ئه‌ڤرۆ:

دەمێ کوڕ و کچ د ژییەکێ بچیک دا گرێبەستا ھەڤژینیێ گرێدەن زوربەی جاران دکەڤنە دئاریشان دا، چۆنکو لەز یا ھاتیەکرن دیسا ماوێ دەزگریێ ژی ھند یێ درێژ نینە ھەتا کو باش دئێک بگەھن، ئەڤە کوڕ و کچەکن ژێک ھاتنە جوداکرن و کچێ سزایێ خوە یێ قانوونی ژی دا چۆنکو کوڕی نمایشا ڤیدیویەکا دەزگرێ وێ یێ ئێکێ دیت.
پارێزەر سیپەل حەبیب ل دادگەھا دھۆکێ بۆ ئەڤرۆ دیارکر کو کوڕەکی کچەک خاست بۆ و ل دادگەھا دھۆکێ کرێبەستا ھەڤژینیێ دروستکر بۆ و ھەردوو خەلکێ دھۆکێ نە، ئەو بۆ دا دەواتا خوە کەن بەلێ ژبەر ئەگەرەکێ خێزانی پاش ئێخست، رۆژەکێ کوڕک چوو سەرەدانەکێ ل مالا کچێ و لاپتوپێ خوە دابوڤێ، کوڕکی خاست لاپتوپێ وێ ب زڤرینیت کچێ ژی دا دەستێ وی، دەمێ کوڕ لاپتوپێ خوە دبەتە مال، دبینیت فلاشەک لبەرە کوڕک ئێکسەر ڤەدکەت ڤیدیویەکێ دبینیت د وێ ڤیدیویێ دا دەزگرێ کچێ یێ بەرێ ناڤێ ئەو کچا وی خاستی ل سەر دەستێ خوە ب شەفرێ نڤێسایە، گۆتژی ئەڤ ڤیدیویە بۆ ئەگەرێ ھندێ کوڕ ژ کچێ داخاز بکەت کو ژێک بھێنە جوداکرن و ھەردو ل سەر ڤێ چەندێ رازی بوون و ب ئێک روونشتن ژێک ھاتنە بەردان، دادگەھێ ماف دا کوڕی بۆ خوە داوایێن مەدەنی بکەت چونکو زەرەر گەھشتێ پاشان داوایێن جەزایی ژی ل سەر کچێ و دەزگەرێ وێ یێ بەرێ ڤەبوون ژبەر چێکرنا ڤیدیویێ کچک ب کوژمێ ملیونەکێ ھاتە غورامەکرن و کوڕ ژی چار ھەیڤان حوکم بو، پشتی دەزگرێ کچکێ ئەوێ خاستی داوایەکا مەدەنی ل سەر دەزگرێ وێ یێ ئێکێ کری جارەکا دی ب کوژمێ سێ ملیونان ھاتە غورامەکرن.
دڤێ دەربارێدا عەبدولجەبار عەبدولرەحمان ڤەکولەرێ جڤاکی دبێژیت: گەنجێن مە ب تنێ یێن مانە ب کارێ ئەڤینی وخەلەتیا ل ڤێ ئەڤینییێ دکەن و ھەردوو دبن قوربان و ب خێزان ڤە ھەولدانا پێک ئینانا ژیانا ھەڤژینێ ل ژیەکێ بلەز ئاریشە چێ دبن ئەڤی کوڕی ھەول نەدایە ڤێ ئاریشێ ب رێیەک دی چارە کەت ژبلی بەردانێ. ھەروەسا خەلەتیا کوڕێ ئێکێ ئەوە باشە تو حەزژێ دکەی دێ بوچی دەستێ خوە بریندارکەی ودێ ڤیدیوکەی ھەتا دوماھیکێ ھین سێ خێزان بکەڤن ئاریشێ. ھەر زوو بچن دادگەھێ و گرێبەستا ھەڤژینیێ چێکەن بەری د ئێک بگەھن، گۆتژی دڤێت ماوێ دەزگرێ بچەک درێژ بیت داکو پتر د ئێک بگەھن زانایێن جڤاکی دبێژن (کیمترین دەم دوو ھەیڤ بیت ودرێژترین دەم بلا شەش ھەیڤ بیت) ئەگەر ژڤان کێمتر بیت یان درێژتر بیت خرابیێن خوە ھەنە. ئەڤ ماوە مفایێ وێ ئەوە کو ھەردوو رەخ ئێک و دوو پتر ناس کەن و پتر تێکەلی دناڤبەرا ھەردوو خێزاناندا چێ بیت دا ئەگەر ئاریشە ک ھەبیت ژی بەری گرێبەستا ھەڤژینیێ بێتە دروستکرن ژێک بچن پاش. ھێش ھەڤژینی دروست نەبی دی تشتێ کەسوکی دنەڤ ئێک ئەرێ بوچێ کچێ ئەو ڤیدیو کریە تێدا بۆ زانیین لاپتوب یا کوڕکیە. بوچی کوڕ دێ لاپتوبی خوە دەت کچێ ئەگەر تشتەکێ کوڕی تێدا با یا باش ئەوە مرۆڤ تشتێ کەسوکی نە دەت ئێک ژ بەرکو چێ دبیت تشتێ خێزانێ تێدا بیت.

ئەڤرۆ نیوز:

رێڤەبەریا گشتیا کەشناسیێ ل ھەرێما کوردستانێ راگەھاند کو سوبەھی دێ هنده‌ك ئه‌ور ل ئه‌سمانى هه‌بن و ده‌ليڤا بارانه‌كا كێم ل ده‌ڤه‌رێن جودا هه‌يه‌.

پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئەنجامێ به‌رده‌واميا فشارێن ده‌ريا سۆر ل سەر ھەرێما کوردستانێ ئەو پێشبینی دکەن کو سوبەھی رێکەفتی 2015.3.18 ئه‌ور ل ئه‌سمانى هه‌بن و ده‌ليڤا بارانه‌كا كێم ل ده‌ڤه‌رێن جودا هه‌يه‌.

رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلا گەرماتیێ دێ ھێتە خوار وەکو ھەڤبەرکری بیت ل گەل رۆژێن بەری نوکە ب رەنگەکی د ناڤبەرا 15 بۆ 8 دا.

ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ باشوورێ رۆژئاڤا بیت ب رەنگەکی دێ یێ ل سەرخوە بیت د ناڤبەرا 5 بۆ 10 کلم د دەمژمێرەکێ دا و ماوێ دیتنێ ژی دێ 8 بۆ 10 کلم دا بیت.

ئه‌ڤرۆ نیوز، ناجی به‌ده‌ل:

د.حه‌سه‌ن ئه‌حمه‌د قاسم رێڤه‌به‌رێ شونوارێن پارێزگه‌ها دهۆكێ بو ئه‌ڤرۆ نیوز دیاركر خرابكرن و وێرانكرنا شونوارێن چوار پایته‌ختێن ئاشوری و ئه‌كه‌دیان ل باژێرێ موسلێ ئه‌گه‌ره‌ك بویه‌ بو دزین و ده‌رئێخستنا وانشونوارێن و دشیاندایه‌ بهێنه‌ ڤه‌گوهاستن بو ده‌رڤه‌ی عیراقێ.
ناڤبری ئه‌و چه‌نده‌ ژی گوت:ل ده‌ستپێكا ده‌ست داگرتنا داعشێ ل سه‌ر باژێرێ موسلێ و خوگیرۆكرنا ئه‌وان بو بهێزكرنا دسه‌لاتا خو و بنه‌جێهكرنێ بو له‌ورا ده‌ست لێ نه‌دا له‌ورا ل ئه‌ڤێ داویێ ده‌ست هاڤێ تیه‌ خرابكرنێ .
د.حه‌سه‌ن ئه‌و چه‌نده‌ژی گوت : خرابكرن و وێرانكرنا شونواران به‌س بو یێن مه‌زن هاتینه‌كرن ئه‌رێ یێن بچوك چ لێ هاتینه‌ تا نها دیارنینه‌ و دبیت ئه‌ڤ ژناڤبرن ده‌رگه‌هه‌ك بیت بو فرۆتن و دزینا شونوارێن د شیان دا بیت بهێنه‌ لڤاندن و ب رێكا سوریا و لوبنان و توركیا ده‌ربێخنه‌ ده‌رڤه‌ و ب بیته‌ رێكه‌كا دی بو بده‌ست خستنا پاره‌ی بو ئه‌وێ هێزا تاری.