ئه‌ڤرۆ نيوز:
وه‌زيرێ ده‌وله‌تا ئوردن بۆ كاروبارێن راگه‌هاندنێ محه‌مه‌د مومنى راگه‌هاند كو وه‌لاتێ وى ئاماده‌باشى وه‌رگرتيه كو هاريكاريا هێزێن عيراقى بكه‌ت ژ لايێ مه‌شقكرنێ و چه‌كى ڤه دا كو د شه‌رێ دژى تيرۆرێ دا سه‌ركه‌فتنێ بينيت.
مومنى د كۆنگره‌كێ رۆژنامه‌ڤانى دا گۆت: “هوون دزانن كو وه‌زيرێ به‌ره‌ڤانيا عيراقێ خالد عوبه‌يدى سه‌ره‌دانا ئوردن كربوو و ل سه‌ر هه‌ڤكاريا هه‌ڤپشك ل دۆر مه‌شقكرنا له‌شكرێ عيراقێ و دبيت كوڕێن عه‌شيره‌تان ژى، هێشتا دانوساندن يا به‌رده‌وامه ژى ل عيراقێ ل دۆر زێره‌ڤانێن نشتيمانى”.
زێده‌تر گۆت: “مه ئاماده باشيا خوه ڤه ل هه‌مبه‌ر هاريكاريكرنا عيراقێ بۆ مه‌شقكرنێ ده‌ربڕى و دبيت هاريكاريا له‌شكرى ژى بكه‌ين ب گۆره‌يى كارگه‌هێن خوه يێن له‌شكرى دا كو د شه‌رێ خوه يێ دژى تيرۆرێ دا ب سه‌ركه‌ڤيت”، ئاماژه ب و ێ چه‌ندێ ژى كر كو دێ هاريكاريا پێشمه‌رگه‌يى كه‌ن بێى كو زانياريێن زێده‌تر به‌حس بكه‌ت.
نيشاندان