ئه‌ڤرۆ نیوز:
ل ناڤ ئاخا كوردستانێ و ل سنورێ پارێزگه‌ها هه‌له‌بجه، پاسدارێن ئیرانێ، لیواییه‌كێ خانه‌شین یێ پارتى ب ناڤێ ” سه‌ید به‌هائه‌دین سه‌ید محه‌مه‌د” ل گه‌ل دو زێره‌ڤانێن وى ب ناڤێ ( عه‌بدولا محه‌مه‌د ) و ( كوسار عوسمان) كو كورێ شه‌هیده، هاتنه گرتن و بۆ باژێرێ پاوه ل رۆژهه‌لاتێ كوردستانێ دهێته ڤه‌گوهاستن.
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێمێ راگه‌هاند كو ژ رێكه‌فتى 2015.2. 17 رۆژا سێشه‌مبى هه‌رێم دێ كه‌ڤيته به‌ر پێله‌كا دى يا به‌فر و بارانان.
د نڤيساره‌كێ دا كو دانه‌ك ب ده‌ست ئه‌ڤرۆ نيوز كه‌فتيه پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێمێ هاتيه: “ل رێكه‌فتى 2015.2. 17 رۆژا سێشه‌مبى هه‌رێم دێ كه‌ڤيته به‌ر فشارێن نزمێن ده‌ريا ناڤه‌راست و ده‌ريا سۆر و ژ ئه‌نجامێ ئێكگرتنا فشارێن ڤان هه‌ردو فشاران دێ باران ل هه‌موو ده‌ڤه‌رێن هه‌رێما كوردستانێ باريت”.
زێده‌تر هاتيه: “پاشان ل رۆژا چارشه‌مبى رێكه‌فتى 2015.2.18 دێ رێيا ڤان هه‌ردو فشارێن نزم هێته گوهۆڕين بۆ فشارێن نزمێن وه‌لاتێ توركيا كو هه‌وايه‌كێ گه‌له‌ك سار ل گه‌لدايه و ژێده‌رێ وێ ژى ژ ناڤه‌راستا رۆسيايه، دێ ل هنده‌ك ده‌ڤه‌ران باران باريت و ل ده‌ڤه‌رێن چيايى ژى به‌فر باريت”.
ئاماژه ب وێ چه‌ندێ ژى كريه كو رۆژا پێنجشه‌مبى ژى دێ ئه‌سمان ب ته‌مامى ئه‌ور بيت و باران باريت و ل ده‌ڤه‌رێن چيايى ژى به‌فر دێ باريت و رۆژا پاشتر ژى دێ ئه‌سمان ب ته‌مامى ئه‌ور بيت و هنده‌ك جاران ژى بيته ساهى و رۆژا شه‌مبى ژى دێ هنده‌ك ده‌مان باران بيت و ل ده‌ڤه‌رێن چيايى ژى به‌فر باريت.
ل دانێ سپێدێ يێ رۆژا ئێكشه‌مبى ژى ب گۆره‌يى ڤێ نڤيسارێ دێ به‌فر ل ده‌ڤه‌رێن چيايى باريت و پاشان هێدى هێدى كارتێكرنا ڤان شه‌پۆلا ل سه‌ر هه‌رێما كوردستانێ ب دووماهى هێت.
ئاماژه ب وێ چه‌ندێ ژى كريه كو ل رۆژا پێنجشه‌مبى رێكه‌فتى 2015.2.19 ژ ئه‌نجامێ بارينا بارانێ دێ پلێن گه‌رمێ گه‌له‌ك نزم بن و ل هنده‌ك ده‌ڤه‌ران هێنه د بن سفرێ دا و بۆ ماوێ چه‌ند رۆژان د به‌رده‌وام بن و مه‌ودايێ ديتنێ ژى ل هنده‌ك ده‌مان دێ كێمتر بيت ژى پێنج كيلۆمه‌تران.
ئه‌ڤرۆ نيوز:
وه‌زاره‌تا ره‌وشه‌نبيرى ل حوكمه‌تا هه‌رێما كوردستانێ بڕيارا راگرتنا كه‌نالێ NRT بۆ حه‌فتيه‌كێ دا و رێڤه‌به‌ريا كه‌نالى ژى راگه‌هاند كو ئه‌و ب وێ بڕيارێ د پابه‌ند نابن.
ب گۆره‌يى ئه‌و پێزانينێن NRT به‌لاڤكرين به‌رپرسه‌كێ وه‌زاره‌تا ره‌وشه‌نبيرى ل حوكمه‌تا هه‌رێما كوردستانێ ب فه‌رمى داخواز ژ كه‌نالێ ناڤبرى كريه كو هه‌ر ژ رۆژا 16ى ڤێ هه‌يڤێ ده‌مژمێر 8 كه‌نالێ خوه ب راگرن و ل 23 ڤى هه‌يڤێ هه‌مان ده‌مژمێر كه‌نالى ڤه‌كه‌ن.
د ڤێ نڤيسارێ دا كو مێژوويا 15 شياتێ ل سه‌ره، ئيمزا هه‌لگۆرد جنديانى رێڤه‌به‌رێ گشتيێ راگه‌هاندێ ل سه‌ره و ئاماژه ب ئه‌گه‌رێ داخستنا كه‌نالى نه‌هاتيه كرن.
كه‌نالێ NRT ژى راگه‌هاند كو ئه‌و پابه‌ند نابيت ب بڕيارێ ب به‌هانه‌يا وێ چه‌ندێ كو كه‌نالى چو قانوونێن هه‌رێما كوردستانێ يێن گرێدايى ڤى كه‌رتى بن پێ نه‌كرينه.
ئه‌ڤرۆ نيوز:
رۆژناما سانكى شيميون ئه‌ڤرۆ رۆژا ئێكشه‌مبى راگه‌هاند هێشتا يابان يا بێ هوشه ژ ئه‌نجامێ كوشتنا دو وه‌لاتيێن وێ ژ لايێ داعش ڤه، 15 مليۆن دۆلار ژى بۆ ژناڤبرنا ڤێ رێكخراوێ ل رۆژهه‌لاتا ناڤێن و ئه‌فريقيا ته‌رخانكرن.
ڤێ رۆژنامێ ئاماژه ب وێ چه‌ندێ ژى كريه كو توكيۆ دڤێت د ماوێ ڤێ ده‌سپێشخه‌ريێ دا هندێ بگه‌هينيت كو ئه‌و تيرۆرێ ب خودان ناكه‌ت و ئه‌ڤه دێ د چارچۆڤێ كۆنفرانسێ نه‌هێلانا تيرۆرێ دا هێنه دان ئه‌وێ بڕياره ل چارشه‌مبيا بهێت ل واشنتۆن برێڤه بچيت.
ئه‌ڤ هاريكاريه دێ ب رێيا رێكخراوێن نێڤده‌وله‌تى هێنه به‌لاڤكرن ل وان ده‌ڤه‌رێن زيانڤێكه‌فتين، ژ وان ژى باژارێن عيراق و سوريا يێن كه‌فتينه د ده‌ستێ داعش دا و وێران بووين.
يابانێ ل 17ى كانوونا دويێ 200 مليۆن دولار بۆ هاريكاريا وه‌لاتێن زيان ڤێكه‌فتى ژ ئه‌نجامێ هێرشێن داعش ته‌رخان كه‌ت.
سه‌رۆك وه‌زيرێ يابانێ شينزۆ ئابى ره‌نخنه گرتن و ئاماژه ب وێ چه‌ندێ كر كو ئه‌وان ئه‌و 200 مليۆن دولا به‌رهه‌ڤ كربوون به‌رامبه‌ر ئازادكرنا وان هه‌ردو وه‌لاتيێن يابانى، به‌لێ پشتى ئه‌وان سياسه‌تا خوه گوهۆڕى و داخوازا ئازادكرنا زيندانيه‌كا د زيندانا ئوردن دا كر.
ل ده‌سپێكا ئه‌ڤ ساله داعش راگه‌هاند كو ئه‌وان هه‌ردو وه‌لاتيێن يابانى سه‌رژێكرينه و ئه‌ڤێ چه‌ندێ ژى يابان مه‌نده‌هۆش كر ئه‌وا ل به‌ر بوو ب دانوستاندنان و به‌رامبه‌ر فديان يان ژى ئازادكرنا ديلێن وان بهێنه گوهۆڕين.
دیندار عه‌بد ئیسماعیل حه‌سه‌ن سه‌رۆكێ لیژنا قانوونى ل جڤاتا پارێزگه‌ها دهۆكێ بۆ ئه‌ڤرۆ نیوز دیاركر كو چو تشتێ فه‌رمى بۆ وان نه‌هاتيه ل سه‌ر ڤه‌گوهاستنا ئه‌و عه‌ره‌بێن ل وان گۆندێن پێشمه‌رگه‌يی رزگاركرین بێنه ناڤ هه‌رێما پارێزگه‌ها دهۆكێ.
ناڤبری ئه‌و چه‌نده ژی دازانین كو ئه‌و وه‌كو ئه‌ندامێ جڤاتێ و سه‌رۆكێ لیژنا قانوونى دبينيت كو هاتنا وان دێ چه‌ندین ئاریشان په‌يدا كه‌ت و گۆت: “ب ره‌نگه‌كێ ئێكجارى ئينانا وان و ئاكنجيكرن ل پارێزگه‌هێ ره‌تدكه‌ين”.
دینداری ئه‌و چه‌نده ژی دازانین كو ره‌وشا ئابووری و دیموگرافیا پارێزگه‌هێ هند دشێت ئاواران وه‌ربگریت و نها فشاره‌كا زوورا هه‌مه‌لایه‌ن ل سه‌ر وه‌لاتیێن پارێزگه‌هێ و دام و ده‌زگه‌هێن وێ هه‌یه، له‌ورا هاتنا هه‌ر ئاواره‌یه‌كێ دی ناهێته قه‌بوولكرن و شیان هند دشێن وه‌ربگرن.
دیندار عه‌بد گۆت: “هاتنا هه‌ر هژماره‌كا ئاواره‌یان ب خوه دروست بوون و په‌یدابوونا چه‌ندین ئاریشێن ئیداری و مرۆڤی یه هه‌تا ب شێی چاره بكه‌يی، ئه‌ڤجا ئينانا هنده‌ك گۆندنشينێن پێشمه‌رگه‌يى گۆندێن وان ئازاد كرين دێ بيته بارگرانى ل سه‌ر پارێزگه‌هێ و مه‌ترسيا ئه‌منى ژى ل سه‌ر پارێزگه‌هێ دێ زێده بيت”.
وه‌كو چاره بۆ ڤێ كێشى سه‌رۆكێ لژنا قانوونى ل جڤاتا پارێزگه‌ها دهۆكێ دبێژيت: “پێدڤيه ل جهه‌كێ دوور ژ به‌رۆكێن شه‌رى وه‌كو كه‌مبه‌كێ بۆ بهێته دروست كرن و ب ره‌نگه‌كێ گه‌له‌ك باش چاڤدێريا وان بهێته كرن”.
ئەڤرۆ نیۆز، قائید میرۆ:
وەزیرێ ساخلەمیێ ئاماژە ب ڤێ چەندێ دکەت، کو ھەر کۆمپانیەک نۆشدار و کارمەندێن ساخلەمی بێی وەزارەتێ ببەتە ژ دەرڤە، دێ ناڤێ کۆمپانیێ چیتە د لیستا رەش دا.
رێکەوت حەمە رەشید، وەزیرێ ساخلەمیێ ل حوکمەتا ھەرێما کوردستانێ د داخویانیەکێ دا کو وێنەیەک بۆ مالپەڕێ ئەڤرۆ نیۆز ھنارتیە و تێدا ھاتیە” حوکمەت دێ بەردەوامبیت ل سەر ھنارتنا نەخۆشێن پەنجەشیرێ بۆ دەرڤەی وەلاتی و ھەر کۆمپانیەک نۆشدار و کارمەندێن ساخلەمی بێی ئاگەھداریا وەزارەتێ ببەتە دەرڤە دێ کەڤیتە لیستا رەش دا”.
وەزیرێ ساخلەمیێ گۆتژی” دێ کار ب بھایەکێ ئێکگرتی بۆ ھەموو جۆرێن دەرمانی ھێتەکرن، ھەتا بشێین ب شێوەیەکێ زۆر باش خزمەتا وەلاتیان بکەین”.
كوردێن باكوری كوردستانێ به‌رده‌وامن ژ نه‌رازییین خوه ل باژێرێن توركیا.
نه‌رازیبونێن كوردان په‌یوه‌ندی ب رێ و ئاوایێن توندێن ئه‌منی ڤه هه‌یه كو ئه‌ڤه بۆ ماوه‌یێ چه‌ند رۆژه‌كانه ده‌وله‌تا توركیا گرتینه به‌ر .
ل گوری ژێده‌ران پولیسێن ئاسایشا تركیا ری و ئاوایێن توند گرتینه به‌ر ل هه‌مبه‌ر وه‌لاتیێن كورد و كوردان ژی ده‌ست ب خوه‌نيشاندانان كریه.
ژ ئه‌نجامێ ئه‌ڤان شه‌ر و په‌ڤچوونێن خوه‌نيشانده‌ران و پولیسێن توركیا چه‌ند كه‌سه‌ك ژ هه‌ردو لایان برینداربوون و چه‌ندین وه‌لاتی ژی هاتینه ده‌سته‌سه‌ركرن.
ئه‌ڤرۆ نيوز:
سه‌رۆكێ رێكخراوا به‌در گه‌فێن چوونا ناڤ كه‌ركووك دكه‌ت و دده‌ته دياركرن ئه‌و دێ ل دو رۆژێن داهاتى ل ناڤ كه‌ركووك بيت و هيڤى دكه‌ت قاسم سلێمانى فه‌رماندێ فه‌يله‌قا قودس ژى ل وێرێ ئاماده بيت.
هادى عامرى سه‌رۆكێ رێكخراوا به‌در و سه‌رپه‌رشتيارێ مه‌يدانى يێ ميليشياتێن حه‌شه‌د شه‌عبى گه‌فان دكه‌ت ب چوونا هێزێن خوه ڤه بۆ ناڤ كه‌ركووك بۆ ئاگه‌هدار بوون ژ ره‌وشا باژێرى، ژ به‌ر ئه‌و هێرشێن به‌رى دو حه‌فتيان ژ لاىێ چه‌كدارێن داعش ڤه كريه سه‌ر كه‌ركووك ل وێ پارێزگه‌هێ.
نيشاندان