ئەڤرۆ نیوز:
ستێرا ھێلا ناڤینا یانا بروسیا دورتموند و ھەلبژارتیێ ئەلمانیا ماریو گوتزە بوویە جھێ گرنگیا یانا ئەرسینال یا ئنگلیزی بوو ڤەگوھاستنا ئەوی ل ھاڤینا ئەڤ سالە .
یانا ئەرسینال دخوازیت بوو وەرزێ بھێت ب ھێزتر بھێتە دناڤ ھەڤرکیێن خولا ئنگلتەرا و قارەمانیێن نافخوی کو ل وەرزێ ئەڤ سالە نەشیای چ ناسناڤان ب دەستخوڤە بینت تایبەت پشتی ل شەڤا بوری ناسناڤێ یورۆپا لیگ ژ دەستدای و نەشیای پلێتا دەربازبوونێ بۆ قارەمانیا چامپیونیز لیگ بوو وەرزێ بھێت مسوگەر بکەت.
رۆژناما میرو یا برێتانی دیارکریە بەرپرسێن یانا ئەرسینال یا لەندەنی دەست ب لڤینا کریە بوو ڤەگوھاستنا ستێرا ھێلا ناڤینا یانا بروسیا دورتموند و ھەلبژارتیێ ئەلمانیا ماریو گوتزە بوو وەرزێ بھێت .
ھەژی گوتنێ یە کارگێریا یانا ئەرسینال کوژمێ ٤٠ ملیون جینێ ئیسترلینی وەکو میزانیا دەستپێکێ بوو ڤەگوھاستنێن ھاڤینێ بەرھەڤکرینە و چاڤەرێ یە ھژمارەکا یاریزانێن خوە ژی بفروشیت و ب وی کوژمێ پارەی و ل گەل ٤٠ ملیونێن یانێ دەست نیشانکری ھەڤبەستێ ل گەل چەند یاریزانێن نوو ئیمزا بکەت.

ئەڤرۆ نیوز:
بەرەڤانێ ھولەندی و یانا ئەیاکس ئەمستردام ماتیس دی لیگت نوکە بوویە جھێ ھژمارەکا چەندین یانێن مەزن ل سەر ئاستێ ئورۆپا ژبەر وی ئاستێ بلند ئەوێ ل گەل یانا خوە دخۆلا ھولەندا و قارەمانیا چامپیونیز لیگ دا پێشکێشکری کو دەنگوباس وەسا دیاردکەن یانا بەرشەلۆنا ژ ھەر یانەکا دی پتر نێزیکە ھەڤبەستێ ل گەل ڤی یاریزانی ئیمزا بکەت .
رۆژناما تیلگراف یا برێتانی دووماھیی دەنگوباسێ خوە ل سەر ھەڤرکیا دەستڤە ئینانا دی لیگت بەلاڤەکریە و تێدا دیارکریە یانا پاریس سانجێرمان ب ھێز ھاتیە دناڤ ھەڤرکیا دەستڤە ئینانا شیانێن وی بەرەڤانێ ھولەندی و کوژمەکێ مەزن یێ پارەی بوو ئەوی یاریزانی تەرخانکریە گەلەک ژ یێ یانا بەرشەلۆنا بلندترە.

ئەڤرۆ نیوز:
چاڤەرێ دھێتەکرن پشتی یاریا دووماھیا قارەمانیا چامپیونیز لیگ یا دناڤبەرا لیڤەرپول و توتنھام ھەڤبەستا یاریزانێ ئیسپانی و یانا توتنھام فرناندو یورینتی ل گەل وێ یانێ ب دووماھیی بھێت پشتی کرنا یاریێ بوو ماوێ دو سالان ل گەل وێ یانا ئنگلیزی.

مالپەرێ کاتشیو مێرکاتو ئیتالی دیارکریە یانا توتنھام یا ئنگلیزی یاریزانێ خوە یێ ئیسپانی فرناندو یورینتی یێ ٣٤ ئاگادارکریە ئەو ل گەل پلانا ئەوان نینە بوو وەرزێ ٢٠١٩-٢٠٢٠ .
وێ رۆژنامێ ئەو چەندە ژی دیارکریە یانا میلان دخوازیت ھەڤبەستێ ل گەل یورینتی ئیمزا بکەت پشتی ھەڤبەستا ئەوی ل گەل وێ یانا ئنگلیزی ب دووماھیی ھاتی بوو ب ھێز ئێخستنا ھێلا ھێرشبەریا خوە .
ھەژی گوتنێ یە فرناندو یورینتی خودان شارەزایەکا باش دخۆلا ئیتالیا دا کو بەری نوکە بۆ ماوێ دو سالان یاری ل خۆلا ئیتالیا کریە .
یورینتی ژ سالا ٢٠٠٥ ھەتا نوکە یاری ل شەش یانا کریە
٢٠٠٥ ھەتا ٢٠١٣ یانا ئەتلەتیکو بلباو
٢٠١٣ ھەتا ٢٠١٥ یانا یوڤانتوس یا ئیتالی
٢٠١٥-٢٠١٦ ل یانا سیڤلیا یا ئیسپانی
٢٠١٦-٢٠١٧ یانا سوانزی سیتی یا ئنگلیزی
٢٠١٧ ھەتا ٢٠١٩ یاری ل یانا توتنھام یا ئنگلیزی

ئەڤرۆ نیوز:
پشتی ب دووماھیی ھاتنا یاریێن وەرزێ ٢٠١٨-٢٠١٩ یانا میلان یا ئیتالی یا ئیتالی نەشیای دەربازی قارەمانیا چامپیونیز لیگ بیت بوو وەرزێ بھێـت و وێ یانێ ب فەرمی چوونا راھێنەرێ خوە گاتوز راگەھاندی رۆژنامەکا ئیتالی وەسای دیارکریە دو داخوازی نوکە ل بەر دەستێ ئەوی راھێنەری نە بوو وەرگرتنا پوستێ راھێنەریا ئەوان یانان ل وەرزێ بھێت.
رۆژناما لاریبوبلیکا یا ئیتالی دیارکریە ئەنتونیو رومی رێڤەبەرێ وەرزشی و پارێزەرێ یانا سامبدوریا یا ئیتالی پەیوەندی ب گاتوزوی کریە بوو وەرگرتنا پوستێ راھێنەریا وێ یانێ بۆ سێ وەرزێن بھێت.
ھەردیسان ئەوێ رۆژنامێ ئاشکراکریە ژی یانا نیوکاسل یوناید یا ئنگلیزی ژی دخوازیت ھەڤبەستێ ل گەل وی راھێنەرێ ئیتالی ئیمزا بکەت بوو وەرگرتنا پوستێ راھێنەریا وێ یانا ئنگلیزی ل وەرزێ بھێت

ئەڤرۆ نیوز:
چاڤەرێ دھێتەکرن ل ڤەگوھاستنێن ھاڤینا ئەڤ سالە ستێرا ھێلا ناڤینا ھەلبژارتیێ بەرازیل و یاریزانێ یانا بەرشەلۆنا فلیب کوتینھو پێکھاتیێ یانا بەرشەلۆنا ب جە بھێلت کو ل وێ یانێ نە یێ ئارامە و یانا بەرشەلۆنا ژی حەزا فروتنا ئەوی یاریزانی ھەیە و ل جھێ ئەوی ھەڤبەستێ ل گەل یاریزانەکێ دی ئیمزا بکەت .
رۆژناما موندو دیپورتیڤو یا کەتەلونی ئاشکراکریە نوکە کوتینھو بوویە جھێ گرنگیا چەندین یانێن مەزن ل ئورۆپا لێ ژ ھەموو یانان نێزیکتر ھەر ئێک ژ یانێن پاریس سانجێرمان و چێلسی و مانچێستەر یوناید گرنگیەکا مەزن ب ئەوی یاریزانی ددن بوو ڤەگوھاستنا کوتینھوی و کوژمەکێ مەزن یێ پارەی تەرخانکریە بوو ڤەگوھاستنا ئەوی یاریزانێ بەرازیلی.
وێ رۆژنامێ ئەو چەندە ژی دیارکریە یانا بەرشەلۆنا نابیتە رێگر د چوونا کویتنھوی دا لێ بەرامبەر دەست بەردانا ئەوی مەرجەک ھەیە ئەوژی ھەر یانەکا حەزا ئیمزاکرنا ھەڤبەستا ئەوی ھەبیت پێدڤی یە ١٠٠ ملیون یورۆیا پێشکێشی یانا بەرشەلۆنا بکەت.
ھەژی گوتنێ یە ل ڤەگوھاستنێن زڤستانا وەرزێ بوری یێن ٢٠١٨ کوتینھو ژ یانا لیڤەرپول ھاتبوو ڤەگوھاستن بوو یانا بەرشەلۆنا بەرامبەر کوژمێ ١٢٠ ملیون یورۆیا .