ئەڤرۆ نیوز، عەلی حاجی :

د داخویانیەکێ دا هاریکارێ سەروکێ زانکویا زاخۆ بۆ کاروبارێن قوتابیان بۆ ئەڤرۆ نیوز دیار کر ب فەرمانەکا کارگێری ژلایێ کارگێریا زانکویا زاخۆ ڤە دەواما فەرمی بۆ فەرمامبەرێن زانکویێ هاتە کێمکرن.

زێدەتر پروفیسورێ هاریکار دکتور کاروان فەهمی گوت: (دەمێ دەواما فەرمی یا فەرمانبەرێن زانکویا زاخۆ ژ دەمژمێر ٨:٣٠ی سپێدێ هەتا ٢:٣٠ێ نیڤرۆ بوو بەلێ ژبەر خوە پاراستن ژ ڤایروسێ کورونایێ دەواما فەەمی بۆ دەمژمێر و نیڤێ هاتە کێم کرن ئانکو دەواما فەرمی بۆ فەرمانبەرومان دێ هەتا ئێکێ نیڤرۆ بیت و ژ سوباهی پێڤە روژا دو شەمبێ ئەڤ بریارە دێ کەڤیتە د بوارێ جێبەجێ کرنێ دا و ئەڤ بریارە دێ بو دەمکی بیت هەتا کو مەترسیا بەلاڤ بونا ڤایروسێ کورونا ب دوماهی بهێت).

ئەڤرۆ نیوز،عەلی حاجی :

د داخویانیەکێ دا قائیمقامێ زاخۆ بۆ ئەڤرۆ نیوز دیار کر گرتنا دەرگه‌هێ توخیبی یێ دناڤبەرا کوردستانێ و تورکیا دا هاتیە گرتن و هەتا نوکە بزاڤا بازرگانی یا بەردەوامە.

زێدەتر بوتان محسن گۆت : دا کو هندەک بازرگان و دوکاندار بۆ خوو بازاری ب دەلیڤە نەبینن مە لژنەیەک پێک ئینایە ژ لژنا دیفچوونا بازاری ل قائیمقامیا زاخۆ و جاڤدێریا بازرگانی و ئاسایش و پۆلیسێن زاخۆ دا کو ب هویر بینی چاڤدێریا بازاری بکەن و هەر کەسەکێ بهایێ کەل و پەلێن خوە ب تایبەتی ژی ئازوقەیی گرانتر کر بیت دێ هێتە سزا دان و نابیت هیچ کەسەکێ بازرگان ڤێ چەندێ بو خوە ب دەلیڤە ببینیت،هەر کەسەکێ کەل و پەلێن خوە گران بکەت دێ جهێ وی هێتە گرتن یان ژی دێ ب کوژمەکێ پارەیی هێتە سزادان یان ژی دێ بۆ دادگەهێ هێتە رەوانە کرن. و گوت ژی : پێدڤی ناکەت خەلک خوە ب ترسینیت و هەتا نوکە ژی بزاڤا بازرگانی دناڤبەرا کوردستانێ و وەلاتێ تورکیا دا یا بەردەوامە و بەردەوام ژی پێدڤیێن خوراکی یێ د هێنە دناڤ کوردستانێ دا و چ کێشەیەک دروست نەبویە.