ئه‌ڤرو نیوز، بارزان سلێمان مزوورى
ئه‌ڤرو لژێر چاڤدێریا رێزدار(عصمت ره‌جه‌ب) به‌رپرسێ لقا 14 ل مووسل، ناڤه‌ندا بالا یا مووسل یا ئێكه‌تیا لاوێن دیموكراتا كوردستانێ وه‌ك رێزگرتن بو مالباتێن شه‌هیدان، وێنه‌یێن 950 پێشمه‌رگێن د شه‌رێ دژى چه‌كدارێن تیرورستێن داعش شه‌هید بووین د پێشانگه‌هه‌كێ دا ل شێخان نمایشكرن.
زاخۆ، یوسف موسـا:
ده‌سته‌یه‌كا نوو بو سه‌ندیكا هونه‌رمه‌ندێن كوردستانێ لقێ زاخۆ هاتنه هه‌لبژارتن كو دێ نوینه‌راتیا نێزیكى 200 هونه‌رمه‌ندێن كارا و نه‌كارا ل ده‌ڤه‌را زاخۆ كه‌ن.
مه‌هدى مۆنیر به‌رپرسێ به‌رى هه‌لبژارتنان یێ سه‌ندیكا هونه‌رمه‌ندێن زاخۆ بو ئه‌ڤرۆ نیۆز دیاركر لژنه‌یه‌كا سه‌رپه‌رشتیكرنێ ژ دادگه‌هێ و ب چاڤدێریا سێ كه‌سان ژ سه‌ندیكا هونه‌رمه‌ندێن دهۆكێ هاته برێڤه‌برن.
ل زاخۆ نێزیكى دوسه‌د ئه‌ندامێن سه‌ندیكا هونه‌رمه‌ندان هه‌نه، ژ وان 119 ئه‌ندامێن كارانه، د راگه‌هاندنا ئه‌نجام دا مه‌هدى مۆنیر ب 74 ده‌نگان بو جارا دووێ وه‌كو به‌رپرسێ سه‌ندیكا هونه‌رمه‌ندێن زاخۆ هاته هه‌لبژارتن، و به‌یار محه‌مه‌د ب 46 ده‌نگان ل رێزا دووڤدا وه‌كو جێگر و هه‌روه‌سا شێرزاد هادى ب 37 ده‌نگان بو كارۆبارێن دارایى هات.
مه‌هدى مۆنیر به‌رپرسێ نوو هه‌لبژارتیێ سه‌ندیكایێ برێكا ئه‌ڤرۆ نیۆز سوپاسیا وان كه‌سان كر یێن باوه‌ریا خوه دایى و ئه‌و هه‌لبژارتى و گۆت: په‌یمانێن خوه ل گه‌ل ئه‌ندامێن سه‌ندیكایێ موكۆم تر دكه‌ین و زێده‌تر خزمه‌تا هه‌موو هه‌ڤالان ب یه‌كسانى كه‌ین.
زاخۆ، یوسف موسـا:
بو ئێكه‌م جار هۆله‌كا بیره‌وه‌ریان ل زاخۆ دهێته دانان و ئاڤاهى بو رێڤه‌به‌ریا ئه‌وقافێ و ئێكه‌تیا زانایێن ئاینێ ل زاخۆ دهێنه دانان، هه‌ردو پرۆژه نێزیكى ساله‌كێ یه كار تێدا دهێته كرن.
مه‌لا سه‌عید عه‌بدولره‌حمان رێڤه‌به‌رێ ئه‌وقاف و كارۆبارێن ئاینى بو ئه‌ڤرۆ نیۆز دیاركر نها ئاڤاهیێ رێڤه‌ریا ئه‌وقاف و ئێكه‌تیا زانایان لقێ زاخۆ ب كۆژمێ 695 ملیون دیناران لسه‌ر بودجه‌یا گه‌شه‌پێدانا هه‌رێما ل پارێزگه‌ها دهۆكێ دهێته درۆستكرن، ب رێژا 45% كار ل سه‌ر هاتیه ئه‌نجام دان و گۆت: ژبه‌ر گیروبوونا سۆلفه‌یێن كارى هه‌یاما دۆ سالایه ب سه‌ر ماوه‌یێ تمامبوونا وێ ڤه چووینه.
هه‌روه‌سا مه‌لا سه‌عید عه‌بدۆلره‌حمان ته‌كه‌ز ژى كر درۆستكرنا هۆله‌كا بیره‌وه‌ریێن ئاینى بو ئێكه‌م جار ل زاخۆ دهێته دانان، ب درێژاهیا 30 مه‌تران و فره‌هیا 15 مه‌تران، ب كۆژمێ 285 ملیون دیناران ل سه‌ر بودجه‌یا ئه‌وقافێ كار ل سه‌ر دهێته كرن و گۆت: نهۆ كار گه‌هشتى یه قۆناغێن به‌رى دۆماهیێ كو 70% كار هاتیه ئه‌نجام دان.
ل دوماهیێ گۆت: هه‌تا نهۆ ئه‌وقاف و زانایان د ئاڤاهیێن كرێ دانه، و ژبه‌ر هندێ ل گۆرى پێدڤیا ماموستایێن ئاینى ئه‌و ئاڤاهى و جهێن بیره‌وه‌ریێن ئاینى دهێنه درۆستكرن.
ئه‌ڤرۆ نیوز، ناجی به‌ده‌ل:
ئه‌ڤرۆ ئه‌نجامێ ئه‌زمونێن به‌راهیێ ل پارێزگه‌ها دهۆكی هاتنه راگه‌هاندن و ئه‌نجامێن ته‌ڤایا به‌شین وێژه‌ی و زانستی راگه‌هاندینه بۆ سالا 2014-2015 .
ئه‌و قوتابیێن ئه‌زمون ئه‌نجام داین دشێن ب رێكا ئه‌ڤی لینكی ئه‌نجامێن خو ب بینن . كلیك بكه
ئه‌ڤرۆ نیوز:
هادى عامرى سه‌رپه‌رشتیارێ چه‌كدارێن حه‌شد شه‌عبى ئاشكراكر كو 100 راوێژكارێن سه‌ربازى یێن ئیرانێ مل ب ملێ هێزێن عیراقى پشكدارن د پروسا سه‌ربازى یا ئازادكرنا تكریت دا.
عامرى دبێژیت: بسپورێن سه‌ربازى یێن ئیرانى ل هه‌موو میحوه‌ران ل شه‌رێ دژى داعش ل سه‌لاحه‌دین ل گه‌ل مه د پشكدارن.
پشتى ده‌ستپێكرنا پروسل سه‌ربازى یا پارێزگه‌هێن دیاله و تكریت، عامرلا بۆ جارا ئێكێ یه دانپێدانێ ل هه‌بوونا هه‌ڤكاریكرنا ئیرانێ دكه‌ت.
ئه‌ڤرو نیوز ، بارزان مزوورى
بریارده‌رێ جڤاتا پارێزگه‌ها دهوك، ئیدریس هه‌ركى ، بو ئه‌ڤرو نیوز دیار كر كو 44 ملیار دینار پارێ گه‌نمێ جوتیارا ژلایێ حكومه‌تا عێراقا فیدرال ڤه گه‌هشتینه به‌نكێن پارێزگه‌ها دهوك.
ناڤبرى دیار كر كو ئه‌ڤ كوژمێ پاره‌ى دێ ل سه‌ر سایلویێن پارێزگه‌ها دهوك هێته پارڤه‌كرن و ل دووڤ خشته‌یێ وان دارێشتى ل ئه‌ینیا بهێت دێ گه‌هیته سایلویێن سه‌ر ب پارێزگه‌هێ ڤه و ب رێكا به‌نكا دێ هێته دابه‌شكرن ل سه‌ر جوتیارێن گه‌نمێ خو راده‌ستێ سالویا كرى .
ئه‌ڤرۆ نیوز:
پێكهاتێ چاڤه‌رێكرى یا یاریا د ناڤبه‌را یانا ڕیال مەدرید و شالکە كو دهێته چاڤه‌رێكرن ئه‌ڤ شه‌ڤه ل ده‌مژمێر 10:45 ب ده‌مێ کوردستانێ ژ یاریا ڤه‌گه‌ریانێ قوناغا 16 ژ خولا یانێن قاره‌مانێن ئوروپا بهێته سازكرن
ڕیال مەدرید: کاسیاس، ئاربێلۆوا، پیپی، ڤاران، مارسێلۆ، کرۆس، خزێرە، ئیسکۆ، کریستیانۆ، بەیل، بێنزێمە.
شالکە: ڤیلینەرۆسەر، هاودێس، ماتیپ، ناستازیچ، ئۆچیدا، ئۆگۆ، هۆگر، نێوستادتێر، مایەر، مۆتینگ، هۆنتلار.
ئه‌ڤرو نیوز ، نه‌وزاد زاده هلۆرى :
ده‌زگه‌هێ خێرخوازیێ بارزانى نه‌مر 50 خێزانێن شه‌هیدان ل ناحیا شێلادزێ ئه‌ڤرو خه‌لاتكرن.
شه‌ڤگێر ره‌مه‌زان به‌رپرسێ ده‌زگه‌هێ خێرخوازیێ بارزانى نه‌مر ل شێلادزێ بو ئه‌ڤرۆ نیوز گۆت : ( وه‌كو رێزگرتن بو شه‌هیدان و هه‌لكه‌فتا رۆژا جیهانیا ئافره‌تان مه وه‌كو ده‌زگه‌هێ خێرخوازیا بارزانى نه‌مر 50 ئافره‌ت كو خێزانێن شه‌هیدێن تیرورێ بوون خه‌لاتكرن )
زێده‌تر گۆت : ( د رێورسمێن خه‌لاتكرنێ دا سمیناره‌ك ژى ژ بوو دكتوره ڤیان سلێمان سكرتێرا ئافره‌تێن كوردستانێ هاتیه رێكخستن كو تێدا به‌حس ل ئاریشه‌یێن ئافره‌تان و پێشكه‌فتنا وان و قوربانیدانا ئافره‌تان هاته‌كرن)
نيشاندان