ئه‌ڤرۆ نيوز، ناجی به‌ده‌ل:

د. بێوار خنسێ پسپور د بیاڤی په‌ترۆلێ دا بۆ ئه‌ڤرۆ نیوز راگه‌هاند كو حوكمه‌تا هه‌رێما كوردستانێ و بریاردانا ل سه‌ر ره‌شنڤیسا كومپانیا كوردستانێ دای بۆ لێگه‌ریان و فرۆتنا په‌ترۆلا هه‌رێما كوردستانێ پێدڤیه‌كا ئه‌ڤێ قووناغێ یه‌.

د. بێوار خنسی گۆتژی: “ل گوری قانوونا نه‌فت و غازێ د مادێ 11 دا به‌حس ل ئه‌ڤێ كۆمپانیێ هاتیه‌ كرن و سه‌ربه‌خوه‌یه‌ ژ 5 ئه‌ندامێن سه‌ربه‌خوه‌ پێك دهێت و كار و برێڤه‌برنێ دا د ئازادن و په‌یوه‌ندیا وێ ل گه‌ل وه‌زاره‌تا سامانێ سرۆشتی يه‌”، هه‌ر وه‌سا دێ كارێ وێ چاڤدێربكرن و برێڤه‌برنا هه‌موو زه‌ڤیین په‌ترۆلێ بیت و رێكخستن و وه‌رگرتنا هه‌موو داتایێن كومپانیا و خه‌رجی و داهاتی خرڤه‌كه‌ت.

د. بێوار خويا كر كو گه‌له‌ك ده‌رڤه‌تا كاری هه‌یه‌ و 20% داهات بو بارا ڤێ كومپانێیه‌، دشێت د عیراقێ ژی دا كار بكه‌ت، ماف دایێ ده‌رڤه‌ێ عیراقێ ژى كار بكه‌ت، ببیته‌ بنه‌مایه‌كێ مه‌زن ل جیهانێ وه‌ك هێزه‌كا مه‌زن مینا كومپانیێن دی يێن جیهانێ و دێ كوردستانێ بۆ قووناغا پیشه‌سازی و پترۆكیمیایی ده‌رباز كه‌ت و بهایێ وێ گه‌له‌ك زێده‌تره‌ ژ بهایێ نه‌فتێ و رێك و پێكیا باشتر و بارێ ل سه‌ر ملێن وه‌زاره‌تا سامانێن سرۆشتی سڤك بكه‌ت.

ئه‌ڤرۆ نيوز، ئومێد وەڵاتی:
‌ل وەرزێ بەروبومێن خوماڵی دگەهنێ ب تایبەتی بەروبومێ هناران ، ئینانا هناران ژ دەرڤەی کورستانێ دهێتە راوەستاندن و ل سنورێن هەرێما کوردستانێ رێ ب چ بازرگانان ناهێت داین ژبۆ ئینانا هناران بۆ ناڤا هەرێما کوردستانێ .
‌نها سنورێن سوریێ هاتینە گرتن ژبەر رێکخراوا تیرورستیا داعش چ رێ نینە کو بازرگانی دناڤبەرا هەرێما کوردستانێ و وەڵاتێ سوریێ دا بهێتەکرن سەرەرایێ کو ژبەر ڤێرا گەهشتنا هنارێن خوماڵی نابیت ل دەرڤە بهێنە ناف کوردستانێ ، بەلێ نها ل زۆربەیا باژێر و باژێرکێن کوردستانێ ب تایبەتی ل هەولێرا پایتەخت هنارێن سوری ل ناف دوکانێن فێقی فروتنێ و ل سەر جادەیان دهێنە فروتن .
‌سنورێن دناڤبەرا هەرێما کوردستانێ وەڵاتێ سوریێ دا ل ژێر کونتروڵا رێکخراوا تیرورستیا داعش دایە، لەوما گومان دهێتەکرن کو هنارێن سوریێ ب رێیا بازرگانی کرن دگەڵ داعشان بێنە ناڤا هەرێما کوردستانێ .
ئەڤە د ڤی دەمی دا کو هاتیە بەلافکرن ژ لایێ چەندین دەزگەهێن راگەهاندنێ ڤە کو چەند بەرپرسێن کورد بازرگانیا نەفت و گازو غازێ و ئوتومبێلان دهێتەکرن کو ژلایێ حکومەتا هەرێما کوردستانێ ژی ڤە ئەف چەندە ئێک لابویە و ١١ کەس لسەر ڤێ چەندێ هاتینە دەستەسەرکرن بەلێ بازرگانیا هناران ژی هاتە سەر، ژ بوو پشت راستیێ کا ئەف هنارە یێن سورینە یان نە، مە خوه‌ گەهاندە چەند کەسان کو دوکانێن فێقی فروتنێ هەنە هەمیان بۆ مە وەسا دیارکر کو ئەف هنارە سورینە لێ د بەرهەف نەبوون رێيێن ئینانا هناران بۆ مە دیار بکەن، هەر چەندە مە زۆر بزاڤ كرن خوه‌ بگەهینینە هندەک بازرگانان، لێ نه‌گه‌هشتينه‌ چو كه‌سان.

ئه‌ڤرۆ نيوز، ناجی به‌ده‌ل:

مامۆستايه‌كا زانكۆيا دهۆك يا بسپۆر د وارێ ئاڤێ دا دياركر كو گه‌فێن نه‌بوونا ئاڤێ يێن ل سه‌ر پاشه‌رۆژا هه‌رێمێ هه‌ين ژ ئه‌گه‌رێ چێكرنا سكران ل سه‌ر رووباران دا و پێدڤيه‌ هه‌ر ژ نووكه‌ كار ژ بوو وێ يه‌كێ بهێته‌ كرن.

شه‌یما محه‌مه‌د ره‌جه‌ب، ماموستایا كولیژا چاندنێ ل فاكولتيا چاندنێ و پسپۆر د بیاڤێ ئاڤێ دا، بۆ ئه‌ڤرۆ نیوز راگه‌هاند كو د پاشه‌رۆژێ دا گه‌فا ئاڤێ چاڤه‌رێ هه‌رێمێ دكه‌ت، دڤێت كار بۆ ئه‌وێ چه‌ندێ بهێته‌ كرن و بشیێن خوراگرين ژ مه‌ترسیێن بی ئاڤیێ.

ناڤبریێ دیار كر نها ئاڤا كانیا و سه‌ر ئه‌رد و بن ئه‌رد و بارانان يا باشه‌، لێ یا هه‌ره‌ زۆر رووبارێن مه‌زنن كو ژ ده‌رڤه‌ی هه‌رێمێ دهێنه‌ ناڤ هه‌رێمێ ئه‌و بووینه‌ جهێ مه‌ترسیێ و ل ئه‌وان ده‌وله‌تان سكرێن مه‌زن ل سه‌ر دهێنه‌ دروستكرن و ئه‌ڤه‌ ژى مه‌ترسيه‌ ل سه‌ر پاشه‌رۆژا ئاڤێ ل هه‌رێمێ.

شه‌یمایێ گۆتژی: “دڤێت كا چاوا به‌رهه‌نگاریا مه‌ترسیێن نها دبين، وه‌سان هشيارى ڤێ مه‌ترسێ ژى بين، دڤیت پرۆژه‌یه‌كی مه‌زن هه‌بیت ژ بوو پاشه‌رۆژی و دێ بیته‌ كارته‌كا فشارێ ژی و خوه‌ ده‌رخستن ژ ئه‌وێ گه‌فێ و كاریگه‌ریێن كێمبوونا ژێده‌رێن ئاڤا رووباران، دڤێت مه‌ ژی پرۆژێن مه‌زن هه‌بن وه‌ك سكرێن مه‌زن و هه‌لگرتنا وێ بۆ ده‌مێ پێدڤی”.

ئه‌و ئێكه‌ ژی دا زانین كو نها ل هه‌رێمێ كار ل سه‌ر هندێ دهێته‌كرن لی ژ به‌ر ئه‌و ره‌وشا ئابووری دروست بووی د ناڤبه‌را هه‌رێمێ و عیراقێ و گرتنا چه‌ندین باژێرێن عیراقێ ژ لایێ داعش ڤه‌، سستیه‌ك خستیه‌ دڤی بیاڤی دا، له‌ورا ل ده‌مێ ئاسای بوونێ دڤێت كار ل سه‌ر بهێته‌كرن ژ بوو نه‌هێلانا مه‌ترسیا گه‌فا ئاڤێ ل پاشه‌رۆژێ .