە کوردی بن، بەلێ ھەلگرێن رەگەزنامێن تورکی یان سوری یان ئیرانی نە، ئەڤ چەندە ژی بەزاندنا سنۆرایە و پێشێلکاریە دژی دستوری، ژ بەر کو ئەڤ ھێزە نە ب رێگکەفتنەکا فەرمی دەربازی سنۆرێن ھەرێما کوردستانێ بووینە، بەلێ ژبەر ئەگەرێن مرۆڤایەتی دبیت چاڤ خشاندنەک ھەبیت ل سەر فێ چەندێ، ھەروەسا ئیتوگرافی و نەتەوایەتیا کوردان و توشبوونا ھەرێما کوردستانێ ب مەترسیەکا مەزن و فاکتەرێن سەرەکینە ژ بۆ قەبوولکرنا ھێزێن کوردستانی یێن ژ دەرڤە دناڤ ئاخا ھەرێمێ دا.
ناڤھاتی ئەو چەندە ژی دیارکر، پشتی کو ھێزێن پێشمەرگەی ب ھاریکاریا ڤان ھێزان و پشتەڤانیا نیڤدەولەتی شیاین زالبن ل سەر بارودۆخی، دڤێت پەرلەمانێ کوردستانێ قانوونەکێ دەربکەت ب ھەماھەنگی ل گەل پەرلەمان و حکومەتا ناڤەندی کو رێ بدەنە ڤان ھێزان ل ھەرێمێ ب مینن تا دەمەکێ دەستنیشانکری، ھەبوونا ڤان ھێزان ل ھەرێما کوردستانێ دژی دستوورێ عیراقێ یە کو د مادا ٩ د برگا ٥ دا ھاتیە” نابیت چو ھێزێن لەشکری بھێنە پێکئینان ژ دەرڤەی چارچۆڤێ لەشکرێ ئیراقا فیدرال” بەلێ ل بارودۆخێن بەرتەنگ کارکرن ب دستووری ناھێتەکرن و دبیت جڤاتا نوینەران قانوونەکێ دەربکەت ژ بۆ ھەر بارودۆخەکێ نە چاڤەرێکری.
گوت ژی” مانا ڤان ھێزان دێ بیتە بەھانەک بۆ لایەنێن شیعی وسوننی و تورکمانان کو دەرفەتێ بدەنە ھێزێن چەکدار یێن سەر ب لایەنێنن پشتە ڤانێنن وان ڤە بمینن و ئەڤ چەندە دێ عیراقێ کەتە مەیدانەکا گەرما ھێزێن بیانی و جێبەجێکەرێن ئەجیندێن دەرڤە، یان ئەجیندەێن ڤان ھێزان ب خوە ببنە ھەڤدژێن ئەجیندێن نیشتمانی یێن عیراقی یان ژی دژی ئەجیندێن ھەرێما کوردستانێ راوەستن”.
نيشاندان