ئه‌ڤرۆ نيوز، زنار زوبێر:
بۆ جارا ئێکێ دەزگرا سێرا پرتوگالی کرستیانو رۆنالدو نمایشکەرا جلوبەرگا یا رووسی ئێرینا شایک ئەگەرێ سەرەکی یێ ژێکڤەبونا وێ ل گەل رونالدوی ئاشکرا دکەت.
زێدەتر ئێرینا شایک د دیدارەکێ بۆ رۆژناما میرور یا ئنگلیزی دیاردکەت کو ئەوێ ھەست ب ئارامیێ و خوشیێ ل گەل کرستیانو رۆنالدوی نە دکر دیسان وێ ھەردەم ھزر دکر ئەو یا پشتگوە خستیە ل گەل ستێرا جیھانێ.
نمیاشکەرا جلوبەرگا ئەو چەندە ژی دیارکر کو ئەوێ باوەری ب وی کەسی نینە یێ کچکێ بھێلیتە خەمگین و ئەو کەسێن ڤێ شێوەی وەک زاروکانە و چو نیشانەیێن زەلامان ل دەف نینن لەورا نەچاربوم ڤێ پەیوەندیێ ب دووماھی بینم ژبەرکو من کەسەکێ دی کو یێ گونجای ل گەل من و ژیانا من دا بۆ خوە دیتیە.
ل دووماھیا ڤێ دیدارێ شایک دیاردکەت کو ئەو کچا ل گەل کەسەکێ نە گونجای ئەو دێ ھەست ب نەخوشیا کەت لەورا ئەوێ بریار دا ڤێ پەیوەندیێ ب دووماھی بینم ل گەل رۆنالدوی و ئەو یا پەشیمان نینە ل سەر ڤێ بریارێ.

ئەڤرۆ:
بریارە ئەڤ شەڤە دو یاری ژ گەرا ھاتنێ ژ قارەمانیا ئوروپا قارەمانێن خولان دو یاری بھێنەکرن تێدا ریال مەدرید دێ ب ئارامیەکا تمام یاریا خوە ئەنجامدەت و ژ لایێ خوە ڤە یانا پورتو دێ دەربازبونا خوە ئێکلا کەت.
د یاریا ئێکێ دا یانا ریال مەدرید یا ئسپانی دێ سەروبەرەکێ باشدایە بۆ یاریا ئەڤ شەڤە بەرامبەر شالکە یا ئەلمانی سەرەرای ئەوان ئەنجامێن خراب د خولا لیگا ئسپانی و ژدەستدانا سەرێ لیستا خولێ و یانا مەلەکێ دێ مفای ژ ئەنجامێ یاریا چوی بەرامبەر ڤێ یانێ وەرگریت دەمێ شیای سەرکەفتنێ ل سەر تومار بکەت ب دۆ گۆلان بێ بەرامبەر کو ل وەرزێ بوری ژی ل ھەمان قوناغ شیابوو دو جاران سەرکەفتنێ ل سەر یانا شالکە تومار بکەت ژ قارەمانیێ دوربێخیت کو ریال مەدرید یانا ئێکێ یە دشێت شەش سەرکەفتنان ل دووڤ ئێک د ڤێ قارەمانیێ دا تومار بکەت، بۆ ڤێ یاریێ راھێنەرێ تیمێ کارلو ئەنشیلوتی یێ داخواز کریە سەرکەفتنێ د ڤێ یاریێ دا تومار بکەت داکو باوەریا جەماوەری بۆ خوە ب زڤرینت تایبەت کو نوکە یانا جەماوەرێ یانێ داخوازێ ژ ئەنشیلوتی دکەت شێوازێ یاریا ٤-٤-٢ پەیرەو بکەت وەک ئەوا ل وەرزێ بوری بکارئینای دیسان بۆ ڤێ یاریێ دێ دەلیڤە ھەبیت یاریکەرێ ھێلا ناڤین یێ کورواتی لوکا مودرێچ و سێرجیو راموس پشکداریێ بکەن.
لێ بەرامبەر چارەنڤیسێ یانا شالکە یا ئەلمانی د ڤێ یاریێ دا د مەترسیێ دایە تایبەت پشتی راھێنەرێ ئیتالی یێ یانا ئەلمانی دیماتیوی دیارکری سەرکەفتن دیاریگەھا سانتیاگو بێرنابیو دا زێدەتر ژ دو گۆلان نە یا ب ساناھی یە لێ ئەو ئالایێ سپی د ڤێ یاریێ دا ب ساناھی بلند ناکەن.
د یاریەکا دی دا چاڤەرێ دھێتە کرن یانا پورتو یا پرتوگالی پرتوگالی پلێتا دویێ یا ڤێ قارەمانیێ ئەڤ شەڤە بۆ خوە ئێکلا بکەت دەمێ میڤانداریا یانا بازل یا سویسری دکەت کو د یاریا ئێکێ دا ل یاریگەھا یا دویێ ب گۆلەکێ وەکھەڤ ببوون، یانا پورتو بەری نوکە د کوما خوە دا پێنج سەکەفتن ل گەل خوسارەتیەکێ دەستڤە ئینابوو لەورا ھەمی پێشبینی دھێنە کرن پلێتا دەربازبونێ بەھرا یانا پرتوگالی بیت.