ئهڤرۆ نيوز، ناجی بهدهل:
رێڤهبهرێ سایلویا فایدیێ نازم محهمهد عهلی بو ئهڤرۆ نیوز راگههاند كو ب گۆرهى ئهو خشتێ ل بهغدا هاتيه دياركرن، ههتا 5\8 وهرگرتنا گهنمى ل سايلۆيا فهيديێ يا بهردهوام بوو.
ناڤبری دازانين كو ل دهڤهرێن چیايی، بهرههمێ وان درهنگ گههشت و بۆ ئهگهرێ وهر نهگرتنا گهنمێ مايی و گۆت: “مه دهستوورى نينه، ژبلى ئهو نهخشێ بۆ مه هاتيه وهرگرن گهنمى ل سايلۆيێ وهرگرين”.
زێدهتر گۆت: “دهمێ بڕيارا راوهستاندنا گهنمى هاتيه دان، هێشتا ل گهلهك جهێن چيايى دروون نههاتبوو كرن”.
دا زانين ژى كو سايلۆيا فهيديێ جهێ 30 هزار تهنان ب تنێ ههيه و زێدهتر نهشێت ب ههلگريت و گۆت: “ژ بهر جۆتياران مه 72 هزار ته وهرگرتينه”.
نهڤهشارت ژى كو ل سالێن بۆرى ژ بهر كو بۆ خواريا عيراقێ دهاته هنارتن، گهنمێ خهلكى ههموو دهاته وهرگرتن و گۆت: “ژ بهر رهوشا ئهمنى يا عيراقێ نهشياينه گهنمى بۆ چ جهێن دى رهوانه بكهين”.
نازم محهمهد ئهو ژى دا زانين كو نها كار بۆ وێ چهندێ دهێته كرن كو گهنمێ وهرگرتى يێ زێده ل گۆرهپانان بهێته بهلاڤكرن دا كو بهێته پاراستن و زيان نهگههيتێ.
ژێدهرێن ئهمینی ئاشكهراكرن ل نێزیك بالهفرخانا بهغدا شهر و پهڤچونێن توند و دژوار دناڤبهرا لهشكهرێ عیراقێ و ترۆریستێن داعشی رۆدایه و رهوشا ئهولهكاریێ ل بهغدا نه جیگیره و هێزێن ئهمنی ب شێوهیهكێ بهربهلاڤ دناڤا جادهیان دا بهلاڤ بوینه.
سپێدههیا ئهڤرۆ شهر و پهڤچون دناڤبهرا لهشكهری عیراقێ و داعشی ل دهڤهرا زراعیه نێزیك بالهفرخانا بهغدا یا نێڤ دهولهتی یه .
بهریا چهند رۆژهكان بهرپرسهكێن بلندێن عیراقێ ب ئاژانسین نوچهگههانیان راگههاند بون كو 10 ههزار چهكدارێن داعشێ ل دوراتیا 13 كیلومهترا ل دهرازینكا بهغدا كومبو ب مهبهستا هێرشكرنا سهر بهغدا.
ههروهسا جهنهرال مارتن دێمسی د ههڤپهیڤینهكێ دا ل گهل كهنالی ئهی بی سی دیاركر بو :گهلهك نهما بو چهكدارین داعشی بكهڤنه ناڤ بالهفرخانا بهغدا و بتنێ 25 كیلومهتر ژێ دور بون لی ب هێرشهكا ههلیكوپتهرین ئهپاتچی هاتنه پاشڤهبرن.
بهرههڤكرن، ناجی بهدهل:
ناجی بهدهل
حكومهتا ههریما كوردستانێ ئهڤرۆ سێشهمبی كره رۆژا شینیێ وهك ههڤخهمیهك بو كهس و كارێن شههیدێن تهقینا قهرهتهپه.
رۆژا ئێك شهمبێ د تهقینهكا خوكوژیێ دا ل قهرهتهپه نێزیكی 40 پێشمهرگه و ئاسایش و وهلاتی شههید بون و زێدهتر ژ 100 كهسێن دن ژی بریندار بون.
ئهنجومهنێ وهزیرێن حكومهتا ههریما كوردستانێ زور ب توندی ئهو كریارهیا تیروری شهرمزار كر سهرخوشی ئاراستهی كهس و كارێن شههیدان یێن ئهوێ كارهساتێ كر و هیڤیا باشبونا بلهزا بیرنداران خوسات.
حكومهتا ههریما كوردستانێ د راگههاندنهكێ دا پابهندبونا هێزێن پێشمهرگهی و ئاسایشا ههریما كوردستانێ بو ریب ریب بونا توندوتیژیێ دوبات دكهت.
د ئهوێ بهیاننامهیێ دا هاتیه رێزگرتن ل گیانێ پاكێ شههیدان و حكومهتا ههرێما كوردستانێ ئهڤرۆ رۆژا سێ شهمبێ 14\10\2014 كره رۆژا شینیێ ل ههرێما كوردستانێ .
نمایشكهرا جل و بهرگ و مودهیا بناڤ و دهنگ یا ئوسترالیا ب رهگهز كورده لانه تاریق دڤی وهلاتی دا خودان ناڤداریهكا زوره ب جوانیا سهرنج راكێشانێ ناسیاره.
لانه سالی پار ب ئێك ژ بهشداربویێن شاجوانا كهونی یا ئوسترالیا بهلێ نهشیا نازناڤی بدهست بێخیت.
ل نها لانه ئێكه ژ دیارترین كچه نمایشكهرا ئهوی وهلاتی كو ب رهگهز كچهكا كورده
كو بو مالپهرێ خهلك میدیا دیاركریه ئهو ب ههمو شێوهیان ل سهر گوهورینێن بهردهوام دایه داكو ب شیت ل گهل ههوا گوهورینا ژیانێ بچیت.
ئهڤرۆ نيوز، ناجی بهدهل:
ئهڤرۆ نيوز، لهزگین جۆقی:
بهرپرسی راگههاندنا لقێ 14 يێ پارتی دیموكراتی كوردستان سهعید مهموزینی بۆ ئهڤرۆ نيوز دیاركر كو ئهڤرۆ سپێدی 13/10/2014 چهكدارێن داعش ل پارێزگهها مووسل دهست ب گرتنا پولیسان كر د ئهنجام دا 40 پولیس دهستهسهركرن و بهرهڤ جههكێ نهدیار برن.
سهعید مهموزینی ئهوژی خویاكركو ئهڤ پوليسێن هاتینه دهستهسهركرن ژ لایی چهكدارێن داعش ڤه نهشیابوون خوه قورتال بكهن مابوونه ل مووسل وداعش ئهو پشت راستكربوون كو چو ل وان ناكهت، لێ ئهڤرۆ سپێدی دهست ب گرتنا پولیسان هاته كرن 40 ژ وان دهستهسهركرن.
مهموزینی ئاشكرا كركو ههر ئهڤرۆ سپێدێ 13/10 ل تاخی زيراعه ل مووسل پینچ چهكدارێن داعش هاتنه كوشتن و خهلك ل مووسل ب ههموو شیوهیان نه ئارامیا خوه ژ چهكدارین داعش دبینن چونكو داعش یا ههموو كارین هوڤانه بهرامبهر وهلاتین مووسل ئهنجام دهت و حهفت كهس ل سهربازگهها خزلانیه سیدارهدان.
فلمێ مهردان ژ دهرهینانا بهتین قوبادی یه و چیرۆكا پێشمهرگهیهكێ كورد ڤهدگهریت كو ژ زارۆكینیێ وهره دیاردهیهكا نهخوش روو ب رووى وی دبیت و دبیته مرۆڤهكێ دوورخستی و ب تنێ، لهیلا كو هێلی لوڤ رۆلێ وێ دیتی یه و د ناڤ چیایێن كوردستانێ دا ل دووڤ زهلامهكێ بهرزه بووی دا دگهریت.
ههروهسا ئهڤ فلمه ل لیستا مالپهرێ فهرمیێ خهلاتێ ئوسكار دا هاتیه بهلاڤكرن كو ژ لایێ وهزارهتا رهوشهنبیری كو فلمێ ب تنێ یه نوونهراتیا فلمێ عیراقێ هاتیه ههلبژارتن و ئهڤ ساله دڤێ فیستهڤالی دا 83 وهلات بهریكانیێ دكهن بۆ برنا خهلاتی.
ئهڤ فلمه ژ قارهمانيا ئهكتهر و دهرهێنهرێ ب ناڤێ دهنگ حسێن حهسن و هۆنهرمهندا كورد هێلى لۆڤێ يه.
بهرههڤكرن، ناجى بهدهل:
ناجی بهدهل
كوتلهیا نههزهیا مهزن ل جڤاتا پاریزگهها نهینهوا پرۆژێ قانوونهكێ يێ پێشكێشى جڤاتێ كرى ژ بوو ژ سهر كارخستنا ئهسيل نۆجێفى وهكو پارێزگارێ مووسل.
ژێدهرهكى ژ جڤاتا مووسل ب ئهڤرۆ نیوز گۆت: “پرۆژێ قانوونهكێ ژ لایێ سهرۆكێ كوتلهیا نههزهیا مهزن بۆ جڤاتا پارێزگهها نهینهوا هاتيه رهوانه كرن ب مهرهما راكرنا ئهسل نوجهیفی، بهلێ ههتا نها دهنگێن پێدڤی ل گوریی قانوونێ ب دهست ڤه نهئيناينه و نهشیاینه كۆم بكهن”.
ههروهسا ئهوی ژێدهری دیار كر ژ بهر نه تهمام بوونا رێژا قانوونى يا دهنگدانێ لایهنێ كوردی هێشتا چ بریار نهداینه دڤی بیاڤی دا، بهلێ دهما پێدڤی بكهت و ل گوری بهرژهوهندا گشتی دێ بریارا خوه ب زهلالی دهت.
نيشاندان