ئه‌ڤرۆ نيوز:
د پێشره‌وييێن ئه‌ڤرۆ يێن هێزێن پێشمه‌رگه‌ى دا ل ده‌ڤه‌را ته‌لوه‌رد، داعش دخواست ب رێيا ڤى درعا تێنتيكرى خوه ب چه‌په‌رێن هێزێن پێشمه‌رگه‌ى ڤه ب په‌قينيت، به‌لێ پێشمه‌رگه‌ى ب ڤى ره‌نگى به‌رسڤا وێ دا، ته‌ماشه‌ى ڤيديويێ بكه.
نووترين نووچه
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
سه‌ره‌كى Facebook
32 % ژ جه‌ماوه‌رێ ريال داخواز دكه‌ن رۆنالدو ببيته يه‌ده‌ك
ئه‌ڤرۆ نيوز:
رۆژناما ئاس يا ئسپانى د نووترين راپرسيا خوه‌دا ل دۆر چاره‌كرنا كێشا خوساره‌تييێن ريال مه‌دريد راپرسيه‌ك ل سه‌ر حه‌زژێكه‌رێن ريال ئه‌نجامدايه و 32% داخواز كرينه كو رۆنالدو ژ پێكهاتا سه‌ره‌كى بهێته دوورخستن و 46% داخواز كرينه كو بێل ژى پشكدار نه‌بيت و 21% گوتينه بنزيما پشكدارى ياريا نه‌بيت.
تێ زانين رۆنالدو د 7 يارييێن بورى دا ب تنێ 3 گول توماركرينه دده‌مه‌كێ دا كو ب ره‌نگه‌كێ زور راهێنه‌ر پشبه‌ستنێ پێ دكه‌ت.
شه‌شه‌مین فیسته‌ڤالا زانستى ل سه‌ر ئاستێ په‌یمانگه‌هان هاته سازكرن
ئاكرێ،بێوارحسێن زێبارى:
په‌یمانگه‌ها كومپیوته‌رى ل ئاكرێ رابوو ب شه‌شه‌مین فیسته‌ڤالا خوه یا زانستى ل ژێر چاڤدێریا وه‌زیرێ.
ئه‌ندازیار مصلح فه‌تاح رێڤه‌به‌رێ په‌یمانگه‌ها كومپیوته‌رێ ل ئاكرێ بۆ ئه‌ڤرۆ گوت : شه‌شه‌مین فیسته‌ڤالا خوه‌یا سالانه ل سه‌ر ئاستێ هه‌ریمێ كو فیسته‌ڤالا زانستى یه مه گێرا و بمێڤانداریا هه‌مى په‌یمانگه‌هێن كوردستانى ژ وان ژى ( سلێمانى و كه‌ركوك و چه‌مچه‌مال و دهوك و سوران و هتد و یێن ئه‌هلى ژى) .
ئه‌ندازیار مصلح دیاركر كو ئه‌و هیڤى خازه دروست كرنا ڤان چالاكیان ببیته فاكته‌ره‌ك و هانده‌ره‌ك كو كه‌رتى تایببه‌ت ل پاشه‌رۆژى بشێت مفاى ژ ڤان قوتابیان وه‌ربگرن.
یاسایێن نێڤده‌وله‌تى بؤ پاراستنا په‌یامنێر و وێنه‌گران هاته به‌حسكرن
ئه‌ڤرو نیوز،بارزان مزوورى
ئه‌ڤرو سپێدێ 3/9 كومیتا خاچا سور یا نیڤ ده‌وله‌تى ب هه‌ڤكارى دگه‌ل رێڤه‌به‌ریا راگه‌هاندنا ل پارێزگه‌ها دهوك، خوله‌كا دوو روژى بو په‌یامنێر و وێنه‌گرێن سنورێ پارێزگه‌ها دهوك و پارێزگه‌ها مووسل ڤه‌كر كو مه‌ره‌م ژێ خوه‌پاراستنا رۆژنامه‌ڤانان بوویه د شه‌رى دا.
ئه‌كره‌م سلێمان ، سكرتێرێ سه‌ندیكا روژنامه‌ڤانێن كوردستانێ لقێ مووسل ، بو مالپه‌رێ ئه‌ڤرو نیوز ئاشكرا كر كو د ئیكه‌م روژ دا خول بو په‌یامنێر و وێنه‌گرێن پارێزگه‌ها مووسل بو ل دور “یاسایێن نیڤده‌وله‌تى بو پاراستنا په‌یامنێر و وێنه‌گران ” هاته ڤه‌كرن.
ناڤبرى دیار كر كو ئه‌و كه‌سێن به‌شدار د خولێدا ماوه‌یه‌ك درێژ بو گه‌له‌ك ژ وان ل به‌ره‌یێ جه‌نگى بون، گه‌له‌ك ژوان ژى پشتى ئاواره‌بووینه هه‌رێمێ دبێ كار ماینه و دوركه‌فتینه ژ خول و كارێن په‌یامنێریێ، ئه‌ڤ خوله گه‌له‌ك یا مفا بو ب تایبه‌ت بو وان په‌یامنێرێن د سه‌نگه‌رى دا ،
وه‌سفى حه‌سه‌ن ، رێڤه‌به‌رێ رێڤه‌به‌ریا راگه‌هاندنێ ل پارێزگه‌ها دهوك بو ئه‌ڤرو نیوز ئاشكرا كر كو د روژا دووێ دا هه‌مان بابه‌ت بو په‌یامنێر و وێنه‌گرێن ده‌ڤه‌را دهوك و زاخو و ئامێدى و ئاكرێ ژلایێ بسپورێن بیانى ڤه دێ هێنه پێشكێش كرن .
ئه‌مریكا:كارێن گرنگتر ژ پاراستنا شوونواران ل ئیراقێ هه‌نه
ئه‌ڤرۆ نیۆز، ڤه‌ده‌ر ره‌شاڤایى:
جه‌نه‌راڵ مارتن دێمپسی سه‌رۆكێ ده‌سته‌یا ئه‌ركانێ سوپایێ ئه‌مریكا د كۆنگره‌كی رۆژنامه‌ڤانیێ هه‌ڤپشك دا دگه‌ڵ خالد ئه‌لعوبێدی وه‌زیرێ به‌ره‌ڤانیا عیراقێ ل به‌غدا راگه‌هاند: “شه‌رێ رێكخراوا تیرۆریستيا داعش، ب شێوه‌كێ سه‌ره‌كی شه‌رێ ئیراقێ یه و ئه‌مریكا پشته‌ڤانا ئیراقێ یه”.
دێمپسی حه‌شدا شه‌عبی ب هێزه‌كا فه‌رمی ل قه‌له‌م دا و دیاركر كو حه‌شدا شه‌عبی رۆله‌كێ بهێز هه‌یه د شه‌رێ دژی داعش دا، هه‌روه‌سا ئه‌و یه‌ك روونكر كو ئه‌مریكا بێ ده‌ستووری و داخازا ئیراقێ چ پێنگاڤا ل ئیراقێ ل دژی داعش نا هاڤێژیت .
دێمپسی لسه‌ر داخازا ئیراقێ بۆ پاراستنا شوونواران گۆت كو: كارێ ئه‌مریكا یێ سه‌ره‌كی ل ئیراقێ نه پاراستنا شوونوارایه به‌لكو كارێن دی یێ گرنگرتر هه‌نه وه‌ك پاراستنا به‌نداڤ و ژێرخانه‌یا گرنك ل ئیراقێ كو ژناڤچوونا وان دێ كاره‌سات لدووڤ دا هه‌بن بۆ خه‌لكێ ئیراقێ، زێده‌باری پاراستنا خه‌لكێ سڤیل.
لێ ناڤهاتی خویاكر ئه‌و دێ بزاڤا كه‌ن جهی بكه‌ن د خشتێ ئه‌ركێن خوه دا ل ئیراقێ بۆ پاراستنا شوونواران ژی.
بڕيارا ڤه‌كرنا دادگه‌ها به‌رايى ل باتيفا ده‌رچوو
ئه‌ڤرۆ نيوز، نيوار محه‌مه‌د سه‌ليم:
ئه‌ندامه‌كێ لژنا قانوونى ل سه‌ر فراكسيۆنا زه‌ر ل په‌رله‌مانێ كوردستانێ بۆ ئه‌ڤرۆ نيوز راگه‌هاند كو ئه‌وان وه‌كو فراكسيۆنا پارتى ل په‌رله‌مانێ كوردستانێ شيان ببينه ئه‌گه‌ر بۆ ڤه‌بوونا دادگه‌ها به‌رايى ل باتيفا.
ڤه‌مان فه‌يسه‌ل، ئه‌ندامێ لژنا قانوونى ل سه‌ر فراكسيۆنا زه‌ر ل په‌رله‌مانێ كوردستانێ گۆت: “د ماوێ بهێنڤه‌دانا زڤستانى يا په‌رله‌مانێ كوردستانێ دا ل سه‌ر داخوازا فراكسيۆنا پارتى هه‌ر په‌رله‌مانتاره‌كى ژ مه ل سنورێ ده‌ڤه‌را خوه كێشێن ده‌ڤه‌رێن خوه به‌رچاڤ كرن”.
زێده‌تر گۆت: “خه‌لكێ باتيفا كێشه‌كا گه‌له‌ك مه‌زن ژ نه‌بوونا دادگه‌ها به‌راهيێ هه‌بوو، ژ به‌ر ڤێ چه‌ندێ ژى مه سه‌ره‌دانا هه‌ر ئێك ژ جڤاتا كارگێرى و دادگه‌ها پێداچوونا دهۆكێ كر و هه‌ردو لايه‌نان پێشوازى ل ڤێ داخوازيێ كر”.
دا زانين ژى كو ئه‌وان وه‌كو پشته‌ڤانى بۆ داخوازيا خوه و خه‌لكێ باتيفا، ل هه‌يڤا 12 نڤيساره‌ك ژ په‌رله‌مانێ كوردستانێ ژى بۆ پشته‌ڤانيا ڤێ مه‌ره‌مێ ده‌ركربوو.
ڤه‌مان فه‌يسه‌ل گۆتژى: “پشتى من سه‌ره‌دانا ڤان جهان كرين، ره‌زامه‌ندى ل هه‌يڤا دو ل سه‌ر ڤێ داخوازيێ ده‌ركه‌فتيه و پارێزگارێ دهۆكێ ژى پشته‌ڤانيه‌كا باشا ڤى كارى كريه و ل گه‌ل رێڤه‌به‌ريا پۆليسان رێكه‌فتينه و ئاڤاهيێ وان بۆ دادگه‌هێ دابين كريه و نوكه ب تنێ چاڤه‌رێ دادوه‌رانن و دهێته پێشبينيكرن د ماوێ كێمتر ژى هه‌يڤه‌كێ دا بهێته ڤه‌كرن”.
15 گوند و رێیا چه‌ك ژ مووسل دگه‌هشته داعش هاته گرتن
ئه‌ڤرۆ نیوز:
هێزێن پێشمه‌رگه‌ى سه‌نگه‌رێن خوه ل گوندێن باشوورێ كه‌ركوكێ بهێز كرن و ئه‌و رێك ژى گرت كو ل وێرێ هه‌ڤكاریا سه‌ربازى ژ مووسل دگه‌هشته چه‌كدارێن داعش.
پشتی ئه‌ڤرۆ 9/3، هێزێن پێشمه‌رگه ژ سێ ئالیان ڤه هێرشه‌كا به‌رفره‌ه بۆ پاقژكرنا وان گوندێن ل سنۆرێ پارێزگه‌ها كه‌ركوكێ یێن دده‌ستێ داعش دا ده‌ستپێكر، ل ناوچا (ته‌ل وه‌رد) پێشمه‌رگه پتر ژ 15 گوندان ژ تیرۆرستێن داعش پاقژكر.
فه‌رمانده‌كێ پێشمه‌رگه ل میحوه‌رێ باشۆرێ كه‌ركوكێ ده‌ستكه‌فتیێن پێشمه‌رگه دیاركرن كو زێده‌باری رزگاركرنا 15 گوندان، گرنگترین هێلا پشته‌ڤانی بۆ داعش ژێ دهات ل سنۆرێ پارێزگه‌ها كه‌ركوكێ كو ب دوریانا (مووسل – ریاز) دهێته ناسین ژ ئالیێ هێزێن پێشمه‌رگه‌ڤه هاتیه كۆنترۆل كرن، كو ب ڤێ رێیێ را داعش هاریكاریێن سه‌ربازی ژ مووسل بۆ حه‌ویجه و پاشی بۆ تكریت وه‌ردگرتن.
لێ نها پێشمه‌رگه د وێ رێیێ دایه و چه‌په‌رێن خوه موكوم دكه‌ت بۆ پرۆسێن داهاتی.
ب وێنه: خه‌ملاندنا ديوارێ ئينشكێ ب وێنێن پێشمه‌رگێن قاره‌مان
جهێ هه‌ر سێ كچێن بریتانی دیاربوو
ئه‌ڤرۆ نیوز، ڤه‌ده‌ر ره‌شاڤایی:
جهێ هه‌ر سێ كچێن بریتانی كو به‌ری دو حه‌فتییان ل له‌نده‌ن بێ ئاگه‌هداریا دایك بابێن خوه گه‌شت كربوو توركیا و پاشی چووبونه سوریا دا بگه‌هنه داعش دیاربوو.
شڤێدی هه‌ر سێ كچێن بریتانی مێڤانێن تیرۆرستێن داعش بووینه و گه‌هشتینه ماله‌كێ ل باژێرێ ره‌قه یێ سوری پایته‌ختێ رێكخستیا تیرۆریا داعش .
ئه‌ڤ سێ كچه ئێك 16 سالییه و دو ژی 15 سالی نه و قوتابی بوون ل له‌نده‌ن و گه‌شت كربوو بۆ توركیا پاشی بێ چ رێگری ل سنورێ سوریا ده‌ربازكریه و گه‌هشتینه داعش.
هه‌رێمێ رێككه‌فتنا هنارتنا نه‌فتێ بجهـ ئينا و چاڤه‌رێ به‌رسڤا به‌غدا دكه‌ت
ئه‌ڤرۆ نيوز:
حوكمه‌تا هه‌رێما كوردستانێ ئه‌ڤرۆ ئاشكرا كر كو وان ب رێژا 97% رێككه‌فتنا ل گه‌ل به‌غدا ل دۆر هنارتنا نه‌فتێ بجهـ ئینایه و نه‌فت ته‌سلیمى كومپانیا سومو كریه و دڤێت ئێدى به‌غدا پشكا هه‌رێمێ ژ بودجه‌ى بهنێریت.
وه‌زاره‌تا سامانێن سروشتى ئه‌ڤرۆ د مالپه‌رێ خوه‌دا به‌لاڤكريه كو هه‌رێمێ ل دووڤ بودجێ قانوونا بودجێ 2015 ، پابه‌نديا خوه ب رێككه‌فتنا ل گه‌ل به‌غدا ل دۆر هنارتنا نه‌فتێ ب رێيا كومپانيا سومو بجهـ ئينا، ئێدێ دڤێت به‌غدا بودجه و پارێ بۆ پێشمه‌رگه‌ى هاتيه دياركرن بهنێريت.
وه‌زاره‌تا سامانێن سروشتى ئاماژه ب وێ يه‌كێ دايه كو حوكمه‌تا عيراقێ كێمتر ژ 20% پشكا هه‌رێما كوردستانێ ژ بودجه‌ى بۆ هه‌يڤا 1 يا ئه‌ڤ ساله دابينكريه و چ پاره‌كێ دى بۆ هه‌يڤا شوباتێ دابين نه‌كريه.
نيشاندان
WP Facebook Auto Publish Powered By : XYZScripts.com