ئه‌ڤرۆ نيوز:
ل ده‌ستپێكا په‌يدابوونا وێ و هه‌تا نوكه، نێزيكى 10 هزار كه‌سان ژ ئه‌گه‌رێ قاپروسێ ئيبولا گيانێ خوه يێ ژ ده‌ستدايى، دڤى بياڤى دا رێكخراوا ساخله‌ميا جيهانى راگه‌هاند كو هه‌تا نوكه ل وه‌لاتێن رۆژئاڤا ئه‌فريقيا 24 هزار كه‌س تووشى ڤى ڤاپروسى بووينه و هه‌ر ژبه‌ر ڤى ڤايروسى هه‌تانوكه نێزيكى 10 هزار حاله‌تان گيانێ خوه ژ ده‌ست دايه.
ئه‌ڤرۆ نيوز:
كومپانيا ئه‌ريكسون يا تايبه‌ت ب به‌رهه‌مئينانا ئامێرێن جورا و جور ييێن په‌يوه‌نديكرنێ راگه‌هاند : ژ ئه‌گه‌رێ قه‌يرانا ئابوورى وان 2 هزار و 200 فه‌رمانبه‌رێن پشكا ڤه‌كولينان و به‌ره‌ڤ پێشبرنا كومپانيێ ل سه‌ر كارى ده‌رێخستنه.
ومپانيا ئه‌ريكسون يا تايبه‌ت ب به‌رهه‌مئينانا ئامێرێن جورا و جور ييێن په‌يوه‌نديكرنێ رۆژا 11 ئادارێ راگه‌هاند كو ب ڤى كارێ وان كرى دێ ملياره‌ك و 100 مليون دولار ژ خه‌رجيان بۆ كومپانيا وان ڤه‌گه‌رن، له‌وما ئه‌ڤ برياره داينه.
ئه‌ڤرۆ نيوز:
لژنا ئاسايش و به‌ره‌ڤانيێ ل په‌رله‌مانێ عيراقێ ئاشكرا كر كو راپۆرتا ده‌ستپێكێ سه‌باره‌ت كه‌فتنا باژێرێ مووسل ل چه‌ند رۆژێن بهێت دێ ل په‌رله‌مانێ عيراقێ دانوستاندنێ ل سه‌ر كه‌ن.
سەباح ساعیدی ئه‌ندامێ لژنا ئاسايش و به‌ره‌ڤانيێ ل كوتلا چاكسازيا نيشتمانى گۆت: ئه‌و لژنا بۆ ڤه‌كولينێ ژ كه‌فتنا باژێرێ مووسل هاتيه پێكئينان، گه‌هشتيه قوناغا به‌رهه‌ڤكرنا راپۆرتا ده‌ستپێكى ل سه‌ر روودانێ و ل چه‌ند رۆژێن بهێت دێ ئێخنه هه‌مبه‌ر په‌رله‌مانێ عيراقێ.
ئه‌ڤرۆ نیوز، ڤه‌ده‌ر ره‌شاڤایى
بیره‌وه‌ریا 12 ئادارێ یا سه‌رهلدانا 2004 یا رۆژئاڤا كوردستانێ- قامشلو، ئه‌ڤرۆ ل كه‌مپا دومیز ل دهۆكێ هاته ساخكرن.
بۆ بیرئانینا شه‌هیدێن سه‌رهلدانا قامشلو ئاكنجیێن كه‌مپا دۆمیز مه‌راسیمه‌ك ب هه‌لكرنا شه‌مالان گێرا وه‌ك رێزگرتن بۆ گیانێ شه‌هیدان و خه‌باتا كوردێن رۆژئاڤا.
تێ زانین ل 12 ئادارا سالا 2004 ێ د یاریه‌كا ته‌پاپێ دا ل قامشلو جه‌ماوه‌رێ عه‌ره‌ب وێنێ سه‌دام حسێن سه‌رۆكێ حزبا به‌عس بلندكرن، و وه‌ك كارڤه‌دانه‌كا كوردان ئالایێ كوردستانێ بلندكر د ئه‌نجام دا شه‌ر و په‌ڤچوون چێ بوون ل باژێرێ قامشلو و رژێما سوری هێرش كره سه‌ر چالاكڤانێن كورد و بكێماتی 30 كورد هاتن كوشتن.
ئه‌ڤرۆ نيوز:
سۆپايێ عيراقێ راگه‌هاند كو نوكه ئه‌و و حه‌شه‌د شه‌عبى ل سه‌نته‌رێ باژێرێ تكريت شه‌رێ كۆلان ب كۆلان دكه‌ن و ل حه‌وێچه ده‌نگۆيێ وێ چه‌ندێ يێ هه‌يى كو ژ ترسا پێشمه‌رگه‌يى داعش ئه‌و ده‌ڤه‌ر چۆل كربيت.
ژێده‌رێن سه‌ربازى رادگه‌هينن كو هێزێن له‌شكرێ عيراقى و حه‌شه‌د شه‌عبى نوكه شه‌رێ كۆلان و جادا ل گه‌ل چه‌كدارێن داعش دكه‌ن كو ئه‌و نێزيكى ده‌ڤه‌را قادسيه و نه‌خۆشخانا له‌شكرى بووينه و ل ناڤه‌ندا سه‌نته‌رێ باژێرى ژى ناڤه‌ندێن خوه داناينه.
ژ لايه‌كێ دى ڤه ژێده‌رێن له‌شكرى رادگه‌هينن كو ژ ترسا هێرشا هێزێن پێشمه‌رگێ كوردستانێ ل ميحوه‌رێ كه‌ركووك نوكه چه‌كدارێن داعش باژێرێ حه‌وێچه بجهـ هێلايه.
ئه‌ڤرۆ نيوز:
وه‌زيرێ دارايى يێ عيراقێ د سێيه‌مين ديدارا سلێمانيێ دا كو سه‌باره‌ت كێشێن د ناڤبه‌را هه‌ولێر و به‌غدا هاتيه سازكرن، ئه‌ڤرۆ راگه‌هاند ئه‌گه‌ر حوكمه‌تا عيراقێ پاران نه‌هنێريت، ل به‌غدا نامينيت و دێ ڤه‌گه‌ريته هه‌ولێرێ.
هشيار زێبارى وه‌زيرێ دارايى يێ عيراقێ راگه‌هاند: ژێده‌رێ سه‌ره‌كى يێ داهاتێ عيراقێ هنارتنا نه‌فتێ يه، دڤێت ژێده‌رێن داهاتێ مه د هه‌مه‌جور بن و ب تنێ پشت ب نه‌فتێ گرێنه‌ده‌ين.
هشيار زێبارى وه‌زيرێ دارايى يێ عيراقێ ديسا راگه‌هاند: حكومه‌تا هه‌رێما كوردستانێ هه‌موو ده‌مه‌كێ داخوازا 17% ژ بودجه‌ى دكه‌ت، ئه‌گه‌ر حوكمه‌تا عيراقێ پاره‌ى بۆ هه‌رێمێ نه‌هنێريت، ل به‌غدا نامينم و دێ ڤه‌گه‌رمه هه‌ولێرێ.
ئه‌ڤرۆ نيوز، نيوار محه‌مه‌د سه‌ليم:
فه‌رماندێ ليوا هه‌شت يێ پێشمه‌رگێ كوردستانێ راگه‌هاند كو ئه‌ڤرۆ دانێ نيڤرۆ ژ هه‌موو لايان ڤه چه‌كدارێن داعش هێرش كريه سه‌ر هێزێن پێشمه‌رگه‌يى.
ليوا هاشم سيته‌يى، فه‌رماندێ ليوا هه‌شت يێ پێشمه‌رگه‌يى كوردستانێ بۆ ئه‌ڤرۆ نيوز گۆت: “چه‌كدارێن داعش ژ هه‌موو لايان ڤه هێرش كره سه‌ر هێزێن پێشمه‌رگه‌يى و ل ده‌ڤه‌را سه‌يده زه‌ينه‌ب پێشمه‌رگه‌يى ترۆمبێله‌كا وان يا تى ئێن تى كرى په‌قاند و ژ لايه‌كێ دژى ڤه هێزێن هه‌ڤپه‌يمانان ترۆمبێله‌كا وان يا تى ئێن تى كرى په‌قاند”.
ئاماژه ب وێ چه‌ندێ ژى كر كو سه‌ره‌رايى وێ چه‌ندێ هێزێن پێشمه‌رگه‌يى رێ ل هێرشا وان كر و رێ نه‌دا، چو پێشڤه‌چوونان بكه‌ن.
نه‌ڤه‌شارت ژى كو دو پێشمه‌رگه بريندا بووينه و برينێن وان د سڤك بووينه و گۆت: “زێده‌ترى 20 چه‌كدارێن داعش هاتينه كوشتن”.
ئه‌ڤرۆ نيوز:
د ديداره‌كێ دا بۆ SNN Magazine، شاهجوانا ئه‌نترنێتێ ل كوردستانێ ده‌رباره‌يى ده‌ركه‌فتنا خوه د به‌ريكانا Miss Grand International دا ب جلكێن سه‌ر ده‌ريايێ “پكينى” گۆت: “ئه‌ز يا ئازادم چاوان له‌شێ خوه ده‌ربێخم، ئه‌وێ ب تنێ په‌يوه‌ندى يا ب داليايێ ڤه هه‌يى”.
داليا رێبوار حه‌سه‌ن، شاهجوانا ئه‌نترنێتێ ل كوردستانێ گۆتژى: “گه‌له‌ك كچان ل كوردستانێ ئه‌و حه‌ز يا هه‌يى پشكدارى به‌ريكانێن جيهانى ببن، به‌لێ جڤاك و خێزان يێن بووينه رێگر ل حه‌زێن وان كچان”.
ئاماژێ ب وێ چه‌ندێ ژى دكه‌ت كو ل ده‌مێ ده‌ركه‌فتنا وێ ل سه‌ر ده‌ريايى دو بۆچوون هه‌بوون؛ ئێك دژى وێ بوو و گۆتنێن كرێت د گۆتنێ و ئێكێ ژى پشته‌ڤانى لێ دكر و ب كچه‌ك وێره‌ك وه‌سف دكر و گۆت: “يێن پشته‌ڤانيا من كرين پتر بن”.
ئەڤرۆ نیۆز، قائید میرۆ:
ھێزێن پێشمەرگە ل قەزا مەخمور ھێرشەکا تیرۆرستێن داعش شکاند و زیانێن مەزنن گەھاندن تیرۆرستان، ئەفسەرەک ژی دبێژیت: “ئەڤرۆ سپێدێ ژی فڕۆکەیان زیان گەھاندینە داعش”.
رائید زاھر کەریم، ئەفسەرێ پێشمەرگەی لە میحوەرێ مەخموور بە ئەڤرۆ نیۆز راگەھاند” شەڤا بۆرى تیرۆرستێن داعش ل میحوەرێ قەزا مەخموور ھێرش کریە سەر ھەردو گوندێن گل گامێش و عەلیاوە، بەلێ ژ لایێ ھێزێن پێشمەرگەی ھاتنە شکاندن و زیان گەھاندینە تیرۆرستێن داعش.
زاھری گۆتژی” جارەکادی ئەڤرۆ سپێدێ فڕۆکەیێن ھەڤپەیمانان ئەف دەڤەرا شەڕ تێدا بوردۆمانکرینە و پێشبینی دکەین فڕۆکەیانژی ھژمارەکا زۆرا چەکدارێن داعش ھاتبنە کوشتن، بەلێ ھژمارا کوشتیێن وان ب دورستی ناھێتە زانین.
نيشاندان