مارتن لۆسه‌ر ژ دایكبوویێ سالا١٤٨٣ ـ ١٥٤٣خاترا خوه ژ دونیایێ خواستیه، مارتن لۆسه‌ر راهب و قه‌شه و مامۆستایێ زانكۆیێ بوو، دامه‌زرینه‌رێ چه‌رخێ چاكسازیێ بوو ل ئه‌ورۆپا، به‌ری دیانه‌تا مه‌سیحی بیته ئاینه‌كێ فه‌رمی ل ئمبراتوریه‌تا رۆمانی، رۆما زۆر یا پێشكه‌فتی بوو د هه‌می واران دا، جڤاكی و سیاسی و ئابووری و زۆر یا پێشكه‌فتی بوو د وارێ زانستی دا، زۆر پرتووكێن كرنگ هه‌بوون وه‌كی پرتووكێن فه‌لسه‌فی و بیركاری و فه‌له‌كی.. هتد، لێ ل سالا(٨٣٠) ئاینێ مه‌سیحی بوو ئاینێ فه‌رمی ل ئیمبراتوریا رۆمانی و ئێدی ئاینی پشكداریه‌كا ئالوز د سیاسه‌تا ئه‌ورۆپا دا كر، رۆلێ پاپای زۆرێ كرنگ بوو، پاپای بریار دا شارستانیا یۆنانی نه هێلیت ب سۆتن و پیچكرنا هه‌می وان پرتووكێن مێشكێ خه‌لكی ئاڤا بكه‌ت، مه‌رما پاپای ژ ڤی كاری نڤستنا مێشكێ وان ژ بۆ كونترۆلكرنا پاپای ل سه‌ر خه‌لك، پاپای دگۆتی بۆ ئاخره‌تا خوه بكه‌ن بلا هوون نوكه د برسی و رویس بن، ب ڤێ كریارێ خه‌لكێ ئه‌ورۆپا به‌ر ب پاشكه‌فتن و وێرانكرنێ بر و كونترۆلكرن ل سه‌ر مێشكێ وان هاته‌كرن، و ئه‌ڤ بارودۆخه مابوو هه‌تا سالا ١٥١١ده‌ما قشه‌كێ ئه‌لمانی سه‌ردانا فاتیكانێ دكه‌ت و دبینیت سه‌رۆكانیا ئاینێ مه‌سیحی یێ هنده‌ك تاوانین گونه‌هێن مه‌زن دكه‌ن ب ناڤێ مه‌سیحی و ده‌ما دزڤریت بریار دا دژی كنیسا كاتولیكی رابیت، ل سالا ١٥١٧نامه‌ك نڤیسی ژ ٩٥ خالان پێكدهات، گرنگترین خال ده‌ما دبێژیت كو واسته نه‌ڤێت د ناڤبه‌را خودێ و به‌نیان دا وگونه‌ه ب كرینا (صكوك الغفران) ناهێنه ژێبرن، كو ل وی ده‌می پاپای دفرۆتنه خه‌لكی ل به‌رامبه‌ر لێبۆرینا گونه‌هان وهه‌ر وه‌سا لۆسه‌ری كاره‌كێ مه‌زن بۆ ملله‌تێ خوه كر ده‌ما ئینجیل ب زمانێ ئه‌لمانی نڤیسی و دا دیاركرن هه‌می كه‌س دشێن ئنجیلێ بخوینن كو ل وی ده‌می ب تنێ قه‌شه‌ی مافێ خواندنا ئنجیلێ هه‌بوو دا خه‌لك نه‌زانیت چ د ئنجیلێ دا هه‌یه و دا بشێن خه‌لكی پێ بخاپینن و پشتی ڤان چاكسازیان ئێدی ئه‌رورۆپا به‌ر ب پێشكه‌فتنه‌كا مه‌زن چوو و هه‌می ئه‌و پرتووكێن هاتینه سۆتن جاره‌كا دی چابكرنه‌ڤه ژ بۆ زڤراندن و پێشكه‌فتنا مێشكێ ئه‌ورۆپی، ئێدی چه‌رخه‌كێ نوو هه‌لدا، یا من دڤیت دیار بكه‌م ئه‌وه یا داعش دكه‌ت په‌یرۆكرنا سیاسه‌تا پاپایێ ڤاتیكانێ یه ل چه‌رخێ چاردێ، به‌لگه ل سه‌ر ڤێ چه‌ندێ ده‌ما داعشان مووسل داگیركری رابوون ب سۆتنا هه‌می پرتووك و پرتووكخانان كو مه‌زنترین و زه‌نگینترین پرتووكخانه ل عیراقێ ل مووسلێ بوو هاته سۆتن و نه هێلانا هه‌ر تشته‌كێ شارستانی و مێژوویی و نه‌هێلانا مۆزه‌خانان و ئه‌و ده‌زگه‌هێن گریدای زانستێ فه‌له‌كی و زانستی و لێگه‌ریانێن زانستی، مه‌رم ژ ڤێ كریارێ دا خه‌لكی به‌ر ب تاریێ ببه‌ن و داخوازا مافێن خوه نه‌كه‌ن، خه‌لكی به‌ر ب هنده ك سه‌رده‌مان ببه‌ن كو نوكه زۆر ب زحمه‌ته بهێته گونجاندن ل گه‌ل ڤی سه‌رده‌می، مه‌ره‌م نه بۆ كارێن ئاینیه، به‌لكو بۆ كارین سیاسیه، له‌وما دبێژم مه پێدڤی ب لۆسه‌ره‌كی هه‌یه كو خودان شیان وئیراده و مێشكه‌كێ ڤه‌كری بیت، چونكی بارودۆخێ رۆژهه‌لات تێدا پێدڤی ب هنده ك فه‌توه‌یێن قورتالكرنێ نه، كو خه‌لكی قورتال بكه‌ت ژ ڤان هۆڤان، پێدفڤی بوو زانایێن پێشكه‌فتی د وارێن ئاینی دا ئه‌ڤ كاره كربا مینا زانایێن سعودیێ یان یێن (جامعه الازهر)، چونكی ئه‌ڤه كارێ وانه و كرێتكرنا ئاینێ مه د كه‌ڤیته سه‌ر مللێن وان چونكی مه ئه‌و كرینه مه‌رجع و زانایێن خوه، لێ وان هه‌میان خوه بێ ده‌نگ كرن پشتی گوهۆرینا ئاراستا شه‌ڕی بۆ كوردستانێ و ل ڤێرێ كێشه بوو كێشه‌كا سیاسی نه یا ئاینی، و كێشه‌یا سیاسی هاته گۆره‌پانێ پشتی ده‌نگ بلندبوونا كوردستانیان بۆ دانانا ده‌وله تا كوردی و هه‌روه‌كی به‌رسڤه‌كێ بوو بۆ كوردان كو هندی هوون داخوازا ده‌وله‌تێ بكه‌ن ئه‌م هه‌وه نا نیاسین نه مرۆڤ نه بوسلمان و ئه‌م عه‌ربین و باش خودانێن نامه‌یا موسلمانیێنه، پێدڤی بوو ده‌ما زه‌لامێن ئاینی یێن كوردستانێ ئه‌ڤ هه‌لویسته دیتی ژ زاناین ئاینێ عه‌ره‌ب، ئێدی وان ژی كاوربارێن ئاینێ خوه ل دووڤ به‌رژه‌وه‌ندیا ملله‌تێ خوه بكارئینابا و ئافراندن كربان ژ بۆ پێشكه‌فتنا وه‌لاتێ خوه ب رێیا دانا هنده‌ك فه‌توه‌یێن گونجای ل گه‌ل ئاینێ مه و د خێرا نه‌ته‌وا مه دابن، پسیاره‌ك بۆ پیاوین ئاینی!؟ بۆچی مه‌زهه‌بێ حه‌نه‌فی و حه‌مبه‌لی و مالكی و شافعی دره‌ركه‌فتن؟ مانه ژ به‌ر هزار هه‌میان ئێك نه‌بوون، ما ئه‌و كافر بوون، پانێ ل هه‌ر وه‌لاته‌كی ل دووڤ مه‌زهه‌به‌كی دچیت؟، لێ مه‌لایێن مه ل شوونا خه‌لك پالدابا ژ بۆ پاراستنا ئاخا وه‌لاتێ خوه،هنده‌ك دبێژن یێن بۆ ئاخا خوه بهێته كوشتن نه شه‌هیده؟!! مه‌لایێ هێژا به‌ری هاتنا ئاینێ پیرۆز شه‌ر ل سه‌ر هێزێ و داگیركرنا ملله‌تان بوو، لێ پشتی هاتنا ئاینێ ئیسلامێ شه‌ر ل سه‌ر شه‌نگستێ ئاینی بوو ژ بۆ به‌لاڤكرنا ئاینی بوو، له‌وما پتریا ئایاتێن پیرۆز ل سه‌ر دوژمنێن خودی بوو و یێ بهیته كوشتن شه‌هیده، خودێ ته‌عالا دزانی دێ پێشكه‌فتن كه‌ڤیته دونیایێ، و دێ پێدڤی ب فه‌توا بن، له‌وما ده‌لیڤه دایه فه‌توه هه‌بن، و به‌لگه ل سه‌رڤێ چه‌ندێ ده‌ما خه‌لیفه عه‌لی كوڕێ تالبی (س) دبێژیت (زۆریێ ل زارۆیێ خوه نه‌كه ن كو ل دووڤ دابونه‌ریتێن هه‌وه بچن، چونكو ئه‌و یێن چه‌رخه‌كی دا هاتین نه چه‌رخێ هه‌وه‌یه).
نووترين نووچه
- مەسرور بارزانی و مستەفا كازمی رەوشا گشتی یا ئیراقێ و دەڤەرێ گەنگەشە كر
- بەختیار تالەبانی: بارەگەهێ بارزانی یێ بوویە ناڤەندا بڕیارا كوردی
- چارەنڤیسێ ئیراقێ ب هنارتنا پەترۆلا كوردستانێ و راگرتنا كڕینا غاز و كارەبا ئیرانێ ڤە یێ گرێدایە
- حەشدا شەعبی رێگرە ل پێشبەری ئیمزاكرنا رێككەفتنەكا نوو د ناڤبەرا ئیراقێ و ئەمریكا دا
- سەرۆك بارزانی ل سالڤەگەڕا 34 یا سەرهلدانا پیرۆز: سەرهلدان پەیامەكا رۆهن بوو كو گەلێ كوردستانێ ئازادی و سەربەستی دڤێت
- نێچیرڤان بارزانی: فیدرالی و دەستكەفتێن دستووری و كاریگەرییا ئەڤرۆ یا كوردستانێ بەرهەمێن سەرهلدانێ نە
- مەسرور بارزانی: سەرهلدان ئێك ژ سەروەریێن مەزن یێن گەلێ كوردستانێ یە كو هەردەم جهێ شانازییا مەیە
- دوپاتیێ ل رێكخستنا ناڤمالا كوردی دكەین
- سەرۆك بارزانی ل گەل شاندەكێ هەڤپشكێ سێ پارتێن باكوورێ كوردستانێ پرۆسەیا ئاشتیێ ل توركیا گەنگەشە كر
- سەرۆك بارزانی و ئەیاد سامەرائی دوپاتی ل پێگیریبوونێ ب بنەمایێن هەڤپشكیێ كر
سهرهكى Facebook
سه‌رهاتیه‌كا گونجای.. ..
سه‌رهاتی دبێژیت: میره‌ك هه‌بوو مه‌زنێ باژیركێ خوه بوو ده‌سته‌لات و حوكم لێ دكر، رۆژ هاتن و رۆژ چوون هێدی هێدی حوكمێ وی لاواز بوو ژ به‌ر هنده‌ك كاودانان، وی میری خولامه‌ك هه‌بوو عه‌بده‌كێ ره‌شێ كرێت یێ لێڤ مه‌زن بوو، رۆژه‌كێ ئاغای گۆتێ خولام. ـ گۆتێ به‌لێ ئه‌زبه‌نی؟. میری گۆتێ نانێ مه ل ڤی باژێری نه‌ما وه ئه‌م نه‌شێن حوكمێ لێ بكه‌ین، دڤێت ئه‌م قه‌ستا جهه‌كێ دیتر بكه‌ین، خولامی گۆتێ ب كه‌یفاته یه گه‌ورم، ـ گۆتێ سوبه زوو به‌ری هێلین ڤالابن و به‌ری پاله هشیار بن دێ ژ ڤی باژێری دره‌كه‌ڤین و ب رێكه‌فتن قووناغ قووناغ ژ دووركه‌فتن، نێزیك گونده‌كی بوون به‌رێ خوه دایێ قه‌ره‌بالغه‌ك و خرڤه‌بوونك ل بنێ گوندی هه‌یه، پشتی وه‌رگرتنا بهێنڤه‌دانه‌كی، پرسیار ژ په‌یاده‌كی كر؟ ئه‌رێ ئه‌وا هه‌نێ چ خرڤه‌بوونه؟ په‌یاده‌ی گۆت مه‌زنێ ڤی گوندی یێ مری دێ وره بۆ مه‌زنه‌كی دانن، ب رێیا ته‌یرێ بازی كو دێ نیشانێ هاڤێژیت د ناڤ وان مرۆڤان دا ئه‌ڤجا هه‌ر كه‌سه‌كێ نیشان یان پاته كه‌فته سه‌ر سه‌رێ وی دێ بیته مه‌زنێ گوندی. خولامی ژی گۆته میرێ خوه، بۆچی ئه‌م ژی ناچینه ناڤ وی خرڤه‌بوونێ، به‌لكی باز پاته‌ی بهاڤێژته سه‌ر سه‌ری ته، میری گۆتێ كورو عه‌بدێ ره‌ش مه وارگه‌هێ خوه هێلا و ئه‌م نه‌شیاین مه‌زنیێ لێ بكه‌ین ژنوو تو دبێژی بینه مه‌زنێن خه‌لكی، عه‌بدی گۆتی دا بچین ما دێ چ خوساره‌ت بین. درێژ ناكه‌م به‌ندێ ره‌ش میر رازی كر بچنه ناڤ وێ قه‌ره‌بالغێ و چانسی خوه بجه‌ربینن، هه‌تا ژ جهێ بهێن ڤه‌دانێ هه‌تاكو ناڤ خرڤه‌بوونێ ئه‌ڤ گه‌نگه‌شه د ناڤبه‌را میری و به‌ندێ ره‌ش دا هاته كرن، به‌ندی ره‌ش گۆته میری هه‌كه هات و بازی پاته هاڤیته سه‌ر سه‌رێ ته، تو بوویه مه‌زنێ ڤی باژێركی دێ چاوا سه‌ره‌ده‌ریێ دگه‌ل دا كه‌ی، میری گۆت ئه‌رێ تویێ شێتی مه وارگه‌هێ خوه بجهێلا و ئه‌م مه‌زنێن وان بووین و مه نه‌شیا مه‌زنیێ لی بكه‌ن ئه‌ڤجا دی چل وارگه‌هێ خه‌لكی كه‌ین؟! گۆتێ میرم ئه‌گه‌ر وه‌سا چێبوو، میری گۆتی ئه‌وا خودێ گۆتی دێ د گه‌لدا كه‌م ل دووڤ یاسا و رێسا برێڤه‌به‌م، دی هه‌ولده‌م دادوه‌ریێ په‌یدا بكه‌م، ئینا میری گۆته به‌ندێ ره‌ش: پا هه‌كه بتزی پاته هاڤێته سه‌ر سه‌رێ ته دی چاوا سه‌ره‌ده‌ریێ ل گه‌ل ڤی ملله‌تی كه‌ی، به‌ندی گۆتێ باوه‌ر بكه ئه‌وا خودێ نه گۆتی دێ د گه‌ل وان دا كه‌م، ب ڤێ چه‌ندێ میر و به‌ند گه‌هشتنه ناڤ گێله‌شۆكێ، بازی فراند داكو پاته‌ی پاڤێژیت، ئینا باز زڤری زڤری پاته هاڤێته سه‌ر سه‌رێ عبدێ ره‌ش، هه‌میان به‌رێ خوه دایێ كو ئه‌وێ پاته كه‌تیه سه‌ر سه‌رێ وی به‌نده‌كێ ره‌شه و كه‌شه كرێته، تێك هاتن و تێكچوون، گۆتێ باز یێ شاشبووی ئه‌م رازی نابین، جاره‌كا دی باز بلندكره ڤه بازی جارا دووێ پاته هاڤێته سه‌ر سه‌رێ به‌ندێ ره‌ش جاره‌كا دیتر هه‌میان گۆتێ: دیسا بازێ خه‌له‌ت بووی، بۆ جارا سیێ باز فرانده‌ڤه سێ باره پاته هاڤێته سه‌ر سه‌رێ به‌ندێ ره‌ش، ئینا خرا پێكڤه گۆتێ: ما چاره هه‌ما بلا به‌ندێ ره‌ش ببیته مه‌زنێ مه و ب شه‌ڤێ ژی هه‌ر خولامینیا میرێ خوه یێ كه‌ڤن دكر، رۆژ هاتن و چوون ئه‌ڤی به‌ندی، ئاخفتنا خوه‌بجهئینا و سه‌ره‌ده‌ریه‌كا ره‌ق دگه‌ل دا كر و ته‌ر و هشك پێكڤه دسۆتن، یێ دزی دكر و یێ ژ مالا وی دزی دهاته كرن و یێ شكیات دكر و یێ دیده‌ڤانی دا هه‌می پێكڤه سزادان، ئانكو حه‌ق و نه‌حه‌ق و تاوانبار و تاوانلێكری پێكڤه سزا ددان، هه‌كو دبێژن ژیارا خه‌لكێ وی باژیركی كره د كولندكی دا، ئینا ریهسپی و ماقوولێن وان كۆمبوون، گۆتی ئه‌ڤی به‌ندێ ره‌ش چ ژیار بۆ مه نه‌هێلا دڤێت به‌رێ خوه بده‌ینه چاره‌كێ خوه ژێ قورتال بكه‌ین، پرسیار كر ئه‌مان ده‌خیل، هنده‌كان گۆتنێ مرۆڤه‌كێ ل ڤێرێ هه‌ی ئه‌ڤ به‌ندێ ره‌ش گه‌له‌ك رێزێ لێ دگریت ئه‌گه‌ر ئه‌و رێكه‌چاره‌كێ بۆ مه ببینیت، ریهسپی و ماقوولان قه‌ستا میری (ئاغای) كرن، گۆتنێ ئه‌ڤی به‌ندی بێهنا مه چك كریه سته‌مه‌كا مه‌زن ل مه دكه‌ت،هه‌كه تو د گه‌ل باخڤی به‌لكو پیچه‌ك دلۆڤانیێ ب مه ببه‌ت و ئه‌م وه‌كو مۆڤان بژین، ئاغای گۆتێ هیڤیا خودی ئه‌ڤ شه‌ڤه دێ ئێته ده‌ڤ من و ئه‌ز داخوازا هه‌وه ئاراسته‌ی وی كه‌م بێژمێ كانێ بۆچی ڤێ چه‌ندێ د گه‌ل هه‌وه دا دكه‌ت، ل ده‌مێ به‌ند ڤه‌گه‌ریایه ده‌ڤ میری. میری گۆتی ئه‌رێ به‌ندێ ره‌ش تو بۆچی وه‌ل ڤی ملله‌ی دكه‌ی ما تو گونه‌ه ناكه‌ی؟، گۆتێ میرم تو ژ من بگه‌ریێ ئه‌ڤ ملله‌ته یێ هه‌ژی ڤێ چه‌ندێ یه و خراپترێ ژی هه‌كه نه‌وه‌سا بیت، دێ بۆچی ژ وان هه‌می مرۆڤان باز پاته‌ی هاڤێته سه‌ر سه‌رێ من بهێله دا ئه‌ز بێهانا وان بده‌مێ، هه‌چیا دهێته سه‌رێ وان ژ وان بخوه‌یه.
ئه‌ڤجا هوون چاوا ڤێ سه‌رهاتیێ دسه‌پینن. حوكم بۆ هه‌وه‌یه!!ئه‌ڤ سه‌رهاتیه ل قووناغا ناڤنجی مه خواند بوو.. .
وەزیرێ کارەبێ ل پەرلەمانی ئامادە نابیت
ئەڤرۆ نیوز، ئەمیر ئەترووشی:
جێگرێ سەرۆکێ لیژنا نەفت و غازێ ل پەرلەمانێ کوردستانێ راگەھاند، ئەڤە چەند جارەکا پەرلەمانێ کوردستانێ داخواز ژ وەزیرێ کارەبا ھەرێما کوردستانێ کر کو ل پەرلەمانێ کوردستانێ ئامادە بیت، بەلێ ھەتا نوکە نەھاتیە پەرلەمانی.
دلشاد شەعبان غەفار بۆ ئەڤرۆ نیوز دیار کر، مە نڤیسکارەک دابوو سەرۆکێ پەرلەمانی کو وەزیرێ کارەبێ بەرھەڤ ببیت، بەلێ پشتی چەند رۆژەکا ژ وێ نڤیسکارێ، وەزیرێ کارەبێ رەت کربوو کو نڤیسکار گەھشتبیتە دەستێ وی و گۆت: گەلەک پرسێن گرنگ ھەنە پێشکێشی وەزیرێ کارەبێ بھێنە کرن، بۆ نموونە نھا مەزاختیێن کارەبێ د سالێ دا چار ملیار دولارن، بەلێ داھاتێ کارەبێ ب تنێ ٣٠٠ ملیون دولارن و دڤێت ئەڤ تشتە بھێتە گەنگەشەکرن.
سه‌رۆك بارزانى ل گه‌ل درێژكرنا ماوێ سه‌رۆكاتيا خوه نينه
ئه‌ڤرۆ نيوز:
جێگرا سه‌رۆكا فراكسيۆنا پارتى ديموكراتى كوردستان ل په‌رله‌مانێ كوردستانێ ب رووداو راگه‌هاند كو نوكه ته‌په د گۆره‌پانا په‌رله‌مانى دا، نه‌ك سه‌رۆكاتيا هه‌رێما كوردستانێ.
ئامينا زكرى، جێگرا سه‌رۆكا فراكسيۆنا پارتى ديموكراتى كوردستان ل په‌رله‌مانێ كوردستانێ، گۆت:”به‌رى هه‌موو لايان، داخوازا سه‌رۆكاتيا هه‌رێما كوردستانێ ب خوه يه كو راستڤه‌كرن د دستوورێ هه‌رێمێ دا بهێته كرن و دڤێت تێبينى سه‌رنجێن لايه‌نێن سياسى ل سه‌ر قانوونێ ئاماده بكه‌ت”.
زێده‌تر گۆت: “نوكه قووناغ يا جودايه، دڤێت ژ ده‌رڤه‌ى په‌له‌مانى لايه‌نێن سياسى ل سه‌ر رێككه‌ڤن و ئه‌ڤه ژى كارێ په‌رله‌مانى نينه، به‌لكو كارێ لژنا دستوورى يه”.
ئامينا خانێ ئاماژه ب وێ چه‌ندێ ژى كريه كو سه‌رۆكێ هه‌رێما كوردستانێ ب خوه ره‌ت دكه‌ت كو ماوێ وى بهێته زێده‌كرن، به‌لێ هه‌ر وه‌كو ئه‌ز بۆچوونا حزبان دزانم، پتريا وان د وێ بوچوونێ دانه كو د ڤێ قووناغێ دا كوردستان پێدڤى ب بارزانى هه‌يه و دێ داخواز كه‌ن بمينيت”.
په‌رله‌مان دێ لێپرسينێ ژ مالكى كه‌ت
ئه‌ڤرۆ نيوز:
دهێته چاڤه‌رێكرن ل ده‌سپێكا حه‌فتيا بهێته په‌رله‌مانێ عيراقێ لژنه‌كا تايبه‌ت بۆ ڤه‌كۆلينێ ل دۆر ئه‌گه‌رێ كه‌فتنا مووسل د ده‌ستێن داعش دا بكه‌ت و ئه‌و خه‌رجيێن بۆ وه‌زاره‌تا به‌ره‌ڤانيا عيراقێ هاتينه پێكئينان و بڕياره ئه‌و لژنه لێپرسينێ ل گه‌ل نورى ماليكى سه‌رۆك وه‌زيرێن به‌رێ يێ حوكمه‌تا عيراقێ ژى بكه‌ت.
عه‌بدولره‌حمان لويزى، ئه‌ندامێ لژنا به‌ره‌ڤانيێ ل په‌رله‌مانێ عيراقێ راگه‌هاند: “بڕياره ئه‌و لژنه‌ك ژ چه‌ند په‌رله‌مانتارێن هه‌موو فراكسيۆن و ئه‌ندامێن لژنان پێك بهێت و دبيت چه‌ند به‌رپرسێن ناڤخۆ يێ مووسل ژى ب خوه ڤه بگريت ل گه‌ل ئه‌ندامێن لژنا ئاسايش و به‌ره‌ڤانيێ ل په‌رله‌مانێ عيراقێ”.
عه‌بدولره‌حمان لويزى گۆتژى: “دهێته چاڤه‌رێكرن حه‌فتيا بهێت ئه‌ڤ لژنه ده‌ست ب كار بيت بۆ ڤه‌كۆلينێ د هه‌موو بڕيار و نڤيسارێن فه‌رمى دا يێن كو چه‌ندى رۆژان به‌رى كه‌فتنا باژێرێ مووسل د ده‌ستێ چه‌كدارێن داعش دا ل 9-6-2014 هه‌ڤده‌م ڤه‌كۆلين ل گه‌ل فه‌رماندێن سه‌ربازى و سه‌ركردێن سياسى و به‌رپرسێن ناڤخۆى يێن مووسل و هه‌ر كه‌سه‌كێ ده‌ست د وێ پرسێ دا هه‌بيت بكه‌ن”.
ئه‌ڤه د ده‌مه‌كى دايه كو فه‌رماندێن سه‌ربازى يێن سۆپايێ عيراقێ و سه‌ركردێن سياسى يێن وى وه‌لاتى ب چه‌ند ره‌نگه‌كان به‌حس ل كه‌فتنا باژێرێ مووسل دكه‌ن، هنده‌ك ژێده‌ر به‌حس ل وێ چه‌ندێ دكه‌ن كو نڤيسينگه‌ها فه‌رماندێ گشتى يا هێزێن چه‌كدار ل عيراقێ كو وى ده‌مى نورى مالكى سه‌رۆكێ وێ بوو، بڕيار دابوو هێزێن سه‌ربازى و ئه‌منى خوه ژ مووسل ڤه‌كێشن.
وەزارەتا پەترۆلا عیراقێ بۆ ئەڤرۆ نيوز بەحس ل کێشێن پەترۆلێ دکەت
ئەڤرۆ، ئەیاد بەرواری
پەیڤدارێ وەزارەتا پەترۆلا عیراقێ د داخویانیەکێ دا بۆ ئەڤرۆ راگەھاند، رێککەفتنا ھەولێرێ د ناڤبەرا ھەرێمێ و بەغدا دا پێنگاڤەکا ئەرێنی یە بۆ چارەکرنا ھەموو گرفتێن ھەلاویستی د ناڤبەرا ھەردو لایەنان دا، لێ چارەسەریا دووماھیێ بۆ وێ پرسێ پێدڤی ب چەندین روونشتن و دانوستاندنان ھەیە.
عاسم جیھاد پەیڤدارێ وەزارەتا پەترۆلا عیراقێ بۆ ئەڤرۆ گوت”ل دەمەکێ نێزیک شاندەکێ حوکمەتا ھەرێما کوردستانێ دێ سەرەدانا بەغدا کەت بۆ بەردەوامیدانێ ب دانوستاندنێن بەری دەمەکی ل ھەولێرێ ھاتینە ئەنجامدان د ناڤبەرا وەزیرێ پەترۆلێ و سەرۆکێ حوکمەتا ھەرێمێ و ئەو کێشێن ھەلاویستی د پرسا پەترۆلێ دا د ناڤبەرا ھەولێرێ و بەغدا پێدڤی ب چەندین روونشتن و دانوستاندنان ھەیە، ژ بەرکو ئەو رێککەفتنا ل ھەولێرێ ھاتیە کرن چارەسەریا دووماھیێ یا کێشان نینە د پرسا پەترۆلێ دا، بەلکو رێیەکە بۆ دەستپێکرنا چارەسەریەکا دستووری بۆ وێ پرسا ھلاویستی”.
ل دووڤ وێ رێککەفتنا ل ھەولێرێ ھاتیە کرن د ناڤبەرا وەزیرێ پەترۆلێ و سەرۆکێ حوکمەتا ھەرێمێ کو ١٥٠ ھزار بەرمیلێن پەترۆلا ھەرێمێ ب رێیا بەغدا بھێنە فرۆتن و ١٧% ژێ بۆ ھەرێما کوردستانێ بیت، ل بەرانبەر وێ چەندێ دێ بەغدا قستێ ئێکێ یێ پارێ ھەرێمێ کو ٥٠٠ ملیۆن دۆلارن بۆ ھەولێرێ ھنێریت، عاسم جیھاد سەبارەت ڤێ چەندێ دبێژیت” ھەر دەمێ پێشڤەچوون د دانوستاندنان دا پەیدابوون، دێ بەحس ل ھەموو پرسێن ھەلاویستی ھێتە کرن و ئەڤ پێنگاڤێن ئەرێنی یێن ھەردو لایەنان بۆ گەھشتنێ یە ب رێککەفتنا سەرتاسەری ل دۆر گرفتا پەترۆلێ، دیسا بزاڤەکە بۆ چارەکرنا ھەموو گرفتێن ھەلاویستی د ناڤبەرا بەغدا و ھەولێرێ دا”.
پەیڤدارێ وەزارەتا پەترۆلا عیراقێ ئاماژە دا وێ چەندێ کو” وەزیرێ سامانێن سروشتی ل ھەرێما کوردستانێ بۆ وان دیارکریە کو د ڤێ قۆناغێ دا ھەرێما کوردستانێ رۆژانە ٥٠٠ ھزار بەرمیلێن پەترۆلێ بەرھەم دئینیت و رێژا بەرھەمئینانێ دێ چیتە د سەر ٥٠٠ ھزار بەرمیلان د رۆژێ دا ل دووماھیا ڤێ سالێ، یان ل دەستپێکا سالا بھێت و وی دێ ل ھیڤیا وێ چەندێ بین کا ھەرێما کوردستانێ دێ شێت چەند ژ رێژا پەترۆلێ رادەستی وەزارەتا پەترۆلا عیراقێ بکەت ھەتاکو پرس د رۆھن بن”.
د بەرسڤا پرسیارەکا (ئەڤرۆ) دا ل دۆر پرۆژە قانوونا پەترۆلێ و غازێ ل عیراقێ کو ئەڤە پتر ژ ھەفت سالانە ھاتیە پێشکێشکرن بۆ جڤاتا نوونەرێن عیراقێ، لێ ژ بەر ناکۆکیێن لیستێن سیاسی یێن عیراقی ھەتا نوکە نەھاتیە پەسەندکرن و ئەوژی مایە ھەلاویستی، ئایا چارەنڤیسێ وی پرۆژە قانوونێ گەھشتیە چو قۆناغ، عاسم جیھاد دبێژیت” جڤاتا وەزیرێن عیراقێ بریارا ھنارتنا رەشنڤیسێ پرۆژێ قانوونا پەترۆلێ و غازێ بۆ جڤاتا نوونەران یا دای بۆ پێداچوونێ ل سەر و ھەکە جڤاتا نوونەران چو تێبینی ل سەر نەبن، دێ ب رازیبوونا ھەموو لیستێن سیاسی ھێتە پەسەندکرن”.
زێر گران بوو
بهايێ دراڤى گوهۆڕينێن به‌رچاڤ ب خوه ڤه ديتينه
حه‌كيم شاكر به‌حس ل ياريا ئه‌ڤرۆ دكه‌ت
ئه‌ڤرۆ نيوز:
راهێنه‌رێ هه‌لبژارتيێ عيراقێ يێ ته‌پا پێ، حه‌كيم شاكر، ته‌كست ل مه‌ترسيا هه‌ڤركيا هه‌لبژارتيێ وى ل گه‌ل يێ عومانى دكه‌ت، به‌لێ د هه‌مان ده‌م دا دبينيت كو سه‌ركه‌فتن ژى نه تشته‌كێ موسته‌حيله.
حه‌كيم شاكر گۆت: “عومان دياركر كو هه‌لبژارتيه‌كێ زيره‌كه و سه‌ركه‌فتن ل سه‌ر يا ب زه‌حمه‌ته، به‌لێ ژێ بۆرين نه‌يا ب موسته‌حيله ب تايبه‌ت پشتى ئه‌و ئاستێ باشێ شێرێن رافيده‌ين د ياريا كوێت دا پێشكێشكرى.
زێده‌تر گۆت: “هه‌لبژارتيێ عومان يێ ب زه‌حمه‌ته و خودان ياريكه‌رێن شاره‌زا و خودان شيانن و حه‌زا گه‌هشتنا قووناغا داهاتى يا قاره‌مانيێ يا هه‌يى”.
ئاشكه‌را ژى كر كو راهێنه‌رێ عومان ژى خودان هزره‌كا راهێنانێ يا گه‌له‌ك بلند، زێده‌بارى شاره‌زايا وى يا سه‌ره‌ده‌ريكرنێ ل گه‌ل ياريكه‌ر و هه‌لويستان و ياريێن چاره‌نڤيس ساز و گۆت: “ياريكه‌رێن هه‌لبژارتيێ عيراقێ يێ كاره‌كێ مه‌زن دكه‌ن دا كو خوه ژ ده‌ستێن عومان ب ره‌نگه‌كێ باش قورتال بكه‌ن و هزر د چارگۆشا زێرينا قاره‌مانيێ دا بكه‌ن”.
دا زانين ژى كو هه‌لبژارتيێ عيراقێ بۆ ڤێ ياريێ شێوازه‌كێ باش و پلانه‌كا ستراتيژى دانايه دا كو بشێت سه‌ركه‌فتنێ ل سه‌ر عومان تۆمار بكه‌ت.
به‌رسڤه‌ك بۆ گه‌نده‌ل و مه‌لاقان
ل هه‌مبه‌ری ئانتی و دژه كوردایه‌تیا دهاته دیتن ل ئه‌ڤرۆیا باشۆرێ كوردستانێ ئه‌و ده‌مه‌كه‌ك بوو مرۆڤێ هشیارێ وێ هه‌كه حكومی یان نه‌حكومی ، دهاته ده‌نگ ب مه‌رما راستڤه‌كرن و دروستبوونێ، ئه‌و مرۆڤێ هاتی په‌روه‌رده‌كرن ب پێشمه‌رگاتیێ، ئه‌و مرۆڤێ ته‌ماما شه‌هید و بریندار و خه‌باتكه‌رێن كوردایه‌تیێ ب سمبول و پیرۆزیێن خوه دزانت، ئه‌و مرۆڤێ باوه‌ری هه‌ی ب ناسیۆنالیزما ساخله‌م و دیموكراسی و ژیانێ، به‌لێ ڤی مرۆڤی دگۆت: ته‌ماما ستوونێن ئاسایشا نه‌ته‌وه‌ی ب ره‌هه‌ندێن وانڤه ل باشۆر د ئاست دا نینن و پڕن ژ: گه‌نده‌لی و شاشی و كێماتیان و گه‌ر ره‌وش هۆسا بمینه ئانكۆ سلاڤێن مرنێ ل شۆره‌شا باشۆرێ كوردستانێ به‌ر ب ده‌وله‌تبوونێ، به‌لێ ئه‌ڤ مرۆڤه دبێژیت: سیاسه‌ت و ئابوور و له‌شكر و كۆمه‌لاتی و په‌یوه‌ندیان و تیكهه‌لی و یاسا و ساخله‌می و زانین و زانست و ته‌كنولۆژیا و هشیاریا گه‌ف و مه‌ترسیێن ئاسایشی ب ناڤخوه و ده‌رڤه و گره‌نتیا ئاسایشی. .. . هتد، ب كیلۆمه‌تران ژ لۆژیكێ خوه د دوورن، د ده‌مه‌كێ دا دڤێت باشۆرێ كوردستانێ مفایی ل ده‌می وه‌ربگرت و خوه دروست بكه‌ت ژ روویێ ئاسایشا نه‌ته‌وه‌ی به‌لكو هه‌تا گره‌نتیكرنێ ژی، ژ به‌ر دوژمنێ وێ یێ مێژوویی:عه‌ره‌ب و تورك و فارس، چ ده‌مه‌كێ ره‌حمێ پێ نابن و نه‌مانا باشۆر ژ ئارمانجێن سه‌ره‌كی یێن ئاسایشا نه‌ته‌ویا خوه دزانن.
به‌لێ ڤێ گۆتنا راستا كوردایه‌تی باندۆرا خوه كر و هنده‌كێ هشیاریا باشۆرێ كوردستانێ هات رۆژه‌ڤێ ب تایبه‌ت و گشتی، تایبه‌ت مرۆڤێ وێ ئێدی كوردبوونا وی چێبوو و زانی چ ژێ دهێت خواستن، ژ به‌ر هه‌وه راست بڤێت ئه‌ڤ هه‌ردو ژ ده‌ستدابوون و گشتی ئاماژه‌یێن باشتربوونا ستوونێن ئاسایشا نه‌ته‌وه‌ی ب ره‌هه‌ندێن وانڤه دهاتن دیتن و گه‌شبینی ب كاروانێ ده‌وله‌تبوونێ ڤه هات دیتن، هه‌ڤده‌م هنده‌ك مرۆڤ مان و وه‌ك ب كورده‌واری دهێ گۆتن (میه‌كێ خوه شاش نه‌كرن) و به‌رده‌وام بوون ل سه‌ر گه‌نده‌لی و مه‌لاقی و خوه‌فرۆشیا خوه.
به‌لێ تابلوێن كوردایه‌تیێ ل باشۆر دهاتن دیتن و شۆره‌شا وێ به‌ر ب ده‌وله‌تبوونێ، مه دیت د عیراقێ دا شیعه‌نیزم ب (مالكی) و سونه‌نیزم ب (داعش) هاتن باشۆر ب كۆژن، ئه‌ڤه د ده‌مه‌كێ دا باشۆر بێ گونه‌ه و ئه‌و باشتربوونا چێ بووی ل باشۆر هه‌كه مرۆڤ یان تشت ل هه‌مبه‌ری شه‌رێ (مالكی) و (داعش) خوه نه‌گرت و ده‌رئه‌نجام ب گشتی باشۆر هاته سه‌كه‌راتا مرنێ و باشۆر كه‌فته شه‌ر ل گه‌ل (مالكی) و (داعش) و گازیا ئه‌قلێ هشیارێ كورد ئه‌م هه‌می ببن پێشمه‌رگه و پێشمه‌رگاتیێ بكن ده‌ركه‌فت قادێ و باشۆری ل ده‌نگ هاتن و هزر بكه‌ن (فاخر به‌رواری) ب پیه‌كی ساخ و پیه‌ك لاستیكی، پێشمه‌رگاتیێ خوه به‌رده‌وامی دایێ، ل ڤێره: بزانبن چه‌ند پێدڤیا باشۆر ب پێشمه‌رگه و پێشمه‌رگاتیێ هه‌بوو و رۆژ رۆژا: هزر و هشیاری و هه‌ستا نه‌ته‌وه‌یه ل باشۆرێ كوردستانێ و كوردستانا مه‌زن ژی، به‌لێ پێشمه‌رگه و پێشمه‌رگاتیێ و هه‌ڤده‌م به‌ره‌یێ نیڤده‌وله‌تی یێ دژه (داعش)، هاڤكێشه گۆهارتن و باشۆر شیا خوه ب ئاوایه‌ك هه‌ری باش ژ (مالكی) رزگاربكت و شه‌ر ل سه‌ر (عه‌بادی) مایه و ئاوایه‌ك باش ژ (داعش) رزگار بكن و ترسا وان دوور بكه‌ن، به‌لێ چاڤه‌رێ پترێ دئێت كرن ژ باشۆر و دیسا ژ كومه‌لگه‌هێ نیڤده‌وله‌تێ بۆ هندێ ترسا ئێك جاری نه‌مینیت ل سه‌ر باشۆر و ستوونێن ئاسایشا نه‌ته‌وه‌ی ب ره‌هنه‌دێن وانڤه ساخببن ڤه و هۆسا كاروانێ ده‌وله‌تبوونا باشۆرێ كوردستانێ ب رێڤه بچت هه‌تا دبتێ، لێ به‌لێ دگازیا ڤان هه‌ردو شه‌راندا پتریا باشۆریێن گه‌نده‌ل و مه‌لاق ل سه‌ر ئێكودویا خوه مان، هنده‌كان گه‌رده‌ن ئازایا خوه كرن ژ كوردستانێ و قه‌ستا ده‌رڤه كرن، هنده‌ك بوون تابۆرێ پێنجی، هنده‌كان تازه تۆرێن به‌رژه‌وه‌ندیان ل گه‌ل دوژمنان دروستكرن.
به‌لێ د شه‌ركرنا هاتیه كرن دا (فاخر به‌رواری) شه‌هید كه‌فت و به‌ری وی (سێ) برا و پێتر ژ سه‌ركرده و مێرخاسه‌كی دن و هێنا كاروانێ به‌رخودان و فیداكاریێ به‌رده‌وامه، ب ڤێ ئامارێن باشۆر یێن شه‌هیدبوونێ و ێرانكرنێ دوباره هاتن نووكرن جار دن ل بن سیبه‌را ئیسلامێ ل ده‌ڤه‌رێ ، و ئه‌قلێ شیارێ كورد دهێته خزمه‌تا ڤان پێشمه‌رگه‌یان بگره: گیانێ (فاخر) و هه‌موو شه‌هید و پیشمه‌رگه و خه‌باتكه‌رێن به‌ری وی و پشتی ویژی بهێن: هوون ساخن ل ده‌ف هه‌ر كورده‌ك ب روومه‌ت و مێژوویا نه‌ته‌وه‌یی هه‌وه دێ هه‌وه ل بیر بهینیت ب زێر، بلا باوه‌ریا هه‌وه هه‌بت ده‌وله سه‌رێ پێشمه‌رگه و پێشمه‌رگاتی دێ هه‌بیت تانێ كوردستان دبیته ده‌وله‌ت و هوون ل به‌رۆكێن شه‌ر و هه‌ڤژین و زارۆ و مالباتێن هه‌وه ژی نه‌خوارن و ڤه‌خوارن و جه‌ژن و خۆشی و ژیانا وه‌ك مرۆڤان، بزانبن هه‌موو سه‌ركه‌فتن و پیرۆزییه و د راستا گه‌نده‌ل و مه‌لاق و خۆفرۆشان ژی: دزانن هوون ل سه‌ر ئیكودویا خوه مان و ژیان هه‌وه باشتر ژ به‌رێ پێشوازیكر و زارۆیێن هه‌وه ل خواندن و خوه‌شێن خوه به‌رده‌وام بوون و هه‌وه بازرگانی ب پیشمه‌رگه‌ی و مرۆڤێن بووینه پێشمه‌رگه كرن و پانیزنخانه و ئوتێل و موتێل و پرۆژه و كۆمپانێن، هه‌وه ب گه‌نده‌لیێ بده‌ست خستین نه ئێخستنه خزمه‌تا شه‌ر، بزانبن پیێ لاستیكیێ شه‌هید (فاخر به‌رواری) به‌رسڤه‌ك بوو هه‌وه و سه‌رێ هه‌وه هه‌میان ل سه‌ر ئێك دئینیت، ب هیڤیا هوون ب وی پیێ بئێنه حوكمكرن ل دادگه‌ها كوردایه‌تیێ ل ده‌مه‌ك نێزیك، دا ببن نموونه بۆ هه‌ر كه‌سی و ئێدی ته‌ماما باشۆریان ببن پیشمه‌رگه و پیشمه‌رگاتیی بكن ل ئاشتی و شه‌ران ب مه‌رما ستوونێن ئاسایشا خوه ساخله‌م بكن و كاروانێ ده‌وله‌تبوونا خوه ب مه‌شینن.
نيشاندان
WP Facebook Auto Publish Powered By : XYZScripts.com