ئه‌ڤرۆ نیوز:
وه‌زاره‌تا په‌روه‌ردێ ل هه‌رێما كوردستانێ سالناما خواندنێ یا ئه‌ڤ ساله و ده‌ستپێكا خواندنێ ل سالا بهێت راگه‌هاند.
سالناما خواندنێ یا 2019 – 2020 ل هه‌رێما كوردستانێ هاته به‌لاڤكرن
سه‌ره‌كى Facebook
نڤیسینگه‌ها عادل عه‌بدولمه‌هدى رۆهنكرنه‌كێ ل دۆر “روودانا مه‌ترسیدار” دده‌ت
ئه‌ڤرۆ نیوز:
ژێده‌ره‌كى ژ نڤیسینگه‌ها عادل عه‌بدولمه‌هدى سه‌رۆك وه‌زیرێن عیراقێ ره‌تكر شاندێ بلند یێ حوكمه‌تا عیراقێ ل وه‌لاتێ چینێ تووشى روودانه‌كا مه‌ترسیدار ببیت.
وى ژێده‌رى بۆ سایتێ (رووسیا ئه‌لیه‌وم) راگه‌هاند” هنده‌ك ده‌نگوباس به‌حس ل وێ چه‌ندێ دكه‌ن كو شاندێ بلند یێ حوكمه‌تا عیراقێ ل چینێ ب سه‌رۆكاتیا عادل عه‌بدولمه‌هدى سه‌رۆك وه‌زیرێن عیراقێ تووشى روودانه‌كا مه‌ترسیدار بوویه، به‌لێ ب هیچ شێوه‌كى ئه‌ڤ ده‌نگوباسه یێ راست نینه و تشته‌كێ وه‌سا چێنه‌بوویه كو جهێ سه‌رنجێ بیت”.
گۆت ژى” ل ده‌مێ چوونا كاروانێ شاندێ عیراقى ل سه‌ر پرا (هایوان) بارانێ و باى ده‌ستپێكر، ئه‌ڤه ژى بۆ سه‌قایێ وه‌لاتێ چینێ ئاسایى یه و شاندێ عیراقێ تووشى چو روودان و مه‌ترسیان نه‌بوویه”.
چه‌ندین ده‌زگه‌هێن راگه‌هاندنێ یێن عیراقى به‌لاڤكربوو كو شاندێ بلند یێ حوكمه‌تا عیراقێ ل وه‌لاتێ چینێ د مه‌ترسیه‌كا مه‌زن دا بوون ژ ئه‌گه‌رێ بارانێ و بریسیان ل سه‌ر ئێك ژ درێژترین پرێن وه‌لاتێ چینێ و جیهانێ.
سوباهى شانده‌كێ په‌رله‌مانێ كوردستانێ دێ چیته به‌غدا
ئه‌ڤرۆ نیوز:
بریاره سوباهى چارشه‌مبى 25/9/2019 شانده‌كێ په‌رله‌مانێ كوردستانێ بچیته به‌غدا و ل دۆر بودجێ و په‌ترۆلێ و مادێ 140 یێ دستوورێ عیراقێ ل گه‌ل په‌رله‌مانێ عیراقێ كۆم ببیت.
محه‌مه‌د سه‌عده‌دین، بریارده‌رێ لژنا دارایى ل په‌رله‌مانێ كوردستانێ راگه‌هاند” ئێڤاریا سوباهى شانده‌ك ژ په‌رله‌مانێ كوردستانێ ب سه‌رۆكاتیا جێگرێ سه‌رۆكێ په‌رله‌مانى دێ سه‌ره‌دانا به‌غدا كه‌ت”.
گۆت ژى” شاندێ په‌رله‌مانى ل رۆژا پێنجشه‌مبى 26/9/2019 دێ چیته په‌رله‌مانێ عیراقێ بۆ دانوستاندنێ ل سه‌ر سێ كێشێن سه‌ره‌كى د ناڤبه‌را به‌غدا و هه‌رێمێ دا، ئه‌وژى پرۆژێ بودجا عیراقێ یا سالا 2020 و كێشا په‌ترۆلێ و كێشا ده‌ڤه‌رێن كوردستانى یێن ده‌رڤه‌ى ئیدارا هه‌رێما كوردستانێ ودانوستاندن ل گه‌ل لژنێن تایبه‌تمه‌ندێن په‌رله‌مانێ عیراقێ د به‌رنامێ كارێ سه‌ره‌دانێ دایه”.
ل ده‌ستپێكا هه‌يڤا 10 ئه‌ڤ بريارا وه‌زاره‌تا ناڤخوه دێ هێته بجهئينان
ئه ڤرۆ نيوز:
برياره‌كا وه‌زاره‌تا ناڤخوه ل هه‌رێما كوردستانێ سه‌باره‌ت ترومبێلێن حكومى ل رۆژا 1/10/2019 دێ هێته بجهئینان.
فازل حاجى، په‌یڤدارێ رێڤه‌به‌ریا هاتنوچوونا هه‌ولێرێ گۆت” ب گۆره‌ى بریاره‌كا وه‌زیرێ ناڤخوه ل هه‌رێما كوردستانێ، پشتى دانانا لۆگۆیێ حوكمه‌تا هه‌رێما كوردستانێ ل سه‌ر ترومبێلێن حكومى ژ لایێ رێڤه‌به‌ریێن هاتنوچوونێ ڤه، ل رۆژا 1/10/2019 و پێدا هه‌ر ترومبێله‌كا حكومى پشتى ده‌واما فه‌رمى بۆ كارێ تایبه‌تى بهێته بكارئینان، دێ ژ لایێ ئاسایش و پۆلیس و پۆلیسێن هاتنوچوونێ ڤه ده‌ست ب سه‌ردا هێته گرتن و كه‌سێ سه‌رپێچكار ژى ب ریێا رێڤه‌به‌ریێن هاتنوچوونێ دێ هێته هنارتن بۆ دادگه‌هێ بۆ سزادانا وى ب تۆمه‌تا بكارئینانا مولكێ گشتى بۆ به‌رژوه‌ندیا تایبه‌تى و تاكه كه‌سى”.
ناڤبرى هوشدارى ئاراسته‌ى شۆفێرێن ترومبێلێن حكومى كر و گۆت” داخوازێ ژ هه‌موو شۆفێرێن ترومبێلێن حكومى دكه‌ین، د ئاگه‌هدار بن و پێگیریێ ب ڤێ بریارێ بكه‌ن تاكو خوه تووشى سزایان نه‌كه‌ن”.
ژبه‌ر زێده گایان چار كه‌س هاتبوونه ده‌سته‌سه‌ركرن
ئه‌ڤرۆ نیوز، عه‌لى حاجى:
د داخویانیه‌كێ رێڤه‌به‌رێ جێبه‌جێكرنا زاخۆ بۆ ئه‌ڤرۆ ئاشكه‌را كر چار كه‌س ب تومه‌تا زێده‌گاڤایان هاتبونه ده‌سته سه‌ر كرن لێ دنوكه دا ب كه‌فاله‌ت هاتینه ئازاد كرن و پشتى دقوناغا لێپرسینێ ب دوماهى بهێت دێ ده‌ست ب خراب كرنا وان زێده گاڤیان هێته كرن.
زێده‌تر خزر محه‌مه‌د گوت : بێ هه‌بونا هیچ جیاوازییه‌كێ ئه‌م وان خانیان خراب دكه‌ین یێ زێده‌گاڤى ل سه‌ر ملكێ گشتى یان كه‌سى دا كربیت و گه‌له‌ك كه‌سان زێده‌گاڤى ئه‌نجام دا بون به‌لێ ژلایێ مه‌ڤه رێگرى ل وان هاتیه كرن و هه‌ر دیسان وه‌كو لژنه‌یه‌كا تایبه‌ت كو پێك دهێت ژ من و رێڤه‌به‌ریا پولیسان و باژێرڤانیا زاخۆ و و كاره‌ب و ئاڤێ ل زاخۆ دنوكه دا كار دكه‌ین ل سه رخرابكرنا هنده‌ك خانیێن ب زێده‌گاڤى هاتنیه دروست كرن ل دووڤ بریارا دادگه‌ها زاخۆ و ئه‌و خانیێن دهێنه خراب كرن ژى یێ كه‌سێن بلندن و كه‌سێن نورمال نینن.
ز گوت ژى : پشتى چار كه‌سان ل زاخۆ زێده‌گاڤى كرین و هاتینه ده‌سته سه‌ر كرن پشتى ماوه‌یه‌كێ ب كه‌فاله‌ت هاتنه ئازاد كرن و دنوكه دا كه‌یسا وان دقوناغا لێپرسینێ دایه و هه‌ر ده‌ما لێپرسین ب دوماهى دگه‌ل وان كه‌سان دێ ده‌تس بخرابكرنا وان خانیان ژى كه‌ین و هه‌ر دیسان ل نێزیك پروژه‌یه‌كێ ئاكنجیبونێ ئاریشه ل سه‌ر هه‌بونا پارچه زه‌ڤیان هه‌بون به‌لێ ب راوێژا مه ئه‌و ئاریشه به‌ره‌ڤ قوناغێن چاره‌سه‌ریێ ڤه چوویه و خودانێ پروژه‌یى ئاماده‌یا خوه دیار كرى یه پارچه زه‌ڤیه‌كێ ب كه‌سه‌كێ بده‌ت به‌رامبه‌ر ده‌ست به‌ردار بون ژ پارچه زه‌ڤیا خوه یا نێزیك وى پروژه‌یى.
دوباره كار دێ ب پیڤه‌رێن ئاڤێ هێته كرن
ئه‌ڤرۆ نیوز، عه‌لى حاجى:
د داخویانیه‌كێ دا رێڤه‌به‌رێ ئاڤا زاخۆ بۆ ئه‌ڤرۆ نیوز دیار كر بریاره د ده‌مه‌كێ دا نێزیك دا و دماوێ كێمتر ژ حه‌فتیه‌كێ داكار ب سیسته‌مێ پیڤه‌رێن ئاڤێ ل پارێزگه‌ها دهوكێ بهێته كرن ڤه و سیسته‌مه‌كێ نوو بۆ هاتیه دانان و ئه‌و خه‌له‌تیێن د پیڤه‌رێن ئاڤێ داژ به‌رى نوكه دروست بوین هاتینه چاره‌سه‌ركرن و ئه‌ڤ سیسته‌مه دێ ب بلوتوسى هێته خواندن و دێ ماوێ دانانا پیڤه‌ران ژى بۆ هاولاتیان هێته دانان.
زێده‌تر ئیبراهیم هاشم گوت : پشتى ئه‌ڤ سیسته‌مه بهێته دانان دێ شێن وان كه‌سان سزا بده‌ین یێ زێده گاڤیێ بكه‌تن،به‌لێ ژبه‌ر نه‌بونا یاسایا پاراستنا ئاڤێ ل كوردستانێ گه‌له‌ك سه‌ر پێچى ل سه‌ر تورا ئاڤێ ل زاخۆ هاتینه كرن به‌لێ ژبه‌ر نه‌بونا یاسایێ ئه‌م نه‌شێن هاولاتیێ خوه سزا بده‌ین و خواندنا ئێكێ بۆ یاسایا ئاڤێ ل په‌رله‌مانى هاتیه كرن به‌لێ هێشتا نه‌كه‌ڤتیه بوارێ ده‌نگدانێ دا،هه‌كه ئه‌ڤ یاسایه هاته جێبه‌جێ كرن دێ شێن سه‌رپێچكاران سزا بده‌ین .
ئه‌و چه‌نده ژى دا زانین دنوكه دا ئاڤا زاخۆ ژ ئاڤا پاقژ كرى ئه‌وا دهێته فروتن گه‌له‌ك پاقژتره و زێده‌تر ب كێر ڤه‌خارنێ دهێت و گوت ژى : ب هاریكاریا قایممقامێ زاخۆ ئه‌نجومه‌نێ وه‌زیران دو ئامیرێن پالدانێ بۆ پروژێ ئاڤا زاخۆ دابین كرن .
و گوت ژى : ل دووڤ به‌رهه‌مێ ئه‌م پێك دئینن یێ ئاڤێ زاخۆ ل رێزا ئێكێ دهێت ژ به‌ر كو ل دووڤ هه‌مى پیڤه‌ران پێدڤى یه حكومه‌ت روژانه 250 لێترێن ئاڤێ بۆ هه‌ر تاكه كه‌سه‌كێ دابین بكه‌ت به‌لێ ل دووڤ ئامارێن مه روژانه مه شیایه بۆ هه‌ر هاولاتیه‌كێ پترى 600 لێترێن ئاڤێ مه دابین كرینه.
ياريێن ئه‌ڤرۆ رۆژا سێشه‌مبى
هه‌شت كيلويێن مادده‌يێن هوشبه‌ر ل ئيبراهيم خه‌ليل هاتنه ده‌سته‌سه‌ركرن
ئەڤرۆ نیوز، عەلی حاجی:
ل شەڤا دەرباز بوی دناڤ دەروازا نێڤدەولەتیا ئیبراهیم خەلیل دا دو کەس هاتنە دەستە سە کرن و دگەل دا هەشت کێلویێن ماددەیێن بێ هوشبەر.
ژێدەرەکێ باوەر پێکری ژ ئاسایشا ئیبراهیم خەلیل بۆ ئەڤرۆ نیوز دیار کر ئەو ماددەیێ بێ هوشبەر ژجورێ کریستال بون ژ مەترسی دارترین ماددە دهێتە هەژمارتن کو دو هاولاتیێن هەرێما کورستانێ ب تەما بون وی ماددەیی ڤەگوهێزن وەلاتێ تورکیا،بەلێ ل شەڤا دەرباز بوویی ژلایێ هێزێن مەڤە دناڤ کومەلگەها نێڤ دەولەتی دا ئەو دو کەسە هاتنە دەستە سەر کرن.
گوت ژی : د نوکە دا ئەو کەسە ل ژێر ڤەکولینێ دانە و دان پێدان کرینە کو ددا وی ماددەی رەوانەی وەلاتێ تورکیا کەن و دنوکە دا ئەو ماددەیە دناڤ دەستێن هێزێن مەدانە.
هاتنا بەرهەمێ 28 وەلاتان هاتە قەدە غە كرن
ئەڤرۆ نیوز،عەلی حاجی :
دەروازا ئیبراهیم خەلیل ئینانا مریشكێن 28 وەلاتان قەدە غە كرن ژئەگەرێ ئەنفلەوەنزا بالندا و ئەڤ بریارە ل دووڤ نڤیسارا وەزارەتا چاندنێ یا حوكمه‌تا عێراقێ هاتیە دەر كرن و زێدەباری وێ چەندێ ئینانا هەموو جورێن بالندە و پەلەوەران ب ئێكجاری هاتە قەدە غە كرن .
د وێ راگەهاندنێ دا هاتیە دیار كرن كو ئینانا بەرهەمێن وەلاتێن ( تیجر ، بوتان ، بوركینا فاسو ، باشورێ ئەفریقیا ، مالێزیا ، چین ، ئیسرائیل ، گانا ، كوریا باكور ، كوریا باشور ، كازاخستان ، كەمبودیا ، ماینمار ، مسر ، نیپال ، نێچیریا ، هونگ كونگ ، مەكسیك ، كامیرون ، ئوگەندا بەنگلادیش ، بوسنا هرسیك ، لوكسەمبورگ ، كونگو ، لاوس ، هندستان ، ئەڤغانستان ) نابیت ب چو رەنگی دگه‌ل ئینانا پەلەوەری ژى بۆ ناڤ ئاخا هەرێما كوردستانێ و عیراقێ ب رێیا دەروازێ ئیبراهیم خەلیل رێ بهێتە دان بۆ دەمەكێ نەدیار كری .
ئەز یا دو دلم
ئه‌ڤرۆ نيوز:
کچەکا 22 سالی دلێ خوە بو ئەڤرو ڤەدکەت و دبێژیت: ئەز قوتابیا زانکویێ مە ل قوناغا چارێ، گەنجەکێ 23 سالی حەز ژ من دکەت و گەلەک یێ باشە، من ژی ڤیان بو ھەیە، ئەو پێشمەرگەیە و دڤێت من بو خوە بخوازیت و حەتا یا گوتیە من ھەکە یا رازی بی دێ تە بو خوە خوازم ، بەلێ یا دو دلم نزانم شوو پێ بکەم یان نە، ژبەرکو ئەزا یا ل زانکویێ و ئەو پێشمەرگەیە، لەورا دترسم پشتی ھینگێ کەسەکێ ژ وی باشتر ببینم و پەشیمان ببم ئەڤجا نزانم چ بریارا بدەم؟
خانما ھێژا:
جارێ ئەڤێ بو خوە نەکە ئاریشە کو پێشمەرگەیە ئەڤە نە یا گرنگە ، ژبەرکو گەلەک کەسا خێزان پێک ئینایە و ئاستێ وان یێ زانستی ھندی ئێک نینە، بەلێ د بەختەوەرن، چونکی ل سەر بنەمایێ ڤیانێ رێزگرتنێ و د ئێکدو گەھشتنێ و قەبیل کرنێ خێزان پێکئینایە، بەس مادەم تو یا دو دلی ھێشتا دەمی بدە خوە و لەزێ نەکە و نوکە شوو پێ نەکە، چونکی ھەر دەمێ مرۆڤی بریارەکا بلەز دا دێ پەشیمان بیت، ئەڤجا ئێکدو باشتر بنیاسن و پاش بریارا ھەڤژینیێ بدە.
نيشاندان
WP Facebook Auto Publish Powered By : XYZScripts.com