ئه‌ڤرۆ نیوز، على حاجى:
وارس كۆچه‌ر ئێك ژ كه‌سوكارێن وێ خێزانا پێنج كه‌سى ئه‌وێن د خابیرى دا خه‌ندقین ل ده‌ڤه‌را دوكه‌رێ ل باتیفا بۆ ئه‌ڤرۆ نیوز دیاركر كو ل ده‌ستپێكێ ته‌رمێ سێ كه‌سان هاتبوو ده‌رئینان ئه‌و ژى ژنه‌كا 45 سالى وكچا وێ یا 17 سالى و كورێ وێ یێ 9 سالى.
گۆت ژى” به‌رى ده‌مه‌كێ كێم ته‌رمێ چارى ژى هاته ده‌رئینان”.
ئەڤرۆ نیوز،بارزان مزووری:
کومیسەر ئامر نامق، ژ پشکا ھاتنوچوونا شێخان بۆ ئەڤرو نێوز دیارکر کۆ ل ئێڤاریا ئه‌ڤرۆ ئه‌ینیێ ٢٨/٦/٢٠١٩ ل سەر رێیا سەرەکی یا شێخان بۆ دھۆك، روودانەك د ناڤبه‌را دو ترومبێلان دا ژ جۆرێ تەکسی کوردستان و دۆج تایبەت روودا د ئەنجامدا پێنج کەس بریندار بوونو بۆ نەخوه‌شخانا تەنگاڤیا ل دهۆكێ ھاتن ڤەگوھاستن.
ئەڤرۆ نیوز، رێوار مزیری:
بەرپرسێ راگەھاندنێ ل رێڤەبەریا گشتی یا ساخلەمیا پارێزگەھا دھۆکێ بۆ ئەڤرۆ نیوز دیار کر کو پشتی ل رۆژا ٢٥/٦/٢٠١٩ێ ل باژێرێ ڤییەنا ل وەلاتێ نەمسا، د.شەونم ئەحمەد وەیس، نۆشدارا تایبەتمەند یا نەخۆشیێن ژنان و زارۆبوونێ وەغەر کری و ئەڤرۆ جەنازێ وێ ب رێیا فرۆکخانا هەولێرێ یا نێڤدەولەتی گەهشتیە هەرێما کوردستانێ ژڤانە پشتی دەمەکێ کێم ل گۆرستانا شاخکێ بهێتە ڤەشارتن.
حەمزە رەزیکی، بەرپرسێ راگەھاندنێ ل رێڤەبەریا گشتی یا ساخلەمیا پارێزگەھا دھۆکێ ئاشکرا کر کو د.شەنم ئەحمەد وەیس، ل سالا ١٩٦٥ ێ ل باژێرێ بەغدا ژدایکبوویە و ل سالا ١٩٨٨ باوەرناما بەکالوریوس ب نۆشداریا گشتی ل زانکۆیا مووسل ب دەستڤە ئینابوو.
ناڤھاتی ئاماژە دا وێ چەندێ کو دامەزراندنا وێ یا ئێکێ وەکو نۆشدار ل سەر میلاکێ رێڤەبەریا گشتی یا ساخلەمیا پارێزگەھا کەرکووکێ بوویە و پاش ل سالا ١٩٩٧ێ ھاتیە ڤەگوھاستن بۆ پارێزگەھا دھۆکێ وەکو مامۆستا ل کۆلیژا پزیشکی یا زانکۆیا دھۆک و نۆشدارا تایبەتمەند یا نەخۆشیێن ژنان و زارۆبوونێ ل نەخۆشخانا ئازادی یا گشتی یا فێرکرنێ و پشکێن نەخۆشیێن ژنان و زارۆبوونێ درێژی ب خزمەتا خوە دایە و خزمەتەکا مەزن پێشکێشی نەخۆشێن ژن ل پارێزگەھێ ب گشتی کریە.
بەرپرسێ راگەھاندنێ ل رێڤەبەریا گشتی یا ساخلەمیا پارێزگەھا دھۆکێ خویا کر کو پشتی ژ لایێ کۆمەلا جیھانی یا نەخۆشیێن ژنان و زارۆبوونێ ھاتیە داخوازکرن بۆ پشکداریکرنێ د کونفرانسەکێ نێڤدەولەتی دا ل وەلاتێ نەمسا، ل رۆژا ٢٥/٦/٢٠١٩ ب مخابنیڤە ژ نشکەکێڤە گیانێ خوە ژدەست ددەت
ئەڤرۆ نیوز:
ستێرا مەغرەبی و یانا ئەیاکس ئەمستردام یا ھولەندی حەکیم زیاش ژبەر ئەو ئاستێ بلند ئەوێ ل گەل یانا خوە خولا ھولەندا و قارەمانیا چامپیونیز لیگا دا پێشکێشکری نوکە بوویە جھێ گرنگیا ھژمارەکا یانێن ئورۆپی .
رۆژناما تلیگراف یا ھولەندی ئاشکراکریە ھێرشبەرێ یانا ئەیاکس ئەمستردام حەکیم زیاش نوکە بوویە جھێ گرنگیا یانا سیڤیلیا کو ئەو یانا ئیسپانی دخوازیت بۆ ڤەگوھاستنێن ھاڤینا ئەڤ سالە ھەڤبەستێ ل گەل ئەوی یاریزانی ئیمزا بکەن.
ئەوێ رۆژنامێ ئاشکراکریە ژی یانا سیڤیلیا بەرھەڤیا خوە دیارکریە بۆ ڤەگوھاستنا ئەوی یاریزانێ ھەلبژارتیێ مەغرەب بەرامبەر کوژمێ ٣٠ ملیون یورۆیا و دبیت پشتی قارەمانیا کاسا ئەفریقا ل سەر ئاستێ ھەلبژارتیان ئەو ھەڤبەست بھێتە راگەھاندن ژلایێ یانا سیڤیلیا ڤە .
ئەڤرۆ نیوز:
ھژمارەکا یانێن مەزن ل ئورۆپا دخوازن ل ھاڤینا ئەڤ سالە ھەڤبەستێ ل گەل ستێرا گەنج یا فرەنسی و یانا بەرشەلۆنا عوسمان دێمبلی ئیمزا بکەن تایبەت یانا بایرن میونیخ کو نوکە یا بزاڤێن مەزن دکەت بوو دەستڤە ئینانا ئەوی یاریزانی تایبەت پشتی ئەو یانە نەشیای د ڤەگوھاستنا ستێرا مانچێستەر سیتی لیرو سانی ب سەرکەڤیت.
رۆژناما موندو دیپورتیفو یا ئیسپانی بەلاڤەکریە رێڤەبەرێ کاروبارێن یاریزانێ فرەنسی عوسمان دێمبلی دیارکریە کارگێریا یانا بەرشەلۆنا ئەو ئاگادارکریە ھەر یانەکا جەزا ئیمزاکرنا ھەڤبەستێ ل گەل دێمبلی ھەبیت پێدڤی یە ٤٠٠ ملیون یورۆیا پێشکێشی بەرشەلۆنا بکەن.
موسی سیسوکو رێڤەبەرێ وی یاریزانێ ناڤبری ئاماژە ب وێ چەندێ ژی کر راھێنەرێ بەرشەلۆنا ڤالڤێردی ناخوازیت ل ڤی دەمی دەستا ژ ئەوی یاریزانێ خوە یێ فرەنسی بەردەت و ژبەر وێ چەندێ ژی بەرشەلۆنا ناخوازیت ب سانەھی دەستا ژ ئەوی یاریزانێ خوە بەردەت و کوژمەکێ مەزن یێ پارەی دانایە بەر فروتنا ئەوی .
ئەڤرۆ نیوز:
دەنگوباسێن ڤەگەراندنا نیماری بوو یانا بەرشەلۆنا نوکە بوویە گەرمترین دەنگوباس ل راپورتێن رۆژنامەڤانی ل ئورۆپا ل ماوێ چەند رۆژێن بوری یانا پاریس بریار دا بوو ب مەرجەکی ئەو دێ دەستا ژ نیماری بەردن ئەوژی بەرامبەر ٣٠٠ ملیون یورۆیا لێ یانا بەرشەلۆنا ئەو داخوازیا وێ یانا فرەنسی رەتکر بوو.
رۆژناما لو باریزیان یا فرەنسی دیارکریە پشتی یانا بەرشەلۆنا داخوازیا پاریس رەتکری ئەوێ یانا فرەنسی دەرگەھەکێ دی بوو یانا بەرشەلۆنا ڤەکر بوو دانوستاندنان و ل دیڤ گوتنا ئەوێ رۆژنامێ یانا پاریس یا رازی یە نیماری ب وی کوژمێ ژ بەرشەلۆنا کری بفروشیت وێ یانێ ڤە ئەوژی ٢٢٢ ملیون یورۆنە کو بەری دو سالان ب وی کوژمێ نیمار ھاتبوو ڤەگوھاستن بوو یانا پاریس سانجێرمان.
ھەژی گوتنێ یە بەری چەند رۆژان جێگرێ سەرۆکێ یانا بەرشەلۆنا جوردی کاردونێر دوپاتکر بوو نیماری حەزا ڤەگەراندنا یانێ ھەیە و ئەوی داخوازی کریە جارەکا دی ڤەگەریتە یانا بەرشەلۆنا.
ئەڤرۆ نیوز:
یانا ئەی سی میلان یا ئیتالی بوو وەرزێ نوو نەشێت پشکداریێ د قارەمانیێن ئورۆپی دا بکەت پشتی ژلایێ دادگەھا کاس ڤە ھاتیە دورخستن .
ئەڤرۆ دادگەھا کاس یا تایبەت ب ئاریشەیێن نیڤدەولی و یانێن وەرزشی ڤە ب فەرمی بریارا دورخستنا یانا ئەی سی میلان دا ژ قارەمانیا بھێت یا یورۆپا لیگ بوو وەرزێ ٢٠١٩-٢٠٢٠ ژبەر ئەگەرێ سەرپێجیا وێ بۆ یاریا داریی و پاقژ .
یانا میلان یا ئیتالی ل وەرزێ ٢٠١٨-٢٠١٩ شیابوو ل رێزا پێنجێ بھێت د رێزبەندیا خولا کاتشیو دا و شیابوو پلێتا دەربازبوونێ بۆ قارەمانیا یورۆپا لیگ ب دەستخوڤە بینت لێ پشتی ڤێ بریارێ ئەوێ مافێ پشکداریێ نابیت بوو وەرزێ نوو ل جھێ وێ یانەکا دی دێ پشکداریێ کەت.
ئەڤرۆ نیوز ، عەلی حاجی :
زێدەتر ژ7 رۆژایە لێگەریان ل تەرمێ (مێهڤان ئاڤدەل)ی ژلایێ تیمێن نقومەڤانی ڤە ل پارێزگەها دهوكێ و كەسوكارێن وی يا بەردەوامە وهه‌تا نوكه نەشیاینە تەرمێ وی ببینن ، شیلی بوونا ئاڤێ بوویە ریگر كو لێگەریان ب زەحمەتر بكەڤیت.
ئه‌ڤرۆ نيوز:
جێگرێ سه‌رۆكێ په‌رله‌مانێ عيراقێ داخوازيه‌ك ئاراسته‌ى حوكمه‌تا هه‌رێما كوردستانێ كر كو فرۆكه وترومبێلێن هاوارهاتنێ زێده‌تر بهنێريت بۆ پشكداريێ د ڤه‌مراندنا ئاگرێه‌كارگه‌ها كبريتا مشراق ل مووسلێ.
نڤيسينگه‌ها جێگرێ سه‌رۆكێ په‌رله‌مانێ عيراقێ به‌شير حه‌داد به‌لاڤكر كو پشتى ئاگر به‌ربوويه كۆمپانيا گشتى يا كبريتا مشراق وده‌ڤه‌رێن ده‌وروبه‌ر ل باشوورێ مووسلێ، به‌شير حه‌داد به‌رده‌وام د په‌يوه‌نديێ دا بوو ل گه‌ل حوكمه‌تا هه‌رێما كوردستانێ وداخواز ژ جهێن په‌يوه‌نديدار كر به‌رده‌وام بن د هنارتنا فرۆكێن ئاگرڤه‌مراندنێ
نيشاندان