ئەڤرۆ:
سیاسەتمەدارێ کورد دکتۆر مەحموود عوسمان د ھەڤدیتنەکا رۆژناما ئەڤرۆ دا، دیارکر، ھەکە ھەرێم و بەغدا ل دۆر ئاریشەیان نەگەھشتن چو رێککەفتنان و ھەرێم بشێت خوە ب رێڤەببەت، باشترە خوە ژ بەغدا ڤەکێشین.
دکتۆر مەحموود عوسمانی، بۆ ئەڤرۆ گوت”دەمێ دەمێ حەیدەر عبادی بوویە سەرۆک وەزیران من د داخۆیانیێن خوەدا دگوت مالکی و عەبادی ھەردو ژ ئێک حزبێ نە و د خۆلا بۆری دا یا جڤاتا نوونەرێن عیراقێ، حەیدەر عەبادی سەرۆکێ لیژنا دارایی بوو، ھندەک جاران دەمێ مە ئاریشە ھەین، مە واستەیی یل دەف مالکی دکر ھەتا عەبادی نەرم دبوو”.
زێدەتر گوت” ب دیتنا ھەرێما کوردستانێ دانوستاندنێن رژد ل گەل بەغدا بکەت، ھەتا دگەھنە ئەنجامەکی و ھەکە نەگەھشتنە چو ئەنجامان، بزاڤان بکەن ئیرانێ یان ئەمریکا و نەتەوێن ئێکگرتی بینن دناڤ دانوستاندناندا و لایەنێ سیێ ھەبیت بۆ گەھاندنا ھەرێمێ و بەغدا، ھەکە ھات و چو ئەنجام نەبوون و بەغدا داخوازیێن کوردان بجھنەئینان، باشترە پەرلەمانێ کوردستانێ و سەرکردایەتیا کوردی ل دۆر پرسا ڤەکێشانێ ژ بەغدا دانوستاندنان بکەن و ھەکە ھەرێم شیا خوە ب رێڤە ببەت باشترە خوە ژ بەغدایێَ ڤەکێشین”.
مەحمود عوسمان: ھەکە ھەرێم شیا خوە ب رێڤە ببەت باشترە خوە ژ بەغدا ڤەکێشین
نيشاندان