ئه‌ڤرۆ نيوز:
دانعه‌مره‌كێ ئسپانى كو ته‌مه‌نێ وى 72 سالن، هێش د ته‌مه‌نێ 24 ساليێ دا بوو، ده‌مێ ياريا له‌شجوانيێ دكر و ئه‌ڤ ڤيديويه پشكه‌ك ژ مه‌شقێن وى ديار دكه‌ت كو هێش يێ به‌رده‌وامه.
ڤيديو: سه‌حكه جوانيا له‌شێ ڤى دانعه‌مرى
نووترين نووچه
- ئەمریکا داخوازەکێ ژ هەر دو هێزێن کوردی دکەت
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
سهرهكى Facebook
دیاربه‌كر و مالاتیا هیڤیێن خوه گه‌شكرن بۆ ده‌ربازبوونێ
ئه‌ڤرۆ نیوز، هه‌ژار مه‌عروف:
د یاریێن خوه یێن ئه‌ڤرۆ دا ژ خولێن توركیا یانێن باكورێ كوردستانێ شیان ئه‌نجامێن باش توماربكه‌ن، د یاریێن خۆلا پلا دو دا تیما ته‌پا پێى یا به‌له‌دیه دیاربه‌كر سپور شیا سه‌ركه‌فتنه‌كا مه‌زن لسه‌ر یانه‌یا پازار سپور توماربكه‌ت ب چار گولان بێ به‌رامبه‌ر و ب ڤێ سه‌ركه‌فتنێ هیڤێن خوه گه‌شكرن بۆ ده‌ربازبوونێ بۆ قوناغا پله‌ى ئوڤـ، تیما مالاتیا سپور سه‌رێ لیسته‌یا خۆلا پلا دو پاراست سه‌ره‌راى وه‌كهه‌ڤیا وێ ل ده‌رڤه‌ى یاریگه‌ها وێ ل گه‌ل یانه‌یا تارسوس.
د یاریێن خۆلا پلا سێ دا تیما دیاربه‌كر سپور ل ده‌رڤه‌ى یاریگه‌ها خوه وه‌كهه‌ڤ بوو ل گه‌ل یانه‌یا ده‌ره‌ده‌مان ب گوله‌كێ و تیما باتمان سپور به‌رده‌وامى دا ئه‌نجامێن خوه یێن باش ل قوناغا دوێ ئه‌ڤ جاره ژى شیا ل ده‌رڤه‌ى یاریگه‌ها خوه ب سه‌ركه‌ڤیت لسه‌ر یانه‌یا ئه‌نقه‌ره ئایدر و یانه‌یا وان سپور خوساره‌ت بۆ ل گه‌ل ئه‌نقه‌ره ده‌میر.
د چارچوڤێ یاریێن خۆلا بالیگى لیگ ئانكو پلا چار هه‌ردو یانێن بینگول سپور و مێردین سپور وه‌كهه‌ڤ بوون بێ گول و تیما جه‌زیره سپور مفاداره ڤێ گه‌رێ بۆ ده‌مێ شیاى سه‌ركه‌فتنێ لسه‌ر دیاربه‌كر 68 توماربكه‌ت ب دو گولان و مفا ژ وه‌كهه‌ڤیا بینگول و مێردین بینت ب ڤى ئه‌نجامى جه‌زیره ب 46 خالان پێشڤه هاته رێزا ئێكێ و بینگول پێشڤه هاته رێزا دوێ كێمتر خاله‌كێ.
كومبوون دێ د به‌رده‌وام بن هه‌تا دگه‌هنه رێكه‌فتنه‌كێ
ئه‌ڤرۆ نیۆز، سالار دۆسكى:
ئه‌ندامه‌كێ په‌رله‌مانێ عیراقێ ژ فراكسیۆنا پارتى دیموكراتى كوردستان ئاشكراكر كو دانوستاندن دناڤبه‌را هه‌ولێرێ و به‌غدا دا نه‌هاتینه برین و دیسان وه‌زیرێ په‌ترۆلا ئیراقێ ژى داخویانى ل سه‌ر بابه‌تى داینه، گه‌شبین بوویه ل سه‌ر دانوستاندنا و نێزیك بوونا هه‌ر دو ئالیان.
حاكم سه‌رحان، هێشتا بۆ مالپه‌رێ ئه‌ڤرۆ نیۆز گۆت: مه دڤێت ل گه‌ل حوكمه‌تا عیراقێ بگه‌هینه رێكه‌فتنه‌كێ دا كێشه ب دووماهى بێن، ژڤانه شانده‌ك ژ هه‌رێما كوردستانێ به‌ر ب به‌غدا برێكه‌ڤیت بۆ دانوستاندین فه‌رمى و هه‌تا نوكه ژڤانێ چوونا شاندێ هه‌رێما كوردستانێ بۆ به‌غدا نه‌هاتیه دیاركرن.
ئه‌رێ كارت و جگاره دێ ل هه‌رێمێ ژى گران بن؟
ئه‌ڤرۆ نيوز:
وه‌زاره‌تا دارايى يا حوكمه‌تا هه‌رێما كوردستانێ سه‌باره‌ت وان باجێن كو حوكمه‌تا عيراقێ ئێخستينه سه‌ر ترۆمبێل و كارتێن موبايلان و كارتێن ئه‌نته‌رنێتێ و جگاران و ڤه‌خوارنان ره‌ئيا خوه به‌رچاڤ دكه‌ت، كانێ دێ پابه‌ند بيت يان نه.
زانیار محەمەد قادر رێڤه‌به‌رێ گشتى يێ باجێن هه‌رێمێ ل وه‌زاره‌تا دارايى بۆ NRT راگه‌هانديه: هه‌تا نوكه چ تشته‌ك ل سه‌ر زێده‌كرنا باجان ژ ئاليێ حوكمه‌تا عيراقێ ڤه نه‌گه‌هشتينه مه و بگه‌هنه مه‌ژى ئه‌م پێگيريێ پێ ناكه‌ين.
زانیار محەمەد قادر ديسا گوت: ئه‌ڤ باجا عيراقێ داناى، گه‌له‌كه و ب چ ره‌نگه‌كێ ئه‌و نه ل گه‌لن.
د ماوێ چه‌ند رۆژێن بوورى دا، وه‌زاره‌تا دارايى يا عيراقێ بريار دا 300% باجێ بێخته سه‌ر جگاران و ڤه‌خوارنێن كحولى، هه‌ڤده‌م 20% باج ئێخستبوو سه‌ر كارتا موبايل و 15% باج ئێخستبوو ل سه‌ر ئينانا ترۆمبێلان.
دو یانێن به‌غدا دخوازن نێچیرا خوه ب رێكا دهۆكێ و زاخۆ بكه‌ن
ئه‌ڤرۆ نیوز، هه‌ژار مه‌عروف:
چاڤه‌رێ دهێته‌كرن سوباهى ل باژێرێ به‌غدا هه‌ردو نوونه‌رێن پارێزگه‌هێ دخۆلا پلا نایاب یا عیراقێ دا یاریێن خوه ژ ده‌رڤه‌ى یاریگه‌هێن خوه بكه‌ن ژ چارچوڤێ یاریێن گه‌را چارێ ژ قوناغا دوێ كو تیما ته‌پا پێى یا دهۆك ئه‌ركێ وێ دێ یێ ب زه‌حمه‌ت بیت ده‌مێ هه‌مبه‌رى یانه‌یا به‌غدا بیت، تیما به‌غدا ل چار یاریێن بورى نه‌شیا سه‌ركه‌فتنێ توماربكه‌ت و هاریكارێ راهێنه‌رێ تیما به‌غدا ئه‌حمه‌د خه‌له‌ف دیاركرى یه ئه‌و ئه‌و دخوازن ب رێكا ڤێ یاریێ ده‌ستپێكه‌كا نووى توماربكه‌ن و سه‌ركه‌فتنا وان لسه‌ر دهۆك دێ بیته پێنگاڤه‌كا باش بۆ یاریێن بهێت.
به‌رامبه‌ر راهێنه‌رێ یانه‌یا دهۆك حازم سالح دیاركریه یاریا وان یا سوباهى دێ گه‌له‌ك یا ب زه‌حمه‌ت بیت ژبه‌ركو ئه‌و دێ یاریێ به‌رامبه‌ر ئێك ب هێزترین یانه‌یێ كه‌ن دخۆلا عیراقێ دا و زێده‌بارى یاریكه‌رێن تیمێ گه‌له‌ك ماندى نه چونكو به‌رى چار رۆژا یاریه‌كا ب زه‌حمه‌ت دخۆلا كوردستانێ دا كرى نه.
ژلایه‌كێ دى ڤه نوونه‌را دوێ یا پارێزگه‌هێ تیما زاخۆ دێ هه‌مبه‌رى یانه‌یا جه‌ویه بیت ل یاریگه‌ها جه‌ویه كو دڤێ یاریێ دا تیما زاخۆ دێ بزاڤێن مه‌زن كه‌ت پاراستنا ئه‌و ئه‌نجامێن خوه یێن قوناغا دوێ كه‌ت كو ل سێ یاریێن بورى دا شیایه حه‌فت خالان كومبكه‌ت، به‌رامبه‌ر تیما جه‌ویه دێ بزاڤێ كه‌ت ئێكه‌م سه‌ركه‌فتن ب سه‌رپه‌رشتیا راهێنه‌رێ خوه یێ نووى عه‌باس عه‌ته‌یه ب ده‌ستخوڤه بینت.
شه‌رێ مووسل گه‌له‌ك ڤه‌ناكێشیت
ئه‌ڤرۆ، نیۆز سالار دۆسكى:
ئه‌ندامه‌كێ به‌رێ یێ په‌رله‌مانێ عیراقێ بۆ مالپه‌رێ ئه‌ڤرۆ نیۆز گۆت: شه‌رێ باژێرێ مووسل یێ گرنگ و دڤێت خشتێ كاركرنێ بهێته پارڤه‌كرن دناڤبه‌را هێزێن پێشمه‌رگه‌ى و عیراقێ و هه‌ڤپه‌یمانان ڤه و چه‌وا پشكداربن، دیسان درنده‌ى و بێزار بوونا خه‌لكێ مووسل دێ بیته هۆكار كو داعش بشكێت، هه‌كه داعش مووسل هاته شكاندن دێ هه‌موو ده‌ڤه‌ران هێته شكاندن چونكه پایته‌ختێ داعش مووسله.
حه‌سه‌ن جیهاد، ئه‌ندامێ لژنا به‌رڤانیێ ل خولا بورى یا په‌رله‌مانێ عیراقێ هێشتا گۆت: شه‌رێ مووسل گه‌له‌ك ڤه‌ناكێشیت و ئه‌ڤ ساله دێ داعش بدووماهى هێت، پێدڤى یه دشه‌رێ مووسل دا ئه‌ركێ وه‌لاتێن هه‌ڤپه‌یمان ئه‌و بیت چاڤدێریكرنا سنوران بیت و دیسان زانیارى و وێنان بگه‌هینته هێزێن كوردى و عیراقى.
هه‌مبه‌ر قوربانیێ ژى ناڤبرى گۆت: هه‌كه شه‌رێ كولان كولان مووسل ده‌ست پێ بكه‌ت و ئه‌ڤ خه‌لكه تێدا بیت دێ قوربانى هێته‌دان و دیسان ئه‌ڤه دمینت ل سه‌ر شێوازێ شه‌ركرنێ ژى ژلایێ هه‌ڤپه‌یمانان ڤه.
د شه‌رێ مووسل دا دێ چ ئه‌رك ب پێشمه‌رگه‌ى هێته دان؟
ئه‌ڤرۆ نیوز،بارزان مزوورى
رێڤه‌به‌رێ گشتیێ راگه‌هاندن و ره‌وشه‌نبيريا وه‌زاره‌تا پێشمه‌رگه، هه‌لگورد حكمه‌ت ، بو ئه‌ڤرۆ نیوز دیار كر كو پێشمه‌رگه لایه‌نێ جێ به‌جێ كاره هه‌تا نها چ فه‌رمان بو به‌شداربوونا هێزێن پێشمه‌رگه‌ى د پروسه‌یا رزگاركرنا مووسل دا نه‌هاتینه دان.
ناڤبرى دیار كر كۆ كێشه‌یا رزگاركرنا باژێرێ مووسل پێدڤیه به‌رهه‌ڤیێن زێده‌تر بو بهێنه‌كرن و سوپایێ عێراقێ ژى پتر خو به‌رهه‌ڤ بكه‌ت و به‌رهه‌ڤیه‌ك تایبه‌ت ل سه‌ر ئاستێ ئاكنجیێن مووسل بهێته‌كرن، ئه‌و عه‌ره‌بێن سنه په‌یوه‌ندى ل گه‌ل وان بێته‌كرن كو هاریكاربن دگه‌ل هێزێن به‌شدارى د پروسه‌یا رزگاركرنا مووسل دا دكه‌ن، چونكو گه‌له‌ك رێك و جه هه‌نه پێدڤیه به‌حس و به‌رهه‌ڤى بو بێته‌كرن پاش به‌حسێ ئازاد كرنا مووسل بهێته‌كرن .
پێشمه‌رگه‌ی هێرشه‌كا داعش تێكشكاند
ئه‌ڤرۆ نیۆز، قائید میرۆ
فه‌رمانده‌كێ پێشمه‌رگه‌ی ل میحوه‌رێ گوێر ئاشكرا كر، سپێده‌هیا ئه‌ڤرۆ داعش دخواست ته‌كتیكه‌كا نوو بكار بینیت و هێرشی بكه‌ته سه‌ر هێزێن پێشمه‌رگه‌ی، به‌لێ ب د ژواری به‌رسڤا وان هاته دان و هاتنه شكاندن.
موقه‌ده‌م حسێن موكی، فه‌رماندێ پێشمه‌رگه‌ی ل میحوه‌رێ گوێڕ ب مالپه‌ڕێ ئه‌ڤرۆ نیۆز، راگه‌هاند:سپێدا ئه‌ڤرۆ تیرۆرستێن داعش ل گوندێ ته‌لڕیم هێرش كره سه‌ر چه‌په‌رێن پێشمه‌رگه‌ی، ئه‌ڤه‌ژی وه‌كه ده‌لیڤه‌ك كو سپێدێ هێرشێ بكه‌ن و وه‌سا هزركر پێشمه‌رگه د هشیارنینه، به‌لێ پێشمه‌رگه‌ی ب دژواری به‌رسڤا داعش دا و شیان گورزه‌كا كوژه‌ك ل تیرۆرستان بده‌ن.
موقه‌ده‌م حسێن گۆت ژی” پشتی شه‌ڕه‌كێ دژوار داعش نه‌چاربوو پاشڤه بچیت و ئه‌م دوڤدا چووینه و ئه‌و خانیێن ناڤا گوندی داعش به‌ری نوكه مفا لێ وه‌ر دگرت، ژلایێ پێشمه‌رگه‌یڤه هاتنه سووتن و ل گوره‌ی زانیاریێن مه هژماره‌ك چه‌كدارێن داعش كوشتینه بێی كو پێشمه‌رگه چو زیان هه‌بن.
ئه‌گه‌ر به‌غدا يا پابه‌ند نه‌بيت، هه‌رێمێ دێ به‌ديل هه‌بن
ئه‌ڤرۆ نيوز:
جه‌عفه‌ر ئێمينكى جێگرێ سه‌رۆكێ په‌رله‌مانێ كوردستانى، پشتى كومبوونا ئه‌ڤرۆ يا د ناڤبه‌را په‌رله‌مان و حوكمه‌تا هه‌رێما كوردستانێ دا، راگه‌هاند : هه‌رێما كوردستانێ يا پابه‌نده ب وێ رێككه‌فتنا ل گه‌ل حوكمه‌تا عيراقێ ئيمزاكرى و ئه‌گه‌ر به‌غدا پێگيريێ ب رێككه‌فتنێ نه‌كه‌ت، هه‌رێما كوردستانێ دێ به‌ديلێن دى هه‌بن و دێ ل گه‌ل توركيا و ئيرانێ رێككه‌ڤيت.
به‌رامبه‌ر رێككه‌فتنا هه‌رێم و به‌غدا، دڤێت به‌غدا 17% ژ بودجێ عيراقێ بۆ هه‌رێما كوردستانێ بهنێريت كو هه‌يڤانه 1 ترليون و 200 مليار دينارن و د هه‌مبه‌ر دا هه‌رێم دێ رۆژانه 550 به‌رميلێن نه‌فتێ ب يا كه‌ركوكێ ڤه هنێريت.
وه‌زيرێ نه‌فتا عيراقێ به‌حسێ نه‌فتا هه‌رێمێ دكه‌ت
ئه‌ڤرۆ نيوز:
ئه‌ڤرۆ ل به‌غدا، كومبوونه‌ك ب پشكداريا ژماره‌كا وه‌زير و بريكارێن وه‌زير و كه‌سێن شاره‌زا بۆ چاره‌كرنا پرسێن هه‌مبه‌ر كه‌رتێ نه‌فتێ و رێككه‌فتنا د ناڤبه‌را هه‌رێم و به‌غدا هاته ئه‌نجامدان.
پشتى كومبوونێ عادل عەبدولمەهەدى وه‌زيرێ نه‌فتا عيراقێ د كونفرانسه‌كێ رۆژنامه‌ڤانى دا سه‌باره‌ت رێككه‌فتنا د ناڤبه‌را هه‌رێما كوردستانێ و به‌غدا گۆت: ئه‌و رێككه‌فتنا ل گه‌ل هه‌رێما كورستانێ هاتيه كرن، د به‌رژه‌وه‌ندا هه‌ردوئاليان دايه و غه‌در به‌رامبه‌ر كه‌سێ تێدا نينه.
لئەو ڕێککەوتنەى لەگەڵ هەرێم کراوە لە بەرژەوەندیى وڵاتدایە و غەدرى بەرامبەر بە کەس تێدا نییە، لەبەر ئەوەش لە بەرژەوەندیى هەر دوو لاماندا دەبێت”.
عادل عەبدولمەهەدى ديسا گۆت: مه به‌حسێ به‌رهه‌مێن نه‌فتێ يێن هه‌رێما كوردستانێ نه‌كريه، ب تنێ مه به‌حسێ 250 هزار به‌رميلێن نه‌فتا هه‌رێمێ كريه و 300 هزار به‌رميلێن نه‌فتا كه‌ركوك كو د رێككه‌فتنا به‌غدا و هه‌رێمێ پێدڤيه ئه‌و رێژه بهێته هنارتن ب رێيا كومپانيا سومو.
نيشاندان
WP Facebook Auto Publish Powered By : XYZScripts.com