ئه‌ڤرۆ نيوز:
رێڤه‌به‌رێا پۆليسێن پارێزگه‌ها دهۆكێ راگه‌هاند كو ئه‌و شيان ده‌ست ب سه‌ر سێ دزيكه‌ران دا بگرن كو 108 مليۆن ژ ترۆمبێله‌كێ دزيبوون و 9 مليۆن ژى ژ دو ترۆمبێلێن دى.
نووترين نووچه
- ئەمریکا داخوازەکێ ژ هەر دو هێزێن کوردی دکەت
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
سه‌ره‌كى Facebook
ب ڤیدیو: چه‌كێ ئه‌مریكى دكه‌ڤیته ده‌ست داعش
زانیاریێن نوو لسه‌ر ژیانا به‌غدادی دهێنه ئاشكرا كرن
ئه‌ڤرۆ نیوز: ڤه‌ده‌ر ره‌شاڤایی:
رۆژناما ئه‌لمانی (Süddeutsche) زانیاریێن نوو لسه‌ر ژیانا به‌ری نها یا سه‌ركردێ داعش ئه‌بۆبه‌كر به‌غدادی ئاشكراكرن، بریێیا هه‌ڤپه‌یڤینێ دگه‌ل هنده‌ك وه‌لاتیێن باژێرێ سامه‌را جهێ مه‌زنبوونا به‌غدادی.
رۆژناما ئه‌لمانی دیاردكه‌ت: به‌غدادی گه‌له‌ك سالا ده‌رنه‌دچوو د تاقیكرنێن خواندنگه‌هێ دا و قۆتابیه‌كێ ته‌مبه‌ل بوو، پله‌یێن وی تێرا هندێ نه‌دكر بچیته كۆلیژا قانۆنێ ل به‌غدا له‌ورا ژ نه‌چاری چووبوو كۆلیژا شه‌ریعێ، ڤێ یه‌كێ ژی كاریگه‌ریا خوه هه‌بوو د په‌یدابوونا ئایدۆلۆژییا تۆندره‌ویێ لده‌ڤ وی.
هه‌روه‌سا به‌غدادی دڤیا بگه‌هیته سۆپایێ به‌رێ یێ ئیراقێ لێ هاتبوو ره‌تكرن ژ ئالیێ سۆپای ڤه ژبه‌ر كو یێ چاڤ قوسیر بوو.
ئێك ژ جیرانێن به‌رێ یێن به‌غدادی به‌حسێ وی دكه‌ت و دبێژیت: وی گه‌له‌ك زێده حه‌ز لسه‌ر ده‌ستهه‌لاتێ و بده‌ستڤه‌ئینانا كاریگه‌ریكرنێ هه‌بوو، ژ چوار برایان ئه‌و برایێ سیێ بوو.
ل دهۆكێ داخازا ڤه‌كرنا نڤێسینگه‌ها ژن ئینان و شووكرنێ دهێته كرن
ئه‌ڤرو نیوز، هه‌یفا دوسكى:
كچ و كورێن د سه‌ر ژیێ 30 سالى دا داخازا ڤه‌كرنا جهێن شووكرن و ژن ئینانێ دكه‌ن ژبه‌ر ئه‌و دبێژن ئه‌و ل شێوازێ شوكرنا ئه‌ڤرو نه‌شێن خوه دگه‌ل بگونجینن و حه‌ز دكه‌ن ئێكێ بخازن ب رێكا جهه‌كێ وه‌سا بیت كو وان تێكه‌لى دگه‌ل نه‌بیت.
ئیدریس مسته‌فا شاره‌زایێ د وارێ جڤاكى دا ل دۆر ڤێ بابه‌تى دبێژیت: كچ و كورێن دسه‌ر ژیێ 30 سالى دا، داخازا نڤێسینگه‌هێن شوكرن و ژنئینانێ دكه‌ن ژبه‌ر ئه‌و حه‌ز ژ نیاسینا نوكه یا كچ و كوران ناكه‌ن.
رزا نائف رێڤه‌به‌رێ چاڤدێریا جڤاكى دبێژیت هه‌ر كه‌سێ حه‌ز ل سه‌ر ڤه‌كرنا نڤیسینگه‌ها ژنئینانێ و شوكرنێ هه‌بیت ” بلا بهێته رێڤه‌به‌ریا گشتى و ئه‌م دێ دهاریكار بین، چونكى ئه‌و دڤێت ئه‌م رازه‌مه‌ندیێ بده‌ینێ ژبه‌ر به‌رى دوو سالا هنده‌ك كه‌سان داخاز ل سه‌ر ڤه‌كرنا وێ كر به‌س ژبه‌ر ئه‌گه‌ر و رێگریێن جڤاكى بوونه ئاستنه‌گ راوه‌ستاند.
پاشى رزا نائق گۆتى ژى: دبیت جڤاك رێكێ نه‌ده‌ت لێ پینگاڤه‌كه و دبیت ژلایه‌كى ڤه سه‌ركه‌فتنێ بینن دڤێ نڤێسینگه‌هێ دا، یان سه‌نته‌ر بیت چونكى كاره‌كێ مرۆڤایه‌تى یه
دكتور عارف حیتو ژى گۆت: ئه‌ڤ داخازه بو مه ژى هاتینه رێڤه‌به‌ریا گشتى ل هه‌ولێرێ ژى به‌لێ جهێ پرسیارێ یه دیاره به‌رپرساتیه‌كا مه‌زنه له‌ورا خوه ژ بابه‌تێ ڤه‌دكێشن.
په‌یمانگه‌هه‌ك خوه ل پێشمه‌رگێن بریندار دكه‌ته خودان
ئه‌ڤرۆ نیوز، هه‌یفا دوسكى:
مێرین سلێمان به‌رپرسێ به‌شێ كومپیوته‌رى ل په‌یمانگه‌ها گاره بو سایتێ ئه‌ڤرو نیوز دیاركر ل ژێر دروشمێ ئه‌م قوتابى خزمه‌تكارێن پێشمه‌رگه‌ینه و ب هه‌لكه‌فتا 18ى شواتێ سال روژا دامه‌زراندنا ئێكه‌تیا قوتابى و لاوێن دیموكراتا كوردستانێ قوتابى و ماموستایێن په‌یمانگه‌ها گاره یا زانستێن كومپیوته‌رى و په‌ترولێ وه‌كو پشته‌ڤانیه‌ك ژ بو وان پێشمه‌رگه‌یێن بریندار ل نه‌خوشخانه‌یێن دهوكێ رابوین بدانانا كه‌مپینه‌كا خرڤه‌كرنا پاره‌ى دناڤا په‌یمانگه‌هێ دا .
مێرین سلێمان گۆت: دڤێ كه‌مپینێ دا شیان كوژمه‌كێ پاره‌ى بده‌ست بێخن و وه‌كو هاریكارى ژ بو وان پێشمه‌رگه‌یێن بریندار ببه‌ینن كو بو هه‌ر برینداره‌كى شیان (200000) بده‌ست بێخین و پێشكێشى پێشمه‌رگه‌یێن بریندار بكه‌ن و ئه‌و پاره پترى سێ ملیون بوون و 16 پێشمه‌رگه‌یان پاره وه‌رگرتن یێن دنه‌خوشخانێ دا.
پێشمه‌رگه‌ی شڤێدى پتری 40 چه‌كدارێن داعش كوشتینه
ئه‌ڤرۆ نیۆز، قائید میرۆ
فه‌رمانده‌كێ پێشمه‌رگه‌ی ل میحوه‌رێ گوێڕ ئه‌شكرا كر، د هێرشا شه‌ڤا بۆری دا، پێشمه‌رگه‌ی دڕبه‌كا مه‌زن ل تیرۆرستێن داعش داینه و پتری 40 ته‌رمێن وان ل ناف ده‌ستێ پێشمه‌رگه‌یدا بجه ماینه.
موقه‌ده‌م حسێن موكی، فه‌رماندێ پێشمه‌رگه‌ی ل میحوه‌رێ گوێڕ بۆ مالپه‌ڕێ ئه‌ڤرۆ نیۆز دیاركر، د ئێرشا شه‌ڤا بۆری دا ل گوره‌ی زانیاریێن مه وه‌رگرتی، ئه‌بوبه‌كربه‌غدادی بخوه دگه‌لدا بوویه و پێشمه‌رگه شیا دڕبه‌كا مه‌زن ل تیرۆرستێن داعش بده‌ت و هژماره‌كا زۆرا تیرۆرستان ل گوندێن سولتان عه‌بدولا و ته‌لڕیم هاتینه كوشتن.
موقه‌ده‌م حسێن موكی گۆتژی” بده‌هان ته‌رمێن چه‌كدارێن داعش لبن ده‌ستێ پێشمه‌رگه‌ی ماینه و پتری 40 ته‌رمان دبن، به‌لێ ژبه‌ركو شه‌ڕه‌كێ گران هاته‌كرن ته‌رمێن وان تێكه‌ل بووینه و فڕۆكه‌یێن هه‌ڤپه‌یمانان ژی دگه‌ل پێشمه‌رگه‌ی بوردۆمانا چه‌كدارێن داعش دكر و هژماره‌كا دیژی ژلایێ فڕۆكه‌یانڤه هاتینه كوشتن.
ژبه‌ر ڤى ئه‌گه‌رى سه‌رۆك وه‌زیرێن هندێ قاتێ خوه فرۆت
ئه‌ڤرۆ نیوز:
ناریندرا مودى سه‌رۆك وه‌زیرێن هندێ، رۆژا ئه‌ینى، قاتێ خوه ب بهایه‌كێ خه‌یالى ب 43 ملیون روبیێن هندى كو دبیته 691 هزار دولارێن ئه‌مریكى فروت.
پروسا فروتنا قاتێ وى، د مه‌زاده‌كا ئاشكرادا هاته فروتن كو 3 رۆژان ڤه‌كێشا كو ئه‌ڤ قاته ئێك ژ وان 400 دیاریان بوو كو پێشكێشى وى هاتینه كرن وه‌ختێ ل ئایارا 2014 پۆستێ سه‌رۆك وه‌زیرێن هندێ وه‌رگرتى.
سه‌رۆك وه‌زیرێن هندێ قاتێ خوه بۆ پرۆژه‌كێ وه‌لاتێ خوه یێ پاقژكرنا رووبارێ( الغانغ) ل هندێ فروت كو سه‌ره‌راى ڤێ كارێ وى، گه‌له‌ك ره‌خنه ژێ هاتنه گرتن ژبه‌ر كو د دیدارا ڤێ دووماهیێ یا ئوباماى دا كربوو به‌رخو.
ڤیدیو: بۆ وان یێن حه‌ز ژ نێچیریا ماسیان دكه‌ن
ئێكه‌م كارێ حوكمه‌تێ دێ بله‌ز دابینكرنا مووچێ فه‌رمانبه‌ران بیت
ئه‌ڤرۆ نیوز:
كومبوونا هه‌ڤپشكا حكومه‌تا هه‌رێما كوردستانێ و نوونه‌رێن كورد ل به‌غدا ب دووماهى هات و د كومبوونێ دا حوكمه‌تا هه‌رێمێ پابه‌ندبوونا خوه ب رێكه‌فتنا ل گه‌ل به‌غدا دووپات كر و ئه‌و چه‌نده‌ژى روونكرینه كو هنده‌ك ئاریشێن ته‌كنیكى و لێكتێنه‌گه‌هشتنێ بۆ رێككه‌فتنێ دروست بووینه كو ل گه‌ل حكومه‌تا عیراقێ دێ كار ل سه‌ر كه‌ن بۆ چاره‌كرن و ژ ئالیه‌كێ دى ڤه هنده‌ك لایه‌نێن سیاسى ل عیراقێ ناخوازن د ناڤبه‌را هه‌رێما كوردستانێ و حكومه‌تا فیدرال باش ببیت.
د كومبوونێ دا، نێچیرڤان بارزانى راگه‌هاند: ژ پێخه‌مه‌ت وێ یه‌كێ بگه‌هنه چاره‌یه‌كا هه‌ڤپشك و ژ كێشێن ته‌كنیكى ده‌رباز ببن و ب مه‌ره‌ما ڤه‌ره‌ڤاندنا لێكتێنه‌گه‌هشتنێ، ئه‌و د به‌رهه‌ڤن سه‌ره‌دانا به‌غدا بكه‌نه‌ڤه و د ڤى بیاڤى دا، چه‌ند وه‌زیرێن كورد د حوكمه‌تا عیراقا فیدرال دا راسپارد هه‌تا كو ب ئاشكرا ل گه‌ل سه‌رۆك وه‌زیرێن عیراقێ ده‌ست ب دانوستاندنان بكه‌نه‌ڤه.
د كومبوونێ دا زێده‌تر ژ پلانه‌كێ بۆ چاوانیا دابینكرنا مووچێ پێشمه‌رگه و فه‌رمانبه‌ران هاته به‌حسكرن و بریاردان كارێ هه‌ره سه‌ره‌كى یێ حكومه‌تێ بله‌ز دابینكرنا مووچێ فه‌رمانبه‌ران بیت.
قایمقام و رێڤه‌به‌رێن ناحیا ب قانوون دێ هێنه دانان
په‌رله‌مانێ كوردستانێ دانوستاندنێ دێ لسه‌ر پرۆژێ هه‌لبژارتنێن قایمقام و رێڤه‌به‌رێن ناحیا یێن هه‌رێما كوردستانێ كه‌ت.
د به‌یاننامه‌یه‌كێ دا په‌رله‌مانێ كوردستانێ به‌لاڤكریه كو ئه‌ڤرۆ لیژنه‌یا یاسایی و ناڤخو و ئاسایش و جڤاتێن خوجهی ل گه‌ل پارێزگار و سه‌رۆكێن جڤاتێن پاریزگه‌هێن هه‌ولێر و دهۆك و سلیمانیێ و نونه‌رێ وه‌زاره‌تا نافخو كومبوون .
د وێ كومبونێ دا پرۆژێ بریارا هه‌لبژارتنا قایمقام و ریڤه‌به‌رێن ناحیێن هه‌رێما كوردستانێ و راستڤه‌كرنا یاسایا پارێزگه‌هان و جڤاتێن پارێزگه‌هان به‌حس كرن.
لیژنه‌یێن په‌رله‌مان و پارێزگه‌هان دانوستاندن ده‌ربارێ چه‌وانیا راستڤه‌كرنا یاسایا پارێزگه‌هان و جڤاتا پارێزگه‌هان كرن و بریاره راپۆرته‌كێ به‌رهه‌ڤ بكه‌ن و ئاراسته‌ی سه‌رۆكاتیا په‌رله‌مانی بهێته‌كرن .
پرۆژێ بریارا هه‌لبژارتنێن قائیمقام و رێڤه‌به‌رێن ناحیێن هه‌رێما كوردستانێ ل رۆژا 5/2/2015 ل رۆنشتنا نائاسایی یا په‌رله‌مانێ كوردستانێ ل پارێزگه‌ها هه‌له‌بچه خاندنا ئێكێ بو هاتبو كرن.
نيشاندان
WP Facebook Auto Publish Powered By : XYZScripts.com