ئه‌ڤرۆ نيوز:
د روونشتا ئه‌ڤرۆ نيڤر دا په‌رله‌مانتار په‌روا عه‌لى ل نا هولا په‌رله‌مانێ كوردستانێ گول پێشكێشى په‌رله‌مانتارێن ژن و ده‌سته‌يا سه‌رۆكاتيا په‌رله‌مان و سه‌رۆكێن فراكسيونان كر.
په‌روا عه‌لى گۆت: دوهى رۆژا جيهانيا ژنان بوو، ئه‌ڤرۆ ژى سه‌رۆكێ په‌رله‌مانى به‌حسێ قاره‌مانيا ژنا كورد كر ب تايبه‌ت ژنێن شه‌رڤان و ژنێن پێشمه‌رگه، من ژى وه‌ك په‌رله‌مانتاره‌ك دخواست بۆ وێ قاره‌مانيا ژنا كورد ب دانا گولان پێشوازيێ ل رۆژا جيهانيا ژنان بكه‌م.
ئه‌ڤرۆ نیوز، ناجی به‌ده‌ل:
ڤیان عه‌باس به‌رپرسا سه‌ندیكا رۆژنامه‌ڤانێن كوردستانێ لقێ دهۆك بو ئه‌ڤرۆ نیوز دیاركر ئه‌ڤرۆ 30 كچین چه‌له‌نگێن دبیاڤێ راگه‌هاندنێ ل ته‌ڤایا ده‌زگه‌هێن راگه‌هاندنێ ل پارێزگه‌ها دهۆكێ هاتنه خه‌لاتكرن .
ناڤبریێ ئه‌و چه‌نده ژی گوت: ب چاڤدێریا پارێزگارێ دهۆكێ ئه‌ڤ 30 كچ هاتینه خه‌لاتكرن و ل گوری چه‌ند مه‌رجه‌كێن دیاریكری ئه‌و هاتینه دیاركرن كو كه‌سێن ژیهاتی و چه‌له‌نگن .
ڤیان خانێ ئه‌و ئیكه ژی دیاركر كو ب مه‌به‌ستا 8 ئادارێ ئه‌ڤ چالاكیه هاتیه كرن كو سه‌ندیكایا رۆژنامه‌ڤانان ژنێن ئه‌ندام ژ بیرنه‌كریه و هه‌ر ده‌م خه‌مخورا وانه ئه‌ڤه ژی جوره‌كه ژ پشته‌ڤانیێ كو دناڤا كارێ خودا رژدتر و ئه‌كتیفتر بن.
هه‌ژى گوتنێ یه كو ئێكه‌تیا خوشكانى كوردستان و ئێكه‌تیا ئافره‌تان لقێ دهۆك ژى هه‌ر ئێك ژ وان جودا خه‌لات ل سه‌ر ڤان 30 كچێن رۆژنامه‌ڤان به‌لاڤكرن.
ئه‌ڤرۆ نيوز، نيوار محه‌مه‌د سه‌ليم:
راگه‌هاندنا رێڤه‌به‌ريا پۆليسێن پارێزگه‌ها دهۆكێ راگه‌هاند كو پێشى دو رۆژان كه‌سه‌كى ل تاخێ گه‌لى خوه كوشتيه و ئه‌گه‌رێن كوشتنێ ژى د ديار نينن.
رائيدێ مافپه‌روه‌ر هێمن سلێمان، به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ راگه‌هاند كو پێشى دو رۆژان زه‌لامه‌كێ 75 سالى ب ناڤێ ” ع. ح”خوه ب گوله‌كێ كوشتيه.
به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ دا زانين ژى كو هێشتا ئه‌گه‌رێن خوه‌كوشتنا ڤى كه‌سى نه‌هاتينه زانين، به‌لێ ڤه‌كۆلين د روودانێ دا يا به‌رده‌وامه.
ئەڤرۆ نیۆز، سالار دۆسکی:
عەبدوللا رێکانی ئەندامێ پەرلەمانێ کوردستانێ، بۆ مالپەرێ ئەڤرۆ نیۆز گۆت: چەندین گەنگەشە ھاتینەکرن ل سەر پرۆژێ ئینانا نوشداران ژ دەرڤە و دیسان مە بزاڤ کرینە کو ھندەک رێنما ب ڤێ مەبەستێ بھێنە دەرکرن، دیسان پرۆژێ قانوونا چاندنا ئەندامێن لەشێ مرۆڤی و گەھشتیە قوناغا پێشکەفتی.
عەبدوللا رێکانی ئەندامێ پەرلەمانێ کوردستانێ، ئەوچەندەژی گۆت: یێ کار دکەین قانوون دەرمانێن سرۆشتی رێک بێخیت و نە ھەر کەسەکێ ل مال و بێ کار بیت بیتە نوشدارێ مللی و دەرمانان چێکەت..
رێکانی گۆتژی: دێ ل ناڤاراستا ئادارا ئەڤ سالە دێ رونشتنێن بەرفرە ل گەل نوشداران و ئەڤێن ڤی کاری دکەن ھێنەکرن و گەنگەشە ل سەر بابەتی دێ ھێنەکرن.
ئەڤرۆ نیۆز، قائید میرۆ:
ئەڤرۆ فڕۆکەیێن ھەڤپەیمانان ل قەزا شەرگات، کاروانەکێ ترۆمبیلێن داعش کرە ئارمانج و د ئەنجامدا 62 ترۆمبێل ھاتینە ژناڤبرن و ھژمارەکا زۆرا چەکدارێن داعش ھاتنە کوشتن.
غەیاس سورچی، کارگێڕێ مەلبەندێ ئێکەتی نیشتیمانی کوردستان ل مووسل ب ئەڤرۆ نیۆز راگەھاند” پشتی ھێرشا ئەڤرۆ ھێزێن پێشمەرگەی بۆسەر رۆژئاڤایێ کەرکووکێ، ھێزەکا مەزنا تیرۆرستێن داعش کو ل 62 ترۆمبێلا پێکھاتبوو دخواست ل باژێڕێ مووسل بەرەف قەزا حەویجە بچن و پشتەڤانیا ھێزێن خوە بکەن لھەمبەر ھێرشا پێشمەرگەی”.
غەیاسی گۆتژی” پشتی ئەف ھێزا مەزنا تیرۆرستێن داعش گەھشتیە نێزیک قەزا شەرگات، ژلایێ فڕۆکەیێن ھەڤپەیمانان ھاتنە بوردۆمانکرن و د ئەنجامدا، ھەر 62 ترۆمبێلێن تژی چەکدار ھاتنە ژناڤبرن و چەکدارێن ناڤا ترۆمبێلانداژی ھژمارەکا کێم رزگاربوون و یێن دیژی ھاتنە کوشتن.
ئه‌ڤرۆ نيوز:
د تاوانه‌كێ دا كو جادا عيراقى گه‌له‌ك به‌حس لێ دكه‌ت ميليشياتێن حه‌شه‌د شه‌عبى سه‌رێ شڤانه‌كێ په‌زى بڕيه ل گوندێ جه‌لام ل نێزيك تكريت و ب ڤيديۆ وێنه كريه و ئه‌و وێنه ل ئه‌نترنێتێ به‌لاڤ كريه، به‌رپرسه‌كێ عيراقى ژى ته‌كستێ ل سه‌ر راستيا وێ ڤيديۆيێ دكه‌ت و دبێژيت: “ئه‌ڤه تاوانه‌كا شه‌رمينه و دێ زيانێ گه‌هينيته ئۆپه‌راسيۆنێن رزگاركرنا ده‌ڤه‌رێن مايين”.
ب گۆره‌يى ڤيديۆيه‌كێ كو ئه‌ڤرۆ ل ئه‌كاونتێن “عصائب اهل الحق” به‌لاڤ بوويه و سه‌ر ب حه‌شه‌د شه‌عبى نه، هژماره‌كا چه‌كدارا ب جلكێن له‌شكرى ده‌ردكه‌ڤن و ل دۆر زه‌لامه‌كى دزڤرن كو نێزيكى 40 ساليێ يه، دژداشه‌كێ عه‌ره‌بى يێ ل به‌ر، بێ ره‌حم لێ دده‌ن و خوين ژ لاشێ وى دهێت، كه‌سه‌ك ژى دهێت و سه‌رێ وى دبريت و ل ده‌مێ برينا سه‌رى ژى هاوار هاوارا وى يه، كه‌سانێن ده‌وروبه‌رێن وى ژى ئاخفتنێن كرێت دبێژنێ و هيتافاتان دده‌ن.
ب گۆره‌يى زانياريان قوربانى شڤانێ په‌زێ ئێك ژ سه‌رۆك عه‌شيرێن شه‌مه‌ر بوويه ل گوندێ جه‌لام يێ سه‌ر ب باژێركێ عوجه نێزيكى تكريت ب ناڤێ ئه‌بۆ عومه‌ر شه‌مه‌رى و خێزانداره و شه‌ش زارۆ هه‌نه و بچووكترين زارۆ ژى يێ شير خوره دژيێ دو هه‌يڤيێ دا.
حسێن فه‌زلى ئه‌ندامێ لژنا هه‌ڤكاريا ئه‌منى ل پارێزگه‌ها تكريت د داخۆيانيه‌كێ دا ته‌كست ل سه‌ر راست و دروستيا وێ ڤيديۆيێ كر و گۆت: “مخابن ئه‌وێن ئه‌و كار كرين سه‌ر ب حه‌شه‌د شه‌عبى نه، به‌لێ ره‌فتاره‌كا تاكه كه‌سى يه”.
وه‌داعه عه‌بۆد ئێك ژ رووسپيێن عه‌شيره‌تێن تكريته بۆ ده‌زگه‌هێن راگه‌هاندنێ راگه‌هاند: “ئه‌ڤه جارا ئێكێ نينه حه‌شه‌د شه‌عبى كاره‌كێ ژ ڤى ره‌نگى بكه‌ت، به‌لكو ئه‌ڤه هێرشا وان ده‌سپێكرى هه‌تا نوكه وه‌كو داعش ره‌فتارێ دكه‌ن و سه‌رێ خه‌لكى ژى دبڕن”.
ئه‌ڤرۆ نيوز:
سه‌رۆك ئه‌ركانێ له‌شكرێ ئه‌مريكا مارتن دێمپسى ئه‌ڤرۆ رۆژا دوشه‌مبى رێكه‌فتى 9\3\2015 ب سه‌ره‌دانه‌كا فه‌رمى گه‌هشته به‌غدا يا پايته‌ختێ عيراقێ.
دێمپسى دوهى سه‌ره‌دانا هه‌لگرا فرۆكێن فره‌نسى شارل ديگۆل د ناڤ ئاڤا كه‌نداڤى دا كربوو ژ چارچۆڤێ پشكداريا وان د هه‌ڤپه‌يمانيا نێڤده‌وله‌تى دا ل دژى داعش.
ب گۆره‌يى ژێده‌رێن له‌شكرى يێن عيراقى، سه‌رۆك ئه‌ركانێ له‌شكرێ عيراقێ دێ ل گه‌ل سه‌ركردێن له‌شكرى يێن پارێزگه‌هێن سه‌لاحه‌دين و ئه‌نبار كۆم بيت و دانوستاندنێ ل سه‌ر پرۆسا ئازادكرنا مووسل ژى كه‌ت.
دێمپسى ل سه‌ر بانێ گه‌شتيا فرۆكه هه‌لگرا فره‌نسى شارل ديگۆ گۆت: “يا خه‌له‌ته هێرشێن ئه‌سمانى ژ لايێ هه‌ڤپه‌يمانيا نێڤده‌وله‌تى ڤه ل سه‌ر چه‌كدارێن داعش زێده بكه‌ين”.
ل شوونا وێ ژى گۆت: “پێدڤيه ئه‌م بهێن فره‌هيا ستراتيژى ب كار بينين ل دژى ڤێ رێكخستيا تيرۆرستى ل عيراق و سوريا”.
گۆتژى: “هاڤێتنا رێژه‌كا مه‌زنا بۆمبان بۆ ناڤ عيراقێ نه چاره‌يه و دڤێت ب هوورى چه‌كێ خوه يێ ئه‌سمانى ب كار بينين”.
ئەڤرۆ:
ھونەرمەندا ناڤدارا لوبنانی (باسکال مەشعەلانی) راگەھاند کو ئەوێ بەری حەفتیەکێ بریارا خوە یا دووماھیێ دایە و یا بەرھەڤە وەکو ئەکتەر دناڤ فلمەکی دا کاربکەت و نوکە یا ل ھیڤیا دەلیڤەکێ.
ناڤھاتیێ د دیدارەکێ دا گۆت: د سالێن بۆری دا چەندین کۆمپانی و دەرھێنەران ئەڤ داخوازە ژمن کربوون، لێ ھەر زوو من رەتکرن، ژبەرکو ئەز سترانبێژم و من دڤیا بتنێ دوارێ سترانێ دا داھێنانێ بکەم، لێ ل ڤێ دووماھیا من بریارا خوە گوھوری و نوکە ئەز یا بەرھەڤم بۆ پشکداریکرنێ دھەر فلمەکی یان زنجیرەکا تەلەفزیۆنی دا ، لێ ب وی مەرجی ئەز بەری ھنگی دەقی ببینم و ل سەر ناڤەرۆکا وێ رازی ببم.
ل دووماھیێ دبێژیت: پشتی چەند سالێن ڤەقەتیانێ من ل بەرە ئەلبۆمەکا نوو یا سترانان بەلاڤکەم کو پێنج ستران ب زاراڤێ خەلیجی ھاتینە گۆتن.
نيشاندان